ജലസംരക്ഷണം, കൃഷിപരിപാലനം എന്നിവയുടെ ഭാഗമായി കാലവര്‍ഷത്തോടനുബന്ധിച്ച് സൗജന്യമായി തെങ്ങുകള്‍ക്ക് തടം തുറന്നു നല്‍കുന്നതിന് കാസര്‍കോട് നഗരസഭാ പരിധിയിലുള്ള കര്‍ഷകരില്‍ നിന്നും അപേക്ഷ ക്ഷണിച്ചു. ഗൂണഭോക്താക്കള്‍ക്ക് നിബന്ധനകള്‍ക്കു വിധേയമായി  ദിവസത്തേക്ക് 271 രൂപ നിരക്കില്‍ സാമ്പത്തിക സഹായം ലഭിക്കും. ബാങ്ക് പാസ് ബുക്ക്, റേഷന്‍ കാര്‍ഡ്, ഇലക്ഷന്‍ തിരിച്ചറിയല്‍ കാര്‍ഡ്, ആധാര്‍കാര്‍ഡ് എന്നിവയുടെ പകര്‍പ്പുകളും 4 ഫോട്ടോയും സഹിതം ഈ മാസം 25 നകം നിര്‍ദ്ദിഷ്ട മാതൃകയില്‍ കാസര്‍കോട്  കൃഷിഭവനില്‍ അപേക്ഷിക്കണം. ആദ്യം അപേക്ഷിക്കുന്നവര്‍ക്ക് മുന്‍ഗണന. കൂടുതല്‍ വിവരങ്ങള്‍ക്ക് -9383472310 

ഐ.എച്ച്.ആര്‍.ഡി.യുടെ കീഴില്‍ എം.ജി സര്‍വ്വകലാശാലയുമായി അഫിലിയേറ്റ് ചെയ്തിട്ടുള്ള മല്ലപ്പള്ളി, പീരുമേട്, പുതുപ്പള്ളി, തൊടുപുഴ  എന്നീ അപ്ലൈഡ് സയന്‍സ് കോളേജുകളില്‍ ബിരുദാനന്തര ബിരുദ കോഴ്‌സുകളിലെ സീറ്റുകളിലേക്ക് അപേക്ഷ ക്ഷണിച്ചു. അപേക്ഷാ ഫോറവും പ്രോസ്‌പെക്ടസ്സും ഐ.എച്ച്.ആര്‍.ഡിയുടെ വെബ്‌സൈറ്റായ www.ihrd.ac.in ലഭ്യമാണ്. അപേക്ഷ ഫോറം പൂരിപ്പിച്ച് പ്രവേശനം ആഗ്രഹിക്കുന്ന കോളേജിലെ പ്രിന്‍സിപ്പാളിന്റെ പേരില്‍ രജിസ്‌ട്രേഷന്‍ ഫീസായി മാറാവുന്ന 500 രൂപയുടെ ഡിമാന്റ് ഡ്രാഫ്റ്റ് സഹിതം  ബന്ധപ്പെട്ട കോളേജുകളില്‍ സമര്‍പ്പിക്കണം. തുക കോളേജുകളില്‍ നേരിട്ടും അടയ്ക്കാം.

സാമ്പത്തിക പരാധീനതയും അറിവില്ലായ്മയും കാരണം നീതി നിഷേധിക്കപ്പെടുന്നത് തടയാന്‍ ജില്ലാ ലീഗല്‍ സര്‍വ്വീസസ് അതോറിറ്റിയുടെ നേതൃത്വത്തില്‍ മൊബൈല്‍ അദാലത്ത് ആരംഭിച്ചു. 

ഐ.എച്ച്.ആര്‍.ഡി കോളേജുകളില്‍ ബിരുദാനന്തര ബിരുദ പ്രവേശനം 

ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുളള എംപ്ലോയബിലിറ്റി സെന്ററില്‍  ഈ മാസം 17 ന് രാവിലെ  10.30 ന് ജില്ലയിലെ ഒരു സ്വകാര്യ വിദ്യാഭ്യാസ സ്ഥാപനത്തിലേക്ക് വനിത ഉദ്യോഗാര്‍ഥികള്‍ക്ക് മാത്രമായി 55 ഒഴിവുകളിലേക്ക് അഭിമുഖം നടത്തും.അധ്യാപിക,ഫാക്കല്‍റ്റി,കോഡിനേറ്റര്‍ എന്നീ തസ്തികകളിലേക്കാണ് അഭിമുഖം.ബിരുദമുള്ള 20 നും 40 നും മധ്യേ പ്രായമുള്ള വനിതകള്‍ക്ക് അധ്യാപിക,കോഡിനേറ്റര്‍  എന്നീ തസ്തികളിലെ അഭിമുഖത്തിന് ഹാജരാകാം .ബിരുദാനന്തരബിരുദമുള്ള 22 നും 40 നും മധ്യേ പ്രായമുള്ളവര്‍ക്ക് ഫാക്കല്‍റ്റി തസ്തികയ്ക്കും ഹാജരാകാം.

ലോക്‌സഭാ തെരഞ്ഞെടുപ്പിന്റെ വോട്ടെണ്ണലിനായുള്ള 465 ഉദ്യോഗസ്ഥരുടെ റാന്‍ഡമൈസേഷന്‍ നടത്തി. വോട്ടെണ്ണലിനുള്ള 155 വീതം  കൗണ്ടിങ് സൂപ്പര്‍വൈസര്‍മാര്‍, കൗണ്ടിങ് അസിസ്റ്റന്റുമാര്‍, മൈക്രോ ഒബ്‌സര്‍വര്‍മാര്‍ എന്നിവര്‍ക്കുള്ള റാന്‍ഡമൈസേഷനാണ് കളക്ടറേറ്റില്‍ നടന്നത്. എഡിഎം സി ബിജു, ഇലക്ഷന്‍ വിഭാഗം ഡെപ്യൂട്ടി കളക്ടര്‍ വി പി അബ്ദു റഹിമാന്‍ എന്നിവരുടെ സാന്നിധ്യത്തില്‍ നടന്ന റാന്‍ഡമൈസേഷന്‍ പ്രക്രിയയില്‍ ജില്ലയിലെ വിവിധ രാഷ്ട്രീയ പാര്‍ട്ടികളുടെ പ്രതിനിധികള്‍ സംബന്ധിച്ചു. റാന്‍ഡമൈസേഷന്‍ പ്രക്രിയക്ക് ശേഷം വോട്ടെണ്ണല്‍ ഉദ്യോഗസ്ഥര്‍ക്കുള്ള നിയമന ഉത്തരവ് തയ്യാറാക്കി.

ലോക്‌സഭാ തെരഞ്ഞെടുപ്പ് ഫലപ്രഖ്യാപനത്തിന് ഒരാഴ്ച മാത്രം ബാക്കി നില്‍ക്കേ വോട്ടിങ് യന്ത്രങ്ങള്‍ സൂക്ഷിച്ചിരിക്കുന്ന പടന്നക്കാട് ആര്‍ട്‌സ് ആന്റ് സയന്‍സ് കോളേജിലെ സ്‌ട്രോങ് റൂമുകള്‍ക്കൊരുക്കിയ കര്‍ശന സുരക്ഷാ ക്രമീകരണങ്ങള്‍ തുടരുന്നു. കാസര്‍കോട് ലോക്‌സഭാ മണ്ഡലത്തിലെ ഏഴു നിയോജക മണ്ഡലങ്ങളിലെ വോട്ടിങ് യന്ത്രസാമഗ്രികളാണ് കോളേജിലെ 15 സ്‌ട്രോങ് റൂമുകളിലായി സൂക്ഷിച്ചിരിക്കുന്നത്. 

തെങ്ങിന്റെ കീടരോഗ നിയന്ത്രണവും ആരോഗ്യ പരിപാലനവും ആസ്പദമാക്കിയുളള ശില്പശാലയും പരിശീലന പരിപാടിയും കാസര്‍കോട് കേന്ദ്രതോട്ട വിള ഗവേഷണ സ്ഥാപനത്തില്‍ സംഘടിപ്പിച്ചു.  ജില്ലയിലെ പഞ്ചായത്തുകളില്‍ നിന്നും തെരഞ്ഞെടുത്ത കേരകര്‍ഷകരും കൃഷി വകുപ്പിലെ ഉദ്യോഗസ്ഥരും പരിശീലനത്തില്‍ പങ്കെടുത്തു.  പ്രിന്‍സിപ്പല്‍ കൃഷി ഓഫീസര്‍ ടിസമ്മ തോമസ് ശില്പശാല ഉദ്ഘാടനം ചെയ്തു.  സി പി ആര്‍ ഐ ഡയറക്ടര്‍ ഇന്‍ ചാര്‍ജ്ജ് ഡോ.കെ ബി ഹെബാര്‍ അധ്യക്ഷത വഹിച്ചു.  തെങ്ങിന്റെ കീടരോഗബാധയും വിളനഷ്ടവും ആസ്പദമാക്കി തയ്യാറാക്കിയ പ്രസിദ്ധീകരണം മൊഗ്രാല്‍പുത്തൂര്‍ ഗ്രാമപഞ്ചായത്ത് പ്രസിഡന്റ്് എ.എ ജലീല്‍ പ്രകാശനം ചെയ്തു.  കാസര്‍കോട് ആത്മ പ്രോജക്ട

കാസര്‍കോട് സബ് രജിസ്ട്രാര്‍ ഓഫീസില്‍ ഈ മാസം 29 ന് രാവിലെ 11 ന്  മുറിച്ചു മാറ്റി കഷ്ണങ്ങളാക്കിയ മരം ലേലം ചെയ്യും.

കെ എം സി എസ്,വാറിയസ് ഡെവലപ്പ്‌മെന്റ് അതോറിറ്റീസിലെ ഡ്രൈവര്‍ ഗ്രേഡ് II-എല്‍ഡിവി  തസ്തികയിലേക്ക്  ഈ മാസം 17,18 തീയ്യതികളില്‍ രാവിലെ ആറിന്് കോഴിക്കോട് മാലൂര്‍കുന്ന് സിറ്റി എ.ആര്‍.ക്യമ്പ് ഗ്രൗണ്ടില്‍ പി എസ്  സി പൊതുപ്രായോഗിക പരീക്ഷ (എച്ച് ടെസ്റ്റ് + റോഡ് ടെസ്റ്റ് ) നടത്തും.ഉദ്യോഗാര്‍ത്ഥികള്‍ അഡ്മിഷന്‍ ടിക്കറ്റ് പി.എസ്.സിയുടെ ഔദ്യോഗിക വെബ് സൈറ്റില്‍ നിന്നും ഡൗണ്‍ലോഡ് ചെയ്ത്, ഒറിജിനല്‍ ഡ്രൈവിംഗ് ലൈസന്‍സ്, ലൈസന്‍സ് പെര്‍ട്ടികുലേര്‍സ് എന്നിവ സഹിതം നിശ്ചിത തീയ്യതിയില്‍ രാവിലെ ആറിന് പ്രയോഗിക പരീക്ഷാ കേന്ദ്രത്തില്‍ എത്തണം.