വനിതാ വികസന കോര്‍പ്പറേഷന്‍ അന്താരാഷ്ട്ര വനിതാ ദിനാഘോഷത്തോടനുബന്ധിച്ച് 'സ്ത്രീയും സുരക്ഷയും' എന്ന വിഷയത്തില്‍ പോസ്റ്റര്‍ രചനാ മത്സരം സംഘടിപ്പിക്കുന്നു. 18 നും 35 നുമിടയില്‍ പ്രായമുള്ളവര്‍ക്ക് പങ്കെടുക്കാം. ഫെബ്രുവരി 24ന് മ്യൂസിയത്തുവെച്ചാണ് ജില്ലയിലെ മത്സരം. താത്പര്യമുള്ളവര്‍ക്ക് മത്സരവേദിയില്‍ ഉച്ചയ്ക്ക് 12 മുതല്‍ 1.30 വരെ സ്പോട്ട് രജിസ്ട്രേഷന്‍ ചെയ്യാം. കൂടുതല്‍ വിവരങ്ങള്‍ക്ക് 0471-2328257, 9496015006.
(പി.ആര്‍.പി. 246/2019)

കേരളത്തിന്റെ ടൂറിസം വ്യവസായത്തിന്റെ ഭാവി സാംസ്‌കാരിക വിനോദസഞ്ചാര രംഗത്താണെന്നു ടൂറിസം മന്ത്രി കടകംപള്ളി സുരേന്ദ്രന്‍. വിനോദസഞ്ചാര മേഖലയില്‍ സര്‍ക്കാര്‍ ആവിഷ്‌കരിക്കുന്ന പൈതൃക പദ്ധതികള്‍ ഇതു മുന്‍നിര്‍ത്തിയുള്ളതാണെന്നും മന്ത്രി പറഞ്ഞു. കേരള ഇന്‍സ്റ്റിറ്റ്യൂട്ട് ഓഫ് ടൂറിസം ആന്‍ഡ് ട്രാവല്‍ സ്റ്റഡീസിന്റെ (കിറ്റ്‌സ്) 30-ാം വാര്‍ഷികാഘോഷങ്ങളുടെ ഭാഗമായി സംഘടിപ്പിക്കുന്ന പ്രഭാഷണ പരമ്പര ഉദ്ഘാടനം ചെയ്യുകയായിരുന്നു അദ്ദേഹം.

കേന്ദ്രാവിഷ്‌കൃത പദ്ധതിയായ പ്രധാനമന്ത്രി ആവാസ് യോജന (ഗ്രാമീണ്‍) പദ്ധതിയിന്‍ കീഴില്‍ ഭവന നിര്‍മാണ ധനസഹായം ലഭിക്കുന്നതിന് വാസയോഗ്യമായ വീടില്ലാത്തതും കുറഞ്ഞത് രണ്ട് സെന്റ് സ്ഥലമെങ്കിലും വൈകശമുള്ളതുമായ കുടുംബങ്ങള്‍ക്ക് അപേക്ഷിക്കാം. എഴുതി തയാറാക്കിയ അപേക്ഷകള്‍ ആവശ്യമായ രേഖകള്‍ സഹിതം ഈ മാസം 25ന് മുമ്പ് അതത് ബ്ലോക്ക് ഡവലപ്‌മെന്റ് ഓഫീസര്‍ക്ക് നല്‍കണം. വനിതാ ഗുണഭോക്താവിന്റെ പേരിനാണ് അപേക്ഷിക്കേണ്ടത്. മുമ്പ് അപേക്ഷിച്ചവര്‍ വീണ്ടും അപേക്ഷിക്കേണ്ടതില്ല. 

                   (പിഎന്‍പി 613/19)

ജില്ലാ വികസന സമിതിയോഗം മാര്‍ച്ച് രണ്ടിന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.                              (പിഎന്‍പി 611/19)

പിന്നാക്ക വിഭാഗ വികസന വകുപ്പ് നടപ്പാക്കിവരുന്ന മത്സരപരീക്ഷാ പരിശീലന ധനസഹായ പദ്ധതിയായ എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാം 2018-19 മെഡിക്കല്‍ /എന്‍ജിനീയറിംഗ് വിഭാഗത്തിലെ ഗുണഭോക്താക്കളുടെ അന്തിമ പട്ടിക www.bcdd.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു. 

          (പിഎന്‍പി 610/19)

സംസ്ഥാന ഭാഗ്യക്കുറി ക്ഷേമനിധി ബോര്‍ഡിന്റെ ആഭിമുഖ്യത്തില്‍ ഭിന്നശേഷിക്കാരായ ക്ഷേമനിധി അംഗങ്ങള്‍ക്ക് സൗജന്യ ട്രൈസ്‌കൂട്ടര്‍ നല്‍കുന്നു. ഈ മാസം 11ന് മുമ്പ് ക്ഷേമനിധി അംഗത്വമെടുത്ത് സജീവ അംഗത്വം നിലനിര്‍ത്തിവരുന്നവര്‍ക്ക് അപേക്ഷിക്കാം. ക്ഷേമനിധി ബോര്‍ഡ് മുഖേനയോ കഴിഞ്ഞ ഏഴ് വര്‍ഷത്തിനുള്ളില്‍ മറ്റ് സര്‍ക്കാര്‍ ഏജന്‍സി വഴിയോ സൗജന്യ ട്രൈസ്‌കൂട്ടര്‍ ലഭിച്ചിട്ടില്ലാത്താവരായിരിക്കണം. അപേക്ഷ സ്വീകരിക്കുന്ന അവസാന തീയതി മാര്‍ച്ച് 31. അപേക്ഷാഫോറം ജില്ലാ ഭാഗ്യക്കുറി ക്ഷേമനിധി ഓഫീസില്‍ ലഭിക്കും. ഫോണ്‍: 0468 2222709.                      (പിഎന്‍പി 609/19)

എസ്.ആര്‍.സി കമ്മ്യൂണിറ്റി കോളജില്‍ ജനുവരി സെഷനില്‍ നടത്തുന്ന യോഗ സര്‍ട്ടിഫിക്കറ്റ് പ്രോഗ്രാമിന് ഈ മാസം 28 വരെ അപേക്ഷിക്കാം. പത്താം ക്ലാസ് പാസായിരിക്കണം. യോഗ ദര്‍ശനത്തിലും യോഗാസന, പ്രാണായാമ പദ്ധതികളിലും സാമാന്യജ്ഞാനം ലഭിക്കുന്നതരത്തിലാണ് പരിപാടി ചിട്ടപ്പെടുത്തിയിട്ടുള്ളത്. അപേക്ഷാഫോറവും കൂടുതല്‍ വിവരവും www.src.kerala.gov.in/www.srccc.in  എന്നീ വെബ്‌സൈറ്റുകളില്‍ ലഭിക്കും. ഫോണ്‍: 0471 2325101, 2325102.                     (പിഎന്‍പി 608/19)

സി-ഡിറ്റിന്റെ കവടിയാര്‍ കേന്ദ്രത്തില്‍ വിഷ്വല്‍ മീഡിയ കോഴ്‌സുകള്‍ക്ക് അപേക്ഷ ക്ഷണിച്ചു. ഡിപ്ലോമ ഇന്‍ മൊബൈല്‍ ജേര്‍ണലിസം, ഡിജിറ്റല്‍ മീഡിയ പ്രൊഡക്ഷന്‍, വെബ് ഡിസൈന്‍ ആന്‍ഡ് ഡവലപ്‌മെന്റ്, സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫി, നോണ്‍ ലീനിയര്‍ എഡിറ്റിംഗ്, ഡിജിറ്റല്‍ സ്റ്റില്‍ ഫോട്ടോഗ്രാഫി എന്നിവയാണ് കോഴ്‌സുകള്‍. മൊബൈല്‍ ജേര്‍ണലിസത്തിന് ബിരുദവും ജേര്‍ണലിസത്തില്‍ ഡിപ്ലോമയും മറ്റുള്ളവയ്ക്ക് പ്ലസ്ടുവുമാണ് യോഗ്യത. അപേക്ഷ സ്വീകരിക്കുന്ന അവസാന തീയതി ഈ മാസം 26. ഫോണ്‍: 0471 2721917, 8547720167.                                    (പിഎന്‍പി 607/19)