സര്‍ക്കാറിന്റെ ആയിരം ദിന പരിപാടിയോടനുബന്ധിച്ച്  പെരിന്തല്‍മണ്ണ നഗരസഭയില്‍ നാലുകോടിരൂപയുടെ ഖരമാലിന്യം പ്ലാന്റ് നവീകരണപദ്ധതി ആരംഭിക്കുന്നു. നഗരസഭയുടെ രജതജൂബിലി പദ്ധതിയുടെ ഭാഗമായിതയ്യാറാക്കിയ ഡി.പി.ആര്‍ പ്രകാരംജൈവമാലിന്യ സംസ്‌കരണ പ്ലാന്റ് നവീകരണത്തിന്റെഒന്നാംഘട്ടംഓഗസ്റ്റിലും,അജൈവ മാലിന്യ സംസ്‌കരണശേഖരണ പ്രവര്‍ത്തന ങ്ങള്‍ക്കുള്ള എം.ആര്‍.എഫ് സെന്ററിന്റെ പ്രവര്‍ത്തനത്തിന്റെ രണ്ടാംഘട്ടം ഡിസംബറിലും ഒരു കോടിരൂപ ചെലവില്‍ നഗരസഭ പൂര്‍ത്തീകരിച്ചു. പ്ലാന്റ് നടത്തിപ്പ് ഏജന്‍സിയായ ജീവനം സൊല്യൂഷനും ഒരു കോടി രൂപയുടെ സംസ്‌കരണം ഉപകരണങ്ങള്‍ സ്ഥാപിച്ചു.  

ജില്ലയിലെ മൂന്ന്‌വാര്‍ഡുകളിലേക്കായി നടന്ന ഉപതെരഞ്ഞെടുപ്പില്‍വോട്ടെടുപ്പ് പൂര്‍ത്തിയായി. ഏറ്റവുമധികം പോളിങ് നടന്നത് കാവന്നൂര്‍ ഗ്രാമപഞ്ചായത്തിലെ ഇളയൂരിലാണ്.വണ്ടൂര്‍ബ്ലോക്ക് പഞ്ചായത്തിലെ പാണ്ടിക്കാട് ചെമ്പ്രശ്ശേരിയിലാണ് ഏറ്റവും കുറഞ്ഞ പോളിങ്. കാവന്നൂര്‍ ഗ്രാമ പഞ്ചായത്തില്‍ ഇളയൂര്‍ 84.39 ശതമാനവും തിരൂര്‍ബ്ലോക്കില്‍ പുറത്തൂരില്‍ 76.99 ശതമാനമാണ് പോളിങ്.വണ്ടൂര്‍ബ്ലോക്ക് പഞ്ചായത്തിലെ പാണ്ടിക്കാട് ചെമ്പ്രശ്ശേരി വാര്‍ഡില്‍ 73.35 ശതമാനം പോളിങ്‌രേഖപ്പെടുത്തി.

അവിവാഹിത പെന്‍ഷന്‍ ഗുണഭോക്താവ്/വിധവ പെന്‍ഷന്‍ ഗുണഭോക്താവ്, വിവാഹം/വിവാഹം പുനര്‍ വിവാഹം ചെയ്തിട്ടില്ല എന്നു തെളിയിക്കുന്ന ഒരു ഗസറ്റഡ് ഓഫീസറുടെ സാക്ഷ്യപത്രം ഈ ഓഫീസില്‍ ഹാജരാക്കണം. . ഇത്തരത്തില്‍ സമര്‍പ്പിക്കാത്ത അവിവാഹിത പെന്‍ഷന്‍ ഗുണഭോക്താവ്/വിധവ പെന്‍ഷന്‍ ഗൂണഭോക്താക്കളുടെ സാമൂഹ്യ സുരക്ഷാ പെന്‍ഷന്‍, പ്രസ്തുത സര്‍ട്ടിഫിക്കറ്റ് സമര്‍പ്പിക്കുന്നത് വരെ താല്‍ക്കാലികമായി തടഞ്ഞുവെക്കുന്നതാണെന്ന് അഴിയൂര്‍ ഗ്രാമപഞ്ചായത്ത് സെക്രട്ടറി അറിയിച്ചു.
 

രക്തസാക്ഷ്യം പരിപാടി അവസാനിച്ചാലുംഎല്ലാവരുടെയും മനസ്സില്‍ ഗാന്ധിയന്‍ ആശയങ്ങളും ചിന്താഗതികളും വേണം.  ഗാന്ധിയെ പ്രചോദനമായി എപ്പോഴും ഉള്ളില്‍ കൊണ്ടു നടക്കുമ്പോഴാണ് നല്ല ഒരുസമൂഹം നമുക്ക് കെട്ടിപടുക്കാന്‍ കഴിയുകയെന്നും ഗവര്‍ണര്‍ പി. സദാശിവം. സാംസ്‌കാരിക വകുപ്പ് സര്‍വ്വോദയ മണ്ഡലവുമായി സഹകരിച്ച് നടത്തുന്ന രക്തസാക്ഷ്യം പരിപാടിയുടെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  ഓരോ ഇന്ത്യക്കാരനും സ്വയം ചോദിക്കണം ഗാന്ധിജി സ്വപ്നം കണ്ട ഇന്ത്യ നമുക്ക് സഫലമാക്കുവാന്‍ കഴിഞ്ഞി ട്ടുണ്ടോയെന്ന്.

നിലമ്പൂര്‍ ജില്ലാ ആശുപത്രിയിലേക്ക് 24 മണിക്കൂര്‍ സെക്യൂരിറ്റി  ജീവനക്കാരുടെ (മാന്‍ പവര്‍) സേവനം ഒരു വര്‍ഷ കാലയളവിലേക്ക് നല്‍കുന്നതിന് താല്‍പര്യമുള്ള അംഗീകൃത ഏജന്‍സികള്‍/ കുടുംബശ്രീ യൂണിറ്റുകളില്‍ എന്നിവരില്‍ നിന്നും ടെണ്ടറുകള്‍ ക്ഷണിച്ചു. ടെണ്ടര്‍ ഫെബ്രുവരി 26ന് വൈകുന്നേരം അഞ്ചിനകം ലഭിക്കണം.  ഫോണ്‍ 04931220351

 ജില്ലയിലെ വിവിധ ഗവണ്‍മെന്റ്/അര്‍ദ്ധ സക്കാര്‍ സ്ഥാപനങ്ങളില്‍ ഡ്രാഫ്റ്റ്‌സ്മാന്‍ സിവില്‍, ഇലക്ട്രീഷ്യന്‍,  ഫിറ്റര്‍ എന്നീ ട്രേഡുകളില്‍ പത്തോളം അപ്രന്റീസ് ഒഴിവുകളുണ്ട്.  അപ്രന്റീസായി ജോലി ചെയ്യാന്‍ താല്‍പര്യമുള്ളവരും എന്‍.സി.വി.ടി/എസ്.സി.വി.ടി സര്‍ട്ടിഫിക്കറ്റുളളവരും ഗവ.ഐ.ടി.ഐ അരീക്കോടുമായി ബന്ധപ്പെടണം. ഫേണ്‍ - 0483 2850238