മുല്ലശ്ശേരി ഗ്രാമപഞ്ചായത്തും, മുല്ലശ്ശേരി, അന്നകര സർവീസ് സഹകരണ സംഘങ്ങളും കൃഷിഭവനും സംയുക്തമായി  സംഘടിപ്പിച്ച ഞാറ്റുവേല ചന്ത സമാപിച്ചു. മുല്ലശ്ശേരി ഗ്രാമപഞ്ചായത്ത് പരിസരത്ത് നാലുദിവസം നീണ്ടുനിന്ന ഞാറ്റുവേല ചന്തയുടെ സമാപന ചടങ്ങ് കേരള ലളിതകലാ അക്കാദമി ചെയർമാൻ മുരളി ചീരോത്ത്  ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് ദിൽന ധനേഷ് അധ്യക്ഷത വഹിച്ചു.  

കേരള വെറ്ററിനറി ആൻ്റ് ആനിമൽ സയൻസസ് യൂണിവേഴ്സിറ്റിയുടെ സംരഭകത്വ വിജ്ഞാന വ്യാപന വിഭാഗത്തിൻറെ 'ഒപ്പം' പദ്ധതിയുടെയും ഇടിയം വയൽ പഠനമുറിയുടെയും ആഭിമുഖ്യത്തിൽ ഇടിയം വയലിൽ ആദിവാസി വിദ്യാർത്ഥികൾക്കായി പുസ്തക ചർച്ച സംഘടിപ്പിച്ചു.

ജയമോഹൻ്റെ 'ആന ഡോക്ടർ' എന്ന പുസ്തകത്തെക്കുറിച്ചാണ് ചർച്ച നടത്തിയത്. ചർച്ചയിൽ ടീച്ച് ഫോർ നാച്വർ ഫെല്ലോ, സുശ്രുതൻ എന്നീ പുസ്തകങ്ങളുടെ അവതരണവും നടന്നു. യൂണിവേഴ്സിറ്റി നടത്തുന്ന വിവിധ വിദ്യഭ്യാസ പ്രവർത്തങ്ങളുടെ ഭാഗമായാണ്  വായന പക്ഷാചരണം നടത്തിയത്.

വെറ്റിനറി യൂണിവേഴ്സിറ്റി റിസർച്ച് അസിസ്റ്റൻ്റ് ജിപ്സ ജഗദീഷ്, പഠനമുറി ടീച്ചർ, വിജിന രാജേഷ് തുടങ്ങിയവർ പങ്കെടുത്തു.

കുന്നംകുളം നഗരസഭ 2024-25 വാർഷിക പദ്ധതിയില്‍ ഉള്‍പ്പെടുത്തി ഭിന്നശേഷി വിഭാഗക്കാര്‍ക്കുള്ള സഹായ ഉപകരണങ്ങളുടെ വിതരണം നടത്തി. കുന്നംകുളം ടൗൺഹാളിൽ വച്ച് നടന്ന ചടങ്ങിന്റെ ഉദ്ഘാടനം എ.സി  മൊയ്തീൻ എംഎല്‍എ നിർവഹിച്ചു. ചെയര്‍പേഴ്സണ്‍ സീത രവീന്ദ്രന്‍ അധ്യക്ഷത വഹിച്ചു.

34 പേര്‍ക്കാണ് 52 തരത്തിലുള്ള വിവിധ ഭിന്നശേഷി ഉപകരണങ്ങള്‍ വിതരണം ചെയ്തത്. സംസ്ഥാന സര്‍ക്കാര്‍ സാമൂഹ്യനീതി വകുപ്പിന്റെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിസിക്കല്‍ മെഡിസിന്‍ ആന്റ് റിഹാബിലിറ്റേഷൻ എന്ന സ്ഥാപനം മുഖേനയാണ് 4.47 ലക്ഷം രൂപ ചെലവഴിച്ച് ഭിന്നശേഷി ഉപകരണങ്ങള്‍ വാങ്ങിയത്.

കുന്നംകുളം നഗരസഭ 2024-25 വാർഷിക പദ്ധതിയില്‍ ഉള്‍പ്പെടുത്തി ഭിന്നശേഷി വിഭാഗക്കാര്‍ക്കുള്ള സഹായ ഉപകരണങ്ങളുടെ വിതരണം നടത്തി. കുന്നംകുളം ടൗൺഹാളിൽ നടന്ന ചടങ്ങിന്റെ ഉദ്ഘാടനം എ.സി  മൊയ്തീൻ എംഎല്‍എ നിർവഹിച്ചു. ചെയര്‍പേഴ്സണ്‍ സീത രവീന്ദ്രന്‍ അധ്യക്ഷത വഹിച്ചു.

34 പേര്‍ക്കാണ് 52 തരത്തിലുള്ള വിവിധ ഭിന്നശേഷി ഉപകരണങ്ങള്‍ വിതരണം ചെയ്തത്. സംസ്ഥാന സര്‍ക്കാര്‍ സാമൂഹ്യനീതി വകുപ്പിന്റെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിസിക്കല്‍ മെഡിസിന്‍ ആന്റ് റിഹാബിലിറ്റേഷൻ എന്ന സ്ഥാപനം മുഖേനയാണ് 4.47 ലക്ഷം രൂപ ചെലവഴിച്ച് ഭിന്നശേഷി ഉപകരണങ്ങള്‍ വാങ്ങിയത്.

കേരള വന ഗവേഷണ സ്ഥാപനത്തിൽ ഒരു വർഷം വരെ കാലാവധിയുള്ള സമയ ബന്ധിത ഗവേഷണ പദ്ധതിയായ മാനേജ്മെൻ്റ് ഓഫ് റിസർച്ച് ആൻഡ് ഡെവലപ്മെൻ്റ് അറ്റ് കെ.എഫ്.ആർ.ഐ സബ് സെൻ്റർ, കുഴൂരിൽ പ്രോജക്ട് ഫെല്ലോയുടെ താത്കാലിക ഒഴിവിലേക്ക് അപേക്ഷ ക്ഷണിച്ചു. ഒരു ഒഴിവാണ് ഉള്ളത്. ജൂലൈ 11 വെള്ളിയാഴ്ച രാവിലെ പത്ത് മണിക്ക് കേരള വനഗവേഷണ സ്ഥാപനത്തിന്റെ തൃശ്ശൂർ പീച്ചിയിലുള്ള ഓഫീസിൽ വെച്ച് ഇൻറർവ്യൂ നടക്കും.

വിശദവിവരങ്ങൾക്ക് കേരള വന ഗവേഷണ സ്ഥാപനത്തിൻ്റെ വെബ് സൈറ്റ് www.kfri.res.in സന്ദർശിക്കുക.
 

കേരള വന ഗവേഷണ സ്ഥാപനത്തിൽ 2027 മാർച്ച്‌ 31 വരെ കാലാവധിയുള്ള  ഇൻസക്ട് കളക്ഷൻ ആൻഡ് ഇൻസെക്ടേറിയം ഗവേഷണ പദ്ധതിയിൽ പ്രൊജക്ട് ഫെല്ലോയുടെ ഒരു താത്കാലിക ഒഴിവിലേക്ക്  നിയമനത്തിന് ജൂലൈ 17 തിങ്കളാഴ്ച രാവിലെ 10 മണിക്ക് കേരള വനഗവേഷണ സ്ഥാപനത്തിൻ്റെ തൃശ്ശൂർ പീച്ചിയിലുള്ള ഓഫീസിൽ കൂടിക്കാഴ്ച നടത്തും. വിശദവിവരങ്ങൾക്ക് കേരള വന ഗവേഷണ സ്ഥാപനത്തിൻ്റെ വെബ് സൈറ്റ് www.kfri.res.in സന്ദർശിക്കുക.
 

കണ്ടാണശ്ശേരി ഗ്രാമപഞ്ചായത്ത് വാർഡ് എട്ട് കിഴക്കാളൂരിൽ ആരംഭിച്ച കുടുംബശ്രീ ജനകീയ ഹോട്ടൽ ചൊവ്വന്നൂർ ബ്ലോക്ക് പഞ്ചായത്ത് പ്രസിഡൻ്റ് ആൻസി വില്യംസ് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻ്റ് മിനി ജയൻ അധ്യക്ഷത വഹിച്ചു.