എം.സി റോഡിൽ എസ്.എച്ച് മൗണ്ട് ജംഗ്ഷനിൽ ഹോട്ടൽ ആനന്ദ്ഭവന് മുൻപിലായി കുഴി(സിങ്ക് ഹോൾ) രൂപപ്പെട്ടുണ്ടായ  അപകടാവസ്ഥ പരിഹരിക്കുന്നതിന്റെ  ഭാഗമായി ജൂൺ അഞ്ചു മുതൽ ഒരാഴ്ചത്തേക്ക് ഈ ഭാഗത്ത് കൂടിയുള്ള വാഹനഗതാഗതത്തിന് നിയന്ത്രണം ഏർപ്പെടുത്തിയതായി പൊതുമരാമത്തു വകുപ്പ് റോഡ്സ് മെയിന്റനൻസ് വിഭാഗം എക്സിക്യൂട്ടീവ് എൻജിനീയർ അറിയിച്ചു.

പട്ടികജാതി വികസന വകുപ്പിനു കീഴിലുള്ള കുറിച്ചി മോഡൽ റസിഡൻഷ്യൽ ഐറ്റിഐ യിൽ ഫുൾടൈം സ്വീപ്പറുടെ ഒഴിവിലേക്ക് ഏഴാം ക്ലാസ് വിജയിച്ച 35 നും 55 നും ഇടയിൽ പ്രായമുള്ള വൈകല്യങ്ങൾ ഇല്ലാത്ത  പുരുഷന്മാരിൽ നിന്ന് അപേക്ഷ ക്ഷണിച്ചു. യോഗ്യതയുള്ളവർ അസ്സൽ സർട്ടിഫിക്കറ്റുകളും പകർപ്പും സഹിതം ജൂൺ ഒൻപത് ചൊവ്വാഴ്ച രാവിലെ 11ന്് കുറിച്ചി ഗവണ്മെന്റ്  ഐറ്റിഐ ഓഫീസിൽ കൂടിക്കാഴ്ചയ്ക്ക് എത്തണം. ഫോൺ: 99544023159 9400448485, 9809110010.

വൈക്കം മറവൻതുരുത്തിൽ പ്രവർത്തിക്കുന്ന സ്പെഷ്യൽ തഹസിൽദാർ,പൊന്നുംവില (കിഫ്ബി)  ഓഫീസിന്റെ ഔദ്യോഗിക ആവശ്യത്തിനായി കരാറടിസ്ഥാനത്തിൽ ജൂൺ 15 മുതൽ 11 മാസത്തേയ്ക്ക് മോട്ടോർ ക്യാബ് വാഹനം ഡ്രൈവർ ഉൾപ്പെടെ  ലഭ്യമാക്കുന്നതിനായി ടെൻഡർ ക്ഷണിച്ചു. ജൂൺ12-ന് വൈകുന്നേരം മൂന്നുവരെ ടെൻഡറുകൾ സ്വീകരിക്കും.

പാത്താമുട്ടം ഗവൺമെന്റ് യു.പി. സ്‌കൂളിൽ പാർട്ട് ടൈം ജൂനിയർ ലാംഗ്വേജ് (ഹിന്ദി) അധ്യാപക തസ്തികയിൽ താൽക്കാലിക ഒഴിവുണ്ട്. ഹിന്ദി ഡിഗ്രി, സാഹിത്യാചാര്യ, കെ ടെറ്റ് യോഗ്യതകളുള്ളവർ അസൽ സർട്ടിഫിക്കറ്റുകളുമായി ജൂൺ ഒൻപതിന് (ചൊവ്വാഴ്ച) രാവിലെ 11ന് സ്‌കൂൾ ഓഫീസിൽ എത്തണം.

 ജില്ലാ എംപ്ലോയബിലിറ്റി സെന്റർ, പ്രമുഖ സ്വകാര്യ സ്ഥാപനങ്ങളിലെ നൂറിലധികം ഒഴിവുകളിലേക്ക് ജൂൺ ആറിന്(ശനിയാഴ്ച) രാവിലെ 10 മുതൽ കോട്ടയം ജില്ലാ എംപ്ലോയ്‌മെന്റ്‌റ് എക്‌സ്‌ചേഞ്ചിൽ പ്രവർത്തിക്കുന്ന എംപ്ലോയബിലിറ്റി സെന്ററിൽ വച്ച് അഭിമുഖം നടത്തും. അഭിമുഖത്തിൽ പങ്കെടുക്കുന്നതിനായി എംപ്ലോയബിലിറ്റി സെന്ററിൽ രജിസ്റ്റർ ചെയ്യേണ്ടതാണ്. ഫോൺ: 8138908657, 0481-2563451.

സംസ്ഥാന ടൂറിസം വകുപ്പിന് കീഴിലെ സ്ഥാപനമായ കേരള ഇൻസ്റ്റിറ്റൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസ് (കിറ്റ്സ്) എം.ബി.എ. ട്രാവൽ ആൻഡ് ടൂറിസം പ്രോഗ്രാമിന്റെ ഒഴിവുള്ള സീറ്റുകളിലേക്ക് ജൂൺ ആറിന് രാവിലെ 10.30ന് സ്പോട്ട് അഡ്മിഷൻ  നടത്തും. വിശദവിവരത്തിന്  www.kittsedu.org. എന്ന വെബ്സൈറ്റിലോ 9645176828 / 9446529467 എന്നീ നമ്പരുകളിലോ ബന്ധപ്പെടണം.

ഇൻഫർമേഷൻ പബ്ലിക് റിലേഷൻസ് വകുപ്പ് കോട്ടയം മേഖല ഡെപ്യൂട്ടി ഡയറക്ടറായി സി. മണിലാൽ ചുമതലയേറ്റു. കോഴിക്കോട് മേഖലാ ഡെപ്യൂട്ടി ഡയറക്ടറായി പ്രവർത്തിച്ചുവരികയായിരുന്നു.  പത്തനംതിട്ട ജില്ലാ ഇൻഫർമേഷൻ ഓഫീസർ, പി ആർഡി റിസർച്ച് ആൻഡ് റഫറൻസ് വിഭാഗം ഇൻഫർമേഷൻ ഓഫീസർ, വനിതാ കമ്മിഷനിലും നോർക്കയിലും പബ്ലിക് റിലേഷൻസ് ഓഫീസർ എന്നീ നിലകളിൽ പ്രവർത്തിച്ചിട്ടുണ്ട്.

കേരള ദേവസ്വം റിക്രൂട്ട്മെന്റ് ബോർഡ് 01.09.2025 ൽ വിജ്ഞാപനം ചെയ്ത - തിരുവിതാംകൂർ ദേവസ്വം ബോർഡിലെ അസിസ്റ്റന്റ് ലാ ഓഫീസർ (കാറ്റഗറി നമ്പർ 43/2025) തസ്തികയുടെ ഏപ്രിൽ 17ന് പ്രസിദ്ധീകരിച്ച ചുരുക്കപട്ടികയിൽ ഉൾപ്പെട്ടിട്ടുളള ഉദ്യോഗാർത്ഥികളുടെ പ്രമാണ പരിശോധന ജൂൺ 10 രാവിലെ 9 മുതൽ കേരള ദേവസ്വം റിക്രൂട്ട് മെന്റ് ബോർഡ് ഓഫീസിൽ നടത്തും.

തിരുവനന്തപുരം ചാല ഗവ.

ചിറയിൻകീഴ് താലൂക്ക് ആസ്ഥാന ആശുപ്രതിയിൽ റേഡിയോളജിസ്റ്റിന്റെ താൽക്കാലിക നിയമനത്തിന് അപേക്ഷ ക്ഷണിച്ചു. റേഡിയോ ഡയഗ്നോസിസിൽ എം.ഡി/ ഡി.എൻ.ബി ആണ് യോഗ്യത.