ചെങ്കള പ്രാഥമികാരോഗ്യകേന്ദ്രത്തിന്റെ ആഭിമുഖ്യത്തില്‍ ചെര്‍ക്കളയില്‍ ഡെങ്കിപ്പനി വിരുദ്ധ ദിനാചരണം നടത്തി. ഗ്രാമപഞ്ചായത്ത് പ്രസിഡന്റ് ഷാഹിന സലിം ഉദ്ഘാടനം ചെയ്തു. പഞ്ചായത്ത് അംഗം ഓമന അധ്യക്ഷത വഹിച്ചു. മെഡിക്കല്‍ ഓഫീസര്‍ ഡോ. സി എം കായിഞ്ഞി മുഖ്യപ്രഭാഷണം നടത്തി. ദിനാചരണത്തിന്റെ ഭാഗമായി കൊതുക് ഉറവിട നശീകരണം, ഗൃഹ സന്ദര്‍ശനം, ബോധവല്‍ക്കരണം എന്നിവ നടത്തി. ഹെല്‍ത്ത് ഇന്‍സ്‌പെക്ടര്‍  ബി അഷറഫ്, പഞ്ചായത്ത് അംഗങ്ങളായ അഹമ്മദ് ഹാജി, താഹിര്‍, ജെഎച്ച്‌ഐ കെഎസ് രാജേഷ്, പബ്ലിക് ഹെല്‍ത്ത് നഴ്‌സുമാരായ ജലജ, കൊച്ചുറാണി, നിഷാ, റസീന, മഞ്ജുഷ റാണി, ഷബീന എന്നിവര്‍ സംസാരിച്ചു.

വിദ്യാനഗര്‍ കേന്ദ്രീയ വിദ്യാലയത്തില്‍ (നമ്പര്‍ 2) പതിനൊന്നാം ക്ലാസിലേക്ക് ഒഴിവുകളുണ്ട്.  താല്പര്യമുളളവര്‍ക്ക് ഈ മാസം 20 ന്  വൈകുന്നേരം 4.30 വരെ അപേക്ഷിക്കാം. കൂടുതല്‍ വിവരങ്ങള്‍ക്ക് സ്‌കൂള്‍ വെബ്‌സൈറ്റായ  www.kv 2 kasaragod.edu.in സന്ദര്‍ശിക്കുക.  ഫോണ്‍-04994 256788.

കാസര്‍കോട് കുടുംബകോടതിയില്‍ എക്‌സ്‌പെര്‍ട്ട് പാനലും  കുടുംബകോടതിയുമായി സഹകരിച്ച് പ്രവര്‍ത്തിക്കുന്നതിന് ഫാമിലി വെല്‍ഫെയര്‍, ചൈല്‍ഡ് ഗൈഡന്‍സ് എന്നീ മേഖലകളില്‍ പ്രവര്‍ത്തിക്കുന്ന സോഷ്യല്‍ വെല്‍ഫയര്‍ ഏജന്‍സി, ഓര്‍ഗനൈസേഷന്‍, ഇന്‍സ്റ്റിറ്റിയൂഷന്‍ എന്നിവയുടെ പട്ടികയും തയ്യാറാക്കുന്നു.  താല്‍പര്യമുളളവര്‍  ഈ മാസം 23 ന് വൈകുന്നേരം അഞ്ചിനകം കാസര്‍കോട് കുടുംബകോടതി, ഹരിപ്രേമ ഷോപ്പിംഗ് കോംപ്ലക്‌സ്, നിയര്‍ മുനിസിപ്പല്‍ സ്റ്റേഡിയം, വിദ്യാനഗര്‍ 671123,  എന്ന വിലാസത്തില്‍ അപേക്ഷിക്കണം .ഫോണ്‍- 04994 257007.

ആദൂര്‍ ഗവണ്‍മെന്റ് ഹയര്‍സെക്കന്ററി സ്‌കൂളില്‍ ഈ മാസം 20 ന് നടത്താന്‍ നിശ്ചയിച്ചിരുന്ന വിവിധ തസ്തികളിലേക്കുളള താല്‍കാലിക അധ്യാപക നിയമനത്തിനുളള അഭിമുഖം മാറ്റിവച്ചു.

അനര്‍ഹമായി മുന്‍ഗണന പട്ടികയില്‍ ഉള്‍പ്പെട്ട് സൗജന്യ റേഷന്‍ കൈപ്പറ്റുന്നവര്‍ക്കെതിരെ നടപടികള്‍ സ്വീകരിക്കുന്നതിന്റെ ഭാഗമായി കാസര്‍കോട് താലൂക്ക് സപ്ലൈ ഓഫിസറുടെ നേതൃത്വത്തില്‍ ചെമ്മനാട് പഞ്ചായത്തിലെ വിവിധ ഭാഗങ്ങളില്‍ നടത്തിയ പരിശോധനയില്‍ അനര്‍ഹമായി കണ്ടെത്തിയ പത്തോളം മുന്‍ഗണന കാര്‍ഡുകള്‍ റദ്ദാക്കി, ബന്ധപ്പെട്ടവര്‍ക്ക് കാരണം കാണിക്കല്‍ നോട്ടീസ് നല്‍കി.  നേരത്തെ മുന്‍ഗണന കാര്‍ഡുകള്‍ ലഭിച്ച് പിന്നീട് ജീവിത സാഹചര്യങ്ങളില്‍ മാറ്റം വന്ന് മുന്‍ഗണന കാര്‍ഡിന് അര്‍ഹതയില്ലാത്തവരായി മാറിയവര്‍ കാസര്‍കോട് താലൂക്ക് സപ്ലൈ ഓഫീസുമായി ബന്ധപ്പെട്ട് തങ്ങളുടെ കാര്‍ഡ് പൊതുവിഭാഗത്തിലേക്ക് മാറ്റി നിയമ നടപടികളില്‍ നിന്

ഈ മാസം 25 ന് കാഞ്ഞങ്ങാട് നിത്യാനന്ദ പോളിടെക്‌നിക്കില്‍ നടക്കുന്ന വയര്‍മാന്‍ പരീക്ഷയുടെ ഹാള്‍ ടിക്കറ്റ് ലഭിക്കാത്തവര്‍ 24 ന് കാസറകോട് കളക്ടറേറ്റിലുളള ഇലക്ട്രിക്കല്‍ ഇന്‍സ്‌പെക്ടറേറ്റ് ഓഫീസിനെ സമീപിക്കണമെന്ന് ഇലക്ട്രിക്കല്‍ ഇന്‍സ്‌പെക്ടര്‍ അറിയിച്ചു.  ഫോണ്‍- 04994 256930.

ഐ എച്ച് ആര്‍ ഡി യുടെ കീഴില്‍ കല്ല്യാശ്ശേരിയില്‍ പ്രവര്‍ത്തിക്കുന്ന ഇ കെ നായനാര്‍ മെമ്മോറിയല്‍ ആന്റ് മോഡല്‍ പോളിടെക്‌നിക്ക് കോളേജില്‍ ഡിപ്ലോമ കോഴ്‌സുകളിലേക്ക് പ്രവേശനത്തിനുളള അപേക്ഷ ക്ഷണിച്ചു.  എസ് എസ് എല്‍  സിയാണ് അടിസ്ഥാന യോഗ്യത.  www.ihrdmptc.org  എന്ന വെബ്‌സൈറ്റ് വഴി ഓണ്‍ലൈന്‍ ആയി ഈ മാസം 30 വരെ അപേക്ഷിക്കാം.  ഓണ്‍ലൈന്‍ ആയി സമര്‍പ്പിച്ച അപേക്ഷയുടെ പ്രിന്റും മറ്റ് അനുബന്ധരേഖകളും അപേക്ഷാ ഫീസായ 200 രൂപയും  ജൂണ്‍ മൂന്നിനകം കോളേജ് ഓഫീസില്‍ സമര്‍പ്പിക്കണം.  അപേക്ഷ ഫീസ് പ്രിന്‍സിപ്പാളിന്റെ പേരില്‍ മാറ്റാവുന്ന ഡി.ഡി ആയോ, കോളേജ് ഓഫീസില്‍ നേരിട്ടോ അടക്കാം.  അപ

ഏഴാമത് സാമ്പത്തിക സെന്‍സസ് വിജയകരമായി നടപ്പിലാക്കുന്നതിന് ജില്ലാതല ഏകോപന സമിതി രൂപീകരിച്ചു. ജില്ലാ കളക്ടര്‍ ആണ് ജില്ലാതല ഏകോപന സമിതിയുടെ അധ്യക്ഷന്‍. ഏകോപന സമിതിയില്‍ ജില്ലാ സ്റ്റാറ്റിസ്റ്റിക്കല്‍ ഓഫീസറാണ് മെമ്പര്‍ സെക്രട്ടറിയാണ്.ജില്ലാ ഇന്‍ഫര്‍മേഷന്‍ ഓഫീസര്‍, ഡിവിഷണല്‍ ഫോറസ്റ്റ് ഓഫീസര്‍, പഞ്ചായത്ത് ഡെപ്യൂട്ടി ഡയറക്ടര്‍, മുനിസിപ്പാലിറ്റി സെക്രട്ടറിമാര്‍ എന്നിവരാണ് സമിതി അംഗങ്ങള്‍. കൂടാതെ ജില്ലാ ആസൂത്രണ ബോര്‍ഡ്, ജില്ലാ വ്യാവസായിക കേന്ദ്രം എന്നിവടങ്ങളില്‍ നിന്ന് ഓരോ പ്രതിനിധിയും ആവശ്യാനുസരണം സമിതി തെരഞ്ഞെടുക്കുന്നവരും സമിതി അംഗങ്ങളായിരിക്കും.

സാമൂഹ്യനീതി ഡയറക്‌ട്രേറ്റ് തിരുവനന്തപുരം നിഷിന്റെ സഹകരണത്തോടെ സംസഥാനതലത്തില്‍ കുട്ടികളുടെ രക്ഷിതാക്കള്‍ക്ക് സംഘടിപ്പിക്കുന്ന  ഓണ്‍ലൈന്‍ സെമിനാര്‍  നാളെ (18 ) രാവിലെ 10.30 മുതല്‍ ഒരു മണി വരെ ജില്ലാശിശുസംരക്ഷണ യൂണിറ്റില്‍ നടത്തും. 

'കോക്ലിയര്‍ഇംപ്ലാന്റിന് ശേഷമുള്ള സംസാര - ഭാഷവികസനം: അറിഞ്ഞിരിക്കേണ്ട വസ്തുതകള്‍'' എന്ന വിഷയത്തില്‍  ആണ്  സെമിനാര്‍. സെമിനാറില്‍ പങ്കെടുക്കുന്നതിന് കാസര്‍കോട്  കളക്ടറേറ്റിലെ ഡി ബ്ലോക്ക് രണ്ടാം നിലയില്‍ പ്രവര്‍ത്തിക്കുന്ന ജില്ലാ ശിശുസംരക്ഷണ യൂണിറ്റ് ഓഫീസില്‍ സൗകര്യം ഒരുക്കിയിട്ടുണ്ട്. കൂടുതല്‍ വിവരങ്ങള്‍ക്ക് 04994 256990. 

മലബാര്‍ ദേവസ്വം ബോര്‍ഡ്  മലബാര്‍ ക്ഷേത്രജീവനക്കാരുടെയും എക്‌സിക്യുട്ടീവ് ഓഫീസര്‍മാരുടെയും ക്ഷേമനിധി ഫണ്ടില്‍ നിന്നും ബാങ്ക് വഴി പെന്‍ഷന്‍/കുടുംബപെന്‍ഷന്‍ കൈപ്പറ്റുന്ന എല്ലാ പെന്‍ഷനര്‍മാരും വില്ലേജ് ഓഫീസര്‍/ഗസറ്റഡ് ഓഫീസര്‍/ബാങ്ക് മാനേജര്‍/ക്ഷേമനിധി ബോര്‍ഡ് മെമ്പര്‍ ഒപ്പിട്ട ലൈഫ് സര്‍ട്ടിഫിക്കറ്റ്, ബാങ്ക് അക്കൗണ്ട് നമ്പര്‍, മേല്‍വിലാസം, ടെലഫോണ്‍ നമ്പര്‍ എന്നിവ സഹിതം  ഈ മാസം 25 നകം  സെക്രട്ടറി, മലബാര്‍ ക്ഷേത്ര ജീവനക്കാരുടെയും എക്‌സിക്യുട്ടീവ് ഓഫീസര്‍മാരുടെയും ക്ഷേമനിധി, ഹൗസ്‌ഫെഡ്   കോംപ്ലക്‌സ്, പി.ഒ. എരഞ്ഞിപ്പാലം, കോഴിക്കോട്-673 006, എന്ന വിലാസത്തില്‍ സമര്‍പ്പിക്കണം. ഫോണ്‍:0495-2360720