കെല്‍ട്രോണിന്റെ വഴുതക്കാടുള്ള നോളഡ്ജ്സെന്ററില്‍ ഒരു വര്‍ഷം ദൈര്‍ഘ്യമുള്ള ലോജിസ്റ്റിക്സ്& സപ്ലൈചെയ്ന്‍ മാനേജ്മെന്റ് ഡിപ്ലോമ കോഴ്സിലേയ്ക്ക് പ്രവേശനം ആരംഭിച്ചു.

കോഴിക്കോട് താലൂക്കിലെ എലത്തൂര്‍, കോഴിക്കോട് നോര്‍ത്ത്, കോഴിക്കോട് സൌത്ത്, ബേപ്പൂര്‍, കുന്ദമംഗലം എന്നീ നിയമസഭാ നിയോജകമണ്ഡലങ്ങളില്‍ ലോകസഭാ തെരഞ്ഞെടുപ്പ് 2019 മായി ബന്ധപ്പെട്ട് നിയമിച്ച റിസര്‍വ്വ് പോളിംങ് ഉദ്യോഗസ്ഥര്‍, മൈക്രോ ഒബ്സര്‍വര്‍മാര്‍ എന്നിവര്‍ അവരുടെ വേതനം ഇതുവരെ കൈപ്പറ്റാത്തവരായിട്ടുണ്ടെങ്കില്‍ താലൂക്ക് ഓഫീസിലെ ധനകാര്യ വിഭാഗത്തില്‍ നിന്നും മെയ് 31 നകം കൈപ്പറ്റേണ്ടതാണെന്ന് ഇലക്ടറല്‍ രജിസ്‌ട്രേഷന്‍ ഓഫീസര്‍ കൂടിയായ കോഴിക്കോട് താലൂക്ക് തഹസില്‍ദാര്‍  അറിയിച്ചു.  ബന്ധപ്പെട്ട ഉദ്യോഗസ്ഥര്‍ നിയമന ഉത്തരവ്, തിരിച്ചറിയല്‍ കാര്‍ഡ് എന്നിവ സഹിതം ഹാജരാകണം. 

ജില്ലാദുരന്തനിവാരണ അതോറിറ്റിയുടെ അടിയന്തിര യോഗം 18 ന്  രാവിലെ 11 മണിക്ക് കോഴിക്കോട് കലക്ടറേറ്റ് കോണ്ഫറന്‍്സ്  ഹാളില്‍ ചേരും. ഓരോ വകുപ്പും നോഡല്‍ ഓഫീസറെ നിയോഗിച്ച് പേര് വിവരങ്ങള്‍  കലക്ടറേറ്റിലെ ഡി.എം സെല്ലില്‍ അറിയിക്കണം. കാലവര്‍്ഷ- മുന്നൊരുക്ക ദുരന്ത പ്രതികരണ മാര്‍ഗരേഖ പരിശോധിച്ച് ആവശ്യമായ പ്രൊപ്പോസലുകള്‍ സഹിതമാണ് ഉദ്യോഗസ്ഥര്‍ യോഗത്തില്‍ എത്തേണ്ടത്.  dmcellkozhikode@gmail.com.  

ജില്ലയില്‍ കോഴിക്കോട് മണ്ഡലത്തില്‍ ആകെ 4272 പോസ്റ്റല്‍ ബാലറ്റുകളും വടകരയില്‍ 4269 പോസ്റ്റല്‍ ബാലറ്റുകളും വിതരണം ചെയ്തു. 

ജില്ലാ കലക്ടര്‍ സാംബശിവ റാവുവില്‍ നിന്നും നേരിട്ട് ലാപ്‌ടോപ് വാങ്ങാന്‍ സാധിച്ചതിന്റെ സന്തോഷത്തിലാണ് പരിമിതികളോട് പോരാടി എസ്.എസ്.എല്‍.സിക്ക് മികച്ച വിജയം നേടിയ ആര്യ രാജ്. രണ്ട് ദിവസം മുന്‍പ് വീട്ടില്‍ വന്നപ്പോള്‍ മുന്‍പോട്ടുള്ള പഠനത്തിന് ലാപ്‌ടോപ്പ് ഏറെ സഹായകരമാകുമെന്നും അത് നല്‍കുമെന്നും കലക്ടര്‍ പറഞ്ഞിരുന്നു. എന്നാല്‍ ഇത്ര പെട്ടെന്ന് ലഭിക്കുമെന്ന് പ്രതീക്ഷിച്ചില്ലെന്ന് ആര്യ പറയുന്നു. മാതൃസ്‌നേഹം ചാരിറ്റബില്‍ മാനേജിംഗ് ട്രസ്റ്റിന്റെ നേതൃത്വത്തില്‍ പി.ഷാനാണ് ആര്യക്കുള്ള ലാപ്‌ടോപ്പ് സ്‌പോണ്‍സര്‍ ചെയ്തത്. കൂടാതെ പഠനസഹായത്തിനായി സ്റ്റഡി ടേബിള്‍, കസേര എന്നിവയും നല്‍കിയിട്ടുണ്ട്.