*

 മണലൂർ ഗവ. ഐ.ടി.ഐയിൽ ഡ്രാഫ്റ്റ്‌സ്മാൻ സിവിൽ ട്രേഡിൽ പെൺകുട്ടികൾക്കായി സംവരണം ചെയ്തിട്ടുള്ള ഒരു ഒഴിവിലേക്ക് സ്‌പോട്ട് അഡ്മിഷൻ നടത്തുന്നു. താത്പര്യമുള്ള വിദ്യാർത്ഥിനികൾ ഓഗസ്റ്റ് ഒന്നിന് രാവിലെ 11-ന് അസൽ സർട്ടിഫിക്കറ്റുകൾ, ട്രാൻസ്ഫർ സർട്ടിഫിക്കറ്റ് , ആവശ്യമായ ഫീസ് എന്നിവ സഹിതം രക്ഷിതാവിനോടൊപ്പം ഐ.ടി.ഐ ഓഫീസിൽ നേരിട്ട് ഹാജരാകണം. ഫോൺ- 0487-2620066.

ജില്ലയില്‍ അതിഥി തൊഴിലാളികള്‍ക്കിടയില്‍ മലേറിയ കേസുകള്‍ റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ അടിയന്തര ജാഗ്രത പുലര്‍ത്തണമെന്ന് ആരോഗ്യ വകുപ്പ് അറിയിച്ചു. ഈ വര്‍ഷം ഇതുവരെ 303 പേര്‍ക്ക് മലേറിയ സ്ഥിരീകരിച്ചു. ഇതര സംസ്ഥാനങ്ങളില്‍ നിന്ന് ജോലിക്കായി എത്തുന്ന തൊഴിലാളികളില്‍ രോഗം കൂടുതലായി റിപ്പോര്‍ട്ട് ചെയ്യുന്നതിനാല്‍ ജില്ലയില്‍ പുതുതായി എത്തുന്ന എല്ലാ അതിഥി തൊഴിലാളികളെയും ജില്ലയില്‍ എത്തി 3 ദിവസത്തിനുള്ളില്‍ സ്‌ക്രീനിംഗ് ചെയ്തു എന്ന് ഏജന്റുമാരും തൊഴിലുടമകളും ഉറപ്പുവരുത്തണം.

ഓണത്തോടനുബന്ധിച്ച്  വ്യാജമദ്യത്തിന്റെയും അനധികൃത മദ്യത്തിന്റെയും മയക്കുമരുന്നുകളുടെയും കള്ളക്കടത്തും വിപണനവും സംഭരണവും തടയുന്നതിന് എക്സൈസ് വകുപ്പിന്റെ തീവ്രയജ്ഞ പരിശോധനകൾ ആഗസ്ത് ഒന്നിന് രാവിലെ 6 മണി മുതൽ 31 ന് രാത്രി 12 മണി വരെ നടത്തും.

ഇന്‍ഫര്‍മേഷന്‍ & പബ്ലിക് റിലേഷന്‍സ് വകുപ്പിനായി ഫോട്ടോ കവറേജ് നടത്തുന്നതിന് തൃശ്ശൂര്‍ ജില്ലാ ഇന്‍ഫര്‍മേഷന്‍ ഓഫീസിലേക്ക് കരാര്‍ ഫോട്ടോഗ്രാഫര്‍മാരുടെ പാനല്‍ തയ്യാറാക്കുന്നു. അപേക്ഷകര്‍ക്ക് ഡിജിറ്റല്‍ എസ്.എല്‍.ആര്‍/മിറര്‍ലെസ് ക്യാമറകള്‍ ഉപയോഗിച്ച് ഹൈ റസലൂഷന്‍ ചിത്രങ്ങള്‍ എടുക്കാന്‍ കഴിയണം. ജില്ലയില്‍ സ്ഥിരതാമസക്കാരായിരിക്കണം.

പൂങ്കുന്നത്തുള്ള ഭാവഗായകന്‍ പി. ജയചന്ദ്രന്റെ വസതി സാംസ്‌കാരിക വകുപ്പ് മന്ത്രി പി.സി. വിഷ്ണുനാഥ് സന്ദര്‍ശിച്ചു. പ്രശസ്ത ഗായകന്‍ പി. ജയചന്ദ്രന്റെ സംഗീത സംഭാവനകളെ ജനങ്ങള്‍ എക്കാലവും ഓര്‍ക്കുന്ന രീതിയിലുള്ള സ്മാരകം തൃശ്ശൂരില്‍ സ്ഥാപിക്കുമെന്ന് മന്ത്രി പ്രഖ്യാപിച്ചു. തൃശ്ശൂര്‍ കോര്‍പ്പറേഷനുമായി സഹകരിച്ചാകും പദ്ധതി നടപ്പിലാക്കുക. ഇതിനാവശ്യമായ തുക ഇത്തവണത്തെ ബജറ്റില്‍ തന്നെ വകയിരുത്തുമെന്നും മന്ത്രി അറിയിച്ചു.

കേരള ലളിതകലാ അക്കാദമിയുടെ പ്രവര്‍ത്തനങ്ങള്‍ക്ക് സര്‍ക്കാര്‍ പിന്തുണ നല്‍കുമെന്ന് മന്ത്രി പറഞ്ഞു. ആര്‍ട്ട് ഗാലറികളും മ്യൂസിയവും കൂടുതല്‍ ജനകീയവും ആകര്‍ഷകവുമാക്കണം. അക്കാദമിയുടെ ഭാഗത്തുനിന്ന് തനത് വരുമാനം വര്‍ദ്ധിപ്പിക്കാനുള്ള ശ്രമങ്ങളുണ്ടാകണമെന്നും അദ്ദേഹം നിര്‍ദ്ദേശിച്ചു. ലളിതകലാ അക്കാദമി സെക്രട്ടറി ഇന്‍ ചാര്‍ജ് സബിതാഭായ് എ.എസ്, എക്‌സിബിഷന്‍ ഓഫീസര്‍ ബാബുമോന്‍ കെ.കെ, മാനേജര്‍ ഇന്‍ ചാര്‍ജ് ബിന്ദുമോള്‍ കെ.എസ് തുടങ്ങിയവര്‍ പങ്കെടുത്തു.

ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് ഇടുക്കി ജില്ലാ ഇന്‍ഫര്‍മേഷന്‍ ഓഫീസില്‍ ഫോട്ടോഗ്രാഫര്‍മാരുടെയും വീഡിയോഗ്രാഫര്‍മാരുടെയും പാനല്‍ രൂപീകരിക്കുന്നതിന് അപേക്ഷ ക്ഷണിച്ചു. ഒരു വര്‍ഷത്തേക്ക് കരാര്‍ വ്യവസ്ഥയിലാണ് സേവനം. അപേക്ഷകര്‍ ഇടുക്കി ജില്ലയിലെ സ്ഥിരതാമസക്കാരായിരിക്കണം. അപേക്ഷകര്‍ പോലീസ് ക്ലിയറന്‍സ് സര്‍ട്ടിഫിക്കറ്റ് ഹാജരാക്കണം.  

കേരള സംഗീത നാടക അക്കാദമി സന്ദര്‍ശനത്തിന്റെ ഭാഗമായി മുരളി തിയേറ്ററില്‍ എത്തിയ മന്ത്രി, പരിശീലനം പുരോഗമിച്ചുകൊണ്ടിരിക്കുന്ന ദീപന്‍ശിവരാമന്റെ സ്പെനല്‍കോഡ് എന്ന നാടകത്തിന്റെ അണിയറപ്രവര്‍ത്തകരുമായി സംവദിച്ചു. കെ.ടി.മുഹമ്മദ് തിയേറ്ററും സന്ദര്‍ശിച്ച മന്ത്രി,തിയേറ്ററില്‍ നടക്കുന്ന ഭരതന്‍ സ്മൃതിയുടെ ഭാഗമായുള്ള ഗാനമേളയുടെ പരിശീലനവും വീക്ഷിച്ചു. കലാകാരന്മാര്‍ക്കൊപ്പം ' ഹൃദയരേഖ പോലെ ഞാന്‍' എന്ന ഒരിഷ്ടഗാനത്തിലെ വരികള്‍ പാടിയാണ് മടങ്ങിയത്. തുടര്‍ന്ന് നാട്യഗ്രഹവും അക്കാദമി പുസ്തകശാലയും ലൈബ്രറിയും മന്ത്രി സന്ദര്‍ശിച്ചു. മന്ത്രിയോടൊപ്പം രാജന്‍  ജെ പല്ലന്‍ എം.എല്‍.എയും ഉണ്ടായിരുന്നു.