ലോകസഭ തെരഞ്ഞെടുപ്പിന്റെ വോട്ടെണ്ണലിന് ദിവസങ്ങള്‍ ശേഷിക്കെ ജില്ലയില്‍ 592 പോസ്റ്റല്‍ വോട്ടുകള്‍ എത്തി. 416 സൈനികരുടെ സര്‍വ്വീസ് വോട്ടും 176 സര്‍ക്കാര്‍ ജീവനക്കാരുടെ പോസ്റ്റല്‍ വോട്ടുകളുമാണ് ഇതുവരെ ജില്ലാ വരണാധികാരിക്കു മുന്‍പാകെ എത്തിയിട്ടുള്ളത്. ജില്ലയിലെ ആകെ 1350 സര്‍വ്വീസ് വോട്ടുകളില്‍ 416 എണ്ണമാണ് ഇന്നലെ വരെ വരണാധികാരിക്ക് ലഭിച്ചത്. ഇതില്‍ 267 വോട്ടുകള്‍ മലപ്പുറം മണ്ഡലത്തിലും 149 എണ്ണം പൊന്നാനി മണ്ഡലത്തിലേതുമാണ്.

ആലപ്പുഴ: 10-ാം ക്ലാസ്സ് പരീക്ഷയിൽ തോറ്റ കുട്ടികളെ കണ്ടെത്തി പരിശീലം നൽകി വീണ്ടും പരീക്ഷയെഴുതിക്കുന്ന പദ്ധതിയായ ഹോപ്പ് പദ്ധതി പ്രകാരം ആലപ്പുഴ ജില്ല പോലീസ് പരീശീലം നൾകിയ 14 കുട്ടികളും വിജയിച്ചു..വിജയികളെ ജില്ലതലത്തിൽ സംഘടിപ്പിക്കുന്ന ചടങ്ങിൽ വച്ച് അനുമോദിക്കും.

      ആലപ്പുഴ:ഈ കഴിഞ്ഞ അദ്ധ്യയന വർഷം 10-ാം ക്ലാസ്സ് പരീഷ എഴുതിയ 1642 എസ്.പി.സി. കേഡറ്റുകളും വിജയിച്ചു. 308 കേഡറ്റുകൾ മുഴുവൻ എ പ്ലസ്സുകളും 113 കേഡറ്റുകൾ എ പ്ലസ്സുകളും 108 കേഡറ്റുകൾ 8 എ പ്ലസ്സുകളും നേടി. പാഠ്യേതര വിഷയങ്ങളിലേ പ്രവർത്തനങ്ങൾ കുട്ടികളെ പഠനത്തിൽ പിന്നോക്കമാക്കുകയല്ല മറിച്ച് കുട്ടികളെ ഉന്നത വിജയം നേടാൻ പ്രാപ്തരാക്കുകയാണ് ചെയ്യുകയെന്ന് ജില്ലാ പോലീസ് മേധാവി അറിയിച്ചു. വിജയികളെജില്ലതലത്തിൽ സംഘടിക്കപ്പിക്കുന്ന ചടങ്ങിൽ വച്ച് അനുമോദിക്കുമെന്ന് ജില്ലാ പോലീസ് മേധാവി കെ എം ടോമി അറിയിച്ചു.

കാക്കനാട്: ചെറായി- വൈപ്പിന്‍ വൈദ്യുത പദ്ധതി പ്രകൃതിയെ സംരക്ഷിച്ച് നടപ്പാക്കുമെന്ന് ജില്ലാ കളക്ടര്‍ മുഹമ്മദ് വൈ സഫീറുള്ള കളക്ടറേറ്റില്‍ വാര്‍ത്താസമ്മേളനത്തില്‍ അറിയിച്ചു.  1999ല്‍ തുടങ്ങിവെച്ച പദ്ധതിയാണിത്.  40000 കുടുംബങ്ങളാണ് ഗുണഭോക്താക്കളായിട്ടുള്ളത്.  ചെറായി പോലൊരു പ്രദേശത്ത് നല്ല വോള്‍ട്ടേജില്‍ വൈദ്യുതിയെത്തേണ്ടത് പൊതുജനങ്ങളുടെ ആവശ്യമാണ്.  മറുവശത്ത് പ്രകൃതിസംരക്ഷണവും ഉറപ്പാക്കണം. 

മൂവാറ്റുപുഴ: എസ്.എസ്.എല്‍.സി പരീക്ഷയില്‍ മൂവാറ്റുപുഴ വിദ്യാഭ്യാസ ജില്ലയില്‍ ഇക്കൊല്ലം 55 സ്‌ക്കൂളുകളില്‍ 50 സ്‌ക്കൂളുകള്‍ നൂറ് ശതമാനം വിജയം നേടി. ആകെ 3692 കുട്ടികള്‍ പരീക്ഷ എഴുതിയതില്‍ 3686 പേര്‍ വിജയിച്ചു. 

മാന്‍ഹോള്‍ അറ്റകുറ്റപ്പണി: ക്വട്ടേഷന്‍ ക്ഷണിച്ചു
കൊച്ചി: എറണാകുളം മെഡിക്കല്‍ കോളേജ് ആശുപത്രിയിലെ മാന്‍ഹോളുകള്‍ അറ്റകുറ്റപ്പണി ചെയ്യുന്നതിന് ക്വട്ടേഷന്‍ ക്ഷണിച്ചു.  മാന്‍ഹോള്‍ ജോലികളില്‍ പരിചയമുള്ളവര്‍ക്ക് അപേക്ഷിക്കാം.  കരാര്‍ കാലാവധി ഒരു വര്‍ഷം.സീല്‍ ചെയ്ത ക്വട്ടേഷന്‍ മെഡിക്കല്‍ സൂപ്രണ്ടിന്റെ പേരില്‍ നേരിട്ടോ തപാലിലോ സമര്‍പ്പിക്കണം.  അവസാന തീയതി മെയ് 20.  ഫോണ്‍ നമ്പര്‍: 0484 275 4456, 4422.
 

ജൂനിയര്‍ പബ്ലിക് ഹെല്‍ത്ത് നേഴ്‌സ് കരാര്‍ നിയമനം

നെടുമ്പാശ്ശേരി: എസ്. എസ്.എൽ.സി പരീക്ഷയിൽ 97.5 ശതമാനം വിജയവുമായി ചെങ്ങമനാട് ഗവ.ഹയർ സെക്കണ്ടറി സ്കൂൾ. പരീക്ഷയെഴുതിയ 40 കുട്ടികളിൽ 39 പേരും വിജയിച്ചു. ഒരാൾ മാത്രമാണ് ഒരു വിഷയത്തിൽ പരാജയപ്പെട്ടത്. 

കഴിഞ്ഞ വർഷം 100 ശതമാനം ആയിരുന്നു സ്കൂളിന്റെ വിജയം. പരീക്ഷയെഴുതിയ 37 വിദ്യാർത്ഥികളും വിജയിച്ചിരുന്നു. 

മുളന്തുരുത്തി:   പാരമ്പര്യ കാർഷിക അറിവുകളുടെ ശക്തിയും സമൃദ്ധിയും വിളിച്ചോതി ‘ചോറിനൊരു കൂട്ടാൻ നാടാകെ’ പദ്ധതിയുടെ വിളവെടുപ്പുത്സവം. ജൈവ കൃഷി വ്യാപനം ലക്ഷ്യമിട്ട് തുരുത്തിക്കര അഗ്രോ സർവ്വീസ് സൊസൈറ്റി ആരംഭിച്ച പദ്ധതിയുടെ വിളവെടുപ്പുത്സവം സിനിമാതാരം  ഹരിശ്രീ അശോകൻ തുപ്പുംപടി പണിക്കരുവീട്ടിൽ അർജുനൻകുട്ടിയുടെ വീട്ടിൽ നിർവ്വഹിച്ചു. 

പരിപാടിയോടനുബന്ധിച്ച് പാരമ്പര്യ കാർഷിക ഉപകരണങ്ങളുടെയും ഗൃഹോപകരണങ്ങളുടേയും പ്രദർശനം ഒരുക്കിയിരുന്നു. വിദ്യാർഥികളും അധ്യാപകരും ഉൾപ്പെടെ സമൂഹത്തിന്റെ നാനാതുറകളിൽ നിന്നുള്ളവർ വിളവെടുപ്പുത്സവത്തിലും പ്രദർശനത്തിലും പങ്കെടുത്തു.