കോഴിക്കോട് ജില്ലാ പഞ്ചായത്തിന് 157.24 കോടി രൂപയുടെ ബജറ്റ്. നവകേരള നിര്‍മാണത്തിനുള്ള കാല്‍വയ്പെന്ന വിശേഷണത്തോടെ വൈസ് പ്രസിഡന്റ് റീന മുണ്ടേങ്ങാട്ട് 147.80 കോടി രൂപ ചെലവ് പ്രതീക്ഷിക്കുന്ന 9.44 കോടി രൂപയുടെ മിച്ചബജറ്റാണ് അവതരിപ്പിച്ചത്. പൊതുമരാമത്ത് പ്രവൃത്തികള്‍ക്കായി 71.12 കോടി രൂപ മാറ്റിവച്ചിട്ടുണ്ട്. പട്ടികജാതി വികസനത്തിനായി 13.08 കോടിയും ലൈഫ് ഭവനപദ്ധതിക്കായി 9.8 കോടിയുമുണ്ട്. മാമ്പുഴ നവീകരണ പദ്ധതിയുടെ രണ്ടാംഘട്ടത്തിന് 10 ലക്ഷം രൂപ വകയിരുത്തിയിട്ടുണ്ട്. നിലവിലുള്ള ആസ്തികളുടെ സംരക്ഷണത്തിനായി 11.6 കോടിയും നീക്കിവച്ചിരിക്കുന്നു. 

പൊതുമേഖല ഗതാഗത സംവിധാനത്തെ പ്രതിസന്ധിയില്‍ നിന്നും രക്ഷപ്പെടുത്തുന്നതിന് ജനകീയ ട്രാന്‍സ്പോര്‍ട്ട്- ജനപക്ഷ വികസനം എന്ന സ.ന്ദേശത്തോടെ കെ.എസ്ആര്‍.ടി.സിയുടെ 81 മത് വാര്‍ഷികം ആചരിച്ചു. കെ.എസ്.ആര്‍.ടി.സി ടെര്‍മിനലില്‍ നടന്ന പരിപാടി ഗതാഗത മന്ത്രി എ.കെ. ശശീന്ദ്രന്‍ ഉദ്ഘാടനം ചെയ്തു. ടെര്‍മിനലില്‍ സ്ഥാപിക്കാനായി കെ.എസ്.ആര്‍.ടി.സി കോര്‍പ്പറേറ്റീവ് സൊസൈറ്റി സ്പോണ്‍സര്‍ ചെയ്ത രണ്ട് എയര്‍കൂളര്‍ ഉദ്ഘാടനവും ചടങ്ങില്‍ മന്ത്രി നിര്‍വഹിച്ചു.

കൊയിലാണ്ടി താലൂക്ക് സപ്ലൈ ഓഫീസിന്റെ ആഭിമുഖ്യത്തില്‍ ഭക്ഷ്യഭദ്രതാനിമയം നടപ്പാക്കുന്നതിന്റെ ഭാഗമായി തദ്ദേശസ്വയം ഭരണ സ്ഥാപനങ്ങളിലെ മുഴുവന്‍ ജനപ്രതിനിധികള്‍ക്കും ഇന്ന് (ഫെബ്രുവരി 21) രാവിലെ 10.30 മണിക്ക് കൊയിലാണ്ടി സൂരജ് ഓഡിറ്റോറിയത്തില്‍ പരിശീലനം നല്‍കും.  

ഇന്‍സ്റ്റിറ്റ്യൂട്ടിന്റെ 40-ാം വാര്‍ഷികാഘോഷങ്ങളുടെ സമാപന സമ്മേളനം ഫെബ്രുവരി 26 ന് വൈകീട്ട് അഞ്ച് മണിക്ക് കോഴിക്കോട് സ്വപ്ന നഗരിയിലെ കാലിക്കറ്റ് ട്രേഡ് സെന്ററില്‍ ബഹു. കേരള ഗവര്‍ണര്‍ ജസ്റ്റീസ് പി സദാശിവം നിര്‍വ്വഹിക്കും. സമ്മേളനത്തോടനുബന്ധിച്ച് മൂന്ന് ദിവസം നീണ്ടുനില്‍ക്കുന്ന സെമിനാറുകളും, പ്രദര്‍ശന വിപണന മേളകളും ഉണ്ടായിരിക്കും. ഇത സംബന്ധിച്ച കാര്യങ്ങള്‍ വിശദീകരിക്കുന്നതിനായി ഇന്‍സ്റ്റിറ്റ്യൂട്ട് ചെയര്‍മാന്‍ വി.ശിവന്‍കുട്ടി ഫെബ്രുവരി 21 ന് ഉച്ചയ്ക്ക് 12 മണിക്ക് അഴകാപുരി ഓഡിറ്റോറിയത്തില്‍ വര്‍ത്താ സമ്മേളനം നടത്തും. 

താമരശ്ശേരി പഞ്ചായത്തിലെ അങ്കണവാടികളിലേക്ക് ഹെല്‍പ്പര്‍ തസ്തികകളിലേക്കുളള ഇന്റര്‍വ്യൂ ഫെബ്രുവരി 28 ന് രാവിലെ 10 മണിക്ക് താമരശ്ശേരിയില്‍ കാരാടി അങ്കണവാടിയില്‍ നടത്തുമെന്ന് കൊടുവളളി ശിശുവികസന പദ്ധതി ഓഫീസര്‍ അറിയിച്ചു. ഫോണ്‍ - 8281999301.