സ്റ്റേറ്റ് റിസോഴ്സ് സെന്‍ററിന്‍റെ ആഭിമുഖ്യത്തിലുള്ള എസ്.ആര്‍.സി കമ്മ്യൂണിറ്റി കോളജ് യോഗ അസോസിയേഷന്‍ ഓഫ് കേരളയുടെ  സഹകരണത്തോടെ നടത്തുന്ന ഡിപ്ലോമ ഇന്‍ യോഗ ടീച്ചര്‍ ട്രെയിനിംഗ് പ്രോഗ്രാമിന് അപേക്ഷ ക്ഷണിച്ചു.  അടിസ്ഥാന യോഗ്യത പ്ലസ് ടു. 18 വയസ്സ് പൂര്‍ത്തിയാക്കിയിരിക്കണം. ഉയര്‍ന്ന പ്രായപരിധിയില്ല.  https://app.srccc.in/register എന്ന ലിങ്കിലൂടെ  അപേക്ഷിക്കണം. അവസാന തീയതി ജൂണ്‍ 30. വിശദാംശങ്ങള്‍ www.srccc.in എന്ന വെബ്‌സൈറ്റില്‍ ലഭിക്കും. കോട്ടയം ജില്ലയിലെ പഠന കേന്ദ്രം: യോഗ അസോസിയേഷന്‍ ഓഫ് കേരള, കാരാപ്പുഴ സര്‍വീസ് സഹകരണ ബാങ്ക് ഹാള്‍,കോട്ടയം. ഫോണ്‍: 9495519686, 9447208381

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി.ജി. ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടൂ), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ്.എസ്.എല്‍.സി) തുടങ്ങിയ കോഴ്‌സുകളിലേക്ക് അപേക്ഷക്ഷണിച്ചു. ഫോണ്‍: 7994449314.

ഐ.എച്ച്.ആര്‍.ഡിയുടെ കീഴില്‍ പ്രവര്‍ത്തിക്കുന്ന എന്‍ജിനീയറിംഗ് കോളജുകളില്‍ എന്‍.ആര്‍.ഐ സീറ്റുകളില്‍ ഓണ്‍ലൈനില്‍ അപേക്ഷ സമര്‍പ്പിക്കുന്നതിനുള്ള സമയപരിധി   ജൂണ്‍ 15 വരെ നീട്ടി. വിശദ വിവരങ്ങള്‍ www.ihrd.ac.in എന്ന വെബ്‌സൈറ്റില്‍. ഫോണ്‍: 8547005000. 

 കെല്‍ട്രോണിന്‍റെ കോട്ടയം നോളജ് സെന്‍ററില്‍ വിവിധ കോഴ്‌സുകള്‍ക്ക് ജൂണ്‍ 30 വരെ 10 ശതമാനം ഫീസ് ഇളവ് അനുവദിക്കും. താല്പര്യമുള്ളവര്‍ കോട്ടയം നാഗമ്പടത്തുള്ള കെല്‍ട്രോണ്‍ നോളജ് സെന്‍ററില്‍ നേരിട്ടെത്തി രജിസ്റ്റര്‍ ചെയ്യണം. ഫോണ്‍: 6282841772, 8590118698, 0481 2304031.

കൊല്ലം ഇന്‍ഡസ്ട്രിയല്‍ ട്രിബ്യൂണല്‍ സുനിത വിമല്‍ ജൂണ്‍ 15,22,29 തീയതികളില്‍ കോട്ടയം സിവില്‍ സ്‌റ്റേഷനിലെ ബാര്‍ അസോസിയേഷന്‍ ഹാളില്‍ സിറ്റിംഗ് നടത്തും. തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും കോമ്പന്‍സേഷന്‍ കേസുകളും വിചാരണ നടത്തും. ഫോണ്‍: 0474 2792892.

വിവിധ പരീക്ഷകളില്‍ ഉയര്‍ന്ന മാര്‍ക്ക് വാങ്ങുന്ന പട്ടികജാതി വിദ്യാര്‍ഥികള്‍ക്ക് കാഷ് അവാര്‍ഡ് നല്‍കുന്ന പ്രത്യേക പ്രോത്സാഹന സമ്മാനപദ്ധതിയിലേക്ക് ഒന്നാംഘട്ടമായി അപേക്ഷ ക്ഷണിച്ചു.  ഇ-ഗ്രാന്‍റ്സ് 3.0 പോര്‍ട്ടല്‍ മുഖേനയാണ് അപേക്ഷിക്കേണ്ടത്. 2025-26 അധ്യയന വര്‍ഷം വിജയിച്ച പരീക്ഷകള്‍ക്കു മാത്രമാണ് 2026-27ലെ പദ്ധതി പ്രകാരം സ്‌കോളര്‍ഷിപ്പ് അനുവദിക്കുക. അവസാന തീയതി ഓഗസ്റ്റ് 15. വിശദവിവരങ്ങള്‍ ജില്ലാ/ബ്ലോക്ക്/ മുനിസിപ്പാലിറ്റി പട്ടികജാതി വികസന ഓഫീസുകളില്‍ ലഭിക്കും. ഫോണ്‍: 0481 2562503(ജില്ലാ ഓഫീസ്), ഇ-മെയില്‍: egrantz.sc@gmail.com

പള്‍സ് പോളിയോ തുള്ളിമരുന്ന് വിതരണം ജൂണ്‍ 28ന് ജില്ലയില്‍ വിവിധ കേന്ദ്രങ്ങളില്‍ നടക്കും. അഞ്ചു വയസ്സില്‍ താഴെ പ്രായമുള്ള ജില്ലയിലെ 85277 കുട്ടികള്‍ക്ക് വാക്സിന്‍ നല്‍കും.  മരുന്നു വിതരണത്തിനായി  1218 ബൂത്തുകള്‍ സജ്ജീകരിച്ചിട്ടുണ്ട്. സര്‍ക്കാര്‍ -സ്വകാര്യ ആശുപത്രികള്‍,  അങ്കണവാടികള്‍, ജനകീയാരോഗ്യ കേന്ദ്രങ്ങള്‍ എന്നിവിടങ്ങളില്‍ രാവിലെ എട്ടുമുതല്‍ വൈകുന്നേരം അഞ്ചു വരെ ബൂത്തുകള്‍ പ്രവര്‍ത്തിക്കും.ബസ് സ്റ്റാന്‍ഡുകള്‍, റയില്‍വേ സ്റ്റേഷനുകള്‍ തുടങ്ങിയ 40 കേന്ദ്രങ്ങളില്‍ ട്രാന്‍സിറ്റ് ബൂത്തുകളുമുണ്ടാകും.

ആലപ്പുഴ റെയിൽവേ സ്റ്റേഷന് വടക്കുവശത്തുള്ള അപ്രോച്ച് റോഡിൽ (വനിത-ശിശു ആശുപത്രി ഗേറ്റ് മുതൽ റെയിൽവേ സ്റ്റേഷൻ വരെയുള്ള റോഡ്) ടാറിങ് ജോലികൾ ആരംഭിക്കുന്നതിനാൽ ജൂൺ 11 മുതൽ 45 ദിവസത്തേക്ക് താൽക്കാലികമായി റോഡ് അടക്കുമെന്ന് സ്റ്റേഷൻ മാനേജർ അറിയിച്ചു. റെയിൽവേ സ്റ്റേഷനിലേക്ക് വരുകയും പോവുകയും ചെയ്യുന്ന വാഹനങ്ങൾ തെക്കുഭാഗത്തെ അപ്രോച്ച് റോഡ് (തിരുവമ്പാടി ഇഎസ്ഐ ഹോസ്പിറ്റൽ റോഡ്) ഉപയോഗിക്കണം. 

(പിആർ/എഎൽപി/1110)

കേരള സ്റ്റേറ്റ് ഇലക്ട്രിസിറ്റി ലൈസൻസിംഗ് ബോർഡ് നടത്തുന്ന ഇലക്ട്രിക്കൽ വയർമാൻ എഴുത്തു പരീക്ഷ  ജൂൺ 13ന് നടക്കും. ആലപ്പുഴ ഗവ. മുഹമ്മദൻസ് ഗേൾസ് ഹൈസ്കൂളിലാണ് പരീക്ഷ.പരീക്ഷയുടെ ഹാൾ ടിക്കറ്റ് samraksha.ceikerala.gov.in എന്ന വെബ്‌സൈറ്റിൽ നിന്നും ഡൗൺലോഡ് ചെയ്ത് പ്രിന്റ് എടുക്കേണ്ടതാണ്. പരീക്ഷാ സമയത്ത് ഹാൾ ടിക്കറ്റും, അതോടൊപ്പം അപേക്ഷയോടൊപ്പം സമർപ്പിച്ചിരുന്ന തിരിച്ചറിയൽ രേഖയുടെ അസ്സലും  നിർബന്ധമായും ഹാജരാക്കണം.ഫോൺ : 0477-2962229.

(പി ആർ/ എ എൽ പി/ 1109)

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, പ്രധാനമന്ത്രി ആവാസ് യോജന (ഗ്രാമീൺ) ഭവനപദ്ധതി എന്നിവ സംബന്ധിച്ച പരാതികൾ പരിഹരിക്കുന്നതിനായി മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഒംബുഡ്സ്പേഴ്‌സൺ  എം.എസ്   അബ്ദുൾ കലാം ആസാദ് സിറ്റിംഗ് നടത്തും.

ജൂൺ 11 ന് വ്യാഴാഴ്ച രാവിലെ 11 മണി മുതൽ മാവേലിക്കര ബ്ലോക്ക് ഓഫീസിലാണ് സിറ്റിംഗ്.
ഈ ബ്ലോക്ക് പരിധിയിൽ ഉൾപ്പെട്ട ഗ്രാമപഞ്ചായത്തുകളിലെ തൊഴിലുറപ്പ് പദ്ധതി, പി.എം.എ.വൈ(ജി) പദ്ധതി എന്നിവയുമായി ബന്ധപ്പെട്ട പരാതികൾ പൊതുജനങ്ങൾക്ക് നേരിട്ടോ രേഖാമൂലമോ സമർപ്പിക്കാം. 

(പി ആർ/ എ എൽ പി/ 1108