പൊന്നാനി തീരത്ത് കപ്പലടുപ്പിക്കാനൊരുങ്ങി തുറമുഖ വകുപ്പ്. കപ്പൽ ടെർമിനൽ

കർഷകര്‍, കർഷകഗ്രൂപ്പുകൾ, കൃഷികൂട്ടങ്ങള്‍, എഫ്.പി.ഒ.കൾ വഴി ഉൽപ്പാദിപ്പിക്കുന്ന വിവിധ മൂല്യവർദ്ധിത കാർഷികോൽപ്പന്നങ്ങള്‍ ഓണ്‍ലൈന്‍ പ്ലാറ്റ്ഫോമുകളിലൂടെ വിപണനം നടത്താന്‍ പദ്ധതിയുമായി കൃഷി വകുപ്പ്. വിവിധ മൂല്യവർദ്ധിത കാർഷികോൽപ്പന്നങ്ങളുടെ വിപണനം ഊർജ്ജിതമാക്കി കർഷകരുടെ വരുമാനമുയർത്തുക എന്ന ലക്ഷ്യത്തോടെ കൃഷി വകുപ്പ് നടപ്പിലാക്കുന്ന കര്‍മ്മപരിപാടികളുടെ ഭാഗമായാണ്  പദ്ധതി നടപ്പാക്കുന്നത്.  ‘Keralagro’ എന്ന ഏകീകൃത ബ്രാൻഡിലാണ് ഓൺലൈൻ പ്ലാറ്റ്ഫോമുകളിലൂടെ ഉൽപന്നങ്ങൾ വിപണനം നടത്തുക. കൂടുതൽ വിവരങ്ങള്‍ക്ക് അതത് കൃഷിഭവനുകളുമായി ബന്ധപ്പെടണമെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു

കൃഷി ഉപേക്ഷിച്ചിട്ടും വിള ഇൻഷുറൻസിന് പണം ഈടാക്കിയ ബാങ്കിനോട് പിഴയടക്കം 149160 രൂപ പരാതിക്കാരന് തിരിച്ചു നൽകണമെന്ന് ഉപഭോക്തൃകമ്മീഷൻ ഉത്തരവിട്ടു. കുഴിപ്പുറം സ്വദേശി മുഹമ്മദലിയാണ് പരാതിക്കാരന്‍. കാർഷിക ആവശ്യത്തിനായി പരാതിക്കാരന്‍ 15 ലക്ഷം രൂപ കോട്ടയ്ക്കലിലെ സ്വകാര്യ ബാങ്കിൽ നിന്നും വായ എടുത്തിരുന്നു. കൃഷി നഷ്ടമായിട്ടും പരാതിക്കാരൻ വായ്പ തിരിച്ചടച്ചു. ഒപ്പം കൃഷി ഉപേക്ഷിച്ചതായും ബാങ്കിനെ അറിയിച്ചു. എന്നാൽ ബാങ്ക് അക്കൗണ്ട് അവസാനിപ്പിച്ചിരുന്നില്ല. പിന്നീട് ബാങ്ക് അക്കൗണ്ടിൽ നിന്നും 97,518 രൂപ പിൻവലിച്ചതായി കണ്ടു. ബാങ്കിൽ പരാതിപ്പെട്ടപ്പോൾ വിള ഇൻഷുറസിലേക്കാണ് തുക പിന്‍വലിച്ചത് എന്നാണ് അറിയിച്ചത്.

ജില്ലാ ശുചിത്വ മിഷന്‍ ഓഫീസിലേക്ക് മാലിന്യ സംസ്‌കരണവുമായി ബന്ധപ്പെട്ട നിയമ ലംഘനങ്ങള്‍ കണ്ടെത്തുന്നതിനുള്ള എന്‍ഫോഴ്സ്മെന്റ് സ്‌ക്വാഡ് ആവശ്യത്തിന് ഏഴ് സീറ്റ് വാഹനം (2 എണ്ണം) ലഭ്യമാക്കുന്നതിന് സര്‍ക്കാര്‍ നിശ്ചയിച്ച നിരക്കില്‍  ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ മാര്‍ച്ച് 30 വൈകീട്ട്  3 നകം മലപ്പുറം ജില്ലാ ശുചിത്വമിഷന്‍  ഓഫീസില്‍ ലഭിക്കണം

പെരിന്തല്‍മണ്ണ ജില്ലാ ആശുപത്രി ബ്ലഡ് ബാങ്കിലേക്ക് ദിവസ വേതനത്തില്‍  ഒരു വര്‍ഷത്തേക്ക് കൗണ്‍സിലര്‍, ബ്ലഡ് ബാങ്ക് ടെക്‌നിഷ്യന്‍ തസ്തികകളില്‍ നിയമനം നടത്തുന്നു. യോഗ്യത: കൗണ്‍സിലര്‍ - സോഷ്യല്‍ വര്‍ക്ക്/ സോഷ്യോളജി/ സൈക്കോളജിയില്‍ ബിരുദാനന്തര ബിരുദവും കൗണ്‍സലിങില്‍ ആറു മാസത്തെ പരിചയവും. ബ്ലഡ് ബാങ്ക് ടെക്‌നീഷ്യന്‍ - ബി.എസ്.സി എം.എല്‍.ടി അല്ലെങ്കില്‍ ഡി.എം.എല്‍.ടി, കമ്പ്യൂട്ടര്‍ പരിജ്ഞാനവും ബ്ലഡ് ബാങ്കില്‍ ആറ് മാസത്തെ പ്രവൃത്തി പരിചയവും. (ബി.എസ്.സി എം.എല്‍.ടി യോഗ്യതയുള്ളവര്‍ക്ക്). ഒരു വര്‍ഷത്തെ പ്രവൃത്തി പരിചയം (ഡി.എം.എല്‍.ടി യോഗ്യതയുള്ളവര്‍ക്ക്). പാരാമെഡിക്കല്‍ കൗണ്‍സില്‍ രജിസ്‌ട്രേഷനും വേണം.

ജില്ലയിലെ 33 തദ്ദേശ ഭരണ സ്ഥാപനങ്ങളുടെ 2023-24 വര്‍ഷത്തെ വാര്‍ഷിക പദ്ധതികള്‍ക്ക് കൂടി ജില്ലാ ആസൂത്രണ സമിതി യോഗം അംഗീകാരം നല്‍കി.

താനൂര്‍ ഗവ. റീജിയനല്‍ ഫിഷറീസ് ടെക്ക്നിക്കല്‍ ഹൈസ്‌കൂളില്‍ ആരംഭിക്കുന്ന അസ്‌ട്രോണമിക്കല്‍ ലാബ് നിര്‍മാണത്തിന് ധാരണാ പത്രം ഇന്ന് ഒപ്പുവെക്കും. മന്ത്രി വി അബ്ദുറഹ്മാന്റെ ആസ്തി വികസന ഫണ്ടില്‍ നിന്ന് 2.58 കോടി രൂപ അനുവദിച്ചാണ് അസ്‌ട്രോണമിക്കല്‍ ലാബ് ആന്‍ഡ് ആന്‍ഡ് ഒബ്സര്‍വേറ്ററി സ്ഥാപിക്കുന്നത്. മലപ്പുറം ഫിഷറീസ് ഡെപ്യൂട്ടി ഡയറക്ടറും ബാംഗ്ലൂരിലെ  വിശ്വേശരയ്യ ഇന്‍ഡസ്ട്രിയല്‍ ആന്‍ഡ് ടെക്നോളജി മ്യൂസിയം ഡയറക്ടര്റും തമ്മില്‍ രാവിലെ 11ന് താനൂര്‍ ഗവ. റീജിയനല്‍ ഫിഷറീസ് ടെക്നിക്കല്‍ ഹൈസ്‌കൂളില്‍ െവച്ചാണ് ധാരണാ പത്രം ഒപ്പുവെക്കുക.