കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ മെയ് 21 ന് പുനലൂരിലും 25ന് പീരുമേട്ടിലും മറ്റു പ്രവൃത്തിദിനങ്ങളില്‍ ആസ്ഥാനത്തും സിറ്റിംഗ് നടത്തും. തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ്- കോമ്പന്‍സേഷന്‍ കേസുകളും വിചാരണ നടത്തും. 

സംസ്ഥാന പട്ടികജാതി പട്ടിക ഗോത്രവര്‍ഗ്ഗ കമ്മീഷന്‍ മെയ് 17ന് കോട്ടയത്ത് സിറ്റിംഗ് നടത്തും. കളക്‌ട്രേറ്റ് കോണ്‍ഫറന്‍സ് ഹാളില്‍ രാവിലെ 11 മുതല്‍ വൈകിട്ട് അഞ്ച് വരെയാണ് സിറ്റിംഗ്. 

ജില്ലയിലെ ബാങ്കുകളുടെ പ്രവര്‍ത്തന പുരോഗതി അവലോകനം മെയ് 13 മുതല്‍ 18 വരെ വിവിധ  ബ്ലോക്കുകളില്‍ നടക്കും.

പട്ടിക ജാതി -പട്ടിക വര്‍ഗ്ഗ വിഭാഗങ്ങളില്‍പ്പെട്ട സംരംഭകര്‍ക്കായി വ്യവസായ വകുപ്പ്  പട്ടുനൂലില്‍ കരകൗശല വസ്തുക്കള്‍ നിര്‍മ്മിക്കുന്നതിന് പരിശീലനം സംഘടിപ്പിക്കുന്നു. താത്പര്യമുളളവര്‍  മെയ് 10നകം  കോട്ടയം താലൂക്ക് വ്യവസായ ഓഫീസില്‍ അപേക്ഷ നല്‍കണം. പങ്കെടുക്കുന്നവര്‍ക്ക് താമസ സൗകര്യം, ഭക്ഷണം, യാത്രാബത്ത, വേതന ആനുകൂല്യം എന്നിവ നല്‍കും. ഫോണ്‍: 9539200534 

കുഷ്ഠരോഗ ലക്ഷണങ്ങള്‍ നേരത്തെ കണ്ടെത്തി ചികിത്സ ഉറപ്പാക്കുന്നതിന് ആരോഗ്യ വകുപ്പ് നടത്തുന്ന അശ്വമേധം പരിപാടി മെയ് 14 വരെ നീട്ടി. ഏപ്രില്‍ 29 മുതല്‍ മെയ് 12 വരെയാണ്  ഭവനസന്ദര്‍ശനം നിശ്ചയിച്ചിരുന്നെങ്കിലും പകര്‍ച്ചവ്യാധി പ്രതിരോധ പ്രവര്‍ത്തനങ്ങളുടെ ഭാഗമായ സംസ്ഥാനതല ശുചീകരണ യജ്ഞം 11, 12 തീയതികളില്‍ സംഘടിപ്പിക്കുന്ന സാഹചര്യത്തിലാണ് രണ്ടും ദിവസം കൂടി നീട്ടിയത്. 

വാഹന ലേലം

കോഴിക്കോട് ജില്ലാ പോലീസ് മേധാവിയുടെ അധീനതയിലുളളതും കോഴിക്കോട് ജില്ല സായൂധസേന വിഭാഗം ഡെപ്യൂട്ടി കമാണ്ടന്റിന്റെ കാര്യാലയത്തില്‍ സൂക്ഷിച്ചിട്ടുളളതുമായ 11 ഡിപ്പാര്‍ട്ട്‌മെന്റ് വാഹനങ്ങള്‍ ജൂണ്‍ ഏഴിന് രാവിലെ 11 മണിക്ക് ഓഫീസ് പരിസരത്ത് ലേലം ചെയ്യും. ഫോണ്‍ - 0495 2722673. 

ഗതാഗത നിരോധനം

വിനോദ സഞ്ചാര വകുപ്പിന്റെ ഉത്തരവാദിത്ത ടൂറിസം മിഷന്റെ ആഭിമുഖ്യത്തില്‍ സാമൂഹിക സാമ്പത്തിക ഉന്നമനത്തിനു വേണ്ടി പ്രവര്‍ത്തിക്കുന്ന കടലുണ്ടി കമ്യൂണിറ്റി റിസര്‍വ്വ് പരിധിയിലെ നൂറോളം വനിതകള്‍ക്ക് വിത്തു പേന നിര്‍മാണ പരിശീലനം നല്‍കി. വിത്തു പേന എഴുതി തീര്‍ത്ത ശേഷം വലിച്ചെറിയുമ്പോള്‍ കടലാസുകള്‍ മണ്ണില്‍ അലിയുകയും വിത്ത് മുളച്ച് തൈ ആവുകയും ചെയ്യും. പരിശീലനത്തിന്റെ ഭാഗമായി നിര്‍മ്മിച്ച 125 പേനകള്‍ പരിശീലനത്തിനു വേദിയായ കോട്ടപ്പടി കൈരളി സ്‌കൂളിലെ കുട്ടികള്‍ക്ക് സമ്മാനമായി നല്‍കാന്‍ സ്‌കൂള്‍ ഹെഡ്മിസ്ട്രസിനു കൈമാറി.

ലോക്സഭാ തെരഞ്ഞെടുപ്പുമായി ബന്ധപ്പെട്ട് വടകര, കോഴിക്കോട് മണ്ഡലങ്ങളിലെ പോസ്റ്റൽ ബാലറ്റുകൾ ഉടൻതന്നെ   പോസ്റ്റോഫീസുകളിൽ പോസ്റ്റ് ചെയ്യണമെന്ന് ജില്ലാകളക്ടർ അറിയിച്ചു. മെയ് 23ന് രാവിലെ 8ന് ശേഷം ലഭിക്കുന്ന പോസ്റ്റൽ ബാലറ്റുകൾ വോട്ടെണ്ണുന്നതിനായി സ്വീകരിക്കുന്നതല്ല. പോസ്റ്റ് ഓഫീസുകൾ വഴി അല്ലാതെ ലഭിക്കുന്ന പോസ്റ്റൽ ബാലറ്റുകളും സ്വീകരിക്കില്ല

പോസ്റ്റൽ ബാലറ്റ് സംബന്ധിച്ച് സംസ്ഥാന പോലീസ് മേധാവി നൽകിയ പ്രാഥമിക റിപ്പോർട്ട് ചീഫ് ഇലക്ട്രൽ ഓഫീസർ ടിക്കാറാം മീണ അംഗീകരിച്ചു. പോലീസ് അസോസിയേഷന്റെ ഇടപെടൽ എത്രത്തോളമുണ്ടായിട്ടുണ്ടെന്നത് ഉൾപ്പെടെയുള്ള കാര്യങ്ങൾ അന്വേഷിച്ച് വിശദമായ റിപ്പോർട്ട് മേയ് 15നകം നൽകാൻ ഡി. ജി. പിക്ക് നിർദ്ദേശം നൽകി.