കാര്‍ഷികാവശ്യങ്ങള്‍ക്കും മറ്റും പുഴകളില്‍ നിന്ന് വെള്ളം ഊറ്റിയെടുക്കുന്നവര്‍ ക്കെതിരെ ശക്തമായ നടപടികള്‍ സ്വീകരിക്കും.  വരള്‍ച്ച രൂക്ഷമായ സാഹചര്യത്തില്‍ പുഴകളില്‍ നിന്ന് വെള്ളം പമ്പ് ചെയ്യുന്നത് കര്‍ശനമായി നിരോധിച്ച് കലക്ടര്‍ ഉത്തരവായിട്ടുണ്ട്.  ഉത്തരവിന് വിരുദ്ധമായി പ്രവര്‍ത്തിക്കുന്നവരെ നിരീക്ഷിക്കുന്നതി നായി  ജില്ലയില്‍ സ്‌ക്വാഡ് പ്രവര്‍ത്തനം ഊര്‍ജ്ജിതമാക്കിയുട്ടുണ്ട്.   

ദേശീയ ഡെങ്കിദിനത്തോടനുബന്ധിച്ച് ആരോഗ്യ വകുപ്പിന്റെ നേതൃത്വത്തില്‍ ജില്ലയുടെ വിവിധ ഭാഗങ്ങളില്‍  പരിപാടികള്‍ സംഘടിപ്പിച്ചു. മഞ്ചേരി കുത്തുകല്‍ പ്രദേശത്ത് അതിഥി തൊഴിലാളികള്‍ താമസിക്കുന്ന സ്ഥലം ആരോഗ്യ പ്രവര്‍ത്തകര്‍ സന്ദര്‍ശിച്ച് ഉറവിട മാലിന്യ സംസ്‌കരണവും ശുചീകരണവും നടത്തി.

ജൂൺ ഏഴ് ലോക ഭക്ഷ്യസുരക്ഷാ ദിനമായി ആചരിക്കുന്നതിന്റെ ഭാഗമായി ജൂൺ ഒന്നു മുതൽ ഏഴു വരെ വിവിധ പരിപാടികൾ സംഘടിപ്പിക്കും. ഈറ്റ് റൈറ്റ് മേളകൾ, റാലി, ഫ്‌ളാഷ് മോബ്, പോസ്റ്റർ ഡിസൈനിംഗ് മത്സരം, ലഘുലേഖ വിതരണം, ബോധവത്കരണ ക്ലാസ് എന്നിവയും ഭക്ഷ്യസുരക്ഷ, ആരോഗ്യം എന്നിവയെ സംബന്ധിച്ച് ക്വിസ് മത്സരവും നടക്കും.

എസ്.എസ്.എൽ.സി സർട്ടിഫിക്കറ്റുകൾ ഡിജിലോക്കറിൽ ലഭ്യമാക്കുന്ന സംരംഭത്തിനു തുടക്കമായി. 2018ലെ സർട്ടിഫിക്കറ്റുകളാണ് നിലവിൽ ലഭിക്കുക. കേരള സംസ്ഥാന ഐ.ടി.മിഷൻ, ഇ-മിഷൻ, ദേശീയ ഇ-ഗവേണൻസ് ഡിവിഷൻ എന്നിവരുടെ സഹകരണത്തോടെ പരീക്ഷാ ഭവനാണ് ഈ സംവിധാനം ഏർപ്പെടുത്തിയിട്ടുളളത്. 2019 എസ്.എസ്.എൽ.സി സർട്ടിഫിക്കറ്റുകൾ ജൂലൈ 15 മുതൽ ഈ സംവിധാനം വഴി ലഭ്യമാക്കും. ഡിജിലോക്കറിലെ സർട്ടിഫിക്കറ്റുകൾ ആധികാരിക രേഖയായി ഉപയോഗിക്കാം.