മണ്ണുത്തി കാർഷിക സർവകലാശാല എംപ്ലോയ്‌മെന്റ് ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ ഉന്നത വിദ്യാഭ്യാസം, തൊഴിൽ രംഗങ്ങൾ എന്നിവ സംബന്ധിച്ച് സെമിനാർ സംഘടിപ്പിക്കുന്നു. കുന്നംകുളം പന്നിത്തടം കോൺകോഡ് എച്ച് എസ് എസിൽ മെയ് 18 രാവിലെ 9.30 നാണ് സെമിനാർ. ഉന്നതവിദ്യാഭ്യാസ കരിയർ വിദഗ്ധൻ ഡോ. ടി പി സേതുമാധവൻ ക്ലാസ്സ് നയിക്കും. രക്ഷിതാക്കൾക്കും അദ്ധ്യാപകർക്കും സെമിനാറിൽ പങ്കെടുക്കാം. കൂടുതൽ വിവരങ്ങൾക്ക് ഫോൺ : 0487-2371579, 9495788499.
 

പരിശീലനം പൂർത്തിയാക്കിയ 74 പോലീസുകാരുടെ പാസ്സിങ്ങ് ഔട്ട് പരേഡ് ഇന്ന് (മെയ് 15) രാവിലെ 7 ന് രാമവർമ്മപുരം കേരള പോലീസ് അക്കാദമി പരേഡ് ഗ്രൗണ്ടിൽ നടക്കും. സംസ്ഥാന പോലീസ് മേധാവി ലോക്‌നാഥ് ബെഹ്‌റ, പോലീസ് അക്കാദമി ഡയറക്ടർ ഡോ. ബി സന്ധ്യ എന്നിവർ അഭിവാദ്യം സ്വീകരിക്കും. അടിസ്ഥാന പരിശീലനം കൂടാതെ തീവ്രവാദപ്രവർത്തനങ്ങൾ തടയുന്നതിനുള്ള പ്രത്യേക പരിശീലനം, അത്യാധുനിക ആയുധങ്ങൾ ഉപയോഗിച്ചുള്ള രാത്രികാല ഫയറിങ് പരിശീലനം, തീരദേശപരിപാലനത്തിനുള്ള പ്രത്യേക പരിശീലനം എന്നിവയ്‌ക്കൊപ്പം കമ്പ്യൂട്ടർ, നീന്തൽ, യോഗ, കരാട്ടെ പരിശീലനവും ഇവർക്ക് നൽകിയിട്ടുണ്ട്.

ഒറ്റപ്പാലം ഗവ. ബധിര-മൂക വൊക്കേഷണല്‍ ഹയര്‍സെക്കണ്ടറി സ്‌കൂളില്‍ ഒന്നാം വര്‍ഷ വൊക്കേഷണല്‍ ഹയര്‍സെക്കണ്ടറി  പ്രവേശനത്തിന് അപേക്ഷിക്കാം.  ഫ്ളോറികള്‍ച്ചറിസ്റ്റ്  പ്രൊട്ടക്റ്റഡ് കള്‍ട്ടിവേഷന്‍, സെല്‍ഫ് എംപ്ലോയ്മെന്റ് ടെയ്ലര്‍ എന്നീ തൊഴില്‍ സാധ്യതാ കോഴ്സുകളിലേക്കാണ് പ്രവേശനം.  മെയ് 16 വരെ അപേക്ഷിക്കാം. പ്രവേശനം ലഭിക്കുന്ന വിദ്യാര്‍ത്ഥികള്‍ക്ക് സൗജന്യ താമസം, ഭക്ഷണം  എന്നിവ ലഭ്യമാണ്. ഫോണ്‍: 9074567272

ജില്ലാ എംപ്ലോയ്മെന്റിനു കീഴിലുള്ള ജില്ലാ എംപ്ലോയബിലിറ്റി സെന്റര്‍ മുഖേന സൗകാര്യ സ്ഥാപനങ്ങളിലേക്ക് അഭിമുഖം നടത്തുന്നു. അധ്യാപകര്‍(ഫിസിക്സ്, കെമിസ്ട്രി, മാത്സ്, സുവോളജി, ബോട്ടണി എന്നീ വിഷയങ്ങളിലേതിലെങ്കിലും ബിരുദം/ ബിരുദാനന്തര ബിരുദം, ബി.എഡ്), കായികാദ്ധ്യാപകര്‍(ബി.പി.എഡ്), ടെക്നീഷ്യന്‍ (കാര്‍പെന്റര്‍, ഫിറ്റര്‍, ഷീറ്റ് മെറ്റല്‍ വര്‍ക്കര്‍ , അലുമിനിയം ഫാബ്രിക്കേഷന്‍ എന്നിവയില്‍ ഐ.ടി.ഐ), സെയില്‍സ് എക്സിക്യുട്ടീവ് (എം.ബി.എ), റിലേഷന്‍ഷിപ്പ് ഓഫീസര്‍ (പ്ലസ് ടു മുതല്‍ ബിരുദം വരെ യോഗ്യതയുള്ള ഡ്രൈവിംഗ് ലൈസന്‍സും ബൈക്കുമുള്ള പുരുഷന്‍മാര്‍) എന്നീ ഒഴിവുകളാണുള്ളത്. 

പുതുശ്ശേരി പ്രാഥമികാരോഗ്യകേന്ദ്രത്തില്‍ കരാറടിസ്ഥാനത്തില്‍ ലാബ് ടെക്‌നിഷ്യനെ നിയമിക്കുന്നു. സര്‍ക്കാര്‍ അംഗീകൃത സ്ഥാപനങ്ങളില്‍ നിന്നും ലാബ് ടെക്‌നിഷ്യന്‍ കോഴ്‌സ് പൂര്‍ത്തിയാക്കിയവര്‍ക്ക് അപേക്ഷിക്കാം. അപേക്ഷകര്‍ രേഖകള്‍ സഹിതം  മെയ് 20ന്  രാവിലെ 11ന് പുതുശ്ശേരി ഗ്രാമപഞ്ചായത്തില്‍ എത്തണം.

തോലനൂര്‍ ഗവ. ഹയര്‍ സെക്കന്‍ഡറി സ്‌കൂളിലെ സ്‌കൂള്‍ ബസ്സില്‍ യാത്ര ചെയ്യാന്‍ താല്‍പര്യപ്പെടുന്ന വിദ്യാര്‍ത്ഥികളുടെ രക്ഷിതാക്കള്‍ ഇന്ന്  (മെയ് 15) രാവിലെ 11 ന്  വിദ്യാലയത്തില്‍ നടക്കുന്ന രക്ഷകര്‍തൃ യോഗത്തില്‍ പങ്കെടുക്കണമെന്ന് പ്രധാനാധ്യാപകന്‍ അറിയിച്ചു.

ഐ.എച്ച്.ആര്‍.ഡി. യ്ക്കു കീഴില്‍ പാലക്കാട്  കോട്ടയില്‍ പ്രവര്‍ത്തിക്കുന്ന കോളേജ്  ഓഫ് അപ്ലൈഡ് സയസ് വിദ്യാര്‍ത്ഥികള്‍ക്കായി പ്രോഗ്രാം ഫോര്‍ സ്റ്റുഡണ്ട്സ് ഇന്‍ കമ്പ്യൂട്ടര്‍ ആന്‍ഡ് സോഫ്റ്റ് സ്‌കില്‍സ്  എന്ന പേരില്‍ 50 മണിക്കൂര്‍ ദൈര്‍ഘ്യമുള്ള കമ്പ്യൂട്ടര്‍ വെക്കേഷന്‍ കോഴ്സ് സംഘടിപ്പിക്കുന്നു. ഒമ്പത് മുതല്‍ പ്ലസ്ടു വരെയുള്ള വിദ്യാര്‍ത്ഥികള്‍ക്ക്  അപേക്ഷിക്കാം. 2478 രൂപയാണ് ഫീസ്. ഫോണ്‍ - 04922285577.

മൃഗസംരക്ഷണ വകുപ്പിന് കീഴിലുള്ള മലമ്പുഴ മേഖലാ കോഴിവളര്‍ത്തല്‍ കേന്ദ്രത്തില്‍ ഒരു ദിവസം പ്രായമുള്ള ഗ്രാമശ്രീ ഇനത്തില്‍പ്പെട്ട കോഴിക്കുഞ്ഞുങ്ങള്‍ എല്ലാ തിങ്കളാഴ്ചയും വ്യാഴാഴ്ചയും ലഭിക്കും.  പൂവന്‍കോഴിക്ക് ഒന്നിന് 8 രൂപയും പിട കോഴിക്ക് ഒന്നിന് 20 രൂപയുമാണ് വില.  ആവശ്യമുള്ളവര്‍ നേരില്‍ വരേണ്ടതാണ് ആണ് 50 എണ്ണവും അതില്‍ കൂടുതലും ആവശ്യമുള്ളവര്‍ രാവിലെ പത്തുമുതല്‍ വൈകിട്ട് 5 വരെ 0491 2815206 എന്ന നമ്പറില്‍ മുന്‍കൂര്‍ ബുക്ക് ചെയ്യേണ്ടതാണ്.