മലപ്പുറം ജില്ലാ സൈനിക ക്ഷേമ ഓഫീസിന്റെ ആഭിമുഖ്യത്തില്‍ വിമുക്തഭടന്മാര്‍ക്കും അവരുടെ ആശ്രിതര്‍ക്കുമായി മാര്‍ച്ച് 9 ന് രാവിലെ 11 മണിയ്ക്ക് മലപ്പുറം സൈനിക റസ്റ്റ് ഹൗസില്‍ വച്ച്  ബോധവല്‍ക്കരണ സെമിനാര്‍ സംഘടിപ്പിക്കുന്നു. സെമിനാറില്‍ പങ്കെടുക്കാന്‍ ആഗ്രഹിക്കുന്നവര്‍ മാര്‍ച്ച് 8 നു മുമ്പായി  സൈനിക ക്ഷേമ ഓഫീസില്‍ പേര് രജിസ്റ്റര്‍ ചെയ്യണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍ :  04832 73493

മഞ്ചേരി സര്‍ക്കാര്‍ പോളിടെക്നിക്ക് കോളേജില്‍ മെക്കാനിക്കല്‍ എഞ്ചിനീയിങ് വിഭാഗത്തില്‍ ഗസ്റ്റ് ലക്ചറര്‍ തസ്തികയിലെ ഒഴിവിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നു. മാര്‍ച്ച് 9 രാവിലെ 9.30 ന് ഓഫീസില്‍ വെച്ച് നടത്തുന്ന എഴുത്ത് പരീക്ഷയുടെയും ഇന്റര്‍വ്യൂവിന്റെയും അടിസ്ഥാനത്തിലാണ് നിയമനം. വിശദ വിവരങ്ങള്‍ക്ക് www.gptcmanjeri.in എന്ന കോളേജ് വൈബ്സൈറ്റ് സന്ദര്‍ശിക്കണം.

പ്ലസ്ടു വിദ്യാര്‍ഥികളില്‍ നിന്നും കോവിഡ് കാലഘട്ടത്തിലെ സ്‌പെഷ്യല്‍ ഫീ സര്‍ക്കാര്‍ ഒഴിവാക്കിയ സാഹചര്യത്തില്‍, മങ്കട ഗവ. ഹയര്‍സെക്കന്‍ഡറി സ്‌കൂളില്‍ നിന്നും 2020-21 അധ്യയന വര്‍ഷ വര്‍ഷത്തില്‍ പ്ലസ്ടു വിദ്യാര്‍ഥികളില്‍ നിന്നും സ്‌പെഷ്യല്‍ ഫീ ഇനത്തില്‍ ഈടാക്കിയ തുക തിരികെ നല്‍കുന്നു. അര്‍ഹരായ വിദ്യാര്‍ഥികള്‍ (എസ്.സി, എസ്.ടി വിദ്യാര്‍ഥികള്‍ ഒഴികെ) മാര്‍ച്ച് 10 ന് മുമ്പായി ബാങ്ക് പാസ്ബുക്കിന്റെ പകര്‍പ്പ് സ്‌കൂളില്‍ സമര്‍പ്പിക്കണമെന്ന് പ്രിന്‍സിപ്പല്‍ അറിയിച്ചു

മൂടാല്‍- കഞ്ഞിപ്പുര ബൈപ്പാസ് റോഡില്‍ അമ്പലപ്പറമ്പ് മുതല്‍ കഞ്ഞിപ്പുര വരെയുള്ള ഭാഗത്ത് റോഡ് ടാറിങ് പ്രവൃത്തികള്‍ ആരംഭിക്കുന്നതിനാല്‍ ഇന്ന് മുതല്‍ (മാര്‍ച്ച് 7) പ്രവൃത്തി തീരുന്നത് വരെ ഇതു വഴിയുള്ള ഗതാഗതം നിരോധിച്ചതായി പൊതുമരാമത്ത് (നിരത്തുകള്‍ വിഭാഗം) എക്‌സിക്യുട്ടീവ് എഞ്ചിനീയര്‍ അറിയിച്ചു. വാഹന യാത്രയ്ക്കായി മൂടാല്‍ - കാവുംപുറം  കാടാമ്പുഴ റോഡ്, അമ്പലപ്പറമ്പ്- പട്ടര്‍നടക്കാവ് റോഡ്, എന്‍.എച്ച് 66 റോഡ് എന്നിവ ഉപയോഗപ്പെടുത്തണം.

 ജില്ലയിൽ വഴിക്കടവ് പഞ്ചായത്തിൽ രണ്ട് വ്യക്തികൾക്ക് കോളറ സ്ഥിരീകരിച്ച സാഹചര്യത്തിൽ പൊതുജനങ്ങൾ എല്ലാവരും തന്നെ ജാഗ്രത പാലിക്കണമെന്ന് ജില്ല മെഡിക്കൽ ഓഫീസർ രേണുക ആർ അറിയിച്ചു. സമാന രോഗലക്ഷണങ്ങളുമായി മറ്റു 14 പേർ കൂടി ചികിത്സ തേടിയിട്ടുണ്ട് എന്നത് രോഗം പടർന്നു പിടിക്കാനുള്ള സൂചന നൽകുന്നുണ്ട്.
8 പേർ വിവിധ ആസ്പത്രികളിലായി ചികിത്സയിൽ ആണ്

ലോക പൊണ്ണത്തടി ദിനാചരണം താലൂക്ക് ആസ്ഥാന ആശുപത്രിയിൽ മലപ്പുറം നഗരസഭ ചെയർമാൻ മുജീബ് കാടേരി ഉദ്ഘാടനം ചെയ്തു. ജീവിതശൈലി രോഗ നിയന്ത്രണത്തിനുള്ള ഭൗതിക സാഹചര്യങ്ങൾ സജ്ജമാക്കുന്നതിനോടൊപ്പം തന്നെ അമിതവണ്ണം നിയന്ത്രിക്കുന്നതിനും വ്യായാമം ചെയ്യുന്നതിനുമുള്ള മനോഭാവം കൂടി പൊതുജനങ്ങൾ വളർത്തിയെടുക്കണമെന്ന് ഉദ്ഘാടന വേളയില്‍ അദ്ദേഹം ഓർമ്മപ്പെടുത്തി. തദ്ദേശസ്വയംഭരണ സ്ഥാപനങ്ങൾ വിവിധ പദ്ധതികളിലായി വ്യായാമത്തിനുള്ള നടപ്പാത ഉൾപ്പെടെയുള്ള സൗകര്യങ്ങൾ തയ്യാര്‍ ചെയ്യുന്നതായി അദ്ദേഹം പറഞ്ഞു.

കോലിക്കര- കോക്കൂര്‍ റോഡില്‍ ബി.സി ടാറിങ് പ്രവൃത്തികള്‍ ആരംഭിക്കുന്നതിനാല്‍ മാര്‍ച്ച് 6 മുതല്‍ പ്രവൃത്തി തീരുന്നത് വരെ ഇതു വഴിയുള്ള വാഹന ഗതാഗതം നിരോധിച്ചു. വാഹന യാത്രയ്ക്കായി തൃശൂര്‍- കുറ്റിപ്പുറം റോഡും ചാലിശ്ശേരി- വളയംകുളം റോഡും ഉപയോഗപ്പെടുത്തണം.
ചങ്ങരംകുളം- കക്കിടിപ്പുറം- കുറ്റിപ്പാല- ഉണ്ണി നമ്പൂതിരി റോഡില്‍ ടാറിങ് പ്രവൃത്തികള്‍ ആരംഭിക്കുന്നതിനാല്‍ മാര്‍ച്ച് 6 മുതല്‍ പ്രവൃത്തി തീരുന്നത് വരെ പ്രസ്തുത റോഡിലൂടെയുള്ള വാഹന ഗതാഗതം നിരോധിച്ചു. വാഹനയാത്രയ്ക്കായി തൃശൂര്‍- കുറ്റിപ്പുറം റോഡും പൊന്നാനി- പാലക്കാട് റോഡും നടുവട്ടം- തണ്ണീര്‍ക്കോട് റോഡും ഉപയോഗപ്പെടുത്തണം.