ആലപ്പുഴ: സാമൂഹ്യ നീതി വകുപ്പിന് കീഴിൽ ആലപ്പുഴ നഗരസഭയുടെ നിയന്ത്രണത്തിൽ പ്രവർത്തിക്കുന്ന ശിശുവികലാംഗ സദനത്തിൽ പ്രവേശനത്തിന് അപേക്ഷ ക്ഷണിച്ചു. സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ നാലിനും 16നും ഇടയിൽ പ്രായമുള്ള വിദ്യാഭ്യാസം നേടാൻ താൽപര്യമുള്ള അസ്ഥിവൈകല്യമുള്ള ആൺ കുട്ടികൾക്ക് പ്രവേശനത്തിനായി അപേക്ഷിക്കാം. പ്രവേശനം ലഭിക്കുന്നവർക്ക് പഠന സൗകര്യം, താമസം, ഭക്ഷണം, വസ്ത്രം, ചികിത്സ, എന്നിവ സൗജന്യമായി നൽകും. പ്രവേശനം ലഭിക്കുന്നതിനായി സൂപ്രണ്ട്, ശിശുവികലാംഗ സദനം, ആലപ്പുഴ, ആലിശ്ശേരി (കുടുംബശ്രീക്ക് സമീപം) എന്ന വിലാസത്തിൽ ജൂൺ 10നകം അപേക്ഷിക്കണം.

വിശദവിവരത്തിന് ഫോൺ: 0477 2251291.

ആലപ്പുഴ: ലോക്‌സഭാ തിരഞ്ഞെടുപ്പുമായി ബന്ധപ്പെട്ട് അയച്ചിട്ടുള്ള എല്ലാ പോസ്റ്റൽ ബാലറ്റുകളും തപാൽ മുഖേന മാത്രമേ സ്വീകരിക്കൂ. പോസറ്റൽ ബാലറ്റുകൾ ഒരു കാരണ വശാലും വരണാധികാരിയുടെ കാര്യാലയത്തിൽ നേരിട്ട് സ്വീകരിക്കില്ല. മെയ് 23ന് രാവിലെ 8 മണി വരെ ലഭിക്കുന്ന തപാൽ വോട്ടുകൾ മാത്രമേ വോട്ടെണ്ണലിന് പരിഗണിക്കുകയുള്ളൂവെന്നും ജില്ലാ തിരഞ്ഞെടുപ്പ് ഓഫീസർ അറിയിച്ചു.

ഭഗവതി ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ ഹയര്‍സെക്കന്‍ഡറി വിഭാഗത്തില്‍ ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നു. മാത്‌സ്, ഹിസ്റ്ററി, ഇംഗ്ലീഷ്, കൊമേഴ്‌സ് ജൂനിയര്‍ എന്നീ വിഷയങ്ങളിലാണ് നിയമനം. താല്പര്യമുള്ളവര്‍ മെയ് 20ന് രാവിലെ 11ന് പ്രിന്‍സിപ്പലിന്റെ ഓഫീസില്‍ നടക്കുന്ന കൂടിക്കാഴ്ചയില്‍ പങ്കെടുക്കണമെന്ന് പ്രിന്‍സിപ്പല്‍ അറിയിച്ചു. 

വൊക്കേഷണല്‍ ഹയര്‍സെക്കന്ററി ഒന്നാംവര്‍ഷ ഏകജാലക പ്രവേശനവുമായി ബന്ധപ്പെട്ട് ജില്ലാതല ഹെല്‍പ്‌ഡെസ്‌ക് ജി.വി.എച്ച്.എസ്.എസ് കൊപ്പത്ത് ആരംഭിച്ചു. വിദ്യാര്‍ത്ഥികള്‍ക്കും രക്ഷിതാക്കള്‍ക്കും വി.എച്ച്.എസ്.ഇ യുമായി ബന്ധപ്പെട്ട സംശയങ്ങള്‍ക്ക് ഹെല്‍പ് ഡെസ്‌കുമായി ബന്ധപ്പെടാമെന്ന് വി.എച്ച്.എസ്.ഇ ജില്ലാ കോഓര്‍ഡിനേറ്റര്‍ അറിയിച്ചു. ഫോണ്‍0466 2264800, 9846744888. 

ഷൊര്‍ണൂര്‍ ടെക്‌നിക്കല്‍ ഹൈസ്‌കൂളില്‍ വിവിധ വിഭാഗങ്ങളിലേക്ക് അപേക്ഷ ക്ഷണിച്ചു. 

എച്ച്.എസ്.എ സോഷ്യല്‍ സ്റ്റഡീസ്

ഷൊര്‍ണൂര്‍ ടെക്‌നിക്കല്‍ ഹൈസ്‌കൂളില്‍ എച്ച്.എസ്.എ സോഷ്യല്‍ സ്റ്റഡീസ്, പാര്‍ട് ടൈം മലയാളം ടീച്ചര്‍ തസ്തകികളില്‍ ഗസ്റ്റ് അധ്യാപകരെ നിയമിക്കുന്നു. താല്‍പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി മെയ് 22ന് രാവിലെ 10ന് ഷൊര്‍ണൂര്‍ ടെക്‌നിക്കല്‍ ഹൈസ്‌കൂളില്‍ നടക്കുന്ന ഇന്റര്‍വ്യൂവില്‍ പങ്കെടുക്കണമെന്ന് സൂപ്രണ്ട് അറിയിച്ചു. 

വര്‍ക്ക്‌ഷോപ്പ് ഇന്‍സ്ട്രക്ടര്‍ 

ഐ.എച്ച്.ആര്‍.ഡി യുടെ കീഴിലുള്ള ടെക്‌നിക്കല്‍ ഹയര്‍സെക്കന്ററി സ്‌കൂളുകളില്‍ പ്ലസ് വണ്‍ പ്രവേശനത്തിനുള്ള അപേക്ഷ മെയ് 20 വരെ സ്വീകരിക്കും. അപേക്ഷയും അനുബന്ധ രേഖകളും 100 രൂപയുടെ രജിസ്‌ട്രേഷന്‍ ഫീസ് (പട്ടികജാതി, പട്ടികവര്‍ഗ വിദ്യാര്‍ത്ഥികള്‍ക്ക് 50 രൂപ) സഹിതം മെയ് 20ന് ഉച്ചയ്ക്ക് മൂന്നു മണിക്കു മുന്‍പായി ബന്ധപ്പെട്ട സ്‌കൂളുകളില്‍ ലഭ്യമാക്കണമെന്ന് ഡയറക്ടര്‍ അറിയിച്ചു. ഫോണ്‍0471 2322985, 2322501. 

നാഷണല്‍ തെര്‍മല്‍ പവര്‍ കോര്‍പറേഷന്‍ ലിമിറ്റഡും തപാല്‍ വകുപ്പും സംയുക്തമായി എല്‍.ഇ.ഡി ബള്‍ബുകള്‍ വിതരണം ചെയ്യുന്നു. പാലക്കാട് ഹെഡ് പോസ്‌റ്റോഫീസില്‍ നിന്നും ബള്‍ബുകള്‍ ലഭിക്കും. വിപണിയില്‍ 140 രൂപ വിലയുള്ള ബള്‍ബുകള്‍ 70 രൂപയ്ക്കാണ് ലഭ്യമാക്കുന്നത്. ആധാര്‍ കാര്‍ഡ് അല്ലെങ്കില്‍ ഇലക്ഷന്‍ ഐഡന്റിറ്റി കാര്‍ഡുകള്‍ ഹാജരാക്കി ഒരാള്‍ക്ക് പരമാവധി 10 ബള്‍ബുകള്‍ വരെ വാങ്ങാം. ഫോണ്‍ 0491 8546876, 2545138.

പാലക്കാട് ഗവ.പോളിടെക്‌നിക് കോളേജില്‍ ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നു. സിവില്‍, മെക്കാനിക്, ഇന്‍സ്ട്രുമെന്റ്, ഇലക്ട്രിക്കല്‍ എന്‍ജിനീയറിംഗ് വിഭാഗങ്ങള്‍ക്ക് ബന്ധപ്പെട്ട വിഷയത്തില്‍ ഒന്നാംക്ലാസ് ഡിഗ്രിയുള്ളവര്‍ക്ക് അപേക്ഷിക്കാം. ഫിസിക്‌സ്, കെമിസ്ട്രി, മാത്തമാറ്റിക്‌സ്, ഇംഗ്ലീഷ് വിഷയങ്ങള്‍ക്ക് ബന്ധപ്പെട്ട വിഷയത്തില്‍ യു.ജി.സി നിശ്ചയിച്ച യോഗ്യതയുള്ളവര്‍ക്ക് അപേക്ഷിക്കാം. ഇലക്ട്രോണിക്‌സ്, മെക്കാനിക്കല്‍, കംപ്യൂട്ടര്‍ എന്‍ജിനീയറിംഗ് വിഭാഗങ്ങളില്‍ ഡെമോണ്‍സ്‌ട്രേറ്റര്‍ തസ്തികയിലേക്ക് ബന്ധപ്പെട്ട വിഷയത്തില്‍ ഡിപ്ലോമയുള്ളവര്‍ക്ക് അപേക്ഷിക്കാം. 

മലബാര്‍ ദേവസ്വം ബോര്‍ഡിന്റെ ക്ഷേമനിധി ഫണ്ടില്‍ നിന്നും പെന്‍ഷന്‍ കൈപ്പറ്റുന്നവര്‍ ലൈഫ് സര്‍ട്ടിഫിക്കറ്റ് ഹാജരാക്കണമെന്ന് സെക്രട്ടറി അറിയിച്ചു. വില്ലേജ് ഓഫീസര്‍/ ഗസറ്റഡ് ഓഫീസര്‍/ ബാങ്ക് മാനേജര്‍/ ക്ഷേമനിധി ബോര്‍ഡ് മെമ്പര്‍ ഒപ്പിട്ട ലൈഫ് സര്‍ട്ടിഫിക്കറ്റ് ബാങ്ക് അക്കൗണ്ട് നമ്പര്‍, മേല്‍വിലാസം, ടെലിഫോണ്‍ നമ്പര്‍ എന്നിവ സഹിതം മെയ് 25ന് മുന്‍പ് സെക്രട്ടറി, മലബാര്‍ ക്ഷേത്ര ജീവനക്കാരുടേയും എക്‌സിക്യുട്ടീവ് ഓഫീസര്‍മാരുടേയും ക്ഷേമനിധി, ഹൗസ്‌ഫെഡ് കോപ്ലക്‌സ്, എരഞ്ഞിപ്പലം പി.ഒ,  കോഴിക്കോട്673006 എന്ന വിലാസത്തില്‍ അയയ്ക്കണം. ഫോണ്‍0495 2360720.

ജെ.ഡി.സി കോഴ്‌സ്  പ്രവേശനത്തിന് തിരഞ്ഞെടുക്കപ്പെട്ടിട്ടുള്ളവരുടെ കൂടിക്കാഴ്ച മെയ് 20ന് രാവിലെ 10.30നും വെയിറ്റിങ് ലിസ്റ്റിലുള്ളവരുടെ കൂടിക്കാഴ്ച മെയ് 22ന് രാവിലെ 10.30നും വിക്ടോറിയ കോളേജിനു സമീപമുള്ള സഹകരണ പരിശീലന കേന്ദ്രത്തില്‍ നടക്കുമെന്ന് പ്രിന്‍സിപ്പല്‍ അറിയിച്ചു. ഫോണ്‍0491 2522946.