മെഡിക്കൽ വിദ്യാഭ്യാസ വകുപ്പ് 2018 ഡിസംബറിൽ നടത്തിയ ഡിഫാം പാർട്ട് രണ്ട് സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു.  വിശദവിവരങ്ങൾക്ക്: www.dme.kerala.gov.in.

പി.എൻ.എക്സ്. 574/19

എൽ.ബി.എസ്. സെന്റർ ഫോർ സയൻസ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തിൽ ഉടൻ ആരംഭിക്കുന്ന മോർണിംഗ് ബാച്ച് കോഴ്‌സുകളായ ഡി.ഇ. ആന്റ് ഒ.എ. (എസ്.എസ്.എൽ.സി. പാസ്), ടാലി വിത്ത് ജി.എസ്.ടി (പ്ലസ്ടു കൊമേഴ്‌സ്/ബി.കോം) കോഴ്‌സുകളിലേക്കും ഡി.സി.എ.(എസ്) (പ്ലസ്ടു പാസ്) കോഴ്‌സിന്റെ ഒഴിവുള്ള സീറ്റുകളിലേക്കും അപേക്ഷ ക്ഷണിച്ചു. ഫോൺ: 8547141406, 0471-2560332.

പി.എൻ.എക്സ്. 573/19

സംസ്ഥാനത്തെ 12 ജില്ലകളിലെ 30 തദ്ദേശസ്വയംഭരണ വാർഡുകളിലേക്ക് നടന്ന ഉപതിരഞ്ഞെടുപ്പിൽ 80.12 ശതമാനം പേർ വോട്ട് രേഖപ്പെടുത്തിയതായി സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു.

സംസ്ഥാന സർക്കാരിന്റെ ആയിരംദിന പരിപാടിയുടെ ഭാഗമായി പാറോട്ടുകോണത്തെ സംസ്ഥാന സോയിൽ മ്യൂസിയത്തിൽ ഫെബ്രുവരി 15 മുതൽ 28 വരെ വിദ്യാർത്ഥികൾക്ക് പ്രവേശനം സൗജന്യമായിരിക്കും.  വിദ്യാർത്ഥികൾ ഈ അവസരം വിനിയോഗിക്കണമെന്ന് മണ്ണു പര്യവേക്ഷണ മണ്ണു സംരക്ഷണ വകുപ്പ് ഡയറക്ടർ അഭ്യർത്ഥിച്ചു.

പി.എൻ.എക്സ്. 571/19

ഇ.വി.എം-വിവിപാറ്റ് ബോധവത്കരണം 15ന്

2019ലെ ലോകസഭാ തെരഞ്ഞെടുപ്പുമായി ബന്ധപ്പെട്ട് വിവിപാറ്റ്, ഇ.വി.എം മെഷീനുകളുടെ പ്രവർത്തനം സമ്മതിദായകർക്ക് പരിചയപ്പെടുത്തുന്നതിനും ബോധവത്കരണത്തിനുമായുള്ള പര്യടനം ഫെബ്രുവരി 15ന് കണ്ണൂർ മണ്ഡലത്തിലെ പോളിംഗ് ലൊക്കേഷനുകളിൽ നടക്കും. 

രാവിലെ ഒമ്പത് മണി: ചൊവ്വ നഴ്‌സറി എൽ.പി സ്‌കൂൾ പാതിരിപ്പറമ്പ്, കണ്ണൂർ എസ്.എൻ കോളജ്, മുണ്ടയാട് ഈസ്റ്റ് യു.പി സ്‌കൂൾ. 11.30 കിഴുത്തള്ളി ഈസ്റ്റ് യു.പി സ്‌കൂൾ, വാണിവിലാസം എയ്ഡഡ് യു.പി സ്‌കൂൾ, എളയാവൂർ സൗത്ത് എൽ.പി സ്‌കൂൾ. 2.30: ഗവ. എൽ.പി സ്‌കൂൾ ചൊവ്വ, ധർമ്മോദയം എൽ.പി സ്‌കൂൾ.

പ്രവാസി ഭാരതീയർ (കേരളീയർ) കമ്മീഷന്റെ തിരുവനന്തപുരം ജില്ലയിലെ പ്രവാസികൾക്കായുള്ള സിറ്റിംഗ് 21 ന് രാവിലെ പത്ത് മണി മുതൽ ഒരു മണി വരെ തൈക്കാട്, ഗവ.ഹസ്റ്റ് ഹൗസിൽ നടക്കും. പ്രവാസി ഭാരതീയർ (കേരളീയർ) കമ്മീഷൻ, നോർക്ക സെന്റർ, തൈക്കാട് പി.ഒ., തിരുവനന്തപുരം-14 എന്ന വിലാസത്തിലോ nricommission@kerala.gov.in, secycomsn.nri@kerala.gov.in എന്നീ ഇ-മെയിൽ വിലാസങ്ങളിലോ പരാതികൾ മുൻകൂറായി അയയ്ക്കാം.

പി.എൻ.എക്സ്. 570/19

വ്യാഴാഴ്ച നടന്ന തദ്ദേശ സ്വയംഭരണ സ്ഥാപനങ്ങളിലേക്കുള്ള ഉപതരെഞ്ഞെടുപ്പിൽ 80.20 ശതമാനം പോളിംഗ്. ശ്രീകണ്ഠപുരം നഗരസഭയിലെ കാവുമ്പായിയിൽ 83.09 ശതമാനം പേരും കല്ല്യാശ്ശേരി ഗ്രാമപഞ്ചായത്തിലെ വെള്ളാഞ്ചിറയിൽ 75.02 ശതമാനം പേരും കീഴല്ലൂർ ഗ്രാമപഞ്ചായത്തിലെ എളമ്പാറയിൽ 80.20 ശതമാനം പേരും വോട്ട് രേഖപ്പെടുത്തി. ആകെ വോട്ട്, പോൾ ചെയ്തത് എന്ന ക്രമത്തിൽ ചുവടെ: കാവുമ്പായി 704, 585. വെള്ളാഞ്ചിറ 1097, 823. എളമ്പാറ 1220, 1015. ആകെ: 3021, 2423. വോട്ടെണ്ണൽ ഫെബ്രുവരി 15ന് ശ്രീകണ്ഠാപുരം നഗരസഭാ ഹാൾ, കല്ല്യാശ്ശേരി, കീഴല്ലൂർ ഗ്രാമപഞ്ചായത്ത് ഹാളുകൾ എന്നിവിടങ്ങളിൽ നടക്കും.

ജില്ലയിലെ വൃക്കമാറ്റിവെക്കൽ ശസ്ത്രക്രിയയ്ക്ക് വിധേയരായവർക്ക് ആശ്വാസത്തിന്റെ കരസ്പർശവുമായി ജില്ലാ പഞ്ചായത്ത്. ഇവർക്ക് സ്ഥിരമായി കഴിക്കാനുള്ള മരുന്നുകൾ ഓരോ മാസവും സൗജന്യമായി ലഭ്യമാക്കുന്ന പദ്ധതിക്ക് ഇന്ന്  (ഫെബ്രുവരി 15) തുടക്കമാവും. രാവിലെ 10 മണിക്ക് ജില്ലാ ആശുപത്രിയിൽ നടക്കുന്ന ചടങ്ങിൽ കഥാകൃത്ത് ടി പത്മനാഭനാണ് പദ്ധതിയുടെ ഉദ്ഘാടനം നിർവഹിക്കുക. ചടങ്ങിൽ ജില്ലാ പഞ്ചായത്ത് പ്രസിഡന്റ് കെ വി സുമേഷ് അധ്യക്ഷത വഹിക്കും. വൃക്കരോഗികൾക്ക് മരുന്നു നൽകുന്നതിന് ജില്ലാ ആശുപത്രിയിൽ പ്രത്യേകമായി സജ്ജമാക്കിയ ഫാർമസിയുടെ ഉദ്ഘാടനം ജില്ലാ കലക്ടർ മീർ മുഹമ്മദലി നിർവഹിക്കും. 

പകർച്ചവ്യാധികൾക്കെതിരെ ആരോഗ്യ കുടുംബക്ഷേമ വകുപ്പിന്റെ നേതൃത്വത്തിൽ സംഘടിപ്പിക്കുന്ന ആരോഗ്യ ജാഗ്രത 2019 പരിപാടിക്ക് ജില്ലയിൽ തുടക്കമായി. കണ്ണൂരിൽ ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം ചെയ്തു. മെച്ചപ്പെട്ട ജീവിത സാഹചര്യം തുടരുമ്പോഴും നമുക്കിപ്പോഴും മാലിന്യം വലിച്ചെറിയുന്ന ശീലമാണുള്ളതെന്ന് അദ്ദേഹം പറഞ്ഞു. തന്റെ വീട്ടിലെ മാലിന്യം തൊട്ടപ്പുറത്തേക്ക് വലിച്ചെറിയേണ്ട ഒന്നാണെന്ന ധാരണ ആളുകൾക്കിടയിലുണ്ട്. മെച്ചപ്പെട്ട വ്യക്തിശുചിത്വം പാലിക്കുമ്പോഴും പൊതുശുചിത്വത്തിൽ നമുക്ക് വേണ്ടത്ര മുന്നോട്ട് പോകാൻ കഴിയുന്നില്ല എന്ന വിമർശനം ഉയർന്നുവരുന്നു.

ക്ഷേത്രകലാ അക്കാദമിയുടെ ക്ഷേത്രകലാശ്രീ അവാർഡിന് കലാമണ്ഡലം ഗോപിയാശാൻ അർഹനായി. ക്ഷേത്ര കലാരംഗത്തെ സമഗ്ര സംഭാവനക്കുള്ള ഈ അവാർഡ് 25001 രൂപയും മൊമന്റോയും പ്രശസ്തി പത്രവും അടങ്ങുന്നതാണ്.  കാഞ്ഞങ്ങാട് രാമചന്ദ്രനാണ് ക്ഷേത്രകലാ ഫെലോഷിപ്പ്. 15001 രൂപയും മൊമന്റോയും പ്രശസ്തി പത്രവുമാണ് ഫെലോഷിപ്പ്. ഫെബ്രുവരി 23 ന് രാവിലെ 11 മണിക്ക് ചെറുകുന്ന് അന്നപൂർണ്ണേശ്വരി ക്ഷേത്രാങ്കണത്തിൽ നടക്കുന്ന ചടങ്ങിൽ ദേവസ്വം മന്ത്രി കടകംപള്ളി സുരേന്ദ്രൻ അവാർഡുകൾ വിതരണം ചെയ്യും.