ഒളവണ്ണ പഞ്ചായത്തില്‍  സ്വീകരിച്ച അപേക്ഷകളില്‍ റേഷന്‍ കാര്‍ഡ്, സര്‍ട്ടിഫിക്കറ്റുകളുടെ വിതരണം ഫെബ്രുവരി 21, 22 തീയ്യതികളില്‍  രാവിലെ 10 മുതല്‍ മൂന്ന് വരെ  കോഴിക്കോട് താലൂക്ക് സപ്ലൈ ഓഫീസില്‍ നടക്കും.    അപേക്ഷ നമ്പര്‍ 13055 മുതല്‍ 13600 വരെ ഫെബ്രുവരി 21 നും 13601 മുതല്‍ 14164 വരെ 22 നും വിതരണം ചെയ്യും. അപേക്ഷകര്‍ അന്നേ ദിവസം ആധാര്‍ കാര്‍ഡ്, റേഷന്‍ കാര്‍ഡ്, എന്നിവ സഹിതം ഹാജരാവണം.   ഓണ്‍ലൈന്‍     അപേക്ഷകളും മറ്റു പഞ്ചായത്തുകളിലെ അപേക്ഷകളും അന്നേദിവസം പരിഗണിക്കുന്നതല്ലെന്ന് താലൂക്ക് സപ്ലൈ ഓഫീസര്‍ അറിയിച്ചു.

കൊയിലാണ്ടി നഗരസഭ ബഡ്സ് റിഹാബിലിറ്റേഷന്‍ സെന്ററിന് വേണ്ടി സജ്ജമാക്കിയ വാഹനത്തിന്റെ ഫ്ളാഗ് ഓഫ് നഗരസഭ ചെയര്‍മാന്‍ അഡ്വ.കെ. സത്യന്‍ ഉദ്ഘാടനം ചെയ്തു. വൈസ് ചെയര്‍മാന്‍ വി.കെ.പത്മിനി അധ്യക്ഷത വഹിച്ചു. ചടങ്ങില്‍ വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ കെ.ഷിജു, കൗണ്‍സിലര്‍മാരായ ഗോകുല്‍ദാസ് എന്‍.കെ, പി.എം. ബിജു, ഷിബിന്‍ കണ്ടത്തനാരി, നഗരസഭ പ്രൊജക്ട് ഓഫീസര്‍  എം.കെ.പ്രസാദ് എന്നിവര്‍ സംസാരിച്ചു.

അഗ്‌സ്ത്യമുഴി പള്ളോട്ടിഹില്‍ സ്‌കൂളിന് സമീപം കോഴിശ്ശേരി ബില്‍ഡിങില്‍ പ്രവര്‍ത്തനമാരംഭിച്ച മുക്കം ഇ.എസ്.ഐ ഡിസ്‌പെന്‍സറിയുടെ ഉദ്ഘാടനം ജോര്‍ജ്. എം. തോമസ് എം.എല്‍.എ നിര്‍വഹിച്ചു. മുക്കം മുനിസിപ്പല്‍ ചെയര്‍മാന്‍ കുഞ്ഞന്‍ മാസ്റ്റര്‍ അധ്യക്ഷത വഹിച്ച ചടങ്ങില്‍ ഇ.എസ്.ഐ കോര്‍പ്പറേഷന്‍ റീജിയണല്‍ ഡയറക്ടര്‍ സി.വി. ജോസഫ്, ഇ.എസ്.ഐ കോര്‍പ്പറേഷന്‍ റീജിയണല്‍ ബോര്‍ഡ് മെമ്പര്‍ എം.എ. അബ്ദുറഹിമാന്‍, മുക്കം മുനിസിപ്പാലിറ്റി കൗണ്‍സിലര്‍ പ്രജിത പ്രദീപ് തുടങ്ങിയവര്‍ സംസാരിച്ചു. ഇന്‍ഷൂറന്‍സ് മെഡിക്കല്‍ സര്‍വീസ് ഡയറക്ടര്‍ ഡോ.ആര്‍. അജിത സ്വാഗതവും വി.കെ. സുധീര്‍ നന്ദിയും പറഞ്ഞു.

സംസ്ഥാന ന്യൂനപക്ഷ ക്ഷേമ വകുപ്പിനു കീഴില്‍ ഭിന്നശേഷിക്കാര്‍ക്കായി ആരംഭിക്കുന്ന വിവാഹപൂര്‍വ്വ കൗണ്‍സലിംഗ്പദ്ധതിയുടെ സംസ്ഥാന തല ഉദ്ഘാടനം  ഉന്നത വിദ്യാഭ്യാസ- ന്യൂനപക്ഷ ക്ഷേമം വകുപ്പ് മന്ത്രി കെ.ടി.ജലീല്‍ കോഴിക്കോട് യൂണിവേഴ്സിറ്റി ആര്യഭട്ടാ ഹാളില്‍ ഇന്ന് (ഫെബ്രുവരി 20) ഉച്ചക്ക് 12 മണിക്ക് നിര്‍വ്വഹിക്കും. 

കായണ്ണ ഗ്രാമപഞ്ചായത്തില്‍ വിധവ പെന്‍ഷന്‍, 50 വയസ്സ് കഴിഞ്ഞ അവിവാഹിതാരായ സ്ത്രീകള്‍ക്കുള്ള  പെന്‍ഷന്‍ എന്നിവ കൈപ്പറ്റുന്നവര്‍ തുടര്‍ന്നും  പെന്‍ഷന്‍ ലഭിക്കുന്നതിന്  പുനര്‍ വിവാഹം ചെയ്തിട്ടില്ല, വിവാഹം കഴിച്ചിട്ടില്ല  എന്ന്  തെളിയിക്കുന്ന ഗസറ്റഡ് ഓഫീസറുടെ, വില്ലേജ് ഓഫീസറുടെ സാക്ഷ്യപത്രം ഫെബ്രുവരി 28ന് മുമ്പായി പഞ്ചായത്ത് ഓഫീസില്‍ എത്തിക്കണം. 

മേലടി സാമൂഹ്യ ആരോഗ്യ കേന്ദ്രത്തിലേക്ക് പാലിയേറ്റീവ് പരിചരണത്തിന് ഫിസിയോ തെറാപ്പി ഉപകരണങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു. ടെണ്ടര്‍ ഫോം ഫെബ്രുവരി 28 ന് നാലുമണി വരെ വിതരണം ചെയ്യും. മാര്‍ച്ച് ഒന്നിന് 11 മണിവരെ ഫോം ലഭിക്കും.കൂടുതല്‍ വിവരങ്ങള്‍ക്ക് 0496-2602170.

ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റിക്ക് (യുഎൽസിസിഎസ്) ബ്രസ്സൽസ് ആസ്ഥാനമായ ഇന്റർനാഷണൽ കോ-ഓപ്പറേറ്റീവ് അലയൻസിൽ സ്ഥിരാംഗത്വം ലഭിച്ചു. പ്രാഥമിക സഹകരണസംഘത്തിൽപ്പെട്ട ഊരാളുങ്കൽ സൊസൈറ്റി ഐസിഎ അംഗത്വം ലഭിക്കുന്ന ഇന്ത്യയിലെ ആദ്യസ്ഥാപനമാണ്. ഫെബ്രുവരി 18ന് ഡൽഹിയിൽനടന്ന കോ-ഓപ്പറേറ്റീവ് അലയൻസ് ആഗോളസമ്മേളനത്തിൽ അലയൻസ് പ്രസിഡന്റ് ഏരിയൽ ഗ്വാർക്കോയിൽനിന്ന് ഊരാളുങ്കൽ സൊസൈറ്റി പ്രസിഡന്റ് രമേശൻ പാലേരി അംഗത്വം ഏറ്റുവാങ്ങി.