ജില്ലാ ആരോഗ്യ കുടുംബക്ഷേമ സൊസൈറ്റിക്ക് (ദേശീയ ആരോഗ്യ ദൗത്യം) കീഴില്‍ കാഴ്ച വൈകല്യമുള്ള വ്യക്തികള്‍ക്ക് കമ്പ്യൂട്ടര്‍ പഠനം, സോഫ്റ്റ്‌വെയര്‍ ഇന്‍സ്റ്റാലേഷന്‍, ആന്‍ഡ്രോയിഡ് സോഫ്റ്റ്‌വെയര്‍ തുടങ്ങിയവയില്‍  പരിശീലനം നല്‍കുന്നതിന് അപേക്ഷ ക്ഷണിക്കുന്നു. താല്‍പര്യമുള്ളവര്‍ ബയോഡാറ്റയും വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളും സഹിതം ഫെബ്രുവരി 20 നകം മലപ്പുറം സിവില്‍ സ്റ്റേഷനിലെ ബി.3 ബ്ലോക്കിലെ ആരോഗ്യകേരളം ജില്ലാ ഓഫീസില്‍ എത്തണം.

എംപ്ലോയബിലിറ്റി സെന്റര്‍ മുഖേന പ്രമുഖസ്ഥാപനങ്ങളിലേക്ക് എച്ച്.ആര്‍ മാനേജര്‍, ഓഫീസ്സ്റ്റാഫ്, അക്കൗണ്ട്‌സ് ട്രെയിനീ, സൂപ്പര്‍വൈസര്‍ (പമ്പ്), മാര്‍ക്കറ്റിങ് സെയില്‍സ് എക്‌സിക്യൂട്ടീവ്‌സ്, കാര്‍വാഷര്‍, സെക്യൂരിറ്റി എന്നീതസ്തികകളിലേക്ക് ഉദ്യോഗാര്‍ത്ഥികളെ ആവശ്യമുണ്ട്. എംപ്ലോയബിലിറ്റി സെന്ററില്‍ ഫെബ്രുവരി 18 തിങ്കളാഴ്ചരാവിലെ 10 ന് നടക്കുന്ന കൂടിക്കാഴ്ചയില്‍ എസ്.എസ്.എല്‍.സി, പ്ലസ്ടു, ഡിഗ്രി, ബികോം, എം.ബി.എ  യോഗ്യതയുള്ളവര്‍ക്ക് പങ്കെടുക്കാം. ഫോണ്‍ : 04832 734 737

ബത്തേരി താലൂക്കില്‍  പുതിയ റേഷന്‍ കാര്‍ഡിന് അപേക്ഷിച്ചവരില്‍ 2500 മുതല്‍ 3000 വരെ ടോക്കണ്‍ ലഭിച്ചവര്‍ക്ക് ഫെബ്രുവരി 19ന് താലൂക്ക് സപ്ലൈ ഓഫീസില്‍ കാര്‍ഡ് വിതരണം ചെയ്യും. അപേക്ഷകര്‍ പേരുള്‍പ്പെട്ട പഴയ റേഷന്‍ കാര്‍ഡും, ടോക്കണ്‍ നമ്പരും (ഫീസ്: പൊതുവിഭാഗം, സബ്‌സിഡി  റേഷന്‍ കാര്‍ഡൊന്നിന് -100 രൂപയും, മുന്‍ഗണനാ, ഏ ഏ വൈ കാര്‍ഡൊന്നിന് 50 രൂപയും  )  ഹാജരാക്കണം. 

കൃഷി വകുപ്പിന്റെ വയനാട് പാക്കേജ് പദ്ധതിയിലുള്‍പ്പെടുത്തി കല്‍പ്പറ്റ ബ്ലോക്ക് പരിധിയിലെ പഞ്ചായത്തുകളില്‍ മുത്താറി കൃഷി ചെയ്യുന്നതിന് ധനസഹായം നല്‍കുന്നു. ഹെക്ടറൊന്നിന് 7500 രൂപ നിരക്കില്‍ സബ്‌സിഡി ലഭിക്കും. കൃഷി ചെയ്യുന്ന കര്‍ഷകര്‍,കര്‍ഷക ഗ്രൂപ്പുകള്‍ ഫെബ്രുവരി 25 നകം അതത് കൃഷിഭവനുകളില്‍ അപേക്ഷിക്കണം.

മക്കളെ കാണാന്‍ അനുവദിക്കുന്നില്ലെന്ന കനകദുര്‍ഗയുടെ പരാതിയിന്‍മേല്‍ പെരിന്തല്‍മണ്ണ ഡിവൈഎസ്പിയോട് റിപ്പോര്ട്ട് സമര്‍പ്പിക്കാന്‍ മനുഷ്യാവകാശ കമ്മീഷന്‍ ഉത്തരവ്. തിരൂര്‍ റസ്റ്റ് ഹൗസില്‍ മനുഷ്യാവകാശ കമ്മീഷണര്‍ കെ മോഹന്‍കുമാറിന്റെ നേതൃത്വത്തില്‍ നടന്ന മനുഷ്യാവകാശ കമ്മീഷന്‍ സിറ്റിങ്ങിലാണ് നടപടി. ലഭിച്ച 49 പരാതികളില്‍ 13 എണ്ണത്തിന് കമ്മീഷന്‍ തീര്‍പ്പ് കല്‍പ്പിച്ചു.