വട്ടപറമ്പ്-കാടാമ്പുഴ റോഡില്‍ മേയ് 15 മുതല്‍ നവീകരണ പ്രവൃത്തികള്‍ നടക്കുന്നതിനാല്‍  വാഹനഗതാഗതം  പൂര്‍ണ്ണമായും  തടസ്സപ്പെടും. വാഹനങ്ങള്‍ ചട്ടിപറമ്പ്-ചെണ്ടി-കാടാമ്പുഴ, കോട്ടക്കല്‍-അമ്പാറ-കാടാമ്പുഴ, കോട്ടക്കല്‍ വെട്ടിച്ചിറ-കാടാമ്പുഴ വഴി പോകണം.

ആരോഗ്യ ജാഗ്രത പദ്ധതിയുടെ ഭാഗമായി ജില്ലാ അടിസ്ഥാനത്തില്‍ ഡെങ്കി ദിനമായി ആചരിക്കുന്നതോടനുബന്ധിച്ച് മെയ് 16 ന് ജില്ലയിലെ മുഴുവന്‍ സര്‍ക്കാര്‍ ഓഫീസുകളും പരിസരവും ശുചീകരിക്കും. രാവിലെയാണ് ഉറവിട നശീകരണ പ്രവര്‍ത്തനങ്ങള്‍ സംഘടിപ്പിക്കുക. ഉച്ചക്കു ശേഷം അവലോകനത്തിന്റെ ഭാഗമായി  ഇന്റര്‍ സെക്റ്ററല്‍ കോണ്‍ഫറന്‍സും നടക്കും. ഉച്ചക്ക് ശേഷം വിവിധ കേന്ദ്രങ്ങളില്‍ ആരോഗ്യ വകുപ്പ് ജീവനക്കാര്‍ക്കും ഡോക്ടര്‍മാര്‍ക്കുമായി ഡെങ്കി പ്രതിരോധ പ്രവര്‍ത്തനങ്ങളുമായി ബന്ധപ്പെട്ട് ക്ലാസുകളും സംഘടിപ്പിക്കും.

പ്ലാസ്റ്റിക്ക്, ഡിസ്പോസിബിള്‍ വസ്തുക്കള്‍ പൂര്‍ണ്ണമായി ഉപേക്ഷിച്ചു ഹരിത നിയമാവലി പാലിച്ചു നടത്തിയ കല്യാണം നാടിനു മാതൃകയായി. വെട്ടത്തൂര്‍ മണ്ണാര്‍മല ഓട്ടക്കല്ല് തൊടി ഉണ്ണിത്തായ- മീനാക്ഷി ദമ്പതികളുടെ ഏകമകള്‍ ശ്രീജയും കോഴിക്കോട് എലത്തൂര്‍ ചെട്ടിക്കുളം കാമ്പ്രത്ത്കണ്ടി നാരായണന്‍- ലക്ഷ്മി ദമ്പതികളുടെ മകന്‍ ഷിജുവും തമ്മിലുള്ള വിവാഹ സല്‍ക്കാരമാണ് കഴിഞ്ഞ ദിവസം മണ്ണാര്‍മല ഇമ്മു ഓഡിറ്റോറിയത്തില്‍ നടന്നത്.

പരിശീലനം പൂർത്തിയാക്കിയ 74 പോലീസുകാരുടെ പാസ്സിങ്ങ് ഔട്ട് പരേഡ് മെയ് 15ന്‌ രാവിലെ

ഐ.എച്ച്.ആര്‍.ഡി ടെക്‌നിക്കല്‍  ഹയര്‍ സെക്കന്‍ഡറിയില്‍ അടുത്ത പ്ലസ് വണ്‍ ക്ലാസിലേക്കുള്ള പ്രവേശനത്തിനുള്ള അപേക്ഷകള്‍ ബന്ധപ്പെട്ട സ്‌കൂളുകളില്‍  ലഭിക്കേണ്ട അവസാന തീയതി മേയ് 20 വരെയായി പുന:ക്രമീകരിച്ചിരിക്കുന്നു. അപേക്ഷയും അനുബന്ധ രേഖകളും 100 രൂപയുടെ രജിസ്‌ട്രേഷന്‍ ഫീസ് സഹിതം (പട്ടികജാതി/ പട്ടികവര്‍ഗ്ഗ വിദ്യാര്‍ത്ഥികള്‍ക്ക് 50 രൂപ) മേയ് 20 മൂന്നിന്  മുമ്പായി ബന്ധപ്പെട്ട സ്‌കൂളുകളില്‍ ലഭിക്കണം.