നിയമസഭ തിരഞ്ഞെടുപ്പുമായി ബന്ധപ്പെട്ട് ജില്ലയിലെ പ്രധാനപ്പെട്ട പ്രശ്‌നബാധിത മേഖലകളിലെ സുരക്ഷാ ക്രമീകരണങ്ങളും ലഹരി വിരുദ്ധ നിരീക്ഷണങ്ങളും സംബന്ധിച്ച് പൊതു നിരീക്ഷകരുടെയും ചെലവ് നിരീക്ഷകരുടെ യോഗം ചേര്‍ന്നു. ജില്ല തിരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ല കളക്ടര്‍ സ്‌നേഹില്‍ കുമാര്‍ സിംഗിന്റെ അധ്യക്ഷതയില്‍ ചേമ്പറില്‍ ചേര്‍ന്ന യോഗത്തില്‍ പോലീസ് സ്വീകരിച്ച നടപടികള്‍ യോഗം അവലോകനം ചെയ്തു.  

പൊതു നിരീക്ഷകരും പോലീസ് നിരീക്ഷകനും പരാതികള്‍ സ്വീകരിക്കും
ക്യാമ്പ് ഓഫീസ് ഗവണ്‍മെന്റ് ഗസ്റ്റ് ഹൗസ്

2026 ലെ നിയമസഭ തിരഞ്ഞെടുപ്പുമായി ബന്ധപ്പെട്ട് പൊതുനിരീക്ഷകരും (ജനറല്‍ ഒബ്‌സര്‍വര്‍) പോലീസ് നിരീക്ഷകനും (പോലീസ് ഒബ്‌സര്‍വര്‍) പരാതികള്‍ സ്വീകരിക്കും. ഏപ്രില്‍ ഒമ്പതിന് നടക്കുന്ന നിയമസഭ തിരഞ്ഞെടുപ്പുമായി ബന്ധപ്പെട്ട പരാതികള്‍ക്ക് പൊതുജനങ്ങള്‍ക്ക് ഉള്‍പ്പെടെ നിരീക്ഷകരെ ബന്ധപ്പെടാം. കോഴിക്കോട് വെസ്റ്റ്ഹില്‍ സര്‍ക്കാര്‍ ഗസ്റ്റ് ഹൗസാണ് ക്യാമ്പ് ഓഫീസ്.

തിരഞ്ഞെടുപ്പ് കാലയളവില്‍ വിവാഹ ഹാളുകള്‍, കമ്മ്യൂണിറ്റി ഹാളുകള്‍ തുടങ്ങിയ സ്ഥലങ്ങളുടെ ഉപയോഗ ജില്ല തിരഞ്ഞെടുപ്പ് സംവിധാനം കൃത്യമായി നിരീക്ഷിക്കുന്നതാണ്.

തെളിവ് ശേഖരിക്കല്‍: തിരഞ്ഞെടുപ്പ് ആവശ്യങ്ങള്‍ക്കായി ചെലവ് മറച്ചുവെക്കുന്നില്ലെന്ന് ഉറപ്പാക്കാന്‍, ഹാള്‍ ബുക്ക് ചെയ്തതിന്റെ ഉദ്ദേശ്യം വ്യക്തമാക്കുന്ന തെളിവുകള്‍ (വിവാഹ ക്ഷണക്കത്ത് പോലുള്ളവ) സൂക്ഷിക്കേണ്ടതുണ്ട്.

50,000 രൂപയ്ക്ക് മുകളില്‍ കൈവശം വെച്ച് യാത്ര ചെയ്യുമ്പോള്‍ രേഖ വേണം- ജില്ല തിരഞ്ഞെടുപ്പ് ഓഫീസര്‍

ജില്ലയില്‍ ഇതുവരെ പിടിച്ചെടുത്തത് രണ്ട് ലക്ഷം രൂപ

നിയമസഭാ തിരഞ്ഞെടുപ്പില്‍ രാഷ്ട്രീയ പാര്‍ട്ടികളുടെയും സ്ഥാനാര്‍ഥികളുടെയും ചെലവുകള്‍ നിരീക്ഷിക്കുന്നതിനുള്ള കേന്ദ്ര തിരഞ്ഞെടുപ്പ് കമ്മീഷന്റെ ചെലവ് നിരീക്ഷകര്‍ (എക്‌സ്‌പെന്‍ഡിച്ചര്‍ ഒബ്‌സര്‍വര്‍) രാവിലെ 10 മുതൽ 11 വരെ കോഴിക്കോട് വെസ്റ്റ്ഹിൽ സർക്കാർ ഗസ്റ്റ് ഹൗസിലെ ക്യാമ്പ് ഓഫീസിൽ പരാതികൾ സ്വീകരിക്കും. തിരഞ്ഞെടുപ്പ് ചെലവ് സംബന്ധമായി പൊതുജനങ്ങള്‍ക്ക് ഉള്‍പ്പെടെ നിരീക്ഷകരെ ബന്ധപ്പെടാം. 

ഐആര്‍എസ് ഉദ്യോഗസ്ഥരായ  കസ്ലു സദാനന്ദ് റാം റാവു, ദീപക് ആനന്ദ്, ഐഎ ആന്റ് എഎസ് ഉദ്യോഗസ്ഥൻ പുഷ്‌കര്‍ കുമാര്‍
എന്നിവരാണ് ജില്ലയിലെ ചെലവ് നിരീക്ഷകര്‍. 

ജില്ല കളക്ടറുടെ നേതൃത്വത്തില്‍ യോഗം ചേര്‍ന്നു
കണ്‍ട്രോള്‍ റൂം തുറന്നു
14228 വളര്‍ത്തുപക്ഷികളെ കൊന്നു നശിപ്പിക്കും

നിയമസഭ തിരഞ്ഞെടുപ്പുമായി ബന്ധപ്പെട്ട പൊതു നിരീക്ഷകർ രാഷ്ട്രീയ പാർട്ടി പ്രതിനിധികളുമായി കൂടിക്കാഴ്ച നടത്തി. തിരഞ്ഞെടുപ്പ് തയാറെടുപ്പുകളും രാഷ്ട്രീയപാർട്ടി പ്രതിനിധികളുടെ അഭിപ്രായങ്ങളും യോഗത്തിൽ ചർച്ച ചെയ്തു.  

തിരഞ്ഞെടുപ്പുമായി ബന്ധപ്പെട്ട പരാതികൾ, സുരക്ഷാ പ്രശ്നങ്ങൾ, സി വിജില്‍ ആപ്പിന്റെ പ്രവർത്തനം, ഹോം വോട്ടിങ് എന്നിവ സംബന്ധിച്ച് യോഗത്തിൽ വിശദീകരിച്ചു.

നിയമസഭ തിരഞ്ഞെടുപ്പുമായി ബന്ധപ്പെട്ട് സ്ഥാനാര്‍ഥികള്‍ക്കും രാഷ്ട്രീയ പാര്‍ട്ടികള്‍ക്കും തിരഞ്ഞെടുപ്പ് നടപടിക്രമങ്ങള്‍ എളുപ്പമാക്കുന്നതിനായി സജ്ജമാക്കിയ 'സുവിധ' ആപ്പില്‍ രാഷ്ട്രീയ പാര്‍ട്ടികളോ പ്രതിനിധികളോ രജിസ്റ്റര്‍ ചെയ്യണമെന്ന് ജില്ലാ കലക്ടര്‍ സ്‌നേഹില്‍ കുമാര്‍ സിങ് അറിയിച്ചു. 

രജിസ്റ്റര്‍ ചെയ്ത ദേശീയ, രാഷ്ട്രീയ സംസ്ഥാന പാര്‍ട്ടികള്‍, രജിസ്റ്റര്‍ ചെയ്യാത്ത പാര്‍ട്ടികള്‍, സ്ഥാനാര്‍ഥികള്‍, വ്യക്തികള്‍ എന്നിവര്‍ ടെലിവിഷന്‍ ചാനലുകളിലോ കേബിള്‍ നെറ്റ് വര്‍ക്കുകളിലോ സിനിമാ ഹാളിലോ തിരഞ്ഞെടുപ്പുമായി ബന്ധപ്പെട്ട പരസ്യം നല്‍കുന്നതിന് തിരഞ്ഞെടുപ്പ് കമ്മീഷനില്‍നിന്ന് മുന്‍കൂറായി അനുമതി വാങ്ങേണ്ടതാണെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ സ്നേഹില്‍ കുമാര്‍ സിംഗ് അറിയിച്ചു. മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിംഗ് കമ്മിറ്റി (എംസിഎംസി) മുമ്പാകെയാണ് അപേക്ഷ നല്‍കേണ്ടത്.