അഴിയൂര്‍ ഗ്രാമപഞ്ചായത്തില്‍ നടപ്പിലാക്കുന്ന കുടിനീര്‍-തെളിനീര്‍ പദ്ധതിയുടെ ഭാഗമായി രണ്ടാംഘട്ട പരിശോധന ഫെബ്രുവരി 22 ന് നടക്കും.  ജല വിഭവ വികസനവിനിയോഗ കേന്ദ്രത്തിന്റെ സി.ഡബ്ല്യൂ.ആര്‍.ഡി.എം  സഞ്ചരിക്കുന്ന ജല പരിശോധന വാഹനം പരിശോധന നടത്തും. അന്ന് രാവിലെ മുതല്‍ അഴിയൂര്‍ ഗ്രാമ പഞ്ചായത്തില്‍ ഗ്രാമസഭയിലൂടെ തിരഞ്ഞെടുത്ത ഗുണഭോക്തക്കളുടെ കിണറുകളിലെ വെള്ളം പരിശോധിക്കും.  ശുദ്ധിയുള്ള കുപ്പിയില്‍ ചുരുങ്ങിയത് ഒരു ലിറ്റര്‍ വെള്ളവും 250 രുപയുമായി എത്തണം, 1100 രൂപയുടെ പരിശോധനയാണ് 250 രൂപക്ക് ചെയ്ത് കൊടുക്കുന്നത്. ആദ്യം വരുന്ന 100 പേരുടെ ജല പരിശോധനയാണ് നടക്കുക.

    കിലയുടെയും ഹരിതകേരളം മിഷന്റെയും സംയുക്താഭിമുഖ്യത്തില്‍ ഫെബ്രുവരി 23ന് പാലക്കാട് ബ്ലോക്ക് പഞ്ചായത്ത് ഹാളില്‍ നടത്താനിരുന്ന ഹരിത നിയമാവലി പരിശീലനം മാറ്റിവെച്ചതായി ജില്ലാ കോഡിനേറ്റര്‍ അറിയിച്ചു. പുതുക്കിയ തിയതി പിന്നീട് അറിയിക്കും.

    പാലക്കാട് താലൂക്ക് വികസന സമിതിയുടെ യോഗം മാര്‍ച്ച് രണ്ടിന് പാലക്കാട് താലൂക്ക് ഓഫീസ് കോണ്‍ഫറന്‍സ് ഹാളില്‍ ചേരും. ബന്ധപ്പെട്ട ജനപ്രതിനിധികളും ഉദ്യോഗസ്ഥരും യോഗത്തില്‍ പങ്കെടുക്കണമെന്ന് തഹസില്‍ദാര്‍ അറിയിച്ചു. 

ഉടമസ്ഥനില്ലാത്ത നിലയില്‍ വീണ് കിട്ടിയതും കോടതി മുമ്പാകെ ഹാജരാക്കിയതുമായ സ്വര്‍ണ്ണം, പണം, മൊബൈല്‍ ഫോണ്‍ എന്നീ തൊണ്ടി മുതലിന് അവകാശികളാരെങ്കിലും ഉണ്ടെങ്കില്‍ 30 ദിവസത്തിനകം കോഴിക്കോട് സബ് ഡിവിഷണല്‍ മജിസ്ട്രേറ്റ് ആന്‍ഡ് സബ് കലക്ടര്‍, സിവില്‍ സ്റ്റേഷന്‍ മുമ്പാകെ ബന്ധപ്പെട്ട രേഖകള്‍ സഹിതം എത്തണം. അല്ലാത്ത പക്ഷം പ്രസ്തുത മുതല്‍ സര്‍ക്കാറിലേക്ക് മുതല്‍ കൂട്ടുന്നതായിരിക്കും.

ജില്ലയിലെ ഭിന്നശേഷിക്കാരായ ഭാഗ്യക്കുറി ക്ഷേമനിധി അംഗങ്ങള്‍ക്ക് സൗജന്യമായി മുച്ചക്ര സ്‌കൂട്ടര്‍ നല്‍കുന്നു. ഫെബ്രുവരി 11ന് മുന്‍പ് ക്ഷേമനിധി അംഗത്വമെടുക്കുകയും അംഗത്വം നിലനിര്‍ത്തി വരികയും ചെയ്തവര്‍ക്ക് അപേക്ഷിക്കാം. സംസ്ഥാന ഭാഗ്യക്കുറി വകുപ്പിന്റേയോ മറ്റ് സര്‍ക്കാര്‍ ഏജന്‍സികള്‍ മുഖേനയോ മുച്ചക്ര സ്‌കൂട്ടര്‍ ലഭിച്ചിട്ടുള്ളവര്‍ അപേക്ഷിക്കേണ്ടതില്ല. താല്‍പര്യമുള്ളവര്‍ മാര്‍ച്ച് 31നകം ജില്ലാ ഭാഗ്യക്കുറി ഓഫീസര്‍ക്ക്് അപേക്ഷ നല്‍കണം. 

    സംസ്ഥാന സര്‍ക്കാരിന്റെ 1000 ദിനാഘോഷത്തോടനുബന്ധിച്ച് ഇന്ന് (ഫെബ്രുവരി 21) വൈകുന്നേരം അഞ്ചിന് വിദ്യാഭ്യാസരംഗം-ഇന്ന്, നാളെ എന്ന വിഷയത്തില്‍ സെമിനാര്‍ സംഘടിപ്പിക്കും. പ്രമുഖ ശാസ്ത്രഞ്ജനും പൂനൈ ഐസര്‍ ഡയറക്ടറുമായ ഡോ.കെ.എന്‍.ഗണേഷ് സെമിനാര്‍ ഉദ്ഘാടനം ചെയ്യും.  ഡോ.സി.പി.ചിത്രഭാനു, പ്രൊ.പി.എ.വാസുദേവന്‍ എന്നിവര്‍ സെമിനാറില്‍ സംസാരിക്കും. ജില്ലാ പഞ്ചായത്ത് വൈസ് പ്രസിഡന്റ് ടി.കെ.നാരായണദാസ് അധ്യക്ഷനാകുന്ന സെമിനാറില്‍ ജില്ലാ പ്ലാനിങ് ഓഫീസര്‍ ഏലിയാമ്മ നൈനാന്‍, വിദ്യാഭ്യാസ ഡെപ്യൂട്ടി ഡയറക്ടര്‍ പി.യു.പ്രസന്നകുമാരി എന്നിവര്‍ പങ്കെടുക്കും. 

നാടകവും കളരിപ്പയറ്റും ഓട്ടന്‍തുള്ളലും ഇന്ന്

2018-19 ഭേദഗതി പദ്ധതികള്‍ക്കുള്ള അംഗീകാരം നല്‍കുന്നതിന് ജില്ലാ ആസൂത്രണ സമിതി യോഗം ഇന്ന് (ഫെബ്രുവരി 21) വൈകീട്ട് മൂന്നിന്   
ജില്ലാ പഞ്ചായത്ത് പ്രസിഡന്റിന്റെ ചേംബറില്‍ നടക്കും.