സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി ഇരിങ്ങാലക്കുട മണ്ഡലത്തില്‍ 33 കോടി രൂപയുടെ വികസന പദ്ധതികള്‍ നടപ്പിലാക്കുന്നു . 31 കോടി രൂപയുടെ നിര്‍മാണോദ്‌ഘടന പദ്ധതികള്‍ക്ക്‌ തുടക്കമാകും. ഒരു കോടി 13 ലക്ഷം രൂപ ചിലവഴിച്ചു നിര്‍മ്മിച്ച കല്ലേറ്റുംകര സബ്‌ രജിസ്‌ട്രാര്‍ ഓഫീസ്‌ മന്ദിരത്തിന്റെ ഉദ്‌ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫ്രന്‍സിലൂടെ നിര്‍വഹിച്ചു. 60 ലക്ഷം രൂപ ചിലവഴിച്ച ആസാദ്‌ റോഡ്‌ പുനരുദ്ധാരണീ പ്രൊഫ കെ. യു അരുണന്‍ എം എല്‍ എ ഉദ്‌ ഘാടനം ചെയ്‌തു. കോതച്ചിറ ലിഫ്‌റ്റ്‌ ഇറിഗേഷന്‍ പദ്ധതിയുടെ ഉദ്‌ഘാടനം കൃഷി വകുപ്പ്‌ മന്ത്രി വി എസ്‌ സുനില്‍ കുമാര്‍ നിര്‍വഹിച്ചു.

സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി ചാവക്കാട്‌, ഗുരുവായൂര്‍ നഗരസഭ, ഗുരുവായൂര്‍ ദേവസ്വം പ്രദേശങ്ങളിലെ രൂക്ഷമായ കുടിവെളള ക്ഷാമം ഫലപ്രദമായി പരിഹരിക്കാന്‍ 54 കോടി രൂപ ചെലവഴിച്ച്‌ പൂര്‍ത്തിയാക്കി മുഖ്യമന്ത്രി പിണറായി വിജയന്‍ ഫെബ്രുവരി 18 നാടിന്‌ സമര്‍പ്പിച്ചു. 6.1 കോടി രൂപ ചെലവഴിച്ച്‌ പൂര്‍ത്തിയാക്കിയ കടപ്പുറം-കണ്ടെയ്‌നര്‍ സബ്‌ സ്റ്റേഷന്‍ മലബാറിലെ ആദ്യത്തെ കണ്ടെയ്‌നര്‍ സബ്‌ സ്റ്റേഷനായ കടപ്പുറം-സബ്‌ സ്റ്റേഷന്‍ ഫെബ്രുവരി 22 വൈകീട്ട്‌ 3 ന്‌ വൈദ്യുതി വകുപ്പ്‌ മന്ത്രി എം എം മണി ഉദ്‌ഘാടനം ചെയ്യും.

പ്രളയവും ഓഖി പോലുള്ള ദുരന്തങ്ങളും സംഭവിച്ച കേരളത്തിന്റെ മത്സ്യമേഖലക്ക്‌ കേന്ദ്ര സര്‍ക്കാര്‍ ഇനിയും ന്യായമായ ആനുകൂല്യങ്ങള്‍ അനുവദിക്കണമെന്ന്‌ ഫിഷറീസ്‌ വകുപ്പ്‌ മന്ത്രി ജെ.മേഴ്‌സിക്കുട്ടിയമ്മ. തൃശൂര്‍ ടൗണ്‍ ഹാളില്‍ ജില്ലയിലെ ജല കര്‍ഷകര്‍ക്കും മത്സ്യത്തൊഴിലാളികള്‍ക്കുമുള്ള പ്രളയനഷ്ട പരിഹാര വിതരണം, ജലകൃഷി പ്രളയാനന്തര പുന:സ്ഥാപന പദ്ധതി ഉദ്‌ഘാടനം എന്നിവ നിര്‍വഹിച്ച്‌ സംസാരിക്കുകയായിരുന്നു മന്ത്രി. പ്രളയത്തിലും ഓഖിയിലും തീരദേശ മേഖലയില്‍ ഏറെ നാശനഷ്ടങ്ങളുണ്ടായി. മത്സ്യത്തൊഴിലാളികളുടെ വീടുകള്‍ തകര്‍ന്നു, ജീവനോപാധികള്‍ നഷ്ടപ്പെട്ടു. അവരുടെ പുനരധിവാസ സാധ്യതകള്‍ പ്രതിസന്ധിയിലായി.

അയ്യന്തോള്‍ ജി വി എച്‌ എസ്‌ എസ്സിന്റെ ഹൈടെക്‌ കെട്ടിടത്തിന്റെയും ലൈബ്രറി ആന്‍ഡ്‌ സെമിനാര്‍ ഹാളിന്റെയും നിര്‍മ്മാണോദ്‌ഘാടനം കൃഷി വകുപ്പ്‌ മന്ത്രി അഡ്വ വി എസ്‌ സുനില്‍കുമാര്‍ നിര്‍വഹിച്ചു.സംസ്ഥാന സര്‍ക്കാരിന്റെ ആയിരം ദിനാഘോഷത്തോടനുബന്ധിച്ചാണ്‌ ഈ നിര്‍മ്മാണോദ്‌ഘാടനം സംഘടിപ്പിച്ചത്‌.കൃഷി വകുപ്പ്‌ മന്ത്രിയുടെ 2018-19 വര്‍ഷത്തെ ആസ്‌തി വികസന ഫണ്ടില്‍ നിന്നും അനുവദിച്ച 99 ലക്ഷം രൂപ വിനിയോഗിച്ചാണ്‌ ഹൈ സ്‌കൂള്‍ വിഭാഗത്തിന്റെ ഹൈ ടെക്‌ കെട്ടിടത്തിന്റെ ഒന്നാംഘട്ട നിര്‍മാണം നടത്തുന്നത്‌ .

പഴയന്നൂര്‍ ഗ്രാമപഞ്ചായത്തില്‍ സര്‍ക്കാരിന്റെ ആയിരം ദിനങ്ങള്‍ ആയിരം കര്‍മ്മപദ്ധതികള്‍ എന്ന ആശയത്തിന്റെ ഭാഗമായി വയോജനങ്ങള്‍ക്കായി നിര്‍മ്മിക്കാനിരിക്കുന്ന പകല്‍വീട്‌ ശിലാസ്ഥാപനത്തിന്റെ ഉദ്‌ഘാടനം യു.ആര്‍. പ്രദീപ്‌ എം.എല്‍.എ. നിര്‍വ്വഹിച്ചു. കേരളം ഒരു വയോജന സൗഹൃദ സംസ്ഥാനമാക്കണമെന്നും വാര്‍ദ്ധക്യമെന്നാല്‍ ഉപേക്ഷിക്കപ്പെടേണ്ട കാലമല്ല മറിച്ച്‌ സംരക്ഷിക്കപ്പെടേണ്ട കാലമാണെന്നും അത്തരമൊരു കാഴ്‌ച്ചപ്പാടിലൂടെയാണ്‌ വയോജനങ്ങള്‍ക്ക്‌ ഒരു പകല്‍ വീട്‌ എന്ന ആശയത്തിലേക്ക്‌ പഴയന്നൂര്‍ ഗ്രാമപഞ്ചായത്തിനെ എത്തിച്ചതെന്നും അദ്ദേഹം വ്യക്തമാക്കി.

പഴയന്നൂരില്‍ സര്‍ക്കാരിന്റെ ആയിരം ദിനങ്ങള്‍ ആയിരം കര്‍മ്മപദ്ധതികള്‍ എന്ന ആശയത്തിന്റെ ഭാഗമായി മൃഗസംരക്ഷണ വകുപ്പ്‌ മുഖേന നടപ്പിലാക്കുന്ന വായ്‌പാ പലിശ പദ്ധതിയുടെ ഉദ്‌ഘാടനം യു.ആര്‍.പ്രദീപ്‌ എം.എല്‍.എ. നിര്‍വ്വഹിച്ചു. സമാനതകളില്ലാതെ പ്രളയത്തില്‍ നഷ്ടപ്പെട്ട മൃഗ സമ്പത്തുകളെയും പക്ഷി സമ്പത്തുകളെയും നില നിര്‍ത്തുകയും പ്രളയാനന്തരം ക്ഷീരകര്‍ഷകര്‍ നേരിടുന്ന പ്രയാസങ്ങളെ അതിജീവിക്കുകയുമാണ്‌ പദ്ധതി ലക്ഷ്യം വെയ്‌ക്കുന്നതെന്നും അദ്ദേഹം വ്യക്തമാക്കി.

പകര്‍ച്ചവ്യാധികള്‍ക്കെതിരെ പ്രതിരോധിക്കുന്നതില്‍ യുവതലമുറക്ക്‌ വലിയ പങ്കു വഹിക്കാന്‍ കഴിയുമെന്നും അതിനാല്‍ അവരെ ബോധവല്‍കരിക്കുന്നതിനു വലിയ പ്രാധാന്യം ഉണ്ടെന്നും കൃഷി വകുപ്പ്‌ മന്ത്രി അഡ്വ, വി എസ്‌ സുനില്‍കുമാര്‍. പകര്‍ച്ചവ്യാധികള്‍ക്കെതിരായ സര്‍ക്കാരിന്റെ ആരോഗ്യജാഗ്രത പരിപാടിയുടെ ജില്ലാതല ഉദ്‌ഘാടനം റീജ്യണല്‍ തീയറ്ററില്‍ ഉദ്‌ഘാടനം ചെയ്‌തു സംസാരിക്കുകയായിരുന്നു അദ്ദേഹം.

അന്തിക്കാട്‌ ബ്ലോക്ക്‌ പഞ്ചായത്തില്‍ ഭവന നിര്‍മ്മാണത്തിന്‌ ഊന്നല്‍ നല്‍കി 2019-20 വര്‍ഷത്തെ ബജറ്റ്‌ അവതരിപ്പിച്ചു. 17.15 കോടി വരവും 16.84 കോടി ചിലവും 30 ലക്ഷം രൂപ നീക്കിയിരിപ്പുമുള്ള ബഡ്‌ജറ്റില്‍ നിര്‍മ്മാണത്തിലിരിക്കുന്ന വീടുകള്‍ പൂര്‍ത്തിയാക്കാനും പുതിയ വീടുകള്‍ക്കുമായി 2. 9 കോടി രൂപ ബഡ്‌ജറ്റില്‍ വകയിരുത്തി. കാര്‍ഷികമേഖലക്കും പ്രാധാന്യം കൊടുത്തുകൊണ്ടുള്ളബഡ്‌ജറ്റില്‌ വിവിധ കാര്‍ഷിക അനുബന്ധ പദതതികള്‍ക്കായി 69 ലക്ഷം രൂപയും വകയിരുത്തി.

അന്തിക്കാടു പഞ്ചായത്തിന്റെ 2019-20 വര്‍ഷത്തെ ബജറ്റ്‌ അവതരിപ്പിച്ചു. 10.19 കോടി വരവും 9.31 കോടി ചെലവും 70 ലക്ഷം രൂപ നീക്കിയിരിപ്പുമടങ്ങുന്ന ബജറ്റില്‍ കാര്‍ഷികമേഖല, മൃഗസംരക്ഷണം, ലൈഫ്‌ ഭവന പദ്ധതി, പഞ്ചായത്ത്‌ കമ്മ്യൂണിറ്റി ഹാള്‍ നിര്‍മ്മാണം എന്നിവക്കാണ്‌ ഊന്നല്‍ നല്‍കിയിട്ടുള്ളത്‌. കൃഷി മൃഗസംരക്ഷണം 79.87 ലക്ഷം , ലൈഫ്‌ ഭവന പദ്ധതിക്ക്‌്‌ 75 ലക്ഷം, കമ്മ്യൂണിറ്റി ഹാള്‍ നിര്‍മ്മാണത്തിന്‌ 1 കോടി രൂപയും പട്ടികജാതി വികസനത്തിനായി 24.38 ലക്ഷം രൂപയും, വനിതാ ശിശുക്ഷേമ അഗതി പദ്ധതികള്‍ക്കായി 45.75 ലക്ഷം രൂപയും വകയിരുത്തിയിട്ടുണ്ട്‌.