ജനനസര്‍ട്ടിഫിക്കറ്റ്, ആധാര്‍കാര്‍ഡ്, പാന്‍കാര്‍ഡ്, റേഷന്‍ കാര്‍ഡ്, തെരഞ്ഞെടുപ്പ് തിരിച്ചറിയില്‍കാര്‍ഡ്, ജാതി സര്‍ട്ടിഫിക്കറ്റ്, വരുമാനസര്‍ട്ടിഫിക്കറ്റ്, എപ്ലോയ്മെന്റ് രജിസ്ട്രേഷന്‍, ആരോഗ്യ ഇന്‍ഷൂറന്‍സ് കാര്‍ഡ്, തൊഴില്‍കാര്‍ഡ്, ബാങ്ക് അക്കൗണ്ട് അടക്കമുള്ള 11 രേഖകളാണ് ഗോത്രവർഗ വിഭാഗം അവശ്യ രേഖാ അദാലത്തിൽ 168 ഉന്നതികളിൽ നിന്നുള്ള ആദിവാസികൾക്ക് ലഭ്യമാക്കുന്നത്. രേഖകളുടെ വിതരണ ഉദ്ഘാടനം മന്ത്രി കെ. എ. തുളസി നിർവഹിച്ചു. അരുവക്കോട് കുംഭാര സമുദായത്തിനായി നിർമിച്ച 20 ലക്ഷം രൂപയുടെ കെട്ടിടവും മന്ത്രി ഉദ്ഘാടനം ചെയ്തു.

ആലപ്പുഴ ജില്ലയിലെ പ്രവാസികൾ നേരിടുന്ന പ്രശ്നങ്ങളുടെ സത്വര പരിഹാരത്തിനായി ജില്ലാ കളക്ടർ ചെയർമാനും തദ്ദേശസ്വയംഭരണ വകുപ്പ് ജോയിന്റ് ഡയറക്ടർ കൺവീനറുമായ ജില്ലാതല പ്രവാസി പരാതി പരിഹാര കമ്മിറ്റിയുടെ  യോഗം ആഗസ്റ്റ് 10-ന് രാവിലെ 10.30-ന് കളക്ടറേറ്റിലെ എ.ഡി.എമ്മിന്റെ ചേമ്പറിൽ നടത്തപ്പെടുന്നു. ആഗസ്റ്റ് അഞ്ച് വൈകുന്നേരം 4.00 മണിക്ക്  മുമ്പായി  ആലപ്പുഴ ജില്ലാ തദ്ദേശസ്വയംഭരണ വകുപ്പ് ജോയിന്റ് ഡയറക്ടറുടെ കാര്യാലയത്തിൽ രേഖാമൂലം നേരിട്ടോ jdlsgdalp@gmail.com എന്ന ഇ-മെയിൽ വിലാസത്തിലോ പ്രവാസികൾക്ക് പരാതികൾ നൽകാം. ഫോൺ:0477- 2251599

അമ്പലപ്പുഴ-തിരുവല്ല റൂട്ടിൽ ചക്കുളത്ത് കാവ് നെടുമ്പ്രം വെളളക്കിണര്‍ ഭാഗത്തും, എടത്വ-കളങ്ങര ചങ്ങനാശ്ശേരി, എടത്വ-വീയപുരം-ഹരിപ്പാട്, എടത്വ-പാരേതോട് റോഡിലും, കണ്ടംകരി-ചമ്പക്കുളം റോഡിലും ജലനിരപ്പ് ഉയർന്നതിനാൽ പ്രസ്തുത റൂട്ടിലൂടെയുളള  ബസ് സർവീസ് താത്കാലികമായി നിർത്തിവെച്ചതായി കെ എസ് ആർ ടി സി എടത്വ ഇൻസ്പെക്ടർ ഇൻ ചാർജ് അറിയിച്ചു.

  ഇത്തവണത്തെ നെഹ്റു ട്രോഫി വള്ളംകളി പുതിയ തലമുറയായ 'ജെൻ സിയെയും കൂടി ആവേശത്തിലാക്കുന്ന തരത്തിൽ വിപുലമായ പ്രചാരണ പരിപാടികളോടെ സംഘടിപ്പിക്കുമെന്ന്  
എ ഡി തോമസ്  എം.എൽ.എ. 

​ആഗസ്റ്റ് 22-ന് പുന്നമടക്കായലിൽ നടക്കുന്ന 72-ാമത് നെഹ്റു ട്രോഫി വള്ളംകളിയുടെ സ്വാഗതസംഘം ഓഫീസ് ആലപ്പുഴ ആർ.ഡി.ഒ ഓഫീസിൽ ഉദ്ഘാടനം ചെയ്ത് സംസാരിക്കുകയായിരുന്നു  അദ്ദേഹം.

മുൻവർഷങ്ങളേക്കാൾ മികച്ച രീതിയിലായിരിക്കും ഇത്തവണത്തെ ജലോത്സവം സംഘടിപ്പിക്കുകയെന്നും അതിനായുള്ള  പ്രവർത്തനങ്ങൾ വേഗത്തിൽ പുരോഗമിക്കുകയാണെന്നും അദ്ദേഹം പറഞ്ഞു.

ആലപ്പുഴ ജില്ലയിൽ മഴക്കെടുതിയെത്തുടർന്ന് വിവിധ താലൂക്കുകളിലായി പ്രവർത്തിക്കുന്ന ദുരിതാശ്വാസ ക്യാമ്പുകളിലേക്ക് 1300 പേരെ മാറ്റിപ്പാർപ്പിച്ചു. ആകെ 30 ക്യാമ്പുകളിലായി 377 കുടുംബങ്ങളിലെ 541 പുരുഷന്മാരും 543 സ്ത്രീകളും 216 കുട്ടികളുമാണ് കഴിയുന്നത്.
ചെങ്ങന്നൂർ താലൂക്കിലാണ് ഏറ്റവും കൂടുതൽ പേർ ക്യാമ്പുകളിൽ കഴിയുന്നത്. ഇവിടെ 17 ക്യാമ്പുകളിലായി 213 കുടുംബങ്ങളിൽ നിന്നുള്ള 759 പേരാണ് കഴിയുന്നത്. ഇതിൽ 341 പുരുഷന്മാരും 303 സ്ത്രീകളും 115 കുട്ടികളുമുണ്ട്.

നിലമ്പൂരിൽ ഗോത്രവർഗ വിഭാഗം അവശ്യ രേഖാ അദാലത്ത് മന്ത്രി കെ.എ. തുളസി ഉദ്ഘാടനം ചെയ്തു

ജില്ലയിൽ ശക്തമായ മഴക്കെടുതി തുടരുന്ന സാഹചര്യത്തിൽ നെഹ്‌റു ട്രോഫി വള്ളംകളിക്ക് മുന്നോടിയായി പബ്ലിസിറ്റി കമ്മിറ്റി നാളെ ചൊവ്വാഴ്ച (4) നടത്താനിരുന്ന കമന്ററി മത്സരം മാറ്റിവെച്ചു. പുതുക്കിയ തീയതി പിന്നീട് അറിയിക്കും.

 സംസ്ഥാനത്തെ തീരപ്രദേശത്തും ഓഗസ്റ്റ് 7 വരെ മണിക്കൂറിൽ 60 കിലോമീറ്റർ വേഗതയിൽ ശക്തമായ കാറ്റ് ഉണ്ടാകാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാൽ മത്സ്യത്തൊഴിലാളികൾ കടലിൽ ഇറങ്ങരുതെന്ന് ജില്ലാ കലക്ടർ ആനി ജൂലാ തോമസ്. ഓഗസ്റ്റ് 7 വരെ കേരളതീരത്ത് മോശം കാലാവസ്ഥയും ശക്തമായ കാറ്റും പ്രക്ഷുബ്ധമായ കടലും കാരണം മത്സ്യബന്ധനത്തിന് പ്രതികൂലമായ സാഹചര്യമാണ്.

മൂഴിയാർ ഡാം തുറന്നു വിടാനുള്ള സാധ്യത പരിഗണിച്ചും കടലാക്രമണവും ശക്തമായ മഴയും  തുടരുന്നതിനാലും ആലപ്പുഴ
ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് (ആഗസ്‌റ്റ് മൂന്ന്) തിങ്കളാഴ്ച ജില്ലാ കളക്ടർ ഷാജി വി. നായർ അവധി പ്രഖ്യാപിച്ചു. അങ്കണവാടികൾക്കും ട്യൂഷൻ സെന്ററുകൾക്കും അവധി ബാധകമാണ്. പൊതു പരീക്ഷകൾക്ക് അവധി ബാധകമല്ല.