സര്‍ക്കാര്‍ വിവിധ വകുപ്പുകളില്‍ നിന്നും വ്യവസായ സംബന്ധമായ ലൈസന്‍സുകള്‍ ലഭ്യമാക്കുന്നതിനുള്ള നടപടി ക്രമങ്ങള്‍ സുഗമമാക്കുന്നതിനായി കൊണ്ടുവന്ന നിക്ഷേപം പ്രോത്സാഹിപ്പിക്കലും സുഗമമാക്കലും ആക്ട് സംബന്ധിച്ചും വിവിധ വകുപ്പുകളില്‍ നിന്നുള്ള അനുമതിക്കായുള്ള ഏകജാലക സംവിധാനമായ കെ സ്വിഫ്റ്റ് സംബന്ധിച്ചും വ്യവസായ സംരംഭകര്‍ക്കിടയില്‍ അവബോധം നല്‍കുന്നതിനായി കോഴിക്കോട്, താമരശ്ശേരി താലൂക്കുകളിലെ വ്യവസായ സംരംഭകര്‍ക്കായി ബോധവത്കരണ പരിപാടി നടത്തും. നാളെ ( മെയ് 9) രാവിലെ 11 മണിക്ക് ജില്ലാ വ്യവസായ കേന്ദ്രം കോണ്‍ഫറന്‍സ് ഹാളിലാണ് പരിപാടി. ഫോണ്‍ : 0495 2766036.  

     തദ്ദേശസ്വയംഭരണ സ്ഥാപനങ്ങള്‍ക്കായുള്ള ഓംബുഡ്സ്മാന്‍ ജസ്റ്റിസ് കെ.കെ ദിനേശന്‍ കണ്ണൂര്‍, കോഴിക്കോട് ജില്ലകളില്‍ ഈ മാസം 21 മുതല്‍ 24 വരെ നടത്താനിരുന്ന ക്യാമ്പ് സിറ്റിംഗുകള്‍ സാങ്കേതിക കാരണങ്ങളാല്‍ മാറ്റിവെച്ചു.

             ചേളന്നൂര്‍    ബ്ലോക്ക്   പഞ്ചായത്തിനു   കീഴില്‍   കക്കോടിയിലെ    ഗവ.പ്രീമെട്രിക്ക്   ഹോസ്റ്റലിലേക്ക് പ്രവേശനം നടത്തുന്നതിനായി അഞ്ച് മുതല്‍ പത്ത് വരെ ക്ലാസ്സുകളില്‍ പഠിക്കുന്ന പട്ടികജാതി വിദ്യാര്‍ത്ഥികളില്‍ നിന്നും അപേക്ഷ ക്ഷണിച്ചു. നിശ്ചിത മാതൃകയിലുള്ള അപേക്ഷ   ജാതി,  വരുമാനം,  നേറ്റിവിറ്റി, സ്വഭാവം, ജനന സര്‍ട്ടിഫിക്കറ്റുകള്‍, അവസാന പരീക്ഷയില്‍ ലഭിച്ച മാര്‍ക്ക് ലിസ്റ്റിന്റെ കോപ്പി എന്നിവ സഹിതം 18 ന് വൈകീട്ട് 5 നകം ചേളന്നൂര്‍  ബ്ലോക്ക് പട്ടികജാതി   വികസന ഓഫീസില്‍  നല്‍കണം. 

ഇത്തവണ എസ്.എസ്.എല്‍സി പരീക്ഷയിലെ വിജയികളില്‍ കക്കോടിയിലെ പ്രീമെട്രിക് ഹോസ്റ്റല്‍ അന്തേവാസികള്‍ നേടിയ നൂറുശതമാനം വിജയം വേറിട്ടു നില്ക്കുന്നു.  പിന്നോക്ക സാഹചര്യങ്ങളില്‍ നിന്നു വരുന്ന അഞ്ചു വിദ്യാര്‍ത്ഥിനികളാണ്  (അനാമിക.സി.കെ ,അരുണിമ.എ.കെ , ഭദ്ര.എം.കെ ,മേഘ്ന.പി.കെ ,വിസ്മയ.കെ.കെ )    ഇവിടെ നിന്ന് ഈ വര്‍ഷം പത്താംക്ളാസ് പാസായത്.

കോഴിക്കോട് ബ്ലോക്ക് പഞ്ചായത്തിന്റെ കീഴിലുള്ള ഇരിങ്ങല്ലൂര്‍ ഗവ. പ്രീമെട്രിക് ഹോസ്റ്റലിലേക്ക് (ആണ്‍) അഞ്ച് മുതല്‍ പത്ത് വരെ ക്ലാസുകളില്‍ പഠിക്കുന്ന പട്ടികജാതി വിഭാഗ വിദ്യാര്‍ത്ഥികളില്‍ നിന്നും അപേക്ഷ ക്ഷണിച്ചു. താല്‍പര്യമുള്ളവര്‍ക്ക് ജാതി സര്‍ട്ടിഫിക്കറ്റ്, സ്വഭാവ സര്‍ട്ടിഫിക്കറ്റ്, അവസാന വര്‍ഷത്തെ മാര്‍ക്ക് ലിസ്റ്റിന്റെ പകര്‍പ്പ് എന്നിവ സഹിതം അപേക്ഷിക്കാം. അവസാന തീയ്യതി ഈ മാസം 20. ഫോണ്‍ 8547630159.

    പത്തനംതിട്ട കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്‍ഡ് ഡെവലപ്‌മെന്റ് (സി.എഫ്.ആര്‍.ഡി) ന്റെ കീഴില്‍ കോളജ് ഓഫ് ഇന്‍ഡിജനസ് ഫുഡ് ടെക്‌നോളജി (സി.എഫ്.റ്റി.കെ.) നടത്തുന്ന എം.എസ്.സി ഫുഡ് ടെക്‌നോളജി ആന്‍ഡ് ക്വാളിറ്റി അഷ്വറന്‍സ് കോഴ്‌സിലേക്ക് അപേക്ഷ ക്ഷണിച്ചു.  അപേക്ഷാഫോമിനും വിശദവിവരങ്ങള്‍ക്കും സപ്ലൈകോ വെബ്‌സൈറ്റായ www.supplycokerala.com സന്ദര്‍ശിക്കുക.  അവസാന തീയതി ജൂണ്‍ ഏഴ്.
(പി.ആര്‍.പി. 544/2019)

    മണ്ണന്തല മുക്കോലക്കല്‍ ശ്രീ ഗണപതി ക്ഷേത്രത്തിലെ ഉത്സവത്തോടനുബന്ധിച്ച് മേയ് 10ന് രാവിലെ ആറു മുതല്‍ 11ന് രാവിലെ ആറു വരെ ക്ഷേത്രത്തിന്റെ രണ്ട് കിലോമീറ്റര്‍ ചുറ്റളവില്‍ മദ്യനിരോധനം ഏര്‍പ്പെടുത്തിയതായി ജില്ലാ കളക്ടര്‍      ഡോ. കെ. വാസുകി അറിയിച്ചു.
(പി.ആര്‍.പി. 543/2019)