ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ ഡിസംബര്‍ ഒന്നു മുതല്‍ 20 വരെ നവസംരംഭകര്‍ക്കായി സംരംഭകത്വ വികസന പരിശീലന പരിപാടി സംഘടിപ്പിക്കും. നൂതന സംരംഭങ്ങള്‍ ആരംഭിക്കുന്നതിനുള്ള മാര്‍ഗനിര്‍ദേശങ്ങളും വിവിധ വകുപ്പില്‍ നിന്നുള്ള ലൈസന്‍സ്, എന്‍.ഒ.സി എന്നിവ ലഭ്യമാക്കുന്നതിനുള്ള നടപടികളും ജില്ലാ വ്യവസായ കേന്ദ്രം മുഖേന ലഭ്യമാകുന്ന ധനസഹായ പദ്ധതികളെക്കുറിച്ചും ക്ലാസ് നടത്തും.

എം.എല്‍.എ മുതല്‍ മന്ത്രി സ്ഥാനം വരെയെത്തുമ്പോഴും പി.കെ. ഗുരുദാസന്റെ പ്രയത്‌നം കേന്ദ്രീകരിച്ചിരുന്നത് കൊല്ലത്തിന്റെ സമഗ്ര വികസനമെന്ന ലക്ഷ്യത്തിലായിരുന്നു. നഗരത്തിലെ ഗതാഗതകുരുക്കിന് പരിഹാരം കാണുന്നതിനുള്ള അദ്ദേഹത്തിന്റെ ശ്രമങ്ങളാണ് ആശ്രാമം ലിങ്ക് റോഡിന്റെ നിര്‍മാണത്തിലേക്ക് എത്തിയത്.

കശുവണ്ടി മേഖലയുമായി ബന്ധപ്പെട്ട് അടിയന്തര ഇടപെടല്‍ ആവശ്യമായ വിഷയങ്ങള്‍ കേന്ദ്ര സര്‍ക്കാരിന്റെ ശ്രദ്ധയില്‍പ്പെടുത്തിയിട്ടുണ്ടെന്ന് കശുവണ്ടി വ്യവസായ വകുപ്പ് മന്ത്രി ജെ. മെഴ്‌സിക്കുട്ടി അമ്മ അറിയിച്ചു.  നിലവില്‍ അഞ്ച് ശതമാനം ഇറക്കുമതി നികുതിയാണ് അസംസ്‌കൃത കശുവണ്ടിക്ക് കേന്ദ്രം ഏര്‍പ്പെടുത്തിയിട്ടുളളത്.  ഇത് ഒഴിവാക്കുന്നതിന്  നടപടി സ്വീകരിക്കണമെന്നതാണ് സംസ്ഥാനത്തിന്റെ പ്രധാന ആവശ്യങ്ങളിലൊന്ന്.  ഇതിലൂടെ അസംസ്‌കൃത കശുവണ്ടിയുടെ വില കുറയ്ക്കാനാവും.

ദേശീയപാതാ വികസനം ഉള്‍പ്പടെ ജില്ലയില്‍ 6509 കോടി രൂപയുടെ റോഡ് വികസന പദ്ധതികള്‍ നടപ്പിലാക്കുമെന്ന് പൊതുമരാമത്ത് മന്ത്രി ജി. സുധാകരന്‍ പറഞ്ഞു. ആശ്രാമം ലിങ്ക് റോഡിന്റെ ഓലയില്‍ക്കടവ് വരെയുള്ള വികസനത്തിന്റെ ഭാഗമായി തീര്‍ക്കുന്ന ഫ്‌ളൈഓവറിന്റെ നിര്‍മ്മാണോദ്ഘാടനം നിര്‍വ്വഹിക്കുകയായിരുന്നു അദ്ദേഹം. നഗരത്തിലെ ഗതാഗത കുരുക്ക് പരിഹരിക്കുന്നതിന് വേണ്ടിയാണ് ഫ്‌ളൈ ഓവര്‍ നിര്‍മ്മിക്കുന്നത്. കായല്‍ സംരക്ഷിച്ചുകൊണ്ടാണ് റോഡ് വികസന സാധ്യമാക്കുന്നത്. ഒരു കിലോമീറ്ററിലധികമാണ് ഇതിന്റെ നീളം. 30 മാസത്തിനകം നിര്‍മാണം പൂര്‍ത്തിയാക്കാനാണ് കരാര്‍ നല്‍കിയിട്ടുള്ളത്. 

കേരളത്തിലെ ആദിവാസി മേഖലകളില്‍ ജനമൈത്രി എക്‌സൈസ് സംവിധാനം വിപുലപ്പെടുത്തുമെന്ന് തൊഴില്‍ നൈപുണ്യ-എക്‌സൈസ് വകുപ്പ് മന്ത്രി ടി പി രാമകൃഷ്ണന്‍ പറഞ്ഞു. തൃശൂര്‍ ഒളരിക്കരയില്‍ എക്‌സൈസ് ടവറിന്റെ തറക്കല്ലിട്ട് സംസാരിക്കുകയായിരുന്നു മന്ത്രി ടി പി രാമകൃഷ്ണന്‍. എക്‌സൈസ് വകുപ്പിന്  പുതിയ മുഖം നല്‍കാനാണ് സര്‍ക്കാറിന്റെ ശ്രമം. ഇത് വരെ വയനാട്ടിലും അട്ടപ്പാടിയിലുമായി രണ്ടിടത്തായിരുന്നു ജനമൈത്രി എക്‌സൈസ് സംവിധാനം ഉണ്ടായിരുന്നത്. ഇപ്പോഴത് നിലമ്പൂരിലും ദേവികുളത്തും  കൂടി വ്യാപിപ്പിച്ചു.

* ഇ.എം.എസിന്റെ തെരഞ്ഞെടുത്ത  പ്രബന്ധങ്ങള്‍ മുഖ്യമന്ത്രി പ്രകാശനം ചെയ്തു

കേരളത്തില്‍ ജോലി ചെയ്യുന്ന ഇതര സംസ്ഥാനക്കാരായ തൊഴിലാളികള്‍ക്കായി സംസ്ഥാന സര്‍ക്കാര്‍ നടപ്പാക്കുന്ന ആവാസ് പദ്ധതിയില്‍ മുഴുവന്‍ ഇതര സംസ്ഥാന തൊഴിലാളികളേയും അംഗങ്ങളാക്കാന്‍ തൊഴിലുടമകളും തൊഴിലാളി സംഘടനകളും മുന്‍കൈയ്യെടുക്കണമെന്ന് തൊഴില്‍ നൈപുണ്യ-എക്‌സൈസ് വകുപ്പ് മന്ത്രി ടി പി രാമകൃഷ്ണന്‍ പറഞ്ഞു. തൊഴിലാളികളോ, തൊഴില്‍ ഉടമയോ പണം അടക്കേണ്ടതില്ലെന്നതാണ് ആവാസിന്റെ പ്രത്യേകതയെന്നും പേരും മറ്റ് വിവരങ്ങളും നല്‍കി രജിസ്ട്രര്‍ ചെയ്താല്‍ വിവിധ ആനുകൂല്യങ്ങളും തൊഴില്‍ സുരക്ഷിത്വവും ഇതരസംസ്ഥാന തൊഴിലാളികള്‍ക്ക് ലഭ്യമാവും വിധമാണ് പദ്ധതി വിഭാവനം ചെയ്തിട്ടുളളതെന്നും അദ്ദേഹം വ്യക്തമാക്കി.

ഡിസംബര്‍ എട്ടു മുതല്‍ 15 വരെ തിരുവനന്തപുരത്ത് നടക്കുന്ന അന്താരാഷ്ട്ര ചലച്ചിത്രമേള റിപ്പോര്‍ട്ട് ചെയ്യുന്നതിനുള്ള മീഡിയ പാസിന് ഇന്ന് (നവം.24) വൈകിട്ട് മൂന്നു മണി വരെ ഓണ്‍ലൈനായി അപേക്ഷിക്കാം. ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയാക്കിവരുടെ പേര്, രജിസ്‌ട്രേഷന്‍ നമ്പര്‍, തസ്തിക, ഫോണ്‍ നമ്പര്‍, ഇ-മെയില്‍ എന്നിവയടങ്ങിയ മുന്‍ഗണന ക്രമത്തിലുള്ള ലിസ്റ്റ് തിരുവനന്തപുരം ബ്യൂറോചീഫ് സാക്ഷ്യപ്പെടുത്തി നവംബര്‍ 28 ന് വൈകിട്ട് അഞ്ച് മണിക്കകം പി.ആര്‍.ഡി പ്രസ് റിലീസിലെത്തിക്കണം. ഇതിന് ശേഷം ലഭിക്കുന്ന അപേക്ഷകള്‍ പരിഗണിക്കില്ല.

സംസ്ഥാന ന്യൂനപക്ഷ കമ്മീഷനില്‍ ഒഴിവുളള അസിസ്റ്റന്റ്, ജൂനിയര്‍ അസിസ്റ്റന്റ്/എല്‍.ഡി.സി, പേഴ്‌സണല്‍ അസിസ്റ്റന്റ് തസ്തികളില്‍ ദിവസവേതനാടിസ്ഥാനത്തില്‍ താത്കാലിക നിയമനത്തിന് വാക്ക് ഇന്‍ ഇന്റര്‍വ്യൂ നടത്തും.  ഡിസംബര്‍ 4ന് രാവിലെ പത്ത് മണിക്ക് തിരുവനന്തപുരം ശാസ്തമംഗലത്തെ ഓഫീസിലാണ് ഇന്റര്‍വ്യൂ.  അസിസ്റ്റന്റ്, ജൂനിയര്‍ അസിസ്റ്റന്റ്/എല്‍.ഡി.സി തസ്തികകള്‍ക്ക് ബിരുദവും, കമ്പ്യൂട്ടര്‍ പരിജ്ഞാനവുമാണ് യോഗ്യത.  മലയാളം ടൈപ്പ്‌റൈറ്റിംഗ് അഭികാമ്യം.  ബിരുദവും ഇംഗ്ലീഷ് മലയാളം ടൈപ്പ്‌റൈറ്റിംഗ്, ഷോര്‍ട്ട് ഹാന്റ് എന്നിവയാണ് പേഴ്‌സണല്‍ അസിസ്റ്റന്റിന്റെ യോഗ്യത.  ഉദ്യോഗാര്‍ത്ഥികള്‍ യോഗ്യതയും പ്രവൃത്തി പരിചയവും തെളിയി