വെള്ളയമ്പലം ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റപ്പണികള്‍ നടക്കുന്നതിനാല്‍ പാങ്ങോട് മാര്‍ക്കറ്റ്, കോട്ടണ്‍ഹില്‍ പരിസരം  എന്നീ ഭാഗങ്ങളിലും കുടപ്പനക്കുന്ന്  ഇലക്ട്രിക്കല്‍ സെക്ഷന്‍ പരിധിയില്‍ ശ്രീ ഭദ്ര ട്രാന്‍സ്‌ഫോര്‍മറിന്റെ   ഭാഗങ്ങളിലും മേയ് 13 രാവിലെ ഒന്‍പത് മുതല്‍ വൈകുന്നേരം  5.30  വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
(പി.ആര്‍.പി. 553/2019)

    തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എഡ്യൂക്കേഷന്‍ സെല്ലില്‍ ആരംഭിക്കുന്ന അലുമിനിയം ഫാബ്രിക്കേഷന്‍ (2 മാസം) കോഴ്‌സിലേക്ക് അപേക്ഷ ക്ഷണിച്ചു.  കൂടുതല്‍ വിവരങ്ങള്‍ക്ക് 04712360611, 8075289889 എന്നീ നമ്പരുകളില്‍ ബന്ധപ്പെടണമെന്ന് പ്രിന്‍സിപ്പല്‍ അറിയിച്ചു.   
(പി.ആര്‍.പി. 552/2019)

മൃഗസംരക്ഷണ വകുപ്പിന്റെ ആഭിമുഖ്യത്തില്‍ മലമ്പുഴ ഐ.റ്റി.ഐക്ക് സമീപമുള്ള മൃഗസംരക്ഷണ   പരിശീലനകേന്ദ്രത്തില്‍  മെയ് 16  മുതല്‍  18 വരെ  പശു വളര്‍ത്തലില്‍ മൂന്ന് ദിവസത്തെ സൗജന്യ പരിശീലനം സംഘടിപ്പിക്കും. താല്‍പര്യമുളളവര്‍ പേര് രജിസ്റ്റര്‍ ചെയ്യണ്‍ണ്‍ണം. രജിസ്റ്റര്‍  ചെയ്തവര്‍ ആധാര്‍നമ്പറുമായി 16 ന് രാവിലെ 10 മണിക്കകം പരിശീലനകേന്ദ്രത്തില്‍ എത്തണമെന്ന് അസി. ഡയറക്ടര്‍ അറിയിച്ചു. ഫോണ്‍ : 0491  2815454.   

ജില്ലാ ഖാദി ഗ്രാമ വ്യവസായ ഓഫീസിന്റെ കീഴിലുളള എല്ലാ വില്പന ശാലകളിലും ഖാദി പര്‍ദ്ദകള്‍, ഖാദി കോട്ടണ്‍, റെഡിമെയ്ഡ് ഷര്‍ട്ടുകള്‍, വെള്ള മുണ്ടുകള്‍ എന്നിവയ്ക്ക് 30 ശതമാനം   വിലക്കിഴിവ് ലഭിക്കും.  റംസാന്‍ പ്രമാണിച്ച് ജൂണ്‍ നാല് വരെ ആനുകൂല്ല്യങ്ങള്‍ ഉപഭോക്താക്കള്‍ക്ക് ലഭിക്കുമെന്നും അവസരം ഉപയോഗപ്പെടുത്തണമെന്നും ജില്ലാ പ്രൊജക്ട് ഓഫീസര്‍ അറിയിച്ചു.             

പ്ലസ് വണ്‍ പ്രവേശനത്തിനുള്ള അപേക്ഷ ഏകജാലകസംവിധാനത്തിലൂടെ സമര്‍പ്പിക്കുന്നതിന് സംസ്ഥാനത്തെ മുഴുവന്‍ അക്ഷയ കേന്ദ്രത്തിലും സൗകര്യം ഒരുക്കിയിട്ടുണ്ടെന്ന് അക്ഷയ സംസ്ഥാന ഡയറക്ടറേറ്റ് അറിയിച്ചു. പ്ലസ് വണ്‍ പ്രവേശത്തിനുള്ള അപേക്ഷയുടെ പ്രിന്റ് ഔട്ട്, രേഖകള്‍ സഹിതം വെരിഫിക്കേഷനായി ഏതെങ്കിലും സര്‍ക്കാര്‍, എയ്ഡഡ് ഹയര്‍സെക്കന്ററി സ്‌കൂളില്‍ സമര്‍പ്പിക്കാനുള്ള അവസാന തീയതി മെയ് 16 ആണ്. 

മഴക്കാല പൂര്‍വ്വ ശുചീകരണ പ്രവര്‍ത്തനങ്ങളുടെ ഭാഗമായി വിപുലമായ പ്രവര്‍ത്തനങ്ങള്‍ക്ക് തൂണേരി  ഗ്രാമപഞ്ചായത്ത് രൂപംനല്‍കി. വിവിധ വകുപ്പുകളെ ഏകോപിപ്പിച്ചു പഞ്ചായത്തിലെ 15 വാര്‍ഡുകളിലും ശുചീകരണ പ്രവര്‍ത്തനം നടത്തും.  വാര്‍ഡ് മെമ്പര്‍മാരുടെ നേതൃത്വത്തില്‍ ആരോഗ്യപ്രവര്‍ത്തകര്‍, തൊഴിലുറപ്പ് തൊഴിലാളികള്‍, കുടുംബശ്രീ, മറ്റ് രാഷ്ട്രീയ സാമൂഹ്യ സാംസ്‌കാരിക സംഘടനകള്‍ എന്നിവയെ ഉപയോഗപ്പെടുത്തിയാണ് വാര്‍ഡ് തലങ്ങളില്‍ സമഗ്ര ശുചീകരണം നടത്തുക. വാര്‍ഡ് തലത്തിലുള്ള പ്രവര്‍ത്തനങ്ങള്‍ മോണിറ്ററിംഗ് നടത്തുന്നതിനുവേണ്ടി പ്രത്യേക ഉദ്യോഗസ്ഥരെയും ചുമതലപ്പെടുത്തിയിട്ടുണ്ട്.  

നാദാപുരം ഗ്രാമപ്പഞ്ചായത്തിന്റെ ആഭിമുഖ്യത്തില്‍ ആരോഗ്യ ജാഗ്രത - പകര്‍ച്ച വ്യാധി പ്രതിരോധയജ്ഞം 2019 എന്ന വിഷയത്തില്‍ ശില്‍പ്പശാല നടത്തി. ശില്‍പ്പശാല പഞ്ചായത്ത് പ്രസിഡണ്ട് സഫീറ മൂന്നാം കുനി ഉദ്ഘാടനം ചെയ്തു. 'ആരോഗ്യ സുരക്ഷക്ക് മാലിന്യ മുക്തപരിസരം'' എന്ന പേരിലാണ് ഈ വര്‍ഷത്തെ ക്യാമ്പയിന്‍ നടത്തുന്നത്. എല്ലാ വാര്‍ഡുകളിലും വാര്‍ഡ് സാനിറ്റേഷന്‍ കമ്മിറ്റികള്‍ വിളിച്ചു ചേര്‍ക്കാനും ശുചീകരണം നടത്താനും നിര്‍ദ്ദേശം നല്‍കി . ശില്‍പ്പശാലയില്‍ വിവിധ സംഘടനാ പ്രതിനിധികള്‍, വകുപ്പ് ഉദ്യോഗസ്ഥര്‍, ആശ വര്‍ക്കര്‍മാര്‍, തൊഴിലുറപ്പ് തൊഴിലാളികള്‍, പഞ്ചായത്തംഗങ്ങള്‍ എന്നിവര്‍ പങ്കെടുത്തു.