2027 ലെ നീറ്റ്/ജെ.ഇ.ഇ പ്രവേശന പരീക്ഷാ പരിശീലനത്തിന് പട്ടികവര്‍ഗ്ഗ വികസന വകുപ്പ് അപേക്ഷ ക്ഷണിച്ചു. 2026 മാര്‍ച്ചിലെ പ്ലസ് ടു പരീക്ഷയില്‍ വിജയിച്ച പട്ടികവര്‍ഗ്ഗ വിദ്യാര്‍ത്ഥികള്‍ക്ക് അപേക്ഷിക്കാം. മാര്‍ക്കിന്റെ അടിസ്ഥാനത്തിലാണ് അര്‍ഹരായവരെ കണ്ടെത്തുന്നത്. താല്‍പര്യമുള്ള പട്ടികവര്‍ഗ്ഗ വിദ്യാര്‍ത്ഥികള്‍ പേര്, മേല്‍വിലാസം, ഫോണ്‍ നമ്പര്‍,  രക്ഷിതാവിന്റെ സമ്മതപത്രം, പ്ലസ് ടു സര്‍ട്ടിഫിക്കറ്റ്, ജാതി, വരുമാനം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പ് എന്നിവ സഹിതം ബന്ധപ്പെട്ട പ്രൊജക്റ്റ് ഓഫീസര്‍/ ട്രൈബല്‍ ഡെവലപ്മെന്റ് ഓഫീസര്‍മാര്‍ക്ക് ആഗസ്റ്റ് ഏഴിന് അഞ്ച് മണിക്ക് മുന്‍പ് അപേക്ഷ നല്‍കണം.

കോഴിക്കോട് പി.ആര്‍.ഡിയില്‍ ഫോട്ടോഗ്രാഫര്‍, വീഡിയോ സ്ട്രിംഗർ പാനലുകളിലേക്ക് അപേക്ഷിക്കാം

 ആലപ്പുഴ ജില്ലയിലും അയൽ ജില്ലകളായ പത്തനംതിട്ടയിലും കോട്ടയത്തുമുണ്ടായ കനത്തമഴയെയും നീരൊഴുക്കിനെയും തുടർന്നുള്ള പ്രളയസാധ്യതയെ പ്രതിരോധിക്കാനും വെള്ളം സുഗമമായി കടലിലേക്ക് ഒഴുക്കിപ്പോകാനും ആവശ്യമായ എല്ലാ അടിയന്തര നടപടികളും സ്വീകരിച്ചതായും ജില്ല പൂർണ്ണസജ്ജമാണെന്നും ജില്ലാ കളക്ടർ ഷാജി വി നായർ പറഞ്ഞു. കിഴക്കൻ മലവെള്ളം ഒഴുകിയെത്തി കടലിലേക്ക് പോകുന്ന പ്രധാനവഴിയായ തോട്ടപ്പള്ളി സ്പിൽവേയിലെ മുന്നൊരുക്കങ്ങൾ നേരിട്ടെത്തി പരിശോധിച്ച ശേഷം സംസാരിക്കുകയായിരുന്നു ജില്ലാ കളക്ടർ. 

എല്ലാ വിഭാഗവും ഉൾപ്പെടുന്ന സൂപ്പർ സ്പെഷ്യാലിറ്റി ഇൻസ്റ്റിറ്റ്യൂട്ട് ആയിട്ടായിരിക്കും ഹരിപ്പാട് മെഡിക്കൽ കോളേജ് യാഥാർത്ഥ്യം ആവുകയെന്ന് ആരോഗ്യവകുപ്പ് മന്ത്രി കെ മുരളീധരൻ പറഞ്ഞു. ആറുമാസത്തിനുള്ളിൽ തറക്കല്ലിട്ട് പണി ആരംഭിക്കുമെന്നും എത്രയും വേഗം പണി പൂർത്തിയാക്കുമെന്നും  മന്ത്രി പറഞ്ഞു. ഇതു സംബന്ധിച്ച് സ്ഥലം എംഎൽഎ കൂടിയായ മന്ത്രി രമേശ് ചെന്നിത്തലയുമായി യോഗം ചേർന്നതായി  അദ്ദേഹം പറഞ്ഞു. ഹരിപ്പാട് ആരംഭിക്കുന്ന മെഡിക്കൽ കോളേജിനായി ഏറ്റെടുത്ത സ്ഥലം സന്ദർശിച്ച ശേഷം സംസാരിക്കുകയായിരുന്നു ആരോഗ്യവകുപ്പ് മന്ത്രി.

മുതുകുളം ബ്ലോക്ക് ഓഫീസ്  കോമ്പൗണ്ടിൽ   പ്രവർത്തിക്കുന്ന മുതുകുളം ഐ.സി.ഡി.എസ്. പ്രോജക്‌ടിന്റെ ഔദ്യോഗിക ആവശ്യങ്ങൾക്ക് 2027 മെയ് 31 വരെ ഉപയോഗിക്കുന്നതിനായി കരാർ വാഹനം 18000/ രൂപ നിരക്കിൽ 'ഡ്രൈ ലീസ്' (ഡ്രൈവറില്ലാതെ വാഹനം മാത്രം) വ്യവസ്ഥയിൽ നൽകുവാൻ ദർഘാസുകൾ ക്ഷണിച്ചു. അവസാന തീയതി ആഗസ്റ്റ് 11 ഉച്ചയ്ക്ക് 2 മണി. ഫോൺ : 0479 2474400

കനത്ത മഴയും കാറ്റും തുടരുന്ന സാഹചര്യത്തിൽ ഇടുക്കി ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് (ഓഗസ്റ്റ് 3) തിങ്കളാഴ്ച
അവധി ആയിരിക്കുമെന്ന് ജില്ലാ കളക്ടർ അറിയിച്ചു. സ്കൂളുകൾ, മദ്രസകൾ, ട്രെയിനിങ് ഇൻസ്റ്റിറ്റ്യൂട്ടുകൾ, ട്യൂഷൻ സെന്ററുകൾ എന്നിവയ്ക്കും അവധി ബാധകമായിരിക്കും. മുഴുവൻ വിദ്യാർത്ഥികളും താമസിച്ചു പഠിക്കുന്ന റസിഡൻഷ്യൽ വിദ്യാഭ്യാസ സ്ഥാപനങ്ങൾക്ക് കോഴ്സുകൾക്ക് അവധി ബാധകമല്ല.

ആലപ്പുഴ ജില്ലയിലെ പ്രവാസികൾ നേരിടുന്ന പ്രശ്നങ്ങളുടെ സത്വര പരിഹാരത്തിനായി ജില്ലാ കളക്ടർ ചെയർമാനും തദ്ദേശസ്വയംഭരണ വകുപ്പ് ജോയിന്റ് ഡയറക്ടർ കൺവീനറുമായ ജില്ലാതല പ്രവാസി പരാതി പരിഹാര കമ്മിറ്റിയുടെ  യോഗം ആഗസ്റ്റ് 10-ന് രാവിലെ 10.30-ന് കളക്ടറേറ്റിലെ എ.ഡി.എമ്മിന്റെ ചേമ്പറിൽ നടത്തപ്പെടുന്നു. ആഗസ്റ്റ് അഞ്ച് വൈകുന്നേരം 4.00 മണിക്ക്  മുമ്പായി  ആലപ്പുഴ ജില്ലാ തദ്ദേശസ്വയംഭരണ വകുപ്പ് ജോയിന്റ് ഡയറക്ടറുടെ കാര്യാലയത്തിൽ രേഖാമൂലം നേരിട്ടോ jdlsgdalp@gmail.com എന്ന ഇ-മെയിൽ വിലാസത്തിലോ പ്രവാസികൾക്ക് പരാതികൾ നൽകാം. ഫോൺ:0477- 2251599

ജില്ലയിൽ അതിശക്തമായ മഴയും പ്രതികൂല കാലാവസ്ഥയും നിലനിൽക്കുന്ന സാഹചര്യത്തിൽ വെള്ളപ്പൊക്കെ സാധ്യത പരിഗണിച്ച് ദുരന്തനിവാരണ നിയമപ്രകാരം ഹൗസ്ബോട്ടുകൾ, ശിക്കാരവള്ളങ്ങൾ, ചെറുവള്ളങ്ങൾ, കനോയിങ്, കയാക്കിംഗ്, സ്പീഡ് ബോട്ടുകൾ എന്നിവയുടെ സർവീസും സഞ്ചാരവും ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ താൽക്കാലികമായി നിരോധിച്ച് ഉത്തരവിട്ടു. നിയന്ത്രണം കർശനമായി പാലിക്കുന്നുണ്ടെന്ന് ഉറപ്പുവരുത്താനും നിയന്ത്രണം ലംഘിച്ച് സർവീസ് നടത്തുകയും സഞ്ചരിക്കുകയും ചെയ്യുന്നവർക്കെതിരെ കർശന നടപടി സ്വീകരിക്കാനും ജില്ലാ പോർട്ട് ഓഫീസറെ ജില്ലാ കളക്ടർ ചുമതലപ്പെടുത്തി.

ഇടുക്കി ജില്ലയിലെ മലയോര മേഖലയില്‍ ശക്തമായ മഴ തുടരുന്ന സാഹചര്യത്തില്‍ ദേശീയ പാത 85 ല്‍ നേര്യമംഗലം മുതല്‍ അടിമാലി വരെ ഗതാഗതം പൂര്‍ണമായും നിരോധിച്ചതായി ദുരന്ത നിവാരണ വിഭാഗം അറിയിച്ചു. ഈ ഭാഗത്ത് മണ്ണിടിച്ചിലുണ്ടാകാനുള്ള സാധ്യത കണക്കിലെടുത്താണിത്. ഇതു സംബന്ധിച്ച് പോലീസിന് അടിയന്തര നിര്‍ദേശം നല്‍കിയിട്ടുണ്ട്. പൊതുജനങ്ങള്‍ ഈ ഭാഗത്തു കൂടിയുള്ള യാത്ര ഒഴിവാക്കണം.

ജില്ലയിൽ  വിനോദസഞ്ചാര പ്രവര്‍ത്തനങ്ങൾ നിരോധിച്ചുകൊണ്ട് ശനിയാഴ്ച തന്നെ ജില്ലാ കളക്ടർ ഉത്തരവിട്ടിരുന്നു.  ഇനിയൊരു ഉത്തരവ് ഉണ്ടാകുന്നതു വരെ നിരോധനം തുടരുമെന്ന് ജില്ലാ കളക്ടർ അറിയിച്ചു.
 

 ദേശീയ ദുരന്ത നിവാരണ അതോറിറ്റി (എൻഡിഎംഎ) ഏർപ്പെടുത്തിയിട്ടുള്ള സുഭാഷ് ചന്ദ്രബോസ് ആപദാ പ്രബന്ധൻ പുരസ്കാർ 2027- ലേക്ക് ദുരന്ത നിവാരണ മേഖലയിലെ ശ്രദ്ധേയമായ സംഭാവനകൾ നൽകിയിട്ടുള്ള വ്യക്തികളിൽ നിന്നും സ്ഥാപനങ്ങളിൽ നിന്നും നാമനിർദ്ദേശങ്ങൾ ക്ഷണിച്ചു.  ജീവൻ രക്ഷാപ്രവർത്തനം, ദുരന്ത പ്രതികരണം, ദുരന്ത മുന്നൊരുക്കം, ദുരന്തസാധ്യത ലഘൂകരണം (ഡിസാസ്റ്റർ റിസ്ക് റിഡക്ഷൻ) തുടങ്ങിയ മേഖലകളിൽ മികച്ച സംഭാവനകൾ നൽകിയിട്ടുള്ള ആപദാ മിത്ര വോളണ്ടിയർമാരെയും അർഹരായ വ്യക്തികളെയും സ്ഥാപനങ്ങളെയും പ്രസ്തുത പുരസ്കാരത്തിനായി നാമനിർദ്ദേശം ചെയ്യാവുന്നതാണ്.