കഴക്കൂട്ടം ടെക്‌നോപാർക്കിനും പരിസരത്തും കമ്പത്തുനിന്ന് വൻതോതിൽ കഞ്ചാവ് എത്തിച്ച് സ്‌കൂൾ, കോളേജ്  വിദ്യാർഥികൾക്ക്  നൽകുന്നതിൽ പ്രധാനിയായ തമിഴ്‌നാട് തേനി ജില്ലയിൽ കമ്പം ഉലകതേവർ തെരുവിൽ ഹൗസ് നമ്പർ 91 ൽ എ. രാജേന്ദ്രനെ (42) എക്‌സൈസ് അറസ്റ്റുചെയ്തു. ഇയാളിൽ നിന്നും 1.100 കിലോ കഞ്ചാവ് കണ്ടെടുത്ത് എൻ.ഡി.പി.എസ് കേസ് രജിസ്റ്റർ ചെയ്ത് കോടതിയിൽ ഹാജരാക്കി റിമാൻറ് ചെയ്തു. 

ഹയർസെക്കണ്ടറി പ്ലസ് വൺ പ്രവേശനത്തിനായി അപേക്ഷ ഇന്ന് (മേയ് 16) വൈകിട്ട് അഞ്ച് വരെ സമർപ്പിക്കാം. അപേക്ഷകളുടെ പ്രിന്റൗട്ട് അനുബന്ധരേഖകൾ സഹിതം സ്‌കൂളിൽ വെരിഫിക്കേഷനായി സമർപ്പിക്കുവാനുളള സമയവും ഇന്നവസാനിക്കും. സ്‌കൂൾ അധികൃതർ വെരിഫിക്കേഷനലൂടെ കൃത്യത ഉറപ്പാക്കുന്ന അപേക്ഷകൾ മാത്രമേ അലോട്ട്‌മെന്റ് പ്രക്രിയയ്ക്ക് പരിഗണിക്കുകയുളളൂ. സ്‌പോർടസ് ക്വാട്ട പ്രവേശനത്തിന്റെ ഒന്നാം ഘട്ടമായ സ്‌പോർട്‌സ് മികവ് രജിസ്‌ട്രേഷൻ ജില്ലാ സ്‌പോർട്‌സ് കൗൺസിലുകളിൽ മേയ് 21ന് വൈകിട്ട് അഞ്ച് വരെയാണ്. രണ്ടാം ഘട്ട സ്‌പോർട്‌സ് ഓൺലൈൻ അപേക്ഷാ 22ന് വൈകിട്ട് അഞ്ചു വരെ സമർപ്പിക്കണമെന്നും ഹയർസെക്കണ്ടറി ഡയറക്ടർ അറിയിച്ചു.

കേരള ഇൻസ്റ്റിറ്റ്യൂട്ട് ഓഫ് ടൂറിസം ആന്റ് ട്രാവൽ സ്റ്റഡീസ് (കിറ്റ്‌സ്) മേയ് 18ന് രാവിലെ 10 മുതൽ 1.15 വരെ തിരുവനന്തപുരം തൈയ്ക്കാട് ഉളള കിറ്റ്‌സ് ആസ്ഥാനത്ത് ഏകദിന സെമിനാർ നടത്തും. ടൂറിസത്തിലെ തൊഴിൽ സാധ്യതകളും ഉപരി പഠനവും എന്നതാണ് വിഷയം. സീറ്റുകൾ പരിമിതം. രജിസ്റ്റർ ചെയ്യാൻ ആഗ്രഹിക്കുന്നവർ  ckvenu@kittsedu.org എന്ന ഇ-മെയിൽ വിലാസത്തിലേയ്ക്ക് അപേക്ഷിക്കണം. സൗജന്യമായി രജിസ്റ്റർ ചെയ്യാനുളള അവസാന തീയതി മേയ് 17. വിശദ വിവരങ്ങൾക്കായി 9446068080, 0471-2327707.

പി.എൻ.എക്സ്. 1340/19

തൊഴിലധിഷ്ഠിത കോഴ്‌സുകളായ കമ്പ്യൂട്ടർ ഹാർഡ്‌വെയർ ആന്റ് നെറ്റ്‌വർക്ക് മെയിന്റനൻസ് വിത്ത് ഇ-ഗാഡ്ജറ്റ് ടെക്‌നോളജീസ്, ഇലക്ട്രിക്കൽ വയർമാൻ ആന്റ് പ്ലംബർ, റഫ്രിജറേഷൻ ആന്റ് എയർകണ്ടീഷനിങ്, സ്‌കിൽ ഡെവലപ്പ്‌മെന്റ് പ്രോഗ്രാം ഓൺ സി.സി.എൻ.എ, പ്രൊഫഷണൽ ഡിപ്ലോമ ഇൻ വെബ്ഡിസൈൻ ആന്റ് ഡെവലപ്പ്‌മെന്റ്, സോഫ്റ്റ്‌വെയർ ടെസ്റ്റിംങ്, ഡി.സി.എ, പി.ജി.ഡി.സി.എ എന്നീ കോഴ്‌സുകളിലേക്ക് കെൽട്രോൺ അപേക്ഷ ക്ഷണിച്ചു. കൂടുതൽ വിവരങ്ങൾക്ക് തിരുവനന്തപുരം സ്‌പെൻസർ ജംഗ്ഷനിലെ കെൽട്രോൺ നോളഡ്ജ് സെന്ററിലോ 0471-2337450, 0471-2320332 എന്നീ നമ്പറുകളിലോ ബന്ധപ്പെടണം.

പി.എൻ.എക്സ്. 1339/19

എൽ.ബി.എസ് സെന്റർ ഫോർ സയൻസ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തിൽ അവധിക്കാല കോഴ്‌സുകളായ ഡി.ഇ ആന്റ് ഒ.എ (എസ്.എസ്.എൽ.സി), ടാലി (മൂന്ന് ബാച്ച്), ഡി.സി.എഫ്.എ (ഒരു ബാച്ച്) (+2/ബി.കോം, അതിനു മുകളിൽ), ഹാർഡ്‌വെയർ, ഇന്റർനെറ്റ് & വെബ് ടെക്‌നോളജി (എസ്.എസ്.എൽ.സിയും അതിനു മുകളിലും) കോഴ്‌സുകളിലേക്ക് അപേക്ഷ ക്ഷണിച്ചു. കൂടുതൽ വിവരങ്ങൾക്ക്: 8547141406, 0471-2560332. 

പി.എൻ.എക്സ്. 1338/19

2019 മാർച്ച് മാസം നടന്ന എസ്.എസ്.എൽ.സി പരീക്ഷയുടെ ഉത്തരക്കടലാസുകളുടെ പുനർമൂല്യനിർണ്ണയം/സ്‌ക്രൂട്ടിണി എന്നിവ മേയ് 17 മുതൽ 20 വരെ സംസ്ഥാനത്തെ 54 കേന്ദ്രീകൃത മൂല്യനിർണ്ണയ ക്യാമ്പുകളിലും നടക്കും. ഈ ക്യാമ്പുകളിലേക്ക് പുനർമൂല്യ നിർണ്ണയത്തിന് തെരഞ്ഞടുക്കപ്പെട്ട എല്ലാ അഡീഷണൽ ചീഫ് എക്‌സാമിനർമാരും, അസിസ്റ്റന്റ് എക്‌സാമിനർമാരും 17 ന് രാവിലെ 9.30ന് മൂല്യനിർണ്ണയ ക്യാമ്പുകളിൽ റിപ്പോർട്ട് ചെയ്യണം.

പി.എൻ.എക്സ്. 1337/19

കേരള സർക്കാർ സ്ഥാപനമായ ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്‌സ് ഡെവലപ്പ്‌മെന്റിന്റെ (ഐ.എച്ച്.ആർ.ഡി) ആഭിമുഖ്യത്തിൽ ആരംഭിക്കുന്ന കമ്പ്യൂട്ടർ കോഴ്‌സുകളിൽ പ്രവേശനത്തിനായി വിവിധ കേന്ദ്രങ്ങളിൽ അപേക്ഷ ക്ഷണിച്ചു. പി.ജി.ഡി.സി.എ (ഡിഗ്രി പാസ്സ്), പി.ജി.ഡി.എ.ഇ (ഡിഗ്രി പാസ്സ്), ഡി.സി.എ (+2 പാസ്സ്), ഡി.ഡി.റ്റി.ഒ.എ (എസ്.എസ്.എൽ.സി പാസ്സ്), സി.സി.എൽ.ഐ.എസ് (എസ്.എസ്.എൽ.സി പാസ്സ്)