റീജിയനല്‍ ട്രാന്‍സ്‌പോര്‍ട്ട് അതോറിറ്റിയുടെ(ആര്‍.ടി.എ) യോഗം  മെയ് എട്ട് രാവിലെ 10.30ന് കലക്ടറേറ്റ് കോണ്‍ഫറന്‍സ് ഹാളില്‍ ചേരും.

സി-ആപ്റ്റും സാങ്കേതിക വിദ്യാഭ്യാസ വകുപ്പും സംയുക്തമായി നടത്തുന്ന പി.എസ്.സി അംഗീകരിച്ച ഒരു വര്‍ഷം ദൈര്‍ഘ്യമുള്ള കെ.ജി.ടി.ഇ പ്രീ-പ്രസ്സ്, കെ.ജി.ടി.ഇ പ്രസ്സ് വര്‍ക്ക് തുടങ്ങിയ കോഴ്‌സുകളിലേക്ക് അപേക്ഷകള്‍ ക്ഷണിച്ചു. എസ്.എസ്.എല്‍.സി അഥവാ തത്തുല്യ പരീക്ഷ പാസ്സായവര്‍ക്ക് അപേക്ഷിക്കാം. പട്ടികജാതി/പട്ടികവര്‍ഗ്ഗ/ മറ്റര്‍ഹ വിഭാഗക്കാര്‍ക്ക് നിയമാനുസൃതമായ ഫീസ് ആനുകൂല്യം ലഭിക്കും. ഒ.ബി.സി/എസ്.ഇ.ബി.സി/ മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്ന വിദ്യാര്‍ത്ഥികള്‍ക്ക്  വരുമാന പരിധിക്ക് വിധേയമായി ഫീസ് ആനുകൂല്യവും ലഭിക്കും.

ലോകസഭ തെരഞ്ഞെടുപ്പില്‍ പോളിങ് ദിവസം ഉദ്യോഗസ്ഥര്‍ക്കും വോട്ടര്‍മാര്‍ക്കും തുണയായി കുടുംബശ്രീ പ്രവര്‍ത്തകര്‍. തെരഞ്ഞെടുപ്പിന്റെ തലേ ദിവസവും തെരഞ്ഞെടുപ്പ് ദിവസവും പോളിങ് ഉദ്യോഗസ്ഥര്‍ക്കും വോട്ടര്‍മാര്‍ക്കും മിതമായ നിരക്കില്‍ ഭക്ഷണമൊരുക്കിയാണ് കുടുംബശ്രീ പ്രവര്‍ത്തകര്‍ തുണയായത്. ജില്ലയിലെ ഏഴ് കുടുംബശ്രീ വിതരണ കേന്ദ്രങ്ങളിലൂടെ  മെച്ചപ്പെട്ട ഭക്ഷണം വിതരണം ചെയ്തത് വഴി  കുടുംബശ്രീക്ക് ലഭിച്ചത് 1,20,250 രൂപയുടെ വിറ്റുവരവാണ്.  

ജില്ലയില്‍ പോസ്റ്റല്‍ വോട്ട് സ്വീകരിച്ച് തുടങ്ങി. 167 സര്‍വ്വീസ് പോസ്റ്റല്‍ വോട്ടാണ്  ഇതുവരെ ലഭിച്ചിരിക്കുന്നത്. മലപ്പുറം ലോകസഭ മണ്ഡലത്തിലേക്ക് 101 ഉം പൊന്നാനി ലോകസഭ മണ്ഡലത്തിലേക്ക് 66 ഉം പോസ്റ്റല്‍ വോട്ടാണ് ലഭിച്ചിരിക്കുന്നത്.  1350 സര്‍വ്വീസ് വോട്ടാണ് ജില്ലയിലുള്ളത്. കൂടാതെ ഇലക്ഷന്‍ ഡ്യൂട്ടിയിലേര്‍പ്പെട്ട ഉദ്യോഗസ്ഥരുടെ പോസ്റ്റല്‍ വോട്ടും ലഭിച്ചു  തുടങ്ങിയിട്ടുണ്ട്.  പോസ്റ്റല്‍ ബാലറ്റ് മെയ് 23 രാവിലെ എട്ട് മണി വരെ ജില്ലാ വരണാധികാരി  സ്വീകരിക്കും.

തിരൂര്‍ ബ്ലോക്കിലെ എം.പി.കെ ബി.വൈ ഏജന്റ് സരോജിനി മേക്കാടത്ത്, പി.ഒ പടിഞ്ഞാറെക്കര എന്നിവരുടെ ഏജന്‍സി ഏപ്രില്‍ 30 മുതല്‍ റദ്ദാകുന്നതിനാല്‍ ടി വ്യക്തിയുമായി പോസ്റ്റ് ഓഫീസിലെ ആര്‍.ഡി യുമായി ബന്ധപ്പെട്ട പണമിടപാടുകള്‍ നടത്താന്‍ പാടുള്ളതല്ല എന്ന് തിരൂര്‍ ബ്ലോക്ക് ഡവലപ്പ്മെന്റ് ഓഫീസര്‍ അറിയിച്ചു.

റോഡുപണി നടക്കുന്നതിനാല്‍ നിലമ്പൂര്‍ ബ്ലോക്കിലെ വാളന്തോട് - തോട്ടപ്പള്ളി റോഡില്‍ നാളെ (ഏപ്രില്‍ 27) മുതല്‍ പത്ത് ദിവസത്തേക്ക് ഗതാഗതം നിരോധിച്ചു.
പരപ്പനങ്ങാടി - ടിപ്പുസുല്‍ത്താന്‍ റോഡില്‍  പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം നാളെ മുതല്‍ (ഏപ്രില്‍ 27) നിരോധിച്ചു.

    മേലാറ്റൂര്‍ 110 കെ.വി സബ് സ്റ്റേഷനില്‍ അറ്റകുറ്റപണി നടക്കുന്നതിനാല്‍ ഏപ്രില്‍ 27ന് രാവിലെ എട്ട് മുതല്‍ വൈകുന്നേരം അഞ്ച് വരെ സബ്‌സ്റ്റേഷനില്‍ നിന്നുള്ള വൈദ്യുതി വിതരണം മുടങ്ങും.