ഐ.എച്ച്.ആര്‍.ഡിയുടെ കീഴില്‍ അയിലൂരിലുള്ള കോളേജ് ഓഫ് അപ്ലൈഡ് സയന്‍സില്‍ ബിരുദകോഴ്‌സുകളിലേക്ക് കോളേജ് ക്വാട്ടയിലേക്കുള്ള അപേക്ഷ ക്ഷണിച്ചു. ബി.എസ്.സി കംപ്യൂട്ടര്‍ സയന്‍സ്, ഇലക്ട്രോണിക്‌സ്, ബി.കോം കംപ്യൂട്ടര്‍ അപ്ലിക്കേഷന്‍ എന്നീ കോഴ്‌സുകളിലേക്കാണ് അപേക്ഷ ക്ഷണിച്ചിരിക്കുന്നത്. താല്‍പര്യമുള്ളവര്‍ കാലിക്കറ്റ് യൂണിവേഴ്‌സിറ്റി 2019ല്‍ കാപ് രജിസ്‌ട്രേഷന്‍ നടത്തിയ പ്രിന്റൗട്ടും സര്‍ട്ടിഫിക്കറ്റുകളും സഹിതം കോളേജില്‍ നേരിട്ട് എത്തിച്ചേരണം. പൂരിപ്പിച്ച അപേക്ഷകള്‍ ജൂണ്‍ ഏഴു വരെ സ്വീകരിക്കും. ഫോണ്‍0492 3241766. 

ഹജ്ജ് 2019 ലെ ഹജ്ജ് വളണ്ടിയര്‍മാര്‍ക്കുളള പരിശീലനം മെയ് 18, 19 തിയ്യതികളില്‍ കരിപ്പൂര്‍ ഹജ്ജ് ഹൗസില്‍ നടക്കും. വളണ്ടിയര്‍മാരായി തെരഞ്ഞെടുക്കപ്പെട്ടവരും വെയ്റ്റിംഗ് ലിസ്റ്റില്‍ ഉള്‍പ്പെട്ട് മുംബെയില്‍ നടന്ന പരിശീലനത്തില്‍ പങ്കെടുത്തവരും ക്യാമ്പില്‍ പങ്കെടുക്കണമെന്നു സംസ്ഥാന ഹജ്ജ് കമ്മിറ്റിഓഫീസില്‍ നിന്നു അറിയിച്ചു.

      കേരള ഷോപ്‌സ് ആന്റ് എസ്റ്റാബ്ലിഷ്‌മെന്റ് തൊഴിലാളി ബോര്‍ഡില്‍ 2018 19 അധ്യായന വര്‍ഷത്തില്‍ എസ്.എസ്.എല്‍.സി , പ്ലസ്ടു കോഴ്‌സുകള്‍ക്ക് സ്റ്റേറ്റ് സിലബസില്‍ മുഴുവന്‍ എ പ്ലസും സി.ബി.എസ്.ഇ സിലബസ്സില്‍ മുഴുവന്‍ എ 1 ഉം ഐ.സി.എസ്.ഇ സിലബസില്‍ 90 ശതമാനമോ അതില്‍ കൂടുതലോ മാര്‍ക്ക് ലഭിച്ചിട്ടുളള അംഗങ്ങളുടെ മക്കള്‍ക്ക് ക്യാഷ് അവാര്‍ഡ് നല്‍കുന്നു.അര്‍ഹരായവര്‍  മാര്‍ക്ക് ലിസ്റ്റുകളുടെയും സര്‍ട്ടിഫിക്കറ്റുകളുടെയും പകര്‍പ്പുകള്‍ ജൂലൈ 5 നകം ബോര്‍ഡിന്റെ ജില്ലാ ഓഫീസില്‍ സമര്‍പ്പിക്കണം. ഫോണ്‍. 04936 206878.