സായുധസേനയുടെ കീഴിലുള്ള ഒ.റ്റി.എ/എൻ.ഡി.എ/ഐ.എം.എ./നേവൽ അക്കാദമി/എ.എഫ്.എ/എ.എഫ്.എം.സി/ആർ.ഐ.എം.സി/സ്‌കൂൾസ് എന്നിവിടങ്ങളിൽ പ്രവേശനം നേടുന്ന കേരളീയരായ കേഡറ്റുകൾക്ക് പ്രോത്സാഹനമായി രണ്ടു ലക്ഷം രൂപയും മിലിറ്ററി/നേവി/എയർഫോഴ്‌സ് നഴ്‌സിംഗ് സ്‌കൂളുകളിൽ പ്രവേശനം ലഭിക്കുന്നവർക്ക് ഒരു ലക്ഷം രൂപയും ഒറ്റത്തവണയായി അനുവദിച്ച് സംസ്ഥാന സർക്കാർ ഉത്തരവായതായി സൈനികക്ഷേമ ഡയറക്ടർ അറിയിച്ചു.

പി.എൻ.എക്സ്. 1322/19

മ്യൂസിയം ദിനാഘോഷത്തിന്റെ ഭാഗമായി മ്യൂസിയം മൃഗശാലാ വകുപ്പ്, നേപ്പിയർ മ്യൂസിയത്തിൽ 18 മുതൽ 26 വരെ  പ്രത്യേക പ്രദർശനവും കുട്ടികൾക്കായി ഏകദിന ശിൽപശാലയും നടത്തും. പൂജ-ആചാര അനുഷ്ഠാനങ്ങൾ, കേശാലങ്കാര വസ്തുക്കൾ, അപൂർവമായ ലോഹ വിളക്കുകൾ, സാംസ്‌ക്കാരിക സമ്പത്ത് വിളിച്ചോതുന്ന ചില സമ്പ്രദായങ്ങളുടെ അവശേഷിപ്പുകൾ എന്നിവ പുതുതലമുറയ്ക്ക് പരിചയപ്പെടുത്തും. കുട്ടികൾക്കുള്ള ശിൽപശാലയിൽ കാര്യവട്ടം കാമ്പസിലെ മാനുസ്‌ക്രിപ്റ്റ് വിഭാഗം റിട്ട.പ്രൊഫസർ എൻ.സാം ക്ലാസ്സ് നയിക്കും. മ്യൂസിയം ദിനവുമായി ബന്ധപ്പെട്ട് പോസ്റ്റർ രചനാ മൽസരം നടത്തും.

ഐ.എച്ച്.ആർ.ഡിയുടെ നിയന്ത്രണത്തിലുള്ള ടെക്‌നിക്കൽ ഹയർ സെക്കൻഡറി സ്‌കൂളുകളിലെ 11-ാം സ്റ്റാന്റേർഡ് പ്രവേശനത്തിനുള്ള അപേക്ഷകൾ ബന്ധപ്പെട്ട സ്‌കൂളുകളിൽ ലഭിക്കേണ്ട അവസാന തീയതി മേയ് 20 ആയി പുന:ക്രമീകരിച്ചു. അപേക്ഷയും അനുബന്ധ രേഖകളും 100 രൂപയുടെ രജിസ്‌ട്രേഷൻ ഫീസ് സഹിതം (പട്ടികജാതി/പട്ടികവർഗ വിദ്യാർത്ഥികൾക്ക് 50 രൂപ) അന്ന് വൈകിട്ട് മൂന്നിനുമുമ്പ് ബന്ധപ്പെട്ട സ്‌കൂളുകളിൽ ലഭിക്കണമെന്ന് ഡയറക്ടർ അറിയിച്ചു.

പി.എൻ.എക്സ്. 1320/19

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്‌സിന്റെ തിരുവനന്തപുരം/ കൊച്ചി/ തൃശൂർ/ തലശ്ശേരി കാമ്പസിൽ ജൂണിൽ ആരംഭിക്കുന്ന എയർപോർട്ട്/ ലോജിസ്റ്റിക്‌സ് മാനേജ്‌മെന്റ് ഡിപ്ലോമ കോഴ്‌സുകളിലേക്ക് പ്ലസ്ടു/ ഡിഗ്രി വിദ്യാർത്ഥികളിൽ നിന്നും അപേക്ഷകൾ ക്ഷണിച്ചു.  ആറു മാസം കാലാവധിയുള്ള കോഴ്‌സ് വിജയകരമായി പൂർത്തിയാക്കുന്നവർക്ക് പ്ലേസ്‌മെന്റ് സഹായവും നൽകും.  അപേക്ഷകൾ  www.kittsedu.org  എന്ന വെബ്‌സൈറ്റിൽ നിന്നും ഡൗൺലോഡ് ചെയ്യാം.  കൂടുതൽ വിവരങ്ങൾക്ക്: 9567869722.

പി.എൻ.എക്സ്. 1318/19

ഡോക്ടർമാർക്കുള്ള സംസ്ഥാന സർക്കാരിന്റെ 2018ലെ അവാർഡുകൾക്ക് അപേക്ഷ ക്ഷണിച്ചു.  ആരോഗ്യവകുപ്പ്, ആരോഗ്യ വിദ്യാഭ്യാസ വകുപ്പ്, ഇൻഷ്വറൻസ് മെഡിക്കൽ സർവീസ് സഹകരണ സ്വതന്ത്ര സ്ഥാപനങ്ങൾ, സ്വകാര്യ മേഖല എന്നിവിടങ്ങളിലെ ഡോക്ടർമാർക്ക് വെവ്വേറെ അവാർഡുകളും സംസ്ഥാനത്തെ പൊതുമേഖലയിലെ മികച്ച ഡോക്ടർമാർക്ക് ഓരോരുത്തർക്കും 15,000 രൂപയും മെറിറ്റ് സർട്ടിഫിക്കറ്റും വിതരണം ചെയ്യും.

അഡ്മിഷന്‍ ഫോറം വിതരണം

കണ്ണൂര്‍ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ 2019-20 വര്‍ഷത്തെ ഫുഡ് പ്രൊഡക്ഷന്‍, ഫുഡ് ആന്റ് ബിവറേജ് സര്‍വീസ് കോഴ്‌സുകളിലേക്കുള്ള അഡ്മിഷന്‍ ഫോറം വിതരണം ആരംഭിച്ചു. ഫോണ്‍ 0497 2706904.

ഐ എച്ച് ആര്‍ ഡി

പ്ലസ് വണ്‍ പ്രവേശനം 20 വരെ

ഫലവൃക്ഷ തോട്ടങ്ങള്‍ ഉള്‍പ്പെടെയുള്ള ജൈവ വൈവിധ്യങ്ങളാല്‍ സമ്പന്നമായ കരിമ്പം ഫാം സഞ്ചാരികളെ വരവേല്‍ക്കാനൊരുങ്ങുന്നു. 140 ല്‍ അധികം ഏക്കര്‍ സ്ഥലത്ത് വ്യാപിച്ചു കിടക്കുന്ന ഫാമില്‍ കാഴ്ചകളും വൈവിധ്യങ്ങളും ഏറെയുണ്ടെങ്കിലും സന്ദര്‍ശകര്‍ കാര്യമായി എത്താറില്ല. ഈ പ്രശ്നത്തിന് പരിഹാരം കാണുക എന്ന ലക്ഷ്യത്തോടെയാണ് ജില്ലാ പഞ്ചായത്തിന്റെ നേതൃത്വത്തില്‍ ഫാമിലെ അടിസ്ഥാന സൗകര്യങ്ങള്‍ നവീകരിക്കാനൊരുങ്ങുന്നത്. 

കുടുംബശ്രീ സിഡിഎസുകളിലെ അക്കൗണ്ടന്റുമാര്‍ക്കുള്ള ത്രിദിന പരിശീലന പരിപാടിക്കു തുടക്കമായി. കൊല്ലം, കോട്ടയം, ആലപ്പുഴ ജില്ലകളില്‍നിന്നുള്ള 60 അക്കൗണ്ടന്റുമാരുടെ ആദ്യ ബാച്ചിന് കരകുളം ഗ്രാമീണ പഠന കേന്ദ്രത്തിലാണു പരിശീലനം നടക്കുന്നത്.