നിയമസഭാ തിരഞ്ഞെടുപ്പിന്റെ ഭാഗമായി കോഴിക്കോട് ടൗണിലെ വിവിധ പ്രിന്റിങ് സ്ഥാപനങ്ങളില്‍ പ്രത്യേക സ്‌ക്വാഡ് നടത്തിയ പരിശോധനയില്‍ 1000 കിലോ നിരോധിത പ്രിന്റിങ് സാമഗ്രികള്‍ പിടിച്ചെടുത്തു. രാഷ്ട്രീയ പാര്‍ട്ടികളുടെയും സ്ഥാനാര്‍ഥികളുടെയും പ്രചാരണ പ്രവര്‍ത്തനങ്ങള്‍ക്ക് നിരോധിത വസ്തുക്കള്‍ വ്യാപകമായി ഉപയോഗിക്കുന്നുവെന്ന വിവരത്തിന്റെ അടിസ്ഥാനത്തിലായിരുന്നു പരിശോധന.  

നിയമസഭാ തിരഞ്ഞെടുപ്പില്‍ വോട്ട് ചെയ്യുന്നതിനും ഹരിതചട്ടം പാലിക്കുന്നതിനും പൊതുജനങ്ങളിലും വിദ്യാര്‍ഥികളിലും അവബോധമുണ്ടാക്കുന്നതിന്റെ ഭാഗമായി ജില്ലാ ശുചിത്വ മിഷന്‍, 'സ്വീപ്' എന്നിവ ചേര്‍ന്നൊരുക്കിയ 'ഹരിത മായാജാലം' മാജിക് ഷോ ജില്ലയില്‍ പര്യടനം ആരംഭിച്ചു. മജീഷ്യന്‍ രാജീവ് മേമുണ്ടയുടെ നേതൃത്വത്തിലാണ് വിവിധ കോളേജുകളിലും പൊതുസ്ഥലങ്ങളിലും മാജിക് ഷോ അവതരിപ്പിക്കുന്നത്. 

ജില്ലയില്‍ നിയമസഭ തിരഞ്ഞെടുപ്പ് പോളിങ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥര്‍ക്ക് മാര്‍ച്ച് 24 മുതല്‍ 29 വരെ പോസ്റ്റല്‍ ബാലറ്റിന് അപേക്ഷ നല്‍കാമെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്‌നേഹില്‍കുമാര്‍ സിങ് അറിയിച്ചു. തെരഞ്ഞെടുപ്പ് ഡ്യൂട്ടിയുള്ള ഉദ്യോഗസ്ഥരുടെ പരിശീലനത്തിനായി നിശ്ചയിക്കപ്പെട്ട വിവിധ കേന്ദ്രങ്ങളില്‍ സജ്ജമാക്കിയ കലക്ഷന്‍ സെന്ററുകളില്‍ രാവിലെ 10 മുതല്‍ വൈകീട്ട് അഞ്ച് വരെ ഫോം 12 മുഖേന അപേക്ഷ സമര്‍പ്പിക്കാം. നിലവില്‍ പരിശീലനമില്ലാത്ത രണ്ടാം പോളിങ് ഓഫീസര്‍, മൂന്നാം പോളിങ് ഓഫീസര്‍ എന്നിവര്‍ക്കും പരിശീലന കേന്ദ്രത്തില്‍ ഫോം 12 ല്‍ അപേക്ഷ നല്‍കാം.

കോഴിക്കോട് നോര്‍ത്ത് മണ്ഡലത്തില്‍ തോട്ടത്തില്‍ രവീന്ദ്രന്‍ (സിപിഎം) രണ്ട് സെറ്റും ജയശ്രീ (സിപിഎം), അല്‍ഫോന്‍സാ മാത്യു (ആം ആദ്മി പാര്‍ട്ടി), ദാസന്‍ (ബഹുജന്‍ സമാജ് പാര്‍ട്ടി), സി ശ്രീജ (ബിജെപി) എന്നിവര്‍ ഓരോ സെറ്റ് പത്രികയും സമര്‍പ്പിച്ചു. സ്വതന്ത്ര സ്ഥാനാര്‍ഥികളായ എസ് ജയന്ത് രണ്ട് സെറ്റും രവീന്ദ്രന്‍, രവീന്ദ്രനാഥന്‍ നായര്‍, രവീന്ദ്രന്‍, ജയന്ത് കുമാര്‍ എന്നിവര്‍ ഒരോ സെറ്റ് പത്രികകളും സമര്‍പ്പിച്ചു. 
തോട്ടത്തില്‍ രവീന്ദ്രന്‍ (സി.പി.എം), നവ്യാ ഹരിദാസ് (എന്‍.ഡി.എ) അഡ്വ. കെ ജയന്ത് (ഐ.എന്‍.സി) സജീന (സോഷ്യലിസ്റ്റ് പാര്‍ട്ടി) എന്നിവര്‍ കഴിഞ്ഞ ദിവസം പത്രികകള്‍ സമര്‍പ്പിച്ചിരുന്നു. 

തിരഞ്ഞെടുപ്പ് പ്രചാരണങ്ങളിലും തിരഞ്ഞെടുപ്പ് സംബന്ധമായ മറ്റു പ്രവര്‍ത്തനങ്ങളിലും കുട്ടികളെ ഉപയോഗിക്കാന്‍ പാടില്ലെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്നേഹില്‍ കുമാര്‍ സിങ് അറിയിച്ചു. ഇക്കാര്യത്തില്‍ തിരഞ്ഞെടുപ്പ് കമീഷന്റെ വ്യക്തമായ നിര്‍ദേശങ്ങളുണ്ട്. റാലികള്‍, മുദ്രാവാക്യം വിളികള്‍, പോസ്റ്റര്‍-ലഘുലേഖ വിതരണം, തിരഞ്ഞെടുപ്പ് യോഗങ്ങള്‍ തുടങ്ങിയ പ്രവര്‍ത്തനങ്ങളില്‍ കുട്ടികളെ പങ്കെടുപ്പിക്കാന്‍ പാടില്ല. പ്രചാരണത്തിനിടെ കുട്ടികളെ കൈകളില്‍ എടുക്കുന്നതും വാഹനത്തിലോ റാലിയിലോ പങ്കെടുപ്പിക്കുന്നതും അനുവദനീയമല്ല.

ആകെ സമര്‍പ്പിച്ചത് 223 പത്രികകള്‍

ഇന്ന് സൂക്ഷ്മ പരിശോധന

നിയമസഭാ തിരഞ്ഞെടുപ്പിനുള്ള നാമനിര്‍ദേശ പത്രിക സമര്‍പ്പണത്തിനുള്ള സമയം അവസാനിച്ചപ്പോള്‍ ജില്ലയില്‍ ആകെ പത്രിക സമര്‍പ്പിച്ചത് 141 പേര്‍. ഇന്നലെ (മാർച്ച് 23) 102 പേര്‍ കൂടി പത്രിക സമര്‍പ്പിച്ചതോടെയാണിത്. 13 നിയമസഭാ മണ്ഡലങ്ങളിലായി ആകെ 223 പത്രികകളാണ് സമര്‍പ്പിക്കപ്പെട്ടത്. 

നിയമസഭാ തിരഞ്ഞെടുപ്പുമായി ബന്ധപ്പെട്ട് ചാത്തമംഗലം വെയര്‍ ഹൗസില്‍ സൂക്ഷിച്ച വോട്ടിങ് മെഷീനുകളുടെ ആദ്യഘട്ട സ്‌കാനിങ് പൂര്‍ത്തിയായി. ഫസ്റ്റ് ലെവല്‍ ചെക്കിങ് പൂര്‍ത്തിയാക്കി സ്റ്റോര്‍ റൂമില്‍ സൂക്ഷിച്ച മെഷീനുകളാണ് മണ്ഡല അടിസ്ഥാനത്തില്‍ വേര്‍തിരിച്ച് സ്‌കാനിങ് നടത്തുന്നത്. ഒരോ മണ്ഡലത്തിലെയും ബന്ധപ്പെട്ട ഉദ്യോഗസ്ഥര്‍ മെഷീനുകള്‍ ഏറ്റുവാങ്ങി സ്‌കാനിങ് നടപടികള്‍ പൂര്‍ത്തിയാക്കി. രണ്ട് ദിവസങ്ങളിലായി നടക്കുന്ന സ്‌കാനിങ് പൂര്‍ത്തിയാക്കിയ ശേഷം തരംതിരിച്ച മെഷീനുകള്‍ മാര്‍ച്ച് 25ന് മണ്ഡലങ്ങളിലെ റിട്ടേണിങ് ഓഫീസര്‍മാര്‍ക്ക് കൈമാറി മണ്ഡലത്തില്‍ ക്രമീകരിച്ച വെയര്‍ഹൗസിലേക്ക് മാറ്റും.

നിയമസഭാ തിരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങളുടെ തുടക്കം മുതല്‍ വോട്ടെണ്ണല്‍ വരെ എല്ലാ പ്രചാരണ പരിപാടികളിലും ഹരിതചട്ടം കര്‍ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്നേഹില്‍ കുമാര്‍ സിങ് നിര്‍ദേശിച്ചു. ഹരിതചട്ടവുമായി ബന്ധപ്പെട്ട് ചേര്‍ന്ന യോഗത്തില്‍ സംസാരിക്കുകയായിരുന്നു കലക്ടര്‍. 

ഗതാഗത നിയന്ത്രണം
 
തിരുവമ്പാടി നിയോജക മണ്ഡലത്തിലെ നൂറാംതോട് പാലം പുനര്‍നിര്‍മാണം നടക്കുന്നതിനാല്‍ ഇന്ന് (മാര്‍ച്ച് 24) മുതല്‍ പ്രവൃത്തി അവസാനിക്കുന്നത് വരെ ഗതാഗത നിയന്ത്രണം ഉണ്ടാകും. അടിവാരത്തുനിന്ന് തുഷാരഗിരി-വട്ടച്ചിറ ഭാഗത്തേക്ക് പോകുന്ന വാഹനങ്ങള്‍ നൂറാംതോട് മുസ്‌ലിം പള്ളിക്ക് ഇടതു വശത്തുള്ള കരിമ്പ് റോഡില്‍നിന്ന് മുട്ടിത്തോട് വഴി പോകണം. അടിവാരം ഭാഗത്തേക്കുള്ള വാഹനങ്ങള്‍ക്ക് ഇതേ റോഡ് വഴിയും ചാമുണ്ഡി പാലക്കല്‍ സ്‌കൂള്‍ റോഡ് വഴിയും പോകാമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

തെരഞ്ഞെടുപ്പ് നടപടികള്‍ റദ്ദാക്കി