ശ്രീ.വൈരംങ്കോട് ഭഗവതി ക്ഷേത്രത്തില്‍ പാരമ്പര്യേതര ട്രസ്റ്റികളായി നിയമിക്കുന്നതിന് ഹിന്ദുമതം ആചരിക്കുന്ന ആളുകളില്‍ നിന്ന് അപേക്ഷ ക്ഷണിച്ചു.  അപേക്ഷ മലബാര്‍ ദേവസ്വം ബോര്‍ഡ് മലപ്പുറം അസിസ്റ്റന്റ് കമ്മീഷണറുടെ ഓഫീസില്‍ നിന്നും ാമഹമയമൃറല്മംെീാ.സലൃമഹമ.ഴീ്.ശി  എന്ന വെബ് സൈറ്റിലും ലഭിക്കുന്നതാണ്. അപേക്ഷകര്‍ക്ക് വയസ്സ് 25-ല്‍ കുറവായിരിക്കാനോ  67-ല്‍ അധികമായിരിക്കാനോ പാടുള്ളതല്ല. പൂരിപ്പിച്ച അപേക്ഷ മലബാര്‍ ദേവസ്വം ബോര്‍ഡ്  കമ്മീഷണറുടെ ഓഫീസില്‍    ജൂണ്‍ 10 നകം ലഭിക്കണം.

കൊണ്ടോട്ടി പോലീസ് സ്റ്റേഷന്‍ പരിധിയില്‍ വലിയ പറമ്പില്‍ താമസിച്ചിരുന്ന ഒരു കുട്ടി ഉള്‍പ്പെടെ മൂന്ന് പേരെ കഴിഞ്ഞ ഏപ്രില്‍ മുതല്‍ കാണാനില്ലെന്ന് കോണ്ടോട്ടി പോലീസ് സബ് ഇന്‍സ്‌പെക്ടര്‍ അറിയിച്ചു.
പ്രിയത (27), ധ/0 മിനീഷ്, വള്ളിക്കത്ത് വീട്, വലയിപറമ്പ്, മലപ്പുറം,  പാര്‍വ്വണ (02), ഉ/ീ പ്രിയത, വള്ളിക്കത്ത് വീട്, വലയിപറമ്പ്, മലപ്പുറം, പ്രവീണ്‍ (29) ട/0 രാധാകൃഷ്ണന്‍, തെക്കിന്‍കാട്ടില്‍ വീട്, വലിയപറമ്പ് പി.ഒ, എന്നിവരെയാണ് കാണാതായത്.കണ്ട് കിട്ടുന്നവര്‍ തൊട്ടടുത്ത പൊലീസ് സ്റ്റേഷനില്‍ വിവരം അറിയിക്കണം.  ഫോണ്‍ 9497980659.

വണ്ടൂരിലെ പെണ്‍ക്കുട്ടികള്‍ക്കായുള്ള ഗവ. പ്രീ-മെട്രിക് ഹോസ്റ്റലിലെ അന്തേവാസികള്‍ക്ക് ട്യൂഷന്‍ നല്‍കുന്നതിന് പാര്‍ടൈം ട്യൂട്ടര്‍മാരെ തെരഞ്ഞെടുക്കുന്നതിന് അപേക്ഷ ക്ഷണിച്ചു. ഇംഗ്ലീഷ്, കണക്ക്, ഹിന്ദി, സോഷ്യല്‍ സയന്‍സ്,  സയന്‍സ് വിഷയങ്ങളിലാണ് ഒഴിവുകള്‍.  ടി.ടി.സി, ബി.എഡ് യോഗ്യതയുള്ള തദ്ദേശ വാസികള്‍ക്ക് അപേക്ഷിക്കാം.  അപേക്ഷ മെയ് 31ന് വൈകുന്നേരം അഞ്ചിനകം വണ്ടൂര്‍ ബ്ലോക്ക് പട്ടികജാതി വികസന ഓഫീസില്‍ ലഭിക്കണം.  ഫോണ്‍  8547630137.

പട്ടിക വര്‍ഗ്ഗ വികസന വകുപ്പിനു കീഴില്‍ പ്രാക്തന ഗോത്ര വിഭാഗക്കാരായ കുട്ടികള്‍ക്ക് വേണ്ടിയുള്ള നിലമ്പൂര്‍ ഇന്ദിരാഗാന്ധി മെമ്മോറിയല്‍ മോഡല്‍ റെസിഡന്‍ഷ്യല്‍  സ്‌കൂളില്‍  പ്ലസ് വണ്‍ പ്രവേശനത്തിന് അപേക്ഷ ക്ഷണിച്ചു.  കോമേഴ്‌സ് വിത്ത് കംപ്യൂട്ടര്‍ അപ്ലിക്കേഷനാണ് കോഴ്‌സ്.  പ്രവേശന ഫോറം സ്‌കൂളില്‍ നിന്നും ലഭിക്കും.  അപേക്ഷ മെയ് 24നകം ലഭിക്കണം.  ഫോണ്‍  04931 224194, 220194.

തവനൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ ഇംഗ്ലീഷ്, കൊമേഴ്‌സ്, സോഷ്യോളജി, സൈക്കോളജി, പൊളിറ്റിക്കല്‍ സയന്‍സ്, ഹിസ്റ്ററി, മലയാളം, അറബിക്, ഹിന്ദി വിഭാഗങ്ങളില്‍ ഗസ്റ്റ് അധ്യാപക ഒഴിവുണ്ട്. ബന്ധപ്പെട്ട വിഷയത്തില്‍ പി.ജിയും നെറ്റും കോളേജ് വിദ്യാഭ്യാസ വകുപ്പ് ഉപഡയറക്ടറുടെ കാര്യാലയത്തില്‍ രജിസ്റ്റര്‍ ചെയ്തവരുമായ താല്‍പര്യമുള്ള ഉദ്യാഗാര്‍ഥികള്‍ മെയ് 16 രാവിലെ 10ന് കൂടിക്കാഴ്ചക്കായി കോളജില്‍ എത്തണം.  യോഗ്യതയുള്ളവരുടെ അഭാവത്തില്‍ യോഗ്യത കുറഞ്ഞവരെയും പരിഗണിക്കും.

നോമ്പ് സമയങ്ങളില്‍ രാത്രികാലങ്ങളില്‍ നടക്കുന്ന വഴിയോര അച്ചാര്‍ വില്‍പ്പന കേന്ദ്രങ്ങളില്‍ ആരോഗ്യ വകുപ്പിന്റെ നേതൃത്വത്തില്‍ പരിശോധന ശക്തമാക്കാന്‍ ജില്ലാ മെഡിക്കല്‍ ഓഫീസര്‍ ഡോ. കെ സക്കീനയുടെ നേതൃത്വത്തില്‍ നടന്ന ആരോഗ്യ ജാഗ്രത അവലോകനയോഗത്തില്‍ തീരുമാനമായി. അച്ചാറിന് പുറമെ ഉപ്പിലിട്ടത്, ഉപ യോഗ്യമല്ലാത്ത വെള്ളമുപയോഗിച്ച് നിര്‍മ്മിച്ച ഐസ് ഉല്‍പ്പന്നങ്ങളുടെ വില്‍പ്പനയും പരിശോധന വിധേയമാക്കും.

ആരോഗ്യ ജാഗ്രത കലണ്ടര്‍ പ്രകാരം മെയ് 16 ന് ജില്ലാ അടിസ്ഥാനത്തില്‍ ഡെങ്കി ദിനമായി ആചരിക്കും. ഡെങ്കി പനി പ്രതിരോധ പ്രവര്‍ത്തനങ്ങള്‍ക്ക് ആക്കം കൂട്ടുന്നതിനായുള്ള പ്രതിരോധ പ്രവര്‍ത്തനങ്ങള്‍ക്ക് 16 മുതല്‍ തുടക്കമാകും. ഇത് സംബന്ധിച്ച് ജില്ലാ തലത്തില്‍ നടപ്പിലാക്കേണ്ട പ്രതിരോധ പ്രവര്‍ത്തനങ്ങള്‍ സംബന്ധിച്ച് ജില്ലാ മെഡിക്കല്‍ ഓഫീസര്‍ ഡോ. കെ സക്കീനയുടെ നേതൃത്വത്തില്‍ നടന്ന അവലോകന യോഗത്തില്‍ തീരുമാനമായി.

നിലമ്പൂരില്‍ ഒറീസ സ്വദേശിക്ക് വൈവാ വാക്സിന്‍ വിഭാഗത്തില്‍പ്പെട്ട മലമ്പനി ബാധിച്ചത് കേരളത്തിന് പുറത്ത് നിന്നെന്ന് ആരോഗ്യ വകുപ്പ്. പനി ബാധിച്ച് ഒരാഴ്ച കഴിഞ്ഞാണ് ഇയാള്‍ നിലമ്പൂരില്‍ എത്തുന്നതെന്നാണ് വിവരം. അതിനാല്‍ ഉറവിടം നിലമ്പൂര്‍ ആവാന്‍ ഇടയില്ലെന്നാണ് ആരോഗ്യ വകുപ്പ് അധികൃതര്‍ നിരീക്ഷിക്കുന്നത്.

നാഷണല്‍ ട്രസ്റ്റ് ആക്ടിന്റെ പരിധിയില്‍ വരുന്ന, വിവിധ തരത്തിലുള്ള വൈകല്യമുള്ളവര്‍ക്ക് രക്ഷാകര്‍തൃത്വം അനുവദിക്കുന്നതിനുള്ള 77  അപേക്ഷകളില്‍  71 എണ്ണം ജില്ലാകലക്ടര്‍ അമിത് മീണയുടെ  അധ്യക്ഷതയില്‍ തീര്‍പ്പാക്കി. 4 പേര്‍ ഹാജരായില്ല. രണ്ട് കേസുകള്‍ അടുത്ത സിറ്റിങില്‍ പരിഗണിക്കും. സ്വത്തു വിഭജനം, ഭാഗപത്രം, വില്പന  തുടങ്ങിയവയുമായി ബന്ധപ്പെട്ട 13 അപേക്ഷകളാണ് സിറ്റിങില്‍ പരിഗണിച്ചത്.