ഭൂജല വകുപ്പിന്റെ ജില്ലാ ഓഫീസിലെ കെ.എല്‍.ആര്‍.ഡി.ടി.എച്ച് റിഗ്ഗിന്റെ ഭാഗങ്ങള്‍  നിര്‍മ്മിച്ച് വിതരണം ചെയ്യുന്നതിന് ദര്‍ഘാസ് ക്ഷണിച്ചു.  ദര്‍ഘാസ് ഫെബ്രുവരി ഫെബ്രുവരി 27ന് ഉച്ചക്ക് ഒന്നിനകം ഓഫീസില്‍ ലഭിക്കണം.

1986 മുതല്‍ 2017 മാര്‍ച്ച് വരെ രജിസ്റ്റര്‍ ചെയ്ത ആധാരങ്ങളില്‍ വിലകുറച്ച് രജിസ്റ്റര്‍ ചെയ്ത കേസുകളില്‍ സര്‍ക്കാര്‍ ഒറ്റത്തവണ തീര്‍പ്പാക്കല്‍ പദ്ധതി നടപ്പാക്കുന്നു.  കൊടക്കല്‍, കോട്ടക്കല്‍, പൊന്നാനി സബ് രജിസ്ട്രാര്‍ ഓഫീസുകളില്‍ ഫെബ്രുവരി 18നും താനൂര്‍, എടപ്പാള്‍, കരുവാരക്കുണ്ട് സബ് രജിസ്ട്രാര്‍ ഓഫീസുകളില്‍ ഫെബ്രുവരി 19നും തേഞ്ഞിപ്പലം, കുറ്റിപ്പുറം, പരപ്പനങ്ങാടി സബ് രജിസ്ട്രാര്‍ ഓഫീസുകളില്‍ ഫെബ്രുവരി 20നും അദാലത്ത് നടത്തും.  ഈ അവസരം ജനങ്ങള്‍ പ്രയോജനപ്പെടുത്തണമെന്ന് ജില്ലാ രജിസ്ട്രാര്‍ അറിയിച്ചു. 

ജില്ലയിലെ വിവിധ വകുപ്പുകളില്‍ എല്‍.ജി.എസ് തസ്തികയുടെ (കാറ്റഗറി 567/13) റാങ്ക് ലിസ്റ്റിന്റെ കാലാവധി പൂര്‍ത്തിയായതിനാല്‍ 2018 ജൂണ്‍ 30ന് റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.

    വ്യവസായ സ്ഥാപനങ്ങളുമായി  ബന്ധപ്പെട്ട പരാതികളില്‍ തീരുമാനം എടുക്കുന്നതിനായി വ്യവസായ വകുപ്പ് മന്ത്രി ഇ.പി ജയരാജന്‍ പങ്കെടുക്കുന്ന  അദാലത്ത് ഇന്ന് (ഫെബ്രുവരി 16) ന് രാവിലെ 11.00 ന് കലക്ടറേറ്റ് കോണ്‍ഫറന്‍സ് ഹാളില്‍ നടത്തും. ജില്ലാവ്യവസായ കേന്ദ്രം മുഖേന ലഭിച്ച 111 പരാതികള്‍ മന്ത്രിയുടെ പരിഗണനയ്ക്കായി സമര്‍പ്പിക്കും. ജില്ലയില്‍ വ്യവസായ വകുപ്പുകളും ബന്ധപ്പെട്ട ലൈന്‍ വകുപ്പുകളും തീരുമാനമെടുക്കേണ്ട വിഷയങ്ങളിലാണ് പരാതികള്‍ പരിഗണിക്കുന്നത്.

നെഹ്‌റു യുവ കേന്ദ്രത്തിനു കീഴില്‍ നാഷണല്‍ യൂത്ത് വോളന്റിയര്‍മാരായി നിയമിക്കപ്പെടുന്നതിന് സേവന തല്‍പരരായ യുവതീ യുവാക്കളില്‍ നിന്നും അപേക്ഷ ക്ഷണിച്ചു. നെഹ്‌റു യുവ കേന്ദ്ര നടപ്പാക്കുന്ന യുവജന ക്ഷേമ പരിപാടികള്‍ സംഘടിപ്പിക്കുന്നതിന് നേതൃത്വം നല്‍കുകയും  യൂത്ത് ക്ലബ്ബുകളുടെ പ്രവര്‍ത്തനങ്ങള്‍ ഏകോപിപ്പിക്കുകയുമാണ് വോളന്റിയര്‍മാരുടെ പ്രധാന കര്‍ത്തവ്യങ്ങള്‍. പരിശീലനത്തിനു ശേഷം  ബ്ലോക്ക് തലത്തില്‍ നിയോഗിക്കപ്പെടുന്ന വോളന്റിയര്‍മാക്ക് പ്രതിമാസം 5000 രൂപ ഓണറേറിയം ലഭിക്കും.

ഫിഷറീസ് ദേശീയ സമ്പാദ്യ ആശ്വാസ പദ്ധതി  രണ്ടാം ഗഡു ഗുണഭോക്തൃ വിഹിത സമാഹരണം ഫെബ്രുവരി 21, 22, 28 മാര്‍ച്ച് ഒന്ന് തിയ്യതികളിലും ഉള്‍നാടന്‍ ഫെബ്രുവരി 26  നും നടക്കും. എല്ലാ ഗുണഭോക്താക്കളും ആദ്യഗഡു വിഹിതമടച്ച കാര്‍ഡ് സഹിതം കളക്ഷന്‍ സെന്ററില്‍ എത്തണമെന്ന് പൊന്നാനി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.  

സംസ്ഥാന ഭാഗ്യക്കുറി ക്ഷേമനിധി ബോര്‍ഡ്  ക്ഷേമനിധി അംഗങ്ങളായ വഴിയോര കച്ചവടക്കാര്‍ക്ക് ബീച്ച് അംബ്രല്ല വിതരണത്തിന്റെ ജില്ലാ തല ഉദ്ഘാടനം ഫെബ്രുവരി 23ന് വൈകുന്നേരം മൂന്നിന് തിരൂരില്‍ നടക്കും. യോഗത്തിന്റെ വിജയത്തിനായി ഖാദര്‍ തിരൂര്‍ ചെയര്‍മാനായും വി.പി. രാധാകൃഷ്ണന്‍ വൈസ് ചെയര്‍മാനായും ജില്ലാ ഭാഗ്യക്കുറി ക്ഷേമനിധി ഓഫീസര്‍ കെ. പ്രവീണ്‍ കണ്‍വീനറായും സംഘാടക സമിതി രൂപീകരിച്ചു.