പ്ലസ് വണ്ണിന് ഏത് കോഴ്സ് തെരഞ്ഞെടുക്കണം, എങ്ങനെ അപേക്ഷിക്കാം തുടങ്ങിയ ആശങ്കകള്‍ ഇനി വിദ്യാര്‍ഥികള്‍ക്ക് വേണ്ട. തങ്ങളുടെ അഭിരുചികള്‍ അറിഞ്ഞ് കോഴ്സുകള്‍ തെരഞ്ഞെടുക്കാന്‍ ഫോക്കസ് പോയിന്റ് പരിപാടിയുമായി ഹയര്‍ സെക്കന്ററി വിദ്യാഭ്യാസ വകുപ്പ് രംഗത്ത്. വിദ്യാര്‍ഥികളുടെ താല്‍പര്യങ്ങളും ആഗ്രഹങ്ങളും മനസിലാക്കി അവര്‍ക്ക് അനുയോജ്യമായ വിഷയം തെരഞ്ഞെടുക്കാന്‍ സഹായിക്കുന്നതിനും ഏകജാലക സംവിധാനത്തെക്കുറിച്ച് കുട്ടികളില്‍ അവബോധം സൃഷ്ടിക്കുന്നതിനുമാണ് ഫോക്കസ് പോയിന്റ് എന്ന പേരില്‍ ആറ് ദിവസം നീണ്ട് നില്‍ക്കുന്ന ഹെല്‍പ് ഡസ്‌ക്ക് ആരംഭിച്ചിരിക്കുന്നത്.  

ബസുകളില്‍ യാത്രാ ആനുകൂല്യത്തിന് അര്‍ഹരായ വിദ്യാര്‍ഥികളുടെ യാത്രാ പാസില്‍ ബന്ധപ്പെട്ട  കോഴ്‌സുകളുടെ കാലാവധി രേഖപ്പെടുത്താന്‍ നടപടിയെടുക്കും. സ്റ്റുഡന്റ്‌സ് ട്രാവല്‍സ് ഫെസിലിറ്റി കമ്മിറ്റി യോഗത്തിലാണ് തീരുമാനം. കലക്ടറേറ്റില്‍ എഡിഎം ഇ മുഹമ്മദ് യൂസഫിന്റെ അധ്യക്ഷതയിലായിരുന്നു യോഗം. 

വിവരാവകാശ നിയമപ്രകാരമുള്ള അപേക്ഷക്ക് തെറ്റിദ്ധാരണജനകമായ മറുപടി നല്‍കുകയും അതുവഴി വീഴ്ച വരുത്തുകയും ചെയ്തതിന് വിവരാവകാശ ഓഫീസര്‍ക്ക് 5000 രൂപ പിഴ ശിക്ഷ.  കണ്ണൂര്‍ ധര്‍മശാല മാങ്ങാട്ടുപറമ്പിലെ കണ്ണൂര്‍ യൂണിവേഴ്‌സിറ്റി ടീച്ചര്‍ എജുക്കേഷന്‍ സെന്ററിലെ കോഴ്‌സ് ഡയറക്ടറും വിവരാവകാശ ഓഫീസറുമായ ഡോ.പ്രസീദക്കാണ് 5000രൂപ പിഴശിക്ഷ വിധിച്ചത്.

കണ്ണൂര്‍ ചാവശ്ശേരി കൃഷ്ണാലയത്തില്‍ ഡോ.എ പി ബിന്ദുവിന്റെ അപേക്ഷക്ക് തെറ്റായതും തെറ്റിദ്ധാരണജനകവുമായ മറുപടി നല്‍കിയതിന്റെ പേരിലാണ് വിവരാവകുശ കമ്മീഷണര്‍ കെ വി സുധാകരന്‍ ശിക്ഷ വിധിച്ചത്.  പിഴ തുക ട്രഷറിയില്‍ അടച്ച് രശീതി കമ്മീഷനില്‍ ഹാജരാക്കി.

പറവൂര്‍: നാല് ദിവസങ്ങളിലായി പറവൂര്‍ ബ്ലോക്ക് പഞ്ചായത്ത് ഹാളില്‍ നടന്ന കുട്ടികളുടെ അവധിക്കാല ക്യാമ്പ് പെന്‍സില്‍ പരിശീലന പരിപാടിക്ക് സമാപനമായി. രണ്ട് ബാച്ചുകളിലായി നടന്ന പരിശീലനത്തില്‍ 174 പേര്‍ പങ്കെടുത്തു. ഹരിത കേരളം മിഷന്‍, കുടുംബശ്രീ മിഷന്‍, ആരോഗ്യ വകുപ്പ്, കില, ശുചിത്വ മിഷന്‍, തദ്ദേശ സ്വയംഭരണ സ്ഥാപനങ്ങള്‍ എന്നിവയുടെ നേതൃത്വത്തിലാണ് പെന്‍സില്‍ ക്യാമ്പ് സംഘടിപ്പിക്കുന്നത്. സംസ്ഥാന തലം മുതല്‍ ബ്ലോക്ക് തലം വരെയാണ് പരിശീലനങ്ങള്‍ നല്‍കുന്നത്. പരിശീലനം നേടുന്ന റിസോഴ്‌സ് പേഴ്‌സണ്‍മാര്‍ പഞ്ചായത്ത് തലത്തിലും വാര്‍ഡ് തലത്തിലും കുട്ടികള്‍ക്ക് പരിശീലനം നല്‍കും.

ആലങ്ങാട്: കരുമാലൂരിലെ സാധാരണ ജനങ്ങളുടെ ആശ്രയമാണ് കരുമാലൂര്‍ കുടുംബാരോഗ്യ കേന്ദ്രം. ആരോഗ്യരംഗത്തെ പുത്തന്‍ ഉണര്‍വിനായി നടപ്പിലാക്കിയ ആര്‍ദ്രം പദ്ധതിയുടെ ഭാഗമായി കഴിഞ്ഞ വര്‍ഷമാണ് കരുമാലൂര്‍ പി എച്ച് സി കുടുംബാരോഗ്യ കേന്ദ്രമായി ഉയര്‍ത്തിയത്. അത്യാവശ്യ സൗകര്യങ്ങള്‍ ഒന്നുമില്ലാതിരുന്ന കെട്ടിടത്തില്‍ ഒരു ഡോക്ടറുടെ സേവനം മാത്രമാണ് ലഭ്യമായിരുന്നത്. എന്നാല്‍ കുടുംബാരോഗ്യ കേന്ദ്രമായി ഉയര്‍ത്തിയ പി എച്ച് സി യില്‍ ഇന്ന് രോഗികള്‍ക്ക് ആശ്വാസമായി ദിവസവും നാല് ഡോക്ടര്‍മാരുടെ സേവനം ലഭ്യമാണ്. കൂടാതെ മികച്ച ലാബ് സൗകര്യം, ഫാര്‍മസി, ഒ പി കൗണ്ടര്‍, ഇരിപ്പിടങ്ങള്‍ എന്നിവയും ലഭ്യമാണ്. 

അഭിമുഖം

കൊച്ചി -      എറണാകുളം  ജില്ലാ എംപ്ലോയ്മെന്‍റ് എക്സ്ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്‍ററില്‍ വെച്ച് വിവിധ സ്വകാര്യ സ്ഥാപനങ്ങളിലെ  383 ഒഴിവുകളിലേക്ക് മെയ് പത്തിന് അഭിമുഖം നടത്തും. 

Relationship Executive, Graduate Trainee, Management Trainee, Sales Executive, Senior Sales Executive, Marketing Manager, Telemarketing Executive, Senior Relationship Executive, Medical Coders

മുളന്തുരുത്തി: മൂന്ന് പതിറ്റാണ്ടിന് ശേഷം ഉദയംപേരൂർ ഇടമ്പാടം പാടശേഖരത്തിൽ വിത്തെറിഞ്ഞപ്പോൾ മഴയും ചാറി. കൂടി നിന്ന കർഷകർ മികച്ച വിളവിന്റെ ലക്ഷണം പങ്കുവെച്ചപ്പോൾ കാർഷിക സമ്പന്നമായ ഗതകാലസ്മരണകൾ ഉണർന്നു. വർഷങ്ങൾ തരിശുകിടന്ന ഭൂമിയിലാണ് ഉദയംപേരൂർ പഞ്ചായത്തിന്റെ നേതൃത്വത്തിൽ കൃഷി ആരംഭിച്ചത്. പഞ്ചായത്തിന്റെ മൂന്ന് പ്രധാന പാടശേഖരങ്ങളിൽ ഒന്നാണ് ഇടമ്പാടം. 10 ഹെക്ടറിൽ വ്യാപിച്ച് കിടക്കുന്ന പാടശേഖരം മികച്ച വിളവ് നൽകുന്ന നിലമാണ്.

കൊച്ചി: ജീവനക്കാര്‍ക്ക് നിരവധി മാസങ്ങളായി വേതനം ലഭിക്കുന്നില്ലെന്ന പരാതിയെ തുടര്‍ന്ന് എറണാകുളം പി.വി.എസ് ആശുപത്രിയില്‍ തൊഴില്‍ വകുപ്പ് പരിശോധന നടത്തി. തൊഴില്‍ വകുപ്പ് മന്ത്രിയുടെ നിര്‍ദ്ദേശപ്രകാരമായിരുന്നു പരിശോധന. ജില്ലാ ലേബര്‍ ഓഫീസറുടെ (എന്‍ഫോഴ്‌സ്‌മെന്റ്) നേതൃത്വത്തില്‍ നടത്തിയ പരിശോധനയില്‍ ജീവനക്കാര്‍ക്ക് നിരവധി മാസങ്ങളായി വേതനം ലഭിക്കുന്നില്ല എന്ന് ബോധ്യപ്പെട്ടു.  

മോട്ടോര്‍ തൊഴിലാളി ക്ഷേമനിധി

കുടിശിക ജൂണ്‍ 30 വരെ അടയ്ക്കാം

കൊച്ചി: കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ മുഴുവന്‍ തൊഴിലാളികള്‍ക്കും അംഗത്വം എടുക്കുന്നതിനും ക്ഷേമനിധി ഒടുക്കുന്നതില്‍ വീഴ്ച വരുത്തിയിട്ടുളള തൊഴിലാളികള്‍ക്ക് എല്ലാത്തരം കുടിശികകളും ഒമ്പത് ശതമാനം പലിശ സഹിതം കുടിശിക അടയ്ക്കുന്നതിനുമുളള സമയപരിധി ജൂണ്‍ 30 വരെ ദീര്‍ഘിപ്പിച്ചു. ഈ അവസരം ഫലപ്രദമായി വിനിയോഗിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് എറണാകുളം എസ്.ആര്‍.എം റോഡിലുളള ജില്ലാ ഓഫീസുമായി ബന്ധപ്പെടാം. ഫോണ്‍ 0484-2401632.

    പേരൂര്‍ക്കട ഇലക്ട്രിക്കല്‍ സെക്ഷന്‍ പരിധിയില്‍ ആയൂര്‍ക്കോണം, രാധാകൃഷ്ണ ലൈന്‍, വിന്നേഴ്‌സ് ലൈന്‍ എന്നിവിടങ്ങളില്‍ ഇന്ന് (മേയ് 10) രാവിലെ 9.30 മുതല്‍ വൈകിട്ട് 5.30 വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
(പി.ആര്‍.പി. 551/2019)