തിരുവനന്തപുരം കേരള യൂണിവേഴ്‌സിറ്റി എംപ്ലോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോയിൽ പ്രവർത്തിക്കുന്ന മോഡൽ കരിയർ സെന്ററിൽ ബിരുദധാരികൾ/അവസാനവർഷ ബിരുദവിദ്യാർത്ഥികളായ ഭിന്നശേഷിക്കാർ, ദാരിദ്ര്യരേഖയ്ക്ക് താഴെയുള്ളവർ, പട്ടികജാതി/പട്ടികവർഗ വിഭാഗത്തിൽപ്പെട്ടവർ എന്നിവർക്കായി സൗജന്യ ട്രെയിനിംഗ്-കം പ്ലേസ്‌മെന്റ് പ്രോഗ്രാം സംഘടിപ്പിക്കുന്നു.

തിരുവനന്തപുരം ഗവൺമെന്റ് ലാ കോളേജിൽ സ്വാശ്രയാടിസ്ഥാനത്തിൽ നടത്തുന്ന ത്രിവൽസര യൂണിറ്ററി എൽ.എൽ.ബി (അഡിഷണൽബാച്ച്) കോഴ്‌സിലെ പ്രവേശനത്തിന് അപേക്ഷ ക്ഷണിച്ചു. അഞ്ച് വർഷം റഗുലർ സർവീസുള്ള തിരുവനന്തപുരം ജില്ലയിൽ ജോലിചെയ്യുന്ന ജീവനക്കാർക്ക് (സർക്കാർ/സ്വകാര്യ) അപേക്ഷിക്കാം. പ്രവേശനത്തിനുള്ള അപേക്ഷാഫാറം മേയ് 13 മുതൽ കോളേജ് ഓഫീസിൽ നിന്നും ഉച്ചക്ക് രണ്ട് മുതൽ ഏഴ് വരെ 1000 രൂപ (എസ്.സി/എസ്.റ്റി വിഭാഗക്കാർക്ക് 500 രൂപ) അടച്ച് വാങ്ങാം. അപേക്ഷ സ്വീകരിക്കുന്ന അവസാനതിയതി ജൂൺ 13 വൈകിട്ട് ഏഴു വരെ. ഫോൺ: 9746081444.

പി.എൻ.എക്സ്. 1259/19

കെ.എസ്.ആർ.ടി.സി ഡ്രൈവർ നിയമനവുമായി ബന്ധപ്പെട്ട സൂപ്രീംകോടതി വിധി മാനിക്കുന്നതായി ഗതാഗതമന്ത്രി എ.കെ. ശശീന്ദ്രൻ അറിയിച്ചു. തുടർനടപടികൾ ഗതാഗതവകുപ്പും കെ.എസ്.ആർ.ടി.സിയും വിശദമായ ചർച്ച നടത്തി തീരുമാനിക്കുമെന്നും മന്ത്രി അറിയിച്ചു.

പി.എൻ.എക്സ്. 1257/19

ശ്രീലങ്ക കേന്ദ്രമായ സതേൺ ഏവിയേഷൻ സർവീസസ് പ്രൈവറ്റ് ലിമിറ്റഡിന്റെ തൊഴിൽതട്ടിപ്പിൽപെട്ട് വഞ്ചിതരാകരുതെന്ന് ഗതാഗത വകുപ്പ് പ്രിൻസിപ്പൽ സെക്രട്ടറി മുന്നറിയിപ്പ് നൽകി. വ്യോമയാന മേഖലയിൽ തൊഴിൽ വാഗ്ദാനം ചെയ്ത് കമ്പനി തട്ടിപ്പ് നടത്തുന്നതായി നിരവധി പരാതികൾ ലഭിച്ചതിന്റെ അടിസ്ഥാനത്തിലാണ് മുന്നറിയിപ്പ്. സൗത്ത് ഈസ്റ്റ് ഏഷ്യൻ എയർലൈൻസിൽ ജോലി വാഗ്ദാനം ചെയ്ത് കമ്പനി ഇന്ത്യയിൽ പരസ്യം നൽകുന്നതായി സർക്കാരിന്റെ ശ്രദ്ധയിൽപെട്ടിട്ടുണ്ട്. തിരുവനന്തപുരം എയർപോർട്ട് ഡയറക്ടർ, സംസ്ഥാന പോലീസ് മേധാവി എന്നിവർക്കും വിവരം കൈമാറിയിട്ടുണ്ട്.

  പി.എൻ.എക്സ്. 1256/19

ഈ വർഷത്തെ ഹയർസെക്കൻഡറി, വിഎച്ച്എസ്ഇ പരീക്ഷാഫലങ്ങൾ പ്രഖ്യാപിച്ചു. ആകെ 2047 പരീക്ഷാകേന്ദ്രങ്ങളിലായി സ്‌കൂൾ ഗോയിങ് റെഗുലർ വിഭാഗത്തിൽ 3,69,238 പേർ പരീക്ഷ എഴുതിയതിൽ 3,11,375 വിദ്യാർഥികൾ ഉപരിപഠനത്തിന് അർഹത നേടി. വിജയശതമാനം 84.33 ശതമാനം. കഴിഞ്ഞവർഷത്തെ വിജയശതമാനം 83.75 ആയിരുന്നു.

14,244 പേർ എല്ലാ വിഷയത്തിനും എ പ്‌ളസ് ഗ്രേഡിനർഹത നേടി. 25,581 വിദ്യാർഥികൾ എല്ലാ വിഷയത്തിനും എ ഗ്രേഡോ അതിനു മുകളിലോ നേടി.