ഈ മാസം 11, 12 തീയതികളില്‍ നടക്കുന്ന സംസ്ഥാനതല ശുചീകരണ യജ്ഞത്തിന് വാഴൂര്‍ ബ്ലോക്ക് പഞ്ചായത്തില്‍ ഒരുക്കങ്ങള്‍ അന്തിമ ഘട്ടത്തില്‍. അജൈവ മാലിന്യങ്ങള്‍ നിശ്ചിത സ്ഥലങ്ങളില്‍ ശേഖരിക്കുന്നതിനുള്ള ക്രമീകരണങ്ങള്‍ ഗ്രാമപഞ്ചായത്തുകളുടെ സഹകരണത്തോടെ പൂര്‍ത്തിയായി വരുന്നു.

കോട്ടയം ജില്ലയില്‍ കുഷ്ഠരോഗം സ്ഥിരീകരിച്ചവരുടെ എണ്ണം മൂന്നായി. കോട്ടയം മെഡിക്കല്‍ കോളേജില്‍ പരിശോധനയ്‌ക്കെത്തിയ അതിരമ്പുഴയില്‍നിന്നുള്ള എഴുപത്തഞ്ചുകാരിക്കാണ് രോഗം ബാധിച്ചതായി ഏറ്റവുമൊടുവില്‍ കണ്ടെത്തിയത്. 

മലപ്പുറം റോഡ്‌സ് സെക്ഷന്റെ പരിധിയില്‍പ്പെടുന്ന റോഡുകളില്‍ അനധികൃതമായി സ്ഥാപിച്ചിരിക്കുന്ന പരസ്യബോര്‍ഡുകള്‍, കേബിള്‍ ശൃഖലകളുടെ കാലുകള്‍, ഷെഡുകള്‍ മുതലായവ 15 ദിവസത്തിനകം നീക്കം ചെയ്യണമെന്ന് മഞ്ചേരി പൊതുമരാമത്ത് നിരത്തു ഉപവിഭാഗം അസി. എക്‌സിക്യൂട്ടീവ് എഞ്ചിനീയര്‍ അറിയിച്ചു.  അല്ലാത്ത പക്ഷം നിയമ നടപടികള്‍ സ്വീകരിക്കും.

മാവേലിക്കര: കൺസ്യൂമർ ഫെഡിന്റെ ആഭിമുഖ്യത്തിൽ ആരംഭിക്കുന്ന ത്രിവേണി സ്‌കൂൾ മാർക്കറ്റിന്റെ ജില്ലാതല ഉദ്ഘാടനം ഭരണിക്കാവ് സർവ്വീസ് സഹകരണ ബാങ്കിൽ നടന്നു. ഭരണിക്കാവ് ബ്ലോക്ക് പഞ്ചായത്ത് പ്രസിഡന്റ് രജനി ജയദേവ് , കേരള സ്റ്റേറ്റ് കൺസ്യൂമർ ഫെഡ് ഡയറക്ടർ ബോർഡംഗം കെ മധുസൂദനൻ , ഭരണിക്കാവ് ഗ്രാമപഞ്ചായത്ത് പ്രസിഡന്റ് പ്രൊഫ.

പ്ലസ് വണ്‍ പ്രവേശനത്തിന്റെ ഭാഗമായി നീന്തലില്‍ പ്രാവീണ്യമുള്ള കുട്ടികള്‍ക്ക് രണ്ടു ബോണസ് പോയന്റ് ലഭിക്കുന്നതിനായി  ജില്ലാ സ്‌പോര്‍ട്‌സ് കൗണ്‍സില്‍   സര്‍ട്ടിഫിക്കറ്റ് നല്‍കും.  കുട്ടികളുടെ നീന്തല്‍ പ്രാവീണ്യം പരിശോധിക്കുന്നതിനായി മേയ് 13  രാവിലെ 10ന് മലപ്പുറം മുനിസിപ്പാലിറ്റിയുടെ കോണാംപാറയിലുള്ള നീന്തല്‍ കുളത്തില്‍ വെച്ച് ടെസ്റ്റ് നടത്തുന്നതാണ്.  താത്പര്യമുള്ളവര്‍ സ്വിമ്മിംഗ് സ്യൂട്ടുമായി കോണാംപാറയിലുള്ള നീന്തല്‍ കുളത്തില്‍ ഹാജരാകണം. ഫോണ്‍ 0483- 2734701

    മക്കരപ്പറമ്പ് 33 കെ.വി സബ് സ്റ്റേഷന്‍ പരിധിയില്‍പ്പെട്ട 11 കെ.വി വറ്റലൂര്‍, വെള്ളില, പനങ്ങാങ്ങര, കാച്ചിനിക്കാട് എന്നീ ഫീഡറുകളില്‍ മെയ് 13 മുതല്‍ 16 വരെ രാവിലെ എട്ട് മുതല്‍ വൈകുന്നേരം അഞ്ച് വരെ ഭാഗികമായി വൈദ്യുതി തടസ്സപ്പെടും.

ചെങ്ങന്നൂർ:  സംസ്ഥാന  സർക്കാരിന്റെ മികച്ച നഴ്‌സിനുള്ള സംസ്ഥാന പുരസ്‌കാരം പബ്‌ളിക് ഹെൽത്ത് നഴ്‌സിംങ്ങ് സൂപ്പർവൈസർ ബി. വത്സലകുമാരിക്ക് ലഭിച്ചു.   സമാനതകളില്ലാത്ത പ്രളയം കഴിഞ്ഞ ആഗസ്റ്റ് മാസത്തിലുണ്ടായപ്പോൾ, ആ സമയത്ത് കുട്ടികൾക്കും ഗർഭിണികൾക്കും നൽകിയ പ്രതിരോധ പ്രവർത്തനങ്ങൾക്കും മികച്ച സേവനത്തിനും ആണ് വത്സലകുമാരിയ്ക്ക്  ഈ പുരസ്‌കാരം ലഭിച്ചത്.മലപ്പുറം, തിരുവനന്തപുരം, എറണാകുളം ,ആലപ്പുഴ എന്നീ ജില്ലകളിൽ 34 വർഷമായി  സേവനം നടത്തിയിട്ടുളള വത്സലകുമാരി ഇപ്പോൾ  ചെങ്ങന്നുരിലെ പാണ്ടനാട് സാമൂഹ്യ ആരോഗ്യ കേന്ദ്രത്തിൽ നഴ്‌സിംങ്ങ് സൂപ്പർവൈസർ ആയി സേവനം അനുഷ്ഠിക്കുന്നു.

    ജില്ലാ ഭക്ഷ്യ സുരക്ഷാ അസി. കമ്മീഷണറുടെ ഓഫീസിലേക്ക് കോണ്‍ട്രാക്ട് അടിസ്ഥാനത്തില്‍ വാഹനം ലഭ്യമാക്കുന്നതിന് ദര്‍ഘാസ് ക്ഷണിച്ചു. ദര്‍ഘാസ് ജൂണ്‍ 11ന് ഉച്ചക്ക് രണ്ടിനകം ലഭിക്കണം.  ഫോണ്‍ 0483 2732121.

ആലപ്പുഴ: സംസ്ഥാനത്തെ എല്ലാ സർക്കാർ/എയ്ഡഡ്/അൺ എയ്ഡഡ്/അംഗീകൃത സി.ബി.എസ്.ഇ, എൈ.സി.എസ്.ഇ സ്‌കൂളുകളിൽ 1 മുതൽ 10 വരെ ക്ലാസുകളിൽ പഠിക്കുന്ന ഒ ഇ സി വിഭാഗം വിദ്യാർത്ഥികൾക്കുളള വിദ്യാഭ്യാസാനുകൂല്യം നടപ്പു വർഷം മുതൽ വിദ്യാർത്ഥികളുടെ ബാങ്ക് അക്കൌണ്ടുകളിലേക്ക് നേരിട്ട് ട്രാൻസ്ഫർ ചെയ്യുന്നു. ഒ ഇ സി വിദ്യാഭ്യാസാനുകൂല്യത്തിന് അർഹരായ  വിദ്യാർത്ഥികൾ മെയ്യ് 31 നകം അവരവരുടെയും, രക്ഷിതാവിന്റേയും പേരിലുളള ജോയിന്റ് ബാങ്ക് അക്കൌണ്ടുകൾ ആരംഭിക്കേണ്ടതാണ്.നിലവിൽ ബാങ്ക് അക്കൌണ്ടുകൾ ഉളള വിദ്യാർത്ഥികൾ ബാങ്കുമായി ബന്ധപ്പെട്ട് ആയത് സജീവമാണെന്ന് ഉറപ്പാക്കേണ്ടതാണ്.