ഒന്നു മുതല്‍ പത്തു വരെ ക്ലാസുകളിലെ ഒ.ഇ.സി. വിഭാഗം വിദ്യാര്‍ഥികളുടെ ലംപ്‌സം ഗ്രാന്റ് ഈ സാമ്പത്തിക വര്‍ഷം മുതല്‍ ബാങ്ക് അക്കൗണ്ടിലൂടെയാകും നല്‍കുകയെന്നു പിന്നാക്ക വിഭാഗ വികസന വകുപ്പ് മേഖലാ ഡെപ്യൂട്ടി ഡയറക്ടര്‍ അറിയിച്ചു. ആനുകൂല്യത്തിന് അര്‍ഹരായവര്‍ മേയ് 31നകം വിദ്യാര്‍ഥിയുടേയും രക്ഷിതാവിന്റെയും പേരില്‍ ജോയിന്റ് ബാങ്ക് അക്കൗണ്ടുകള്‍ ആരംഭിക്കണം. നിലവില്‍ അക്കൗണ്ട് ഉള്ളവര്‍ അത് പ്രവര്‍ത്തനക്ഷമമാണെന്ന് ഉറപ്പാക്കണമെന്നും അറിയിപ്പില്‍ പറയുന്നു.
(പി.ആര്‍.പി. 550/2019)

പട്ടികവര്‍ഗ്ഗ വികസന വകുപ്പിനു കീഴിലുളള മോഡല്‍ റസിഡന്‍ഷ്യല്‍ സ്‌കൂളുകള്‍, പ്രീമെട്രിക്, പോസ്റ്റ്‌മെട്രിക് ഹോസ്റ്റലുകളില്‍ കൗണ്‍സിലര്‍ നിയമനത്തിനു മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് എന്നീ ജില്ലകളില്‍ നിന്നുള്ളവര്‍ക്കുള്ള ഇന്റര്‍വ്യൂ മെയ് 18 ന് കോഴിക്കോട് സിവില്‍ സ്റ്റേഷനിലെ ട്രൈബല്‍ ഡെവലപ്‌മെന്റ് ഓഫീസില്‍ നടക്കും. രാവിലെ 10 മണിക്ക് കാസര്‍ഗോഡ്, കണ്ണൂര്‍ ജില്ലയുടെയും രണ്ട് മണിക്ക് മലപ്പുറം, കോഴിക്കോട് ജില്ലയുടെയുമാണ് അഭിമുഖം.  ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം കോഴിക്കോട് ട്രൈബല്‍ ഡെവലപ്‌മെന്റ് ഓഫീസില്‍ എത്തണം. ഫോണ്‍: 0495 2376364.

ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍  ജില്ലാതല മെയ്ദിന കായികമേള മൂലമറ്റം ഐ.എച്ച്.ഇ.പി.സ്‌കൂള്‍ ഗ്രൗണ്ടണ്‍ില്‍  നടത്തും.  ലോക തൊഴിലാളിദിനമായ മെയ് 1-നാണ് മത്സരങ്ങള്‍ സംഘടിപ്പിക്കുന്നത്.  ഫുട്‌ബോള്‍ മത്സരങ്ങള്‍ (പുരുഷ•ാര്‍) മൂലമറ്റം ഐ.എച്ച്.ഇ.പി.സ്‌കൂള്‍ ഗ്രൗണ്ടണ്‍ിലും ഷട്ടില്‍ ബാഡ്മിന്റണ്‍ മൂലമറ്റം എച്ച്.ആര്‍..സി ക്ലബ്ബിലുമായിരിക്കും.

ട്രോളിംഗ് നിരോധന കാലയളവില്‍ (ജൂണ്‍ ഒമ്പത് അര്‍ദ്ധ രാത്രി മുതല്‍ ജൂലായ് 31 അര്‍ദ്ധ രാത്രി വരെ) കോഴിക്കോട് ജില്ലയില്‍ പട്രോളിങ്ങ്, കടല്‍ രക്ഷാപ്രവര്‍ത്തനം എന്നിവക്കായി മൂന്ന് ബോട്ടുകളും, ഒരു ഫൈബര്‍  വളളവും വാടക വ്യവസ്ഥയില്‍ ലഭ്യമാക്കുന്നതിന്് ബേപ്പൂര്‍ ഫിഷറീസ് അസിസ്റ്റന്റ് ഡയറക്ടര്‍, ക്വട്ടേഷന്‍ ക്ഷണിച്ചു. മെയ് 21 ന് ഉച്ചയ്ക്ക് 2.30 നകം ബോട്ടിന്റെയും മെയ് 22 ഉച്ചയ്ക്ക്  3.30  നകം ഫൈബര്‍ തോണിയുടെയും ക്വട്ടേഷനുകള്‍ ബേപ്പൂര്‍ ഫിഷറീസ് അസിസ്റ്റന്റ് ഡയറക്ടര്‍ മുമ്പാകെ നല്‍കണം. ഫോണ്‍: 0495 - 2414074.

കോഴിക്കോട് - പന്തീരാങ്കാവ് - മണക്കടവ്  റോഡിന്റെ പുനരുദ്ധാരണ  പ്രവൃത്തി ആരംഭിക്കുന്നതിനാല്‍ ഇന്ന് (മെയ് 10)  മുതല്‍ പ്രവൃത്തി തീരന്നതുവരെ വാഹന ഗതാഗതം നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു. 

ട്രോളിംഗ് നിരോധന കാലയളവില്‍ കോഴിക്കോട് ജില്ലയില്‍ ബേപ്പൂര്‍ ഫിഷറീസ് സ്റ്റേഷന്‍ കേന്ദ്രീകരിച്ച് കടല്‍ രക്ഷാ ഗാര്‍ഡുമാരെ ദിവസ വേതനാടിസ്ഥാനത്തില്‍ നിയമിക്കുന്നു. അപേക്ഷകര്‍ 25 നും 40 നും മദ്ധ്യേ പ്രായമുളളവര്‍ ആയിരിക്കണം. കടല്‍ രക്ഷാപ്രവര്‍ത്തനത്തില്‍ പരിചയമുളളവര്‍ക്കും ട്രെയിനിംഗ് ലഭിച്ചവര്‍ക്കും മുന്‍ഗണന. താല്‍പര്യമുളളവര്‍ മെയ് 23 ന് രാവിലെ 10 മണിക്ക് ബേപ്പൂര്‍ ഫിഷറീസ് അസി. ഡയറക്ടറുടെ കാര്യാലയത്തില്‍ ബയോഡാറ്റ, പരിചയ സര്‍ട്ടിഫിക്കറ്റ്, തിരിച്ചറിയല്‍ കാര്‍ഡ് എന്നിവയുടെ പകര്‍പ്പ് സഹിതം അഭിമുഖത്തിന് ഹാജരാകണം. ഫോണ്‍ - 0495 2414074.

വീട്ടിലും പറമ്പിലുമുള്ള ഉപയോഗശൂന്യമായ വസ്തുക്കള്‍ ഒഴിവാക്കാന്‍ ആഗ്രഹിക്കുന്നവര്‍ക്കു മുന്നില്‍ പ്രതീക്ഷയുടെ വഴി തുറക്കുകയാണ് ഈ മാസം 11,12 തീയതികളില്‍ നടക്കുന്ന സംസ്ഥാനതല ശുചീകരണ യജ്ഞം. ആരോഗ്യ ജാഗ്രതയുടെ ഭാഗമായി തദ്ദേശ സ്വയംഭരണ സ്ഥാപനങ്ങളും ജില്ലാ ഭരണകൂടവും വിവിധ വകുപ്പുകളും സംയുക്തമായാണ് പരിപാടി സംഘടിപ്പിക്കുന്നത്.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡംഗങ്ങള്‍ക്കും വാഹന ഉടമകള്‍ക്കും അംശാദായം ഓണ്‍ലൈനില്‍ അടയ്ക്കാം.