ഐക്യരാഷ്ട്ര സംഘടന ജനീവയിൽ സംഘടിപ്പിക്കുന്ന ലോക പുനർനിർമാണസമ്മേളനം ഉൾപ്പെടെയുള്ള പരിപാടികളിൽ പങ്കെടുക്കുന്നതിന് മുഖ്യമന്ത്രി പിണറായി വിജയൻ ഇന്ന് (മേയ് എട്ട്) യൂറോപ്പിലേക്ക് യാത്ര തിരിക്കും. നാലു രാഷ്ട്രങ്ങളിലായുള്ള മുഖ്യമന്ത്രിയുടെ യൂറോപ്യൻ പര്യടനം നെതർലൻഡ്‌സ് സന്ദർശനത്തോടെയാണ് ആരംഭിക്കുന്നത്. വെള്ളപ്പൊക്കം ഉൾപ്പെടെ പ്രകൃതിദുരന്തങ്ങൾ നേരിടുന്നതിൽ നെതർലൻഡ്‌സ് നടപ്പാക്കുന്ന മാതൃകകൾ മനസ്സിലാക്കുക സന്ദർശനത്തിന്റെ ഉദ്ദേശ്യമാണ്. 

പത്തനംതിട്ട ജില്ലയിലെ കോന്നിയിൽ പ്രവർത്തിക്കുന്ന കൗൺസിൽ ഫോർ ഫുഡ് റിസർച്ച് ആന്റ് ഡെവലപ്‌മെന്റിന്റെ (സി.എഫ്.ആർ.ഡി) കീഴിൽ കോളേജ് ഓഫ് ഇൻഡിജിനസ് ഫുഡ് ടെക്‌നോളജി (സി.എഫ്.റ്റി.കെ) നടത്തുന്ന എം.എസ്‌സി ഫുഡ് ടെക്‌നോളജി ആന്റ് ക്വാളിറ്റി അഷ്വറൻസ് കോഴ്‌സിലേക്ക് അപേക്ഷ ക്ഷണിച്ചു.  അപേക്ഷിക്കേണ്ട അവസാന തിയതി ജൂൺ ഏഴ്.  അപേക്ഷാഫോമിനും വിശദവിവരങ്ങൾക്കും: www.supplycokerala.com.

പി.എൻ.എക്സ്. 1249/19

2019 മാർച്ചിൽ നടന്ന ഹയർ സെക്കൻഡറി, വൊക്കേഷണൽ ഹയർസെക്കൻഡറി, ടെക്നിക്കൽ ഹയർ സെക്കൻഡറി, ആർട്ട് ഹയർ സെക്കൻഡറി രണ്ടാം വർഷ പരീക്ഷകളുടെ ഫലം ബുധനാഴ്ച (മേയ് 8) രാവിലെ 11ന് പ്രസിദ്ധീകരിക്കും. 

മേയ് 26ന് നടക്കുന്ന കേരള ജുഡീഷ്യൽ സർവീസ് (പ്രിലിമിനറി) പരീക്ഷ(2019)യുടെ അഡ്മിഷൻ ടിക്കറ്റുകൾ യോഗ്യരായ ഉദ്യോഗാർത്ഥികൾക്ക് കേരള ഹൈക്കോടതിയുടെ റിക്രൂട്ട്‌മെന്റ് പോർട്ടലായ www.hckrecruitment.nic.in ൽ നിന്ന് ഡൗൺലോഡ് ചെയ്യാമെന്ന് ഹൈക്കോടതി രജിസ്ട്രാർ (സബോർഡിനേറ്റ് ജുഡീഷ്യറി) അറിയിച്ചു.  വെബ്‌സൈറ്റിലെ Registered Applicant – STEP-II എന്ന ലിങ്ക് ഉപയോഗിച്ച് തങ്ങളുടെ പ്രൊഫൈൽ പേജിൽ ലോഗിൻ ചെയ്തു വേണം അഡ്മിഷൻ ടിക്കറ്റുകൾ ഡൗൺലോഡ് ചെയ്യേണ്ടത്.

പി.എൻ.എക്സ്. 1247/19

സ്‌കോൾ കേരള-നടത്തുന്ന ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ കോഴ്‌സ് (ഡി.സി.എ.) നാലാം ബാച്ചിന്റെ പൊതുപരീക്ഷ ജൂൺ രണ്ടിന് ആരംഭിക്കും. പ്രായോഗിക പരീക്ഷ ജൂൺ രണ്ട്, എട്ട്, ഒൻപത്, 15 തിയതികളിലും, തിയറി പരീക്ഷ ജൂൺ 16, 22, 23, 29, 30 തീയതികളിലും അതത് പഠന കേന്ദ്രങ്ങളിൽ നടക്കും.