ഹര്‍ത്താലില്‍ അതിക്രമം നേരിട്ടവര്‍ക്കും സ്വത്തിനും ജീവനും നാശം സംഭവിച്ചവര്‍ക്കും സൗജന്യ നിയമസഹായത്തിന് ജില്ലാ, താലൂക്ക് നിയമസേവന കേന്ദ്രങ്ങളെ സമീപിക്കാമെന്ന് മെമ്പര്‍ സെക്രട്ടറി അറിയിച്ചു.  സംസ്ഥാനത്തെ നിയമസേവന കേന്ദ്രങ്ങള്‍ മുഖേന ലോക് അദാലത്തുകളിലൂടെയും 1987ലെ നിയമ സേവന അതോറിറ്റി ആക്ട്, വകുപ്പ് 12നും 13നും വിധേയമായാണ് സൗജന്യ നിയമസഹായം നല്‍കുന്നത്. 

ലൈഫ് മിഷന്‍ കാസര്‍കോട് ജില്ലാ ഓഫീസിലേക്ക് ഡാറ്റാ എന്‍ട്രി ഓപ്പറേറ്റര്‍/ മള്‍ട്ടി ടാസ്‌ക് പേഴ്‌സണ്‍ തസ്തികയില്‍ ദിവസവേതനാടിസ്ഥാനത്തില്‍ നിയമനം നടത്തുന്നു. അഭിമുഖം  ഫെബ്രുവരി 21 ന്  രാവിലെ 10.30 ന് ലൈഫ് മിഷന്‍ ജില്ലാ ഓഫീസില്‍ നടത്തും. അംഗീകൃത സര്‍വ്വകലാശാല ബിരുദം, ഡി.സി.എ/തത്തുല്യം (പി. ജി.ഡി.സി.എ  അഭിലഷണീയം), എം.എസ് ഓഫീസ്, ഇംഗ്ലീഷ് , മലയാളം ടൈപ്പിംഗില്‍ പ്രാവീണ്യം, മൂന്ന് വര്‍ഷത്തെ പ്രവൃത്തി പരിചയം എന്നിവയാണ് യോഗ്യത. ഫോണ്‍: 9446169112

കാറഡുക്ക ബ്ലോക്ക് പഞ്ചായത്ത് 2019-2020 വര്‍ഷത്തിലേക്ക്  369295433 രൂപ വരവും  369150433 രൂപ ചെലവും 145000 രൂപ മിച്ചവും വരുന്ന ബജറ്റ് ബ്ലോക്ക് പഞ്ചായത്ത് വൈസ് പ്രസിഡന്റ് സി.കെ.കുമാരന്‍  അവതരിപ്പിച്ചു.  ഈ ബജറ്റില്‍ കാര്‍ഷിക മേഖലയ്ക്കും ആതുര സേവനത്തിനും കൂടുതല്‍ പ്രാധാന്യം നല്‍കിയിട്ടുണ്ടെന്ന്് യോഗത്തില്‍ അധ്യക്ഷത വഹിച്ച ബ്ലോക്ക് പഞ്ചായത്ത് പ്രസിഡന്റ് ഓമന    രാമചന്ദ്രന്‍ പറഞ്ഞു.

ഹരിത കേരളം മിഷന്റെ നേത്യത്വത്തില്‍  ശുചിത്വ മികവ് ജില്ലാ സംഗമം ഇന്ന് (15)രാവിലെ പത്തിന് നടത്തും.  ശുചിത്വ- മാലിന്യ സംസ്‌കരണ രംഗത്ത് വിവിധ തദ്ദേശ സ്വയംഭരണ സ്ഥാപനങ്ങള്‍ നടത്തിയ ശ്രദ്ധേയ ഇടപെടലുകള്‍ പരിചയപ്പെടുത്തുന്നതിനും നിലവില്‍ തദ്ദേശ സ്ഥാപനങ്ങള്‍ ഈ രംഗത്ത് അനുഭവിക്കുന്ന പ്രശ്‌നങ്ങള്‍ ചര്‍ച്ച ചെയ്യുന്നതിനുമായി കളക്ടറേറ്റ് കോണ്‍ഫറന്‍സ് ഹാളില്‍  നടത്തുന്ന ജില്ലാ സംഗമത്തിന്റെ ഉദ്ഘാടനം ഹരിത കേരളം മിഷന്‍ എക്‌സിക്യൂട്ടീവ് വൈസ് ചെയര്‍പേഴ്‌സണ്‍ ഡോ.ടി.എന്‍.സീമ നിര്‍വഹിക്കും.  ജില്ലാ പഞ്ചായത്തി പ്രസിഡന്റ് എ.ജി.സി ബഷീര്‍ അധ്യക്ഷത വഹിക്കും. ജില്ലാ കളക്ടര്‍ ഡോ.

ഊര്‍ജ്ജ പ്രതിസന്ധി തരണം ചെയ്യുന്നതിന് പുതിയ ഊര്‍ജ്ജ സ്രോതസ്സുകള്‍ കണ്ടെത്തുന്നതിനായാണ് ജില്ലാ പഞ്ചായത്ത് പദ്ധതികള്‍ വിഭാവനം ചെയ്യുന്നത്. ചട്ടഞ്ചാലില്‍ 50 കോടി ചെലവില്‍ ഗ്യാസ് അധിഷ്ഠിത പവര്‍ പ്ലാന്റ് നിര്‍മ്മിക്കും. ചട്ടഞ്ചാല്‍ വ്യവസായ പാര്‍ക്കില്‍ ഗെയില്‍ പൈപ്പ്‌ലൈന്‍ യാഥാര്‍ത്ഥ്യമാകുന്നതോടെ ഗ്യാസ് ഉപയോഗിച്ച് കെഎസ്ഇബിയുടെ പിന്തുണയോടെയാണ് ഗ്യാസ് അധിഷ്ഠിത പവര്‍ പ്ലാന്റ് സ്ഥാപിക്കുന്നത്. സ്‌കൂളുകള്‍ക്ക് ഊര്‍ജോല്‍പ്പാദനത്തില്‍ സ്വയംപര്യാപ്ത ലക്ഷ്യമിട്ട് സ്‌കൂളുകളില്‍ സൗരോര്‍ജ്ജ സംവിധാനങ്ങള്‍ സ്ഥാപിക്കാന്‍ 2 കോടി അനുവദിച്ചു.

പുല്ലൂര്‍ ഗ്രാമപഞ്ചായത്തിന്റെ 2019-2020 വര്‍ഷത്തെ ബജറ്റ്  ഗ്രാമപഞ്ചായത്ത് പ്രസിഡണ്ട് ശാരദാ എസ് നായരുടെ അധ്യക്ഷതയില്‍ വൈസ് പ്രസിഡണ്ട്  പി കൃഷ്ണന്‍ അവതരിപ്പിച്ചു.ദാരിദ്ര്യ ലഘൂകരണം, ഗതാഗത സൗകര്യം റോഡുകളുടെ വികസനം, കാര്‍ഷിക മേഖല, പട്ടികജാതി-പട്ടിക വര്‍ഗ്ഗ ക്ഷേമം, ഗ്രാമപഞ്ചായത്ത് ഓഫീസിന് പുതിയ കെട്ടിടം, ദേശീയപാത വികസനവുമായി ബന്ധപ്പെട്ട് താത്കാലിക സംവിധാനം, മാലിന്യ സംസ്‌കരണം, ഹരിത കേരളം എന്നിവക്ക്് പ്രത്യേക പരിഗണന നല്‍കിയ ബജറ്റാണ് അവതരിപ്പിച്ചത്. 

രാജ്യസഭ എം.പി കെ സോമപ്രസാദിന്റെ പ്രദേശിക വികസനഫണ്ടില്‍ നിന്നും നീലേശ്വരം നഗരസഭയിലെ പരുത്തിക്കാമുറി ഗവണ്‍മെന്റ് എല്‍.പി.സ്‌കൂളിനും, ചാത്തമത്ത് എയ്ഡഡ് യു.പി സ്‌കൂളിനും ബസ് വാങ്ങുന്നതിന് ആറ് ലക്ഷം രൂപ വീതം അനുവദിച്ചു. 

ജില്ലയിലെ വിദ്യാഭ്യാസവകുപ്പില്‍ മലയാളം മീഡിയം ഹൈസ്‌കൂള്‍ കണക്ക് (ബൈ ട്രാന്‍സ്ഫര്‍ ) തസ്തികയുടെ തെരഞ്ഞെടുപ്പിന് 28-11-2018 ന് നിലവില്‍ വന്ന റാങ്ക് പട്ടികയിലെ മുഴുവന്‍ ഉദ്യോഗാര്‍ത്ഥികളെയും നിയമന ശുപാര്‍ശ ചെയ്തതിനെ തുടര്‍ന്ന് റാങ്ക് പട്ടിക റദ്ദായി. 

ബാങ്ക് ലോണ്‍ കുടിശ്ശിക ഇനത്തില്‍ ഒടുക്കേണ്ട തുക ഈടാക്കുന്നതിന്റെ ഭാഗമായി കേരള റവന്യൂ റിക്കവറി നിയമപ്രകാരം ജപ്തി ചെയ്തിട്ടുളള മടിക്കൈ ഗ്രാമത്തിലെ റീസര്‍വ്വെ നമ്പര്‍ 652/3 -ല്‍ പ്പെട്ട 0.15 ഏക്കര്‍ ഭൂമിയും അതിലെ സകലതും മാര്‍ച്ച്  14 ന് രാവിലെ 11 ന് മടിക്കൈ വില്ലേജ് ഓഫീസില്‍ ലേലം ചെയ്യും.കൂടുതല്‍ വിവരങ്ങള്‍ക്ക്-0467 2204042.

കാസര്‍കോട് ബ്ലോക്ക് പഞ്ചായത്തിന്റെ 2019-20 വര്‍ഷത്തേക്കുള്ള വാര്‍ഷിക ബഡ്ജറ്റ് വൈസ് പ്രസിഡന്റ് ഹലീമ ഷിന്നൂന്‍ സി എ അവതരിപ്പിച്ചു. 66.73 കോടി രൂപ അടങ്കല്‍ ഉള്ള ബഡ്ജറ്റില്‍ കാര്‍ഷിക മേഖല, കുടിവെള്ളം, അടിസ്ഥാന സൗകര്യ വികസനം, പട്ടിക ജാതി - പട്ടിക വര്‍ഗ്ഗ വിഭാഗം എന്നിവയ്ക്കാണ് ഊന്നല്‍ നല്‍കിട്ടുള്ളത്. കാസര്‍കോട്് ബ്ലോക്ക് പഞ്ചായത്ത് പ്രസിഡന്റ് മുഹമ്മദ് കുഞ്ഞി ചായിന്റടി അദ്ധ്യക്ഷത വഹിച്ചു.