പഴയന്നൂർ പോലീസ് സ്റ്റേഷൻ പരിസരത്ത് അപകടാവസ്ഥയിൽ നിൽക്കുന്ന മരങ്ങൾ മെയ് 30 രാവിലെ 11 ന് പഴയന്നൂർ പോലീസ് സ്റ്റേഷൻ പരിസരത്ത് പുനർലേലം ചെയ്യും. കൂടുതൽ വിവരങ്ങൾക്ക് ഫോൺ : 0487-2423511.

അന്തർദേശീയ മ്യൂസിയദിനാചരണത്തിന്റെ ഭാഗമായി തൃശൂരിലെ സംസ്ഥാന മ്യൂസിയം-മൃഗശാലമ്യൂസിയം ഓഡിറ്റോറിയത്തിൽ മെയ് 18 രാവിലെ 10.30 ന് മ്യൂസിയങ്ങളുടെ വർത്തമാനകല പ്രസക്തിയെക്കുറിച്ചുളള പ്രഭാഷണം നടത്തും. തുടർന്ന് 11.30 ന് ഹൈസ്‌കൂൾ-കോളേജ് തലങ്ങളിൽ പ്രശ്‌നോത്തരി സംഘടിപ്പിക്കും.

2019-20 വർഷത്തെ സ്‌കൂൾ പ്രവേശനോത്സവത്തിന്റെ സംസ്ഥാനതല ഉദ്ഘാടനം ജൂൺ മൂന്നിന് തൃശൂർ ജില്ലയിലെ ചെമ്പൂച്ചിറ ഗവ. ഹയർ സെക്കണ്ടറി സ്‌കൂളിൽ നടത്തുന്നതിന്റെ സ്വാഗതസംഘം രൂപീകരണയോഗം മെയ് 18 രാവിലെ 11 ന് സ്‌കൂളിൽ നടത്തും.
 

ഭരണ ഭാഷ പ്രവർത്തനത്തിന് തൃശൂർ ആകാശവാണിക്ക് പുരസ്‌കാരം. തൃശൂർ നഗർ രാജ് ഭാഷാ സമിതിയുടെ അർദ്ധ വാർഷിക സമ്മേളനത്തിൽ തൃശൂർ ആകാശവാണിക്ക് വേണ്ടി നിലയം മേധാവി പ്രദീപ് സി കുമാർ അവാർഡ് ഏറ്റുവാങ്ങി. തൃശൂർ എസ്ബിഐ ഡിജിഎം രാജേഷ് എന്നമടി അദ്ധ്യക്ഷത വഹിച്ചു. ക്ഷേത്രീയ രാജഭാഷാ കാര്യാലയം ഡെപ്യൂട്ടി ഡയറക്ടർ കെ പി ശർമ മുഖ്യ ആതിഥ്യം വഹിച്ചു. 

മലബാർ ദേവസ്വം ബോർഡ്, മലബാർ ക്ഷേത്രജീവനക്കാരുടെയും എക്‌സിക്യുട്ടീവ് ഓഫീസർമാരുടെയും ക്ഷേമനിധി ഫണ്ടിൽ നിന്നും ബാങ്ക് വഴി പെൻഷൻ/കുടുംബപെൻഷൻ കൈപ്പറ്റുന്ന എല്ലാ പെൻഷനർമാരും ലൈഫ് സർട്ടിഫിക്കറ്റ് ഹാജരാക്കണം. വില്ലേജ് ഓഫീസർ/ഗസറ്റഡ് ഓഫീസർ/ബാങ്ക് മാനേജർ/ക്ഷേമനിധി ബോർഡ് മെമ്പർ ഒപ്പിട്ട ലൈഫ് സർട്ടിഫിക്കറ്റ്, ബാങ്ക് അക്കൗണ്ട് നമ്പർ, മേൽവിലാസം, ടെലഫോൺ നമ്പർ എന്നിവ സഹിതം മെയ് 25 നകം സെക്രട്ടറി, മലബാർ ക്ഷേത്ര ജീവനക്കാരുടെയും എക്‌സിക്യുട്ടീവ് ഓഫീസർമാരുടെയും ക്ഷേമനിധി, ഹൗസ്‌ഫെഡ് കോംപ്ലക്‌സ്, പി.ഒ. എരഞ്ഞിപ്പാലം, കോഴിക്കോട്-673006 എന്ന വിലാസത്തിൽ അയക്കണം. ഫോൺ : 0495-2360720.

2019 ലോകസഭ തെരഞ്ഞെടുപ്പിനോടനുബന്ധിച്ച് തൃശൂർ ലോകസഭ മണ്ഡലത്തിലെ വോട്ടെണ്ണലിനായി നിയമിക്കപ്പെടുന്ന ഉദ്യോഗസ്ഥർക്കുളള പരിശീലനം ഇന്ന് (മെയ് 17) രാവിലെ പത്തു മണി മുതൽ തൃശൂർ സിവിൽ സ്റ്റേഷനിലെ പ്ലാനിങ് ഓഫീസ് കോൺഫറൻസ് ഹാളിൽ നടത്തും.
 

ഡെങ്കിപ്പനി ബോധവത്കരണത്തിന്റെ ഭാഗമായി ദേശീയ ഡെങ്കി ദിനമായ മെയ് 16 ന് ജില്ലയിലുടനീളം വിവിധ പരിപാടികൾ സംഘടിപ്പിച്ചു. ഈ വർഷം ജനുവരി മുതൽ ആകെ 12 കേസുകളാണ് ജില്ലയിൽ റിപ്പോർട്ട് ചെയ്യപ്പെട്ടിട്ടുള്ളത്. 2018ൽ ആകെ 205 കേസുകൾ റിപ്പോർട്ട് ചെയ്യപ്പെട്ടിരുന്നു. 2017 നെ അപേക്ഷിച്ച് ഇത് വളരെ കുറവാണ്. ശക്തമായ ബോധവത്കരണ പ്രവർത്തനങ്ങളും ഉറവിട നശീകരണപ്രവർത്തനങ്ങളും നടത്തിയതിന്റെ ഫലമായാണ് ഡെങ്കിപ്പനി ഗണ്യമായി കുറക്കാൻ കഴിഞ്ഞത്. 2019 ൽ കൂടുതൽ ഡെങ്കിപ്പനി റിപ്പോർട്ട് ചെയ്യപ്പെട്ടിട്ടുള്ളത് നെന്മണിക്കര, വെള്ളാനിക്കര എന്നിവിടങ്ങളിൽ നിന്നാണ്. 

സംസ്ഥാന പട്ടികജാതി പട്ടിക ഗോത്രവര്‍ഗ്ഗ കമ്മീഷന്‍ ഇന്ന് (മെയ് 17) കോട്ടയത്ത് അദാലത്ത് നടത്തും. കളക്ട്രേറ്റ് കോണ്‍ഫറന്‍സ് ഹാളില്‍ രാവിലെ 11 മുതലാണ് അദാലത്ത്.

ജനാധിപത്യ പ്രക്രിയയെക്കുറിച്ച് കുട്ടികളില്‍ അവബോധം വളര്‍ത്തുന്നതിന് ലക്ഷ്യമിട്ട് കുടുംബശ്രീ സംഘടിപ്പിച്ച ജില്ലാതല ബാല പാര്‍ലമെന്റ് സമാപിച്ചു. പേരൂര്‍ കാസാ മരിയ കണ്‍വന്‍ഷന്‍ സെന്ററില്‍ നടന്ന ദ്വിദിന പരിപാടിയില്‍ ജില്ലയിലെ വിവിധ ബാലസഭകളില്‍നിന്നായി തിരഞ്ഞെടുക്കപ്പെട്ട 78 കുട്ടികള്‍ പങ്കെടുത്തു.

   സംസ്ഥാന സര്‍ക്കാര്‍ സ്ഥാപനമായ ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സസ് ഡെവലപ്‌മെന്റിന്റെ (ഐ.എച്ച്.ആര്‍.ഡി.) കീഴില്‍ കേരള യൂണിവേഴ്‌സിറ്റിയില്‍  അഫിലിയേറ്റ് ചെയ്തിട്ടുള്ള അപ്ലൈഡ് സയന്‍സ് കോളേജുകളില്‍ 2019-20 അധ്യയനവര്‍ഷത്തില്‍ ഡിഗ്രി കോഴ്‌സുകളില്‍ð കോളേജുകള്‍ക്ക് അനുവദിച്ച 50 ശതമാനം സീറ്റുകളില്‍ പ്രവേശനത്തിന് അപേക്ഷ ക്ഷണിച്ചു.