നിലമ്പൂര്‍ ബ്ലോക്കിന്റെ കീഴിലുള്ള ആറു പഞ്ചായത്തുകളിലും പുഴയുടെ സ്വാഭാവിക ഒഴുക്ക് ശക്തിപ്പെടുത്തുന്നതിന് പരമ്പരാഗത ജലസ്രോതസ്സുകളുടെ പുനരുദ്ധാരണ പ്രവര്‍ത്തികള്‍ ശക്തമാക്കുന്നു. തൊഴിലുറപ്പ് പദ്ധതിയുമായി ചേര്‍ന്നു സംയോജിപ്പിച്ചാണു  പദ്ധതി നടപ്പിലാക്കുന്നത്. നിലമ്പൂര്‍ ബ്ലോക്ക് പഞ്ചായത്ത് ഹാളില്‍ നടന്ന മഴക്കാല പൂര്‍വ്വ ശുചീകരണ ബ്ലോക്ക് തല യോഗത്തിലാണ് തീരുമാനം. യോഗത്തില്‍ ബ്ലോക്ക് പഞ്ചായത്ത് പ്രസിഡന്റ് പി. പി സുഗതന്‍ അധ്യക്ഷത വഹിച്ചു.

ബംഗാള്‍ ഉള്‍ക്കടലില്‍ തമിഴ്നാട്, പുതുച്ചേരി തീരത്തു തെക്ക്/തെക്കുപടിഞ്ഞാറ് ദിശയില്‍ മണിക്കൂറില്‍ 35- 45 കി.മീ വേഗതയില്‍ കാറ്റു വീശുവാന്‍  സാധ്യതയുള്ളതായി  കേന്ദ്ര കാലാവസ്ഥ വകുപ്പ് അറിയിച്ചു.  മത്സ്യത്തൊഴിലാളികള്‍ ജാഗ്രത പാലിക്കണമെന്ന് നിര്‍ദേശമുണ്ട്.
കേരളത്തിലെ ചില ജില്ലകളിലെ  ഒറ്റപ്പെട്ട സ്ഥലങ്ങളില്‍ വൈകുന്നേരങ്ങളില്‍   ഇടിയോടുകൂടിയ ശക്തമായ  മഴയും, മണിക്കൂറില്‍ 30-40 കി.മീ  വേഗതയില്‍  കാറ്റ് വീശാനും സാധ്യതയുണ്ടെന്നും കാലാവസ്ഥ  നിരീക്ഷണ കേന്ദ്രം അറിയിച്ചു.  

എടരിക്കോട്  110 കെ.വി സബ് സ്റ്റേഷനില്‍  അറ്റകുറ്റപണികള്‍ നടക്കുന്നതിനാല്‍          മെയ് ഒമ്പതിന് രാവിലെ എട്ട് മുതല്‍ ഉച്ചക്ക 12 വരെ കൂരിയാട്, ഒതുക്കുങ്ങല്‍, കല്‍പകഞ്ചേരി സബ് സ്റ്റേഷനുകളില്‍ നിന്നുള്ള എല്ലാ ഫീഡറുകളിലും വൈദ്യുതി വിതരണം മുടങ്ങും.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലെ കാച്ചിനിക്കാട്, മനാര്‍ ട്രാന്‍സ്‌ഫോര്‍മര്‍ എന്നിവിടങ്ങള്‍ നാളെ (മെയ് എട്ട്)  രാവിലെ എട്ട് മുതല്‍ വൈകുന്നേരം അഞ്ച് വരെ വൈദ്യുതി വിതരണം  മുടങ്ങും.

പെരിന്തല്‍മണ്ണ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്തിട്ടുള്ള കോഡൂര്‍ ഗ്രാമ പഞ്ചായത്ത് പരിധിയിലുള്ളവരുടെ രജിസ്‌ട്രേഷന്‍ മലപ്പുറം ജില്ലാ എംപ്ലോയ്‌മെന്റ് എക്‌സേചേഞ്ചിലേക്ക് മാറ്റി.  

ജില്ലയിലെ  പകര്‍ച്ചവ്യാധി പ്രതിരോധ പ്രവര്‍ത്തനങ്ങള്‍  മെയ് 11, 12 തീയതികളില്‍ 'ആരോഗ്യ സുരക്ഷക്ക് മാലിന്യ മുക്തപരിസരം ' എന്ന സന്ദേശത്തോടെ  ക്യാമ്പയിനായി നടത്തും. തദ്ദേശ സ്വയംഭരണ വകുപ്പ്, ഇതര വകുപ്പുകള്‍, ഏജന്‍സികള്‍, മിഷനുകള്‍ എന്നിവയുടെ നേതൃത്വത്തില്‍ ബഹുജന പ്രസ്ഥാനങ്ങളെ ഏകോപിപ്പിച്ചു കൊണ്ടാണ് മാലിന്യ സംസ്‌കരണ ശുചീകരണ പ്രവര്‍ത്തനങ്ങളും കൊതുകുനിവാരണ പ്രവര്‍ത്തനങ്ങളും സംഘടിപ്പിക്കുന്നത്.

എസ്.എസ്.എല്‍.സി പരീക്ഷയില്‍ വിജയത്തിളക്കവുമായി നിലമ്പൂരിലെ ഷെല്‍ട്ടര്‍. സമഗ്ര ശിക്ഷയുടെ നേതൃത്വത്തില്‍ നിലമ്പൂരില്‍ പ്രവര്‍ത്തിക്കുന്ന പട്ടികവര്‍ഗ്ഗ ആണ്‍കുട്ടികള്‍ക്ക് വേണ്ടിയുളള ഹോസ്റ്റലായ ഷെല്‍ട്ടറില്‍ താമസിച്ച് പഠനം നടത്തി ഉന്നതവിജയം കരസ്ഥമാക്കിയിരിക്കുകയാണ് വിദ്യാര്‍ത്ഥികളായ പി.വിഷ്ണു, അനന്തു ബിനു, കെ.വൈശാഖ് എന്നിവര്‍.  മൂന്ന് പേരും പഠനം ഇടക്ക് വെച്ച് നിര്‍ത്തിയവരായിരുന്നു.

കൊല്ലം ഇൻഡസ്ട്രിയൽ ട്രൈബ്യൂണൽ സുനിത വിമൽ മേയ് 25ന് പീരുമേടും 21ന് പുനലൂരിലും മറ്റു പ്രവൃത്തി ദിനങ്ങളിൽ ആസ്ഥാനത്തും തൊഴിൽതർക്ക കേസുകളും എംപ്ലോയീസ് ഇൻഷുറൻസ്, എംപ്ലോയീസ് കോമ്പൻസേഷൻ കേസുകളും വിചാരണ നടത്തും.

പി.എൻ.എക്സ്. 1263/19