കനത്ത മഴയില്‍ വന്‍ തോതില്‍ നാശനഷ്ടങ്ങളുണ്ടായ ഈരാറ്റുപേട്ട, പൂഞ്ഞാര്‍ മേഖലകളില്‍ അടിയന്തര ദുരന്തനിവാരണ നടപടികള്‍ സ്വീകരിക്കാന്‍ ജില്ലയുടെ ചുമതലയുള്ള ജലവിഭവ- ഭവന നിർമാണ വകുപ്പ് മന്ത്രി മോൻസ് ജോസഫിന്‍റെ അധ്യക്ഷതയില്‍ ഈരാറ്റുപേട്ടയില്‍ ചേര്‍ന്ന യോഗം തീരുമാനിച്ചു. ജനപ്രതിനിധികളും ഉദ്യോഗസ്ഥരും രാഷ്ട്രീയ പാര്‍ട്ടികളുടെയും വ്യാപാരികളുടെയും പ്രതിനിധികളും പങ്കെടുത്ത യോഗത്തില്‍ നിലവിലെ സ്ഥിതിഗതികള്‍ വിലയിരുത്തുകയും തുടര്

പ്രതിഭാ ജംഗ്ഷനിൽ പ്രവർത്തിച്ചുകൊണ്ടിരിക്കുന്ന കടപ്പാക്കട കെഎസ്ഇബി ഓഫീസ് ശങ്കേഴ്സിന് സമീപമുള്ള ആഞ്ഞിലി റോഡിൽ കൈലാസ് ഡെന്റൽ ക്ലിനിക്കിന് എതിർ ദിശയിൽ ഉള്ള കെട്ടിടത്തിലേക്ക്(ഡോർ നമ്പർ :- 738) മാറിയെന്നും ഓഗസ്റ്റ് മൂന്ന് മുതൽ

പ്രവർത്തനം ആരംഭിക്കുമെന്നും കെഎസ്ഇബി ഇലക്ട്രിക്കൽ സെക്ഷൻ അസിസ്റ്റന്റ് എൻജിനിയർ അറിയിച്ചു. ഫോൺ: 0474 2742486.

കേരള ഷോപ്പ്സ് ആന്റ് കൊമേർഷ്യൽ എസ്റ്റാബ്ലിഷ്മെന്റ് തൊഴിലാളി ക്ഷേമനിധി ബോർഡിൽ നിന്നും 2025 ഡിസംബർ 31 വരെ പെൻഷൻ അനുവദിക്കപ്പെട്ട മുഴുവൻ ഗുണഭോക്താക്കളും സെപ്റ്റംബർ 30 നകം അക്ഷയ സെന്റർ വഴി ബയോമെട്രിക് മസ്റ്ററിങ് നടത്തണം. വിവരങ്ങൾക്ക് കൊല്ലം ആനന്ദവല്ലീശ്വരത്തുള്ള ജില്ലാ ആഫീസുമായി ബന്ധപ്പെടുക. ഫോൺ: 0474-2792248.  

പാരിപ്പള്ളി സർക്കാർ മെഡിക്കൽ കോളജിൽ സ്റ്റാഫ് നേഴ്സ് ട്രെയിനി തസ്തികയിലേക്ക് അപേക്ഷിക്കാം. നിയമന കാലാവധി: 6 മാസം. വിദ്യാഭ്യാസ യോഗ്യത, കൗൺസിൽ രജിസ്‌ട്രേഷൻ എന്നിവയുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതമുള്ള അപേക്ഷ ഓഗസ്റ്റ് 14 വൈകിട്ട് അഞ്ചിനകം ഓഫീസിൽ നൽകണം. ഇന്റർവ്യൂ തിയതി www.gmckollam.edu.in ൽ പ്രസിദ്ധീകരിക്കും. ഫോൺ: 0474 2575050.

പുനലൂർ താലൂക്ക് ആശുപത്രിയിൽ സോഷ്യൽ വർക്കർ, ആംബുലൻസ് ഡ്രൈവർ, അഡോളസെന്റ് കൗൺസിലർ, സ്റ്റാഫ് നേഴ്സ് എന്നീ തസ്തികകളിലേക്ക് താൽകാലിക നിയമനത്തിന് അപേക്ഷിക്കാം. പ്രായപരിധി: 40 വയസ്. പ്രായവും യോഗ്യതയും തെളിയിക്കുന്ന സർട്ടിഫിക്കറ്റുകളുടെ അസ്സൽ പകർപ്പും അപേക്ഷയും ബയോഡേറ്റയും അഡ്മിനിസ്‌ട്രേറ്റീവ് ഓഫീസിൽ ഓഗസ്റ്റ് 7 വൈകിട്ട് മൂന്നിനകം നൽകണം. കൂടുതൽ വിവിരങ്ങൾക്ക്: 0475 2228702.  

ചാത്തന്നൂർ സർക്കാർ ഐ ടി ഐയിൽ സംവരണ സീറ്റുകളിലേക്ക് പട്ടികവർഗ വിഭാഗം വിദ്യാർത്ഥികൾക്ക് പ്രവേശനം നേടാം. അസ്സൽ സർട്ടിഫിക്കറ്റുകളും പകർപ്പുകളും സഹിതം ഓഗസ്റ്റ് മൂന്നിന് ഓഫീസിൽ ഹാജരാകണം. ഫോൺ: 0474 2594579. 

തിരുവനന്തപുരം, വെള്ളനാട് ജി. കാർത്തികേയൻ സ്മാരക വൊക്കേഷണൽ ആൻഡ് ഹയർ സെക്കൻഡറി സ്‌കൂളിൽ എച്ച്.എസ്.എസ്.ടി (ജൂനിയർ) റഷ്യൻ തസ്തികയിലേയ്ക്ക് താത്കാലിക അധ്യാപക നിയമനത്തിനുള്ള അഭിമുഖം ആഗസ്റ്റ് 14 രാവിലെ 11.30 ന് നടക്കും. അസൽ സർട്ടിഫിക്കറ്റുകളുമായി സ്‌കൂൾ ഓഫീസിൽ എത്തണം. കൂടുതൽ വിവരങ്ങൾക്ക്: 0472 2882032. (പി.ആര്‍.കെ നമ്പര്‍ 2415/2026)

സംസ്ഥാനത്താകമാനം കനത്ത മഴ നിലനിൽക്കുന്ന സാഹചര്യത്തിൽ പട്ടികജാതി വികസന വകുപ്പ് ഇന്ന് (ഓഗസ്റ്റ് 2) നടത്താനിരുന്ന ശ്രീ. അയ്യങ്കാളി മെമ്മോറിയൽ ടാലന്റ് സെർച്ച് & ഡെവലപ്‌മെൻ്റ് സ്കോളർഷിപ്പ് പരീക്ഷ മാറ്റിവെച്ചതായി അസിസ്റ്റന്റ് ജില്ലാ പട്ടികജാതി വികസന ഓഫീസർ അറിയിച്ചു.  

കൊല്ലം ചെങ്കോട്ട ദേശീയപാതയിൽ കടമ്പാട്ടുകോണം-ഇടമൺ മേഖലയിലെ വെള്ളക്കെട്ടിന്റെ പ്രശ്നം പരിഹരിക്കാൻ നടപടി സ്വീകരിക്കുമെന്ന് ജില്ലാ കലക്ടർ ആനി ജൂല തോമസ്. ജില്ലയിലെ ദേശീയപാത നിർമാണം വിലയിരുത്താൻ ചേംബറിൽ ചേർന്ന യോഗത്തിൽ അധ്യക്ഷത വഹിക്കവെ കടമ്പാട്ടുകോണം-ഇടമൺ തുടർ നിർമാണ പ്രവർത്തികൾക്ക് നടപടികൾ സ്വീകരിക്കുമെന്നും അറിയിച്ചു.