അസാപ് കേരളയുടെ തവനൂര്‍ കമ്മ്യൂണിറ്റി സ്‌കില്‍ പാര്‍ക്കില്‍ ജൂണ്‍ ആറിന് സൗജന്യ തൊഴില്‍ മേള സംഘടിപ്പിക്കുന്നു. പത്താം ക്ലാസ്, പ്ലസ് ടു, ഐ.ടി.ഐ, ഡിപ്ലോമ, ഡിഗ്രി യോഗ്യതയുള്ളവര്‍ക്ക് പങ്കെടുക്കാം. തൊഴില്‍ മേളയുടെ ഭാഗമായി പത്താം ക്ലാസ്/ ഐ.ടി.ഐ കഴിഞ്ഞവര്‍ക്കായി മൂന്ന് വര്‍ഷത്തെ വര്‍ക്ക് ഇന്റഗ്രേറ്റഡ് ഡിപ്ലോമ പ്രോഗ്രാമിലേക്കും തെരഞ്ഞെടുപ്പ് നടക്കും. മാസം 15,500 രൂപ വരെ സ്‌റ്റൈപന്‍ഡ്, താമസ സൗകര്യം, ഭക്ഷണം, പരിശീലനം എന്നിവ ലഭിക്കും. താല്‍പര്യമുള്ളവര്‍ ജൂണ്‍ ആറിന് രാവിലെ 9.30-ന് ബയോഡാറ്റയും സര്‍ട്ടിഫിക്കറ്റുകളും സഹിതം തവനൂര്‍ അസാപ് കേരള കമ്മ്യൂണിറ്റി സ്‌കില്‍ പാര്‍ക്കില്‍ എത്തിച്ചേരണം.

മലമ്പുഴ മേഖലാ കോഴി വളര്‍ത്തല്‍ കേന്ദ്രത്തില്‍ നിന്നും ഒരു ദിവസം പ്രായമുള്ള ഗ്രാമശ്രീ ഇനത്തില്‍പ്പെട്ട മുട്ടക്കോഴികുഞ്ഞുങ്ങള്‍ 25 രൂപ നിരക്കില്‍ ജൂണ്‍ അഞ്ച്, ആറ് തിയതികളില്‍ ലഭിക്കും. ബുക്കിങ്ങിന് ഫോണ്‍: 04912971383.

ജില്ലയിലെ കര്‍ഷക കൂട്ടായ്മകള്‍ രാജ്യാന്തര വിപണിയിലേക്ക്

കേരള സ്റ്റേറ്റ് റൂട്രോണിക്‌സിന്റെ സര്‍ട്ടിഫിക്കറ്റോടുകൂടിയ ലോജിസ്റ്റിക്‌സ് ആന്റ് സപ്ലൈ ചെയിന്‍ മാനേജ്‌മെന്റ് കോഴ്സിലേക്ക് അപേക്ഷ ക്ഷണിച്ചു. തിരുവനന്തപുരം, ആറ്റിങ്ങല്‍ അംഗീകൃത പഠന കേന്ദ്രങ്ങളിലാണ് കോഴ്സുകള്‍ നടക്കുന്നത്. ഒരു വര്‍ഷം, ആറ് മാസം, മൂന്ന് മാസം എന്നിങ്ങനെ വിവിധ ദൈര്‍ഘ്യമുള്ള കോഴ്സുകളിലേക്ക് എസ്.എസ്.എല്‍.സി, പ്ലസ് ടു, ഡിഗ്രി യോഗ്യതയുള്ളവര്‍ക്ക് അപേക്ഷിക്കാം. റഗുലര്‍, പാര്‍ട്ട് ടൈം ബാച്ചുകള്‍ ലഭ്യമാണ്. ഫോണ്‍: 7994926081.
 

തൃപ്രയാര്‍ - കാഞ്ഞാണി - ചാവക്കാട് റോഡില്‍ ദേവസ്ഥാനം അമ്പലത്തിന് സമീപം ജൂണ്‍ എട്ട് മുതല്‍ ഗതാഗത നിയന്ത്രണം ഏര്‍പ്പെടുത്തുമെന്ന് പൊതുമരാമത്ത് വകുപ്പ് അസിസ്റ്റന്റ് എഞ്ചിനീയര്‍ അറിയിച്ചു. റോഡില്‍ കി.മീ 1/00 ദേവസ്ഥാനം ക്ഷേത്രത്തിന് സമീപം കല്‍വെര്‍ട്ട് നിര്‍മ്മാണം ആരംഭിക്കുന്നതിനാലാണ് നിയന്ത്രണം.

ലോക പരിസ്ഥിതി ദിനാചരണത്തോടനുബന്ധിച്ച് സഹകരണ വകുപ്പ് നടപ്പിലാക്കുന്ന വൃക്ഷത്തൈ നടല്‍ 'തണല്‍' പദ്ധതിയുടെ സംസ്ഥാനതല ഉദ്ഘാടനം ഇന്ന് (ജൂണ്‍ 5) രാവിലെ ഒന്‍പതിന് വിയ്യൂര്‍ സഹകരണ ബാങ്ക് പരിസരത്ത് സഹകരണ, എക്‌സൈസ് വകുപ്പ് മന്ത്രി എം. ലിജു നിര്‍വ്വഹിക്കും. എം.എല്‍.എ രാജന്‍ ജെ. പല്ലന്‍ അധ്യക്ഷത വഹിക്കും. തൃശ്ശൂര്‍ കോര്‍പ്പറേഷന്‍ മേയര്‍ ഡോ. നിജി ജസ്റ്റിന്‍ മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് മേരി തോമസ്, ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.

തൃശ്ശൂര്‍ ജില്ലയിലെ മൃഗസംരക്ഷണ വകുപ്പിന് കീഴിലുള്ള വിവിധ ബ്ലോക്കുകളില്‍ മൊബൈല്‍ വെറ്ററിനറി യൂണിറ്റുകള്‍ (വൈകീട്ട് നാല് മുതല്‍ രാത്രി 12 വരെ), രാത്രികാല അത്യാഹിത മൃഗചികിത്സാ സേവനം (വൈകീട്ട് ആറ് മുതല്‍ രാവിലെ ആറ് വരെ), മൊബൈല്‍ സര്‍ജറി യൂണിറ്റ് (രാവിലെ പത്ത് മുതല്‍ വൈകീട്ട് അഞ്ച് വരെ) എന്നിവയിലേക്ക് ഡ്രൈവര്‍ കം അറ്റന്റന്റുമാരെ താല്‍കാലികമായി കരാര്‍ അടിസ്ഥാനത്തില്‍ നിയമിക്കുന്നു. പരമാവധി 89 ദിവസത്തേക്കായിരിക്കും നിയമനം. എസ്.എസ്.എല്‍.സി യോഗ്യതയും ലൈറ്റ് മോട്ടോര്‍ വെഹിക്കിള്‍ ഡ്രൈവിംഗ് ലൈസന്‍സും ഉള്ളവര്‍ക്ക് അപേക്ഷിക്കാം.