പൊഴുതന ഗ്രാമപഞ്ചായത്ത് എം.ജി.എന്‍.ആര്‍.ജി.എ പദ്ധതിയില്‍ ഉള്‍പ്പെടുത്തി തയ്യാറാക്കിയ കാപ്പി തൈകള്‍ നട്ടു കൊടുക്കുന്നതിനായി 20 സെന്റ് മുതല്‍ അഞ്ച് ഏക്കര്‍ വരെയുള്ള കര്‍ഷകരില്‍ നിന്നും അപേക്ഷ ക്ഷണിച്ചു. വെള്ളക്കടലാസില്‍ തയ്യാറാക്കിയ അപേക്ഷയോടൊപ്പം നികുതി രശീതി സഹിതം അതാത് വാര്‍ഡ് മെമ്പര്‍മാരുടെ കൈവശമോ പഞ്ചായത്ത് ഓഫീസിലോ ജൂണ്‍ ഒമ്പതിനകം സമര്‍പ്പിക്കണം.

മാനന്തവാടി അസാപ്പ് കമ്മ്യൂണിറ്റി സ്‌കില്‍ പാര്‍ക്കില്‍ ജൂണ്‍ ആറിന്് ആരംഭിക്കുന്ന സര്‍ട്ടിഫൈഡ് ജനറല്‍ ഫിറ്റ്‌നസ് ട്രെയിനര്‍ കോഴ്സില്‍ സീറ്റുകള്‍ ഒഴിവ്. 450 മണിക്കൂര്‍ ദൈര്‍ഘ്യമുള്ള കോഴ്‌സിന് പത്താം  ക്ലാസ് യോഗ്യതയുള്ളവര്‍ക്ക് അപേക്ഷിക്കാം. ഫോണ്‍- 9495 999669

മീനങ്ങാടി ഐഎച്ച്ആര്‍ഡി മോഡല്‍ കോളേജില്‍ കൊമേഴ്‌സ്, കമ്പ്യൂട്ടര്‍ സയന്‍സ് വിഷയങ്ങളില്‍ അസിസ്റ്റന്റ് പ്രൊഫസറെ നിയമിക്കുന്നു. കൊമേഴ്‌സ് വിഷയത്തില്‍ ജൂണ്‍ എട്ടിന് രാവിലെ 10.30നും കമ്പ്യൂട്ടര്‍ സയന്‍സില്‍ ജൂണ്‍ ഒന്‍പതിന് രാവിലെ 10.30നുമാണ് അഭിമുഖം. ഫോണ്‍-04936 246446, 8547005077

വയനാട് മുട്ടില്‍ ഓര്‍ഫനേജ് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ ഒഴിവുള്ള വൊക്കേഷണല്‍ ടീച്ചര്‍ ഇന്‍ കമ്പ്യൂട്ടര്‍ ഗ്രാഫിക് ഡിസൈന്‍, കമ്പ്യൂട്ടര്‍ ജൂനിയര്‍ സോഫ്റ്റ്വെയര്‍ ഡെവലപ്പര്‍, നോണ്‍ വൊക്കേഷണല്‍ ടീച്ചര്‍ കെമിസ്ട്രി എന്നീ അതിഥി അധ്യാപക തസ്തികകളിലേക്കുള്ള കൂടിക്കാഴ്ച ജൂണ്‍ 18 ന് നടക്കും. ഉദ്യോഗാര്‍ത്ഥികള്‍ രാവിലെ 10നകം അസ്സല്‍ രേഖകള്‍ സഹിതം സ്‌കൂളില്‍ എത്തണം. ഫോണ്‍-98952 04364.

മാനന്തവാടി ഗവ കോളേജില്‍ ഹിസ്റ്ററി വിഷയത്തില്‍ ഗസ്റ്റ് അധ്യാപകരെ നിയമിക്കുന്നു. കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസ് തയ്യാറാക്കിയ പാനലില്‍ ഉള്‍പ്പെട്ട ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ പകര്‍പ്പുമായി ജൂണ്‍ അഞ്ചിന് രാവിലെ 10.30ന് കോളേജ് ഓഫീസില്‍ അഭിമുഖത്തിന് എത്തണം. ഫോണ്‍:9539596905

മാനന്തവാടി ഗവ കോളേജില്‍ ഹിസ്റ്ററി വിഷയത്തില്‍ ഗസ്റ്റ് അധ്യാപകരെ നിയമിക്കുന്നതിന് ജൂണ്‍ അഞ്ചിന് രാവിലെ 10.30ന് കോളേജ് ഓഫീസില്‍ അഭിമുഖം നടത്തും. കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസ് തയ്യാറാക്കിയ പാനലില്‍ ഉള്‍പെട്ട ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ പകര്‍പ്പുമായി പ്രിന്‍സിപ്പല്‍ മുമ്പാകെ ഹാജരാകണം. ഫോണ്‍: 9539596905

വൈത്തിരി താലൂക്ക് ആസ്ഥാന ആശുപത്രിയില്‍ ദിവസവേതനാടിസ്ഥാനത്തില്‍ ഫാര്‍മസിസ്റ്റിനെ നിയമിക്കുന്നു. അസ്സല്‍ സര്‍ട്ടിഫിക്കറ്റ്, പകര്‍പ്പ്,  തിരിച്ചറിയല്‍ കാര്‍ഡ് എന്നിവ സഹിതം ജൂണ്‍ 11ന് രാവിലെ 11മണിക്ക് സൂപ്രണ്ട് ഓഫീസില്‍ അഭിമുഖത്തിന് എത്തണം. അംഗീകൃത സ്ഥാപനത്തില്‍ നിന്നുള്ള ഡി ഫാം /ബി ഫാം ഉണ്ടായിരിക്കണം. ഫാര്‍മസി കൗണ്‍സില്‍ രജിസ്‌ട്രേഷന്‍ സര്‍ട്ടിഫിക്കറ്റ് നിര്‍ബന്ധം. ഒരു വര്‍ഷത്തില്‍ കുറയാത്ത പ്രവൃത്തിപരിചയം അഭികാമ്യം. പ്രായപരിധി 40 വയസ്സ് കവിയരുത്. ഫോണ്‍: 04936 256229

കോഴിക്കോട് ജില്ല അസിസ്റ്റന്റ് കലക്ടറായി മാളവിക ജി. നായര്‍ ചുമതലയേറ്റു. പത്തനംതിട്ട തിരുവല്ല സ്വദേശിനിയായ ഇവര്‍ 2025 ബാച്ച് ഐ.എ.എസുകാരിയാണ്. ബിര്‍ള ഇന്‍സ്റ്റിറ്റ്യൂട്ട് ഓഫ് ടെക്‌നോളജി ആന്‍ഡ് സയന്‍സില്‍നിന്ന് ബാച്ച്‌ലര്‍ ഓഫ് എന്‍ജിനീയറിങ് പൂര്‍ത്തിയാക്കിയ മാളവിക ജി. നായര്‍ ഇന്‍കം ടാക്‌സ് ഡെപ്യൂട്ടി കമീഷണറായി സേവനമനുഷ്ടിച്ചിട്ടുണ്ട്.

മുപ്പൈനാട് കുടുംബാരോഗ്യകേന്ദ്രത്തിലെ ലബോറട്ടറിയിലേക്ക് ലാബ് ടെക്കിനീഷ്യന്‍, ക്ലീനിംഗ് സ്റ്റാഫ് തസ്തികയിലേക്ക് താത്കാലിക നിയമനം നടത്തുന്നു. ലാബ് ടെക്കിനിഷന്‍ തസ്തികയിലേക്ക് ബി എസ് സി എംഎല്‍റ്റി കോഴ്‌സുകള്‍/ഡിപ്ലോമ എംഎല്‍ടി പാസായിരിക്കണം. കേരള പാരാമെഡിക്കല്‍ കൗണ്‍സില്‍ രജിസ്‌ട്രേഷന്‍ വേണം. ക്ലീനിങ് സ്റ്റാഫിന് പത്താം ക്ലാസാണ് യോഗ്യത. മുപ്പൈനാട് പഞ്ചായത്തിലുള്ളവര്‍ക്ക് മുന്‍ഗണന. താത്പര്യമുള്ളവര്‍ ജൂണ്‍ എട്ടിന് രാവിലെ 11ന്  ഗ്രാമപഞ്ചായത്ത് ഹാളില്‍ അസല്‍ രേഖകള്‍ സഹിതം കൂടിക്കാ്‌ഴ്ച്ചക്കെത്തണം.

കോട്ടയം നഗരത്തിലെ ഗതാഗതകുരുക്കിന് ശാശ്വത പരിഹാരം തേടുന്നതിന്റെ ഭാഗമായി ഉദ്യോഗസ്ഥസമിതി ഇന്ന് (ജൂൺ 4, വ്യാഴം) എ.സി. റോഡിൽ വിവിധ കേന്ദ്രങ്ങളിൽ പരിശോധന നടത്തും. എം.സി റോഡിൽ ചിങ്ങവനം മുതൽ സംക്രാന്തി വരെയുള്ള ഇടങ്ങളിലെ നിലവിലെ ഗതാഗത സാഹചര്യം വിലയിരുത്താനായി ജില്ലാ കളക്ടറുടെ നേതൃത്വത്തിലുള്ള സംഘമാണ് രാവിലെ 10.30 മുതൽ പരിശോധന നടത്തുന്നത്.  കോട്ടയം നഗരത്തിലെ ഗതാഗതക്കുരുക്കിന് ശാശ്വത പരിഹാരം കാണുന്നതിന് നിയമസഭ സ്പീക്കർ തിരുവഞ്ചൂർ രാധാകൃഷ്ണന്റെ അധ്യക്ഷതയിൽ ജൂൺ ഒന്നിന് ചേർന്ന യോഗത്തിലാണ്  സമിതി രൂപീകരിക്കാൻ തിരുമാനമായത്.