ആലപ്പുഴ: ആലപ്പുഴ സ്ത്രീകളുടെയും കുട്ടികളുടെയും ആശുപത്രിയിലേക്ക് 2019-20 വർഷത്തിലേക്ക് തുണികൾ അലക്കുന്നതിനുള്ള ജോലികൾ കരാർ അടിസ്ഥാനത്തിൽ ചെയ്യുന്നതിന് ദർഘാസ്  ക്ഷണിച്ചു. ദർഘാസുകൾ ഫെബ്രുവരി  26 ഉച്ചയ്ക്ക് 12 വരെ നൽകാം. അന്നേദിവസം വൈകിട്ട് മൂന്നിന് തുറക്കും. ദർഘാസുകൾ സൂപ്രണ്ട്,സ്ത്രീകളുടെയും കുട്ടികളുടെയും ആശുപത്രി എന്ന വിലാസത്തിൽ നൽകണം. ഫോൺ: 0477- 2251151, ഇ-മെയിൽ: wcalpv@gmail.com .

കോഴിക്കോട് ജില്ലയില്‍ മുന്‍ വര്‍ഷങ്ങളിലെ സായുധ സേനാ പതാകദിന ഫ്ളാഗുകള്‍ വിറ്റ തുക അടക്കാന്‍ കുടിശ്ശിക വരുത്തിയ സ്‌കൂളുകള്‍, കോളേജുകള്‍, മറ്റ് സ്ഥാപനങ്ങള്‍ 2019 മാര്‍ച്ച് 20 നകം കുടിശ്ശിക വരുത്തിയ തുക കോഴിക്കോട് ജില്ല സൈനിക ക്ഷേമ ഓഫീസില്‍ അടച്ചു രസീത് കൈപ്പറ്റണമെന്ന് സായുധ സേന പതാക നിധിയുടെ ചെയര്‍മാന്റെ നിര്‍ദ്ദേശമുളളതിനാല്‍ സ്ഥാപന മേധാവികള്‍ ഉടന്‍ നടപടി കൈക്കൊളളണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍ - 0495 2771881.

ആലപ്പുഴ:അമ്പലപ്പുഴ താലൂക്കിലെ ജില്ല കളക്ടർ ഇന്ന് (ശനി) നടത്താനിരുന്ന  പൊതുജന പരാതി പരിഹാര പരിപാടിയായ വില്ലേജിൽ ഒരു ദിനം- സഫലം പരിപാടി മാറ്റി. മണ്ണഞ്ചേരി ഗ്രാമപഞ്ചായത്ത് കമ്മ്യൂണിറ്റി ഹാളിലായിരുന്നു പരിപാടി തീരുമാനിച്ചിരുന്നത്.  പുതിയ തീയതി പിന്നീട് അറിയിക്കും.  

പ്രധാൻമന്ത്രി കൃഷി സമ്മാൻ പദ്ധതിക്ക് അപേക്ഷിക്കാം

കോഴിക്കോട്  മേഖലാ  സ്റ്റേഷനറി ഓഫീസില്‍ നിന്നും ഫെബ്രുവരി 20 മുതല്‍ സ്റ്റേഷനറി വിതരണത്തിനായി ഓണ്‍ ലൈന്‍ വൗച്ചര്‍ മാത്രമേ സ്വീകരിക്കുകയുള്ളൂ. കണ്‍സ്യൂമര്‍ ഓഫീസുകളിലെ മേലധികാരികള്‍ ഇക്കാര്യം പ്രത്യേകം ശ്രദ്ധിക്കേണ്ടതാണെന്ന് അസിസ്റ്റന്റ് സ്റ്റേഷനറി കണ്‍ട്രോളര്‍ അറിയിച്ചു.. േേവു://ലാെേശ.സലഹേൃീി.ശി ഫോണ്‍ - 0495 - 2380348.

 ആലപ്പുഴ: പ്രളയാനന്തര കേരളം തദ്ദേശ സ്വയംഭരണ സ്ഥാപനങ്ങളുടെ പങ്ക് എന്ന വിഷയത്തിൽ പഞ്ചായത്ത് കാര്യ വകുപ്പും കേരള ഗ്രാമപഞ്ചായത്ത് അസോസിയേഷനും ചേർന്ന് സെമിനാർ സംഘടിപ്പിച്ചു.

ജില്ലാ ആയുര്‍വ്വേദ ആശുപത്രിയില്‍ ദിവസവേതനാടിസ്ഥാനത്തില്‍ പഞ്ചകര്‍മ്മ തെറാപിസ്റ്റ് തസ്തികയില്‍ നിയമനം നടത്തുന്നതിന് ഫെബ്രുവരി 21 ന് രാവിലെ 10 മണിക്ക് കൂടിക്കാഴ്ച നടത്തും. യോഗ്യത - ഡയറക്ടറേറ്റ് ഓഫ് മെഡിക്കല്‍ എഡ്യുക്കേഷനില്‍ നിന്നും ലഭിക്കുന്ന ഒരു വര്‍ഷത്തെ തെറാപിസ്റ്റ് കോഴ്സ് സര്‍ട്ടിഫിക്കറ്റ്. പ്രായം 18 നും 40 നും മദ്ധ്യേ. താത്പര്യമുളളവര്‍ വിദ്യാഭ്യാസ യോഗ്യത, വയസ്സ്, പ്രവൃത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളും ബയോഡാറ്റയും ആധാര്‍കാര്‍ഡും സഹിതം കോഴിക്കോട് വെസ്റ്റ്ഹില്‍ ഭട്ട് റോഡിലുളള ജില്ലാ ആയുര്‍വ്വേദ ആശുപത്രിയില്‍ എത്തണം. ഫോണ്‍ - 0495 2382314.

ആലപ്പുഴ: ജില്ല പഞ്ചായത്തിന്റെ 2019-20 വർഷത്തെ ബജറ്റ് അവതരണം ഇന്ന് (ഫെബ്രുവരി 16) രാവിലെ 11ന് ജില്ല പഞ്ചായത്ത് കോൺഫറൻസ് ഹാളിൽ നടക്കും. ജില്ല പഞ്ചായത്ത് പ്രസിഡന്റ് അധ്യക്ഷനാകും.

ആലപ്പുഴ: ജില്ലയിലെ ഒഴിവുള്ള തദ്ദേശസ്വയംഭരണ സ്ഥാപനങ്ങളിലേക്ക് നടന്ന ഉപതിരഞ്ഞെടുപ്പിൽ രണ്ടെണ്ണത്തിൽ  സിപിഎമ്മും ഒരെണ്ണത്തിൽ ഇന്ത്യൻ നാഷണൽ കോൺഗ്രസും ഒരെണ്ണത്തിൽ  സ്വതന്ത്രനും വിജയിച്ചു.  ആലപ്പുഴ നഗരസഭയിലെ ജില്ലാകോടതി വാർഡ് (15) തിരഞ്ഞെടുപ്പിൽ സ്വതന്ത്ര സ്ഥാനാർത്ഥി ബി.മെഹബൂബ് 818 വോട്ട് നേടി വിജയിച്ചു. 294 വോട്ടുനേടി ഇന്ത്യൻ നാഷണൽ കോൺഗ്രസിലെ ടോമി ജോസഫ് രണ്ടാം സ്ഥാനത്താണ്. എൻസിപി സ്വതന്ത്രൻ വർഗീസ് ജോൺ പുത്തൻപുരയ്ക്കൽ 272 വോട്ട് നേടി മൂന്നാം സ്ഥാനത്തെത്തി. ഭാരതീയ ജനതാ പാർട്ടിയിലെ ഗീതാ രാംദാസ് 59 നേടി.

മേലടി ബ്ലോക്ക് പഞ്ചായത്തിന്റെ 2018-19 വാര്‍ഷിക പദധതിയില്‍ ഉള്‍പ്പെടുത്തി ഭിന്നശേഷിക്കാര്‍ക്ക് മുച്ചക്ര സ്‌കൂട്ടര്‍ വിതരണം ചെയ്തു. മേലടി ബ്ലോക്ക് പഞ്ചായത്ത് പ്രസിഡന്റ് കെ കുഞ്ഞിരാമന്‍ പദ്ധതി ഉദ്ഘാടനം നിര്‍വഹിച്ചു. 15 സ്‌കൂട്ടറുകളാണ് പദ്ധതി മുഖേന വിതരണം ചെയ്തത്. ചടങ്ങില്‍ വൈസ് പ്രസിഡന്റ് പി.വി കൈരളി, സ്ഥിരം സമിതി അംഗങ്ങളായ പി. ബാലഗോപാലന്‍, ഇ. കുഞ്ഞിക്കണ്ണന്‍, വാര്‍ഡ് മെമ്പര്‍മാരായ പി.വി റംല, ജോയിന്റ് ബിഡിഒ പി.കെ പുരുഷോത്തമന്‍ എന്നിവര്‍ സംസാരിച്ചു.