680 വീടുകളുടെ വയറിങ് സാമഗ്രികൾ

ലെഗ്രാന്റ് കമ്പനി നൽകുന്നു

ആലപ്പുഴ:  ജില്ലയിൽ പ്രളയത്തിൽ പൂർണമായി തകർന്ന വീടുകളുടെ പുനഃനിർമാണത്തിന് വയറിങ് സാമഗ്രികൾ ലെഗ്രാന്റ് കമ്പനി നൽകും. 680 വീടുകളുടെ വയറിങ് സാമഗ്രികളാണ് ജില്ലയിലെ ലൈഫ്-റീബിൽഡ് ഭവനനിർമാണ് കേന്ദ്രങ്ങളിൽ കമ്പനി എത്തിച്ചുനൽകുന്നത്. ഈ ഹബ്ബുകൾ മുഖേന തിരഞ്ഞെടുത്ത 680 ഗുണഭോക്താക്കൾക്ക് സാധനസാമഗ്രികൾ നിർമാണ് പുരോഗതിക്കനുസരിച്ച് വിതരണം ചെയ്യും. വിതരണത്തിന്റെ ജില്ലാ തല ഉദ്ഘാടനം മെയ് 10ന് രാവിലെ 10.30ന് ജില്ലാ കളക്ടർ എസ്.സുഹാസ് വെളിയനാട് ബ്ലോക്ക് പഞ്ചായത്ത് ഹാളിൽ നിർവഹിക്കും.

    മഞ്ചേരി - എളങ്കൂര്‍ - വണ്ടൂര്‍ റോഡില്‍ റോഡ്പണി നടക്കുന്നതിനാല്‍ ഇതിലൂടെയുള്ള വാഹന ഗതാഗതം നിരോധിച്ചു.  മഞ്ചേരി ഭാഗത്ത് നിന്നും വരുന്ന വാഹനങ്ങള്‍ പൂളക്കല്‍ നിന്നും എരിയാട് വഴി വണ്ടൂരിലേക്ക് പോകണം.

ആലപ്പുഴ: ഉടൻ നടക്കാനിരിക്കുന്ന യൂണിവേഴ്സിറ്റി അസിസ്റ്റന്റ് പരീക്ഷയിൽ പങ്കെടുക്കുന്ന ഉദ്യോഗാർത്ഥികൾക്കായി മെയ് 14 മുതൽ 30 ദിവസത്തെ പരിശീലന ക്ലാസ് ആലപ്പുഴ ജില്ലാ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തിൽ സംഘടിപ്പിക്കുന്നു. താൽപര്യമുള്ള ഡിഗ്രി യോഗ്യതയുള്ള ഉദ്യോഗാർത്ഥികൾ മെയ് 13 നകം  ഈ ഓഫീസുമായി ബന്ധപ്പെടേണ്ടതാണ്. ഫോൺ: 0477 -2230622,  7025913699,  9656421872.

ആലപ്പുഴ: ഈവർഷത്തെ  ട്രോളിങ് നിരോധന കാലയളവിലെ കടൽ പെട്രോളിങ്ങിനും കടൽ രക്ഷ പ്രവർത്തനങ്ങൾക്കുമായി ജൂൺ ഒമ്പതിന്  അർദ്ധരാത്രിമുതൽ ജൂലൈ 31 വരെ ( സർക്കാർ നിശ്ചയിക്കുന്ന കാലയളവ് വരെ) രണ്ട് യന്ത്രവത്കൃത ബോട്ടുകൾ വാടകയ്ക്കെടുക്കുന്നു. താൽപ്പര്യമുള്ള ബോട്ടുടമകൾക്ക് ക്വട്ടേഷൻ നാൽകാം. ക്വട്ടേഷൻ നൽകേണ്ട അവസാന തീയതി മെയ് 25ന് ഉച്ചയ്ക്ക് ശേഷം രണ്ട്.   കൂടുതൽ വിവരങ്ങൾക്ക് ആലപ്പുഴ ഫിഷറീസ് ഡപ്യൂട്ടി ഡയറക്ടറുമായി ബന്ധപ്പെടണം. ഫോൺ : 04772251103.

ആലപ്പുഴ: വേനൽ കനത്തതോടെ കുട്ടനാട്ടിലേക്ക് സ്വദേശികളും വിദേശികളുമടങ്ങുന്ന സഞ്ചാരികളുടെ ഒഴുക്ക്.  അവധിക്കാലം ആസ്വദിക്കാനും കനത്ത ചൂടിൽ കായൽപ്പരപ്പിലെ തണുപ്പ് തേടിയുമാണ് കുട്ടനാട്ടിലേക്ക് ആയിരക്കണക്കിന് സഞ്ചാരികളെത്തുന്നത്. ഇതോടെ വേമ്പനാട്ടുകായലിലെ പുരവഞ്ചികൾക്ക് കൊയ്ത്തുകാലമായി. പ്രളയത്തെത്തുടർന്നുള്ള ഇടക്കാല മാന്ദ്യത്തിന് ശേഷം ജില്ലയിലെ വിനോദ സഞ്ചാര മേഖല വീണ്ടും ഉണരുകയാണ്. സർക്കാർ അംഗീകൃത  850   പുരവഞ്ചികളും 250ന് മുകളിൽ ശിക്കാര വള്ളങ്ങളുമാണ് കുട്ടനാട്ടിൽ സഞ്ചാരികൾക്കായി ഉള്ളത്. 

മഴക്കാല പൂര്‍വ ശുചീകരണ പ്രവര്‍ത്തനങ്ങള്‍ ഊര്‍ജിതമായി നടപ്പിലാക്കാന്‍ മലപ്പുറം നഗരസഭാ കൗണ്‍സില്‍ യോഗം തീരുമാനിച്ചു. ചെയര്‍പേഴ്‌സണ്‍ സി.എച്ച് ജമീല ടീച്ചര്‍ അധ്യക്ഷത വഹിച്ചു. എല്ലാ വാര്‍ഡുകളിലും ബഹുജന കൂട്ടായ്മയിലൂടെ ശുചീകരണ പ്രവര്‍ത്തനങ്ങള്‍ സംഘടിപ്പിക്കും, വിവിധ ഫണ്ടുകളില്‍ നിന്നായി 25000 രൂപ ഓരോ വാര്‍ഡിലും ശുചീകരണത്തിനായി ചെലവഴിക്കും. ശുചീകരണ പ്രവര്‍ത്തനങ്ങളടെ മുനിസിപ്പല്‍ തല ഉദ്ഘാടനം 11 രാവിലെ എട്ടിന് കോട്ടപ്പടി വലിയ വരമ്പില്‍ പി. ഉബൈദുല്ല എം.എല്‍.എ ഉദ്ഘാടനം ചെയ്യും.

ചേലേമ്പ്ര പഞ്ചായത്തില്‍ ആരോഗ്യ ജാഗ്രത പദ്ധതിയുടെ ഭാഗമായി പൊതുശുചീകരണം നടപ്പാക്കുന്നു. മെയ് 11,12 തിയ്യതികളിലായാണ് ആരോഗ്യസുരക്ഷ മുന്‍നിര്‍ത്തിയുള്ള പൊതുശുചീകരണ പരിപാടി. പഞ്ചായത്ത് തല ശുചീകരണ പ്രവര്‍ത്തനങ്ങളുടെ  ഉദ്ഘാടനം കാക്കഞ്ചേരി വളവില്‍ 11 (മേയ്11) ന് രാവിലെ എട്ടിന് പഞ്ചായത്ത് പ്രസിഡന്റ് സി രാജേഷ് നിര്‍വ്വഹിക്കും.