കേരള നിയമസഭയുടെ വജ്രജൂബിലി ആഘോഷങ്ങളുടെ സമാപനവുമായി ബന്ധപ്പെട്ട് ഫെസ്റ്റിവല്‍ ഓണ്‍ ഡെമോക്രസിയുടെ ഭാഗമായുള്ള നാഷണല്‍ സ്റ്റുഡന്റസ് പാര്‍ലമെന്റ് ഫെബ്രുവരി 23, 24, 25 തിയിതികളില്‍ തിരുവനന്തപുരത്ത് നിയമസഭാ സമുച്ചയത്തില്‍ സംഘടിപ്പിക്കും. പരിപാടിയുടെ ഭാഗമാകാന്‍ ംംം.ളെേലശ്മഹീിറലാീരൃമര്യ.ശി മുഖേന ഓണ്‍ലൈനായി രജിസ്റ്റര്‍ ചെയ്യാം. 

 
പട്ടിക ജാതി പട്ടികവര്‍ഗ്ഗ, പിന്നാക്ക ക്ഷേമ വകുപ്പ് മന്ത്രി എ.കെ ബാലന്‍ ഫെബ്രുവരി 18 ,19 തിയ്യതികളില്‍ ജില്ലയില്‍ വിവിധ പരിപാടികളില്‍ പങ്കെടുക്കും. 18 ന് രാവിലെ 10 മണിക്ക് നാദാപുരം തൂണേരി ചേറ്റുകണ്ടി -പി.ഡബ്ല്യു.ഡി റോഡ് ഉദ്ഘാടനം, 19 ന് രാവിലെ 11.30 ക്ക് പേരാമ്പ്ര കെ.എസ്.എഫ്.ഡി.സി തിയ്യേറ്റര്‍ കോംപ്ലക്സ് ശിലാസ്ഥാപനം, 12.30 ന് പേരാമ്പ്ര ബി.സി.ഡി.സി സബ് ഓഫീസ് ഉദ്ഘാടനം എന്നീ പരിപാടികളില്‍ പങ്കെടുക്കും.

ഫെബ്രുവരി 23 ന് രാവിലെയും ഉച്ചയ്ക്കു ശേഷവുമായി നടക്കുന്ന എൽ.എസ്.എസ്./യു.എസ്.എസ്. പരീക്ഷകളുടെ ഹാൾടിക്കറ്റ് പ്രസിദ്ധീകരിച്ചു.  bpkerala.in/lss_uss_2019 എന്ന ലിങ്കിൽ നിന്നോ, പരീക്ഷാഭവൻ വെബ്‌സൈറ്റിൽ നിന്നോ ഹെഡ്മാസ്റ്റർമാർ ഹാൾടിക്കറ്റ് ഡൺലോഡ് ചെയ്യണം.

പി.എൻ.എക്സ്. 597/19

സംസ്ഥാനത്തെ 30 തദ്ദേശസ്വയംഭരണ വാർഡുകളിലേക്ക് നടന്ന തിരഞ്ഞെടുപ്പിൽ എൽ.ഡി.എഫ് 15 ഉം  യു.ഡി.എഫ് 12 ഉം ആർ.എം.പി ഒന്നും സ്വതന്ത്രർ രണ്ടും സീറ്റുകൾ നേടിയതായി സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു.

വസ്തുനികുതി കുടിശ്ശിക ഒറ്റത്തവണയായി അടയ്ക്കുന്ന ഗ്രാമപഞ്ചായത്ത് പ്രദേശങ്ങളിലെ നികുതിദായകർക്ക് പിഴപ്പലിശ മാർച്ച് 31 വരെ ഒഴിവാക്കി സർക്കാർ ഉത്തരവായി. നിയമപരമായി വസ്തുനികുതി അടയ്ക്കാൻ ബാദ്ധ്യസ്ഥരായ മുഴുവൻ വ്യക്തികളും സ്ഥാപന ഉടമകളും ഈ പിഴപ്പലിശ ഒഴിവാക്കൽ ആനുകൂല്യം പ്രയോജനപ്പെടുത്തി കുടിശ്ശിക ഉൾപ്പെടെയുള്ള വസ്തുനികുതി ബന്ധപ്പെട്ട ഗ്രാമപഞ്ചായത്തുകളിൽ അടയ്ക്കണമെന്നും ഈ ആനുകൂല്യം വരുന്ന സാമ്പത്തിക വർഷങ്ങളിൽ അനുവദിക്കുന്നതല്ലെന്നും പഞ്ചായത്ത് ഡയറക്ടർ അറിയിച്ചു.

പി.എൻ.എക്സ്. 595/19

കേരള ചരിത്ര ഗവേഷണ കൗൺസിൽ ഡയറക്ടറായി പ്രമുഖ ചരിത്രകാരനും എം.ജി. സർവ്വകലാശാല സ്‌കൂൾ ഓഫ് സോഷ്യൽ സയൻസസ് വിഭാഗം തലവനുമായിരുന്ന പ്രൊഫ. സി. സനൽ മോഹൻ ചുമതലയേറ്റു.

കേംബ്രിഡ്ജ് യൂണിവേഴ്‌സിറ്റി, ജർമ്മനിയിലെ മാക്‌സ് പ്ലാൻക് ഇൻസ്റ്റിറ്റ്യൂട്ട്, അമേരിക്കയിലെ യൂണിവേഴ്‌സിറ്റി ഓഫ് പെൻസിൽവാനിയ തുടങ്ങിയവയിൽ വിസിറ്റിംഗ് ഫെല്ലോ ആയി പ്രവർത്തിച്ചിട്ടുണ്ട്.

എത്തനോഗ്രഫി, കൊളോണിയൽ മോഡേണിറ്റി, കമ്പാരേറ്റീവ് ഹിസ്റ്ററി തുടങ്ങിയ വിഷയങ്ങളിൽ ഗവേഷണങ്ങൾ നടത്തുകയും പ്രശസ്ത ജേർണലുകളിൽ പ്രബന്ധങ്ങൾ പ്രസിദ്ധീകരിക്കുകയും ചെയ്തിട്ടുണ്ട്. നാലു പുസ്തകങ്ങൾ രചിച്ചിട്ടുണ്ട്.

പി.എൻ.എക്സ്. 594/19

ഹയർ സെക്കണ്ടറി, നോൺ വൊക്കേഷണൽ അധ്യാപക നിയമനത്തിന് ഏർപ്പെടുത്തിയിരിക്കുന്ന സംസ്ഥാനതല യോഗ്യതാ നിർണ്ണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) ഓൺലൈൻ രജിസ്‌ട്രേഷൻ ഫെബ്രുവരി 17 ന് അഞ്ച് മണി വരെ ദീർഘിപ്പിച്ചു. അപേക്ഷകൾ 2019 ഫെബ്രുവരി 25 ന് വൈകുന്നേരം അഞ്ചിനു മുമ്പായി എൽ.ബി.എസ്. സെന്ററിൽ ലഭിക്കണം. സെറ്റ് പരീക്ഷ മാർച്ച് 31 ന് നടത്തും.

പി.എൻ.എക്സ്. 593/19

ക്വട്ടേഷന്‍
സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി എറണാകുളം ജില്ലാതലത്തില്‍ സംഘടിപ്പിക്കുന്ന പ്രദര്‍ശനത്തില്‍ 600 ചതുരശ്ര അടി വിസ്തീര്‍ണത്തില്‍ സ്റ്റാള്‍ ഒരുക്കുന്നതിനും  ടെലിവിഷന്‍, വീഡിയോ വാള്‍, ശബ്ദസംവിധാനം എന്നിവ സ്ഥാപിക്കുന്നതിനും എറണാകുളം ജില്ലാ ഇന്‍ഫര്‍മേഷന്‍ ഓഫീസ് ക്വട്ടേഷന്‍ ക്ഷണിച്ചു. 

അധ്യാപകനെ ആവശ്യമുണ്ട്

സംസ്ഥാന സാക്ഷരത മിഷൻ നടത്തുന്ന പ്ലസ്ടു തുല്യത കോഴ്‌സിൽ പള്ളിക്കുന്ന് ഹയർ സെക്കണ്ടറി സ്‌കൂളിൽ അക്കൗണ്ടൻസി അധ്യാപകനെ ആവശ്യമുണ്ട്.  ബി എഡ്/പി ജി, സെറ്റ് യോഗ്യതയുള്ള അധ്യാപകർ കണ്ണൂർ ബ്ലോക്ക് പഞ്ചായത്തിൽ പ്രവർത്തിക്കുന്ന സാക്ഷരതാ മിഷൻ ഓഫീസുമായി ബന്ധപ്പെടണം.  ഫോൺ: 9495365907, 8075975494.

കൈത്തറി നെയ്ത്തുകാർക്ക് അവാർഡ് നൽകുന്നു