2021-22 വർഷം, 2021 മാർച്ചിൽ എസ് എസ് എൽ സി / ടി എച്ച് എസ് എൽ സി സംസ്ഥാന സിലബസിൽ പഠിച്ചു എല്ലാ വിഷയങ്ങളിലും എപ്ലസ് നേടി ജില്ലാ മെറിറ്റ് സ്കോളർഷിപ്പിന് അർഹത നേടിയ www.dcesholarship.go

ആലപ്പുഴ ജില്ലയില്‍ വിദ്യാഭ്യാസ വകുപ്പില്‍ പാര്‍ട്ട് ടൈം ജൂനിയര്‍ ലാംഗ്വേജ് ടീച്ചര്‍ (ഹിന്ദി) (കാറ്റഗറി നമ്പര്‍. 082/2024) തസ്തികയുടെ മേയ്  28ാം  തീയതിയിലെ മാറ്റി വച്ച അഭിമുഖം ജൂലൈ എട്ടിന് (രാവിലെ 9.30 & ഉച്ചക്ക് 12)  കേരള പബ്ലിക് സര്‍വീസ് കമ്മീഷന്‍, ആലപ്പുഴ ജില്ലാ ഓഫീസില്‍ നടക്കും. മേയ് 28 ന്  ഹാജരാകേണ്ടിയിരുന്ന ഉദ്യോഗാര്‍ത്ഥികള്‍ ജൂലൈ എട്ടിന്   ഹാജരാകണം. ഉദ്യോഗാര്‍ഥികള്‍ക്കുള്ള അറിയിപ്പ്  പ്രൊഫൈലില്‍ നല്‍കിയിട്ടുണ്ട്. വ്യക്തിഗത മെമ്മോ അയയ്ക്കുന്നതല്ല.

കായംകുളം താലൂക്കാശുപത്രിയില്‍ സ്‌കാനിംഗ് വിഭാഗത്തിലേക്ക് റേഡിയോളജിസ്റ്റ് തസ്തികയിലേക്ക് കരാർ അടിസ്ഥാനത്തില്‍ നിയമനം നടത്തുന്നു. ജൂലൈ 10 രാവിലെ 10.30 ന്  വാക്ക് ഇന്‍ ഇന്റര്‍വ്യൂ നടക്കും. യോഗ്യരായ ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റ് സഹിതം രാവിലെ 10   മണിക്ക് ഹാജരാകണം. യോഗ്യത: എംബിബിഎസ്, റേഡിയോഡയഗ്‌നോസിസ് - എം.ഡി/ഡി.എന്‍.ബി/ഡിപ്ലോമ.  ഫോണ്‍: 0479-2447274.

(പിആർ/എഎൽപി/1896)

മത്സ്യഫെഡിന്റെ ഉടമസ്ഥതയിലുള്ള 2010 മോഡല്‍ ​ഐഷർ 10.95 ചരക്ക് വാഹനം ജൂലൈ 10 ന് ഉച്ചക്ക് മൂന്ന് മണിക്ക് ലേലം ചെയ്യുന്നതാണ്.  വിശദവിവരങ്ങള്‍ക്ക് ആലപ്പുഴ മത്സ്യഫെഡ് ഔട്ട് ബോര്‍ഡ് മോട്ടോര്‍ ഡിവിഷന്‍  ഓഫീസുമായി ബന്ധപ്പെടുക.  ഫോണ്‍: 9526041040, 9526041205.  വെബ്‌സൈറ്റ്: www.matsyafed.in.

(പിആർ/എഎൽപി/1895)

മുഹമ്മ സാമൂഹിക ആരോഗ്യകേന്ദ്രത്തിലെ പ്രൈമറി പാലിയേറ്റിവ് യൂണിറ്റിലെ ഹോം കെയര്‍ ടീമിന് ഭവനസന്ദര്‍ശനം നടത്തി കിടപ്പ് രോഗികള്‍ക്ക് പരിചരണം നല്‍കുന്നതിന് യാത്ര ചെയ്യാൻ വാഹനം നല്‍കുന്നതിന് ക്വട്ടേഷന്‍ ക്ഷണിച്ചു. അവസാന തീയതി ജൂലൈ 15 ഉച്ചക്ക് ഒരു മണി.  ഫോണ്‍: 0477 2965296.

(പിആർ/എഎൽപി/1894)

മാവേലിക്കര-ചെങ്ങന്നൂര്‍ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 16 (മടത്തുംപടി ഗേറ്റ്) ജൂലൈ രണ്ടിന് വൈകിട്ട് ആറുമണി മുതല്‍ ജൂലൈ മൂന്നിന് രാവിലെ ആറുമണി വരെ അറ്റകുറ്റപണികള്‍ക്കായി അടച്ചിടും.  വാഹനങ്ങള്‍ മറ്റു വഴി പോകണം.

(പിആർ/എഎൽപി/1893)

വനിത ശിശുവികസന വകുപ്പിനു കീഴില്‍ സാമ്പത്തികമായി പിന്നോക്കം നില്‍ക്കുന്ന വിധവകള്‍ക്ക്
സ്വയം തൊഴില്‍ ചെയ്യുന്നതിനുളള ധനസഹായ പദ്ധതിയായ സഹായ ഹസ്തം 2025-26 വര്‍ഷത്തേയ്ക്ക്
ഓൺലൈനായി  അപേക്ഷിക്കാം. സംരംഭം ഒറ്റയ്‌ക്കോ ഗ്രൂപ്പായോ നടത്താം. അപേക്ഷകള്‍ ഒക്ടോബര്‍ ഒന്നിന് മുമ്പായി സമര്‍പ്പിക്കണം.വെബ്‌സൈറ്റ് 
 www.schemes.wcd.kerala.gov.in. ഫോണ്‍: 0477 2960147.

(പിആർ/എഎൽപി/1892)

വനിത ശിശു വികസന വകുപ്പ് നടപ്പിലാക്കുന്ന അശരണരായ വിധവകള്‍ക്ക് അഭയവും
സംരക്ഷണവും നല്‍കുന്ന ''അഭയകിരണം'' പദ്ധതി 2025-26 ലേക്ക് ഓണ്‍ലൈനായി അപേക്ഷിക്കാം.

സ്വന്തമായി താമസിക്കുന്നതിന് ചുറ്റുപാടില്ലാതെ, ബന്ധുക്കളുടെ ആശ്രയത്തില്‍ കഴിയുന്ന
വിധവകളെ സംരക്ഷിക്കുന്നവര്‍ക്ക് പ്രതിമാസം 1000 രൂപ അനുവദിക്കുന്നതാണ് പദ്ധതി. വിവരങ്ങള്‍ക്ക് ബ്ലോക്ക്, നഗരസഭാ തലങ്ങളിൽ പ്രവര്‍ത്തിക്കുന്ന ശിശു വികസന പദ്ധതി ഓഫീസറുടെ കാര്യാലയങ്ങളുമായി ബന്ധപ്പെടുക. അപേക്ഷിക്കാൻ www.schemes.wcd.kerala.gov.in എന്ന വെബ്സൈറ്റ് സന്ദര്‍ശിക്കുക.

ആലപ്പുഴ ജനറല്‍ ആശുപത്രിയില്‍  അത്യാഹിത വിഭാഗത്തിൻ്റെ മുന്‍ഭാഗത്ത് കിഴക്കുവശത്തുള്ള ബ്രൂ കോഫി സ്റ്റാളും, ഒ.പി. ഹാളിന് മുന്നിലുള്ള നെസ്‌കഫേ സ്റ്റാളും 2025 ഓഗസ്റ്റ് ഒന്നു മുതല്‍ 2026 ജൂലൈ 31 വരെ നടത്തുന്നതിന്  ടെന്‍ഡര്‍ ക്ഷണിച്ചു.  അവസാന തീയതി ജൂലൈ 19 ഉച്ചക്ക് ഒരു മണി. ഫോണ്‍: 0477 2253324.

(പിആർ/എഎൽപി/1890)

ഫിഷറീസ് വകുപ്പ് 2025-26 സാമ്പത്തിക വര്‍ഷം നടപ്പിലാക്കുന്ന പദ്ധതികളിലേക്ക് അപേക്ഷ ക്ഷണിച്ചു. മത്സ്യബന്ധന ഉപകരണങ്ങള്‍ക്കുള്ള ഇന്‍ഷുറന്‍സ് പരിരക്ഷ പദ്ധതി, ഇന്‍സുലേറ്റഡ് ഫിഷ് ബോക്സ്, സ്‌ക്വയര്‍ മെഷ് കോഡ് എന്‍ഡ്, സീ സേഫ്റ്റി കിറ്റ് എന്നിവ വിതരണം ചെയ്യുന്ന പദ്ധതികളിലേക്കാണ് ഇപ്പോള്‍ അപേക്ഷിക്കാവുന്നത്. വിശദവിവരങ്ങള്‍ക്കും അപേക്ഷഫോമിനും അതത് മത്സ്യഭവനുമായി ബന്ധപ്പെടുക. ഫോണ്‍: 0477 2251103

(പിആർ/എഎൽപി/1889 )