കേരള മത്സ്യതൊഴിലാളി ക്ഷേമനിധി ബോര്‍ഡ് മുഖേന പെന്‍ഷന്‍ കൈപ്പറ്റുന്ന ആധാര്‍ ബന്ധിപ്പിക്കാത്ത മുഴുവന്‍ മത്സ്യതൊഴിലാളികളും അനുബന്ധ തൊഴിലാളികളും വിധവാ പെന്‍ഷന്‍ ഗുണഭോക്താക്കളും ആഗസ്റ്റ് 10-നകം വിവരങ്ങള്‍ ബന്ധപ്പെട്ട ഫിഷറീസ് ഓഫീസുകളില്‍ എത്തിക്കണമെന്ന് മേഖല എക്‌സിക്യൂട്ടീവ് അറിയിച്ചു. പെന്‍ഷന്‍ തടസ്സപ്പെടാതിരിക്കാന്‍ ആധാര്‍ കാര്‍ഡ്, പെന്‍ഷന്‍ പാസ്ബുക്ക്, ബാങ്ക് പാസ്ബുക്ക്, റേഷന്‍ കാര്‍ഡ് എന്നിവയുടെ പകര്‍പ്പുകളാണ് നല്‍കേണ്ടത്. ഫോണ്‍: 0495 2383782.

മൃഗസംരക്ഷണ വകുപ്പിന് കീഴില്‍ പ്രവര്‍ത്തിക്കുന്ന മലപ്പുറം ജില്ലാ പഞ്ചായത്ത് ആതവനാട് കോഴിവളര്‍ത്തല്‍ കേന്ദ്രത്തില്‍ നിന്നും മുട്ട ഉല്പാദന പരിധി പൂര്‍ത്തിയായ ഗ്രാമശ്രീ കോഴികളെ ഇറച്ചി വിലയ്ക്ക് (കിലോയ്ക്ക് 100 രൂപ) വില്‍ക്കുന്നു. വില്പന ഓഗസ്റ്റ് ഏഴിന് ആരംഭിക്കും. പരിമിതമായ അളവില്‍ മാത്രമുള്ളതിനാല്‍ മുന്‍കൂട്ടി ബുക്ക് ചെയ്യുന്നതിനും കൂടുതല്‍ വിവരങ്ങള്‍ക്കുമായി ഓഫീസ് സമയങ്ങളില്‍ 0494 2960068 എന്ന  നമ്പറില്‍ ബന്ധപ്പെടണം.

മങ്കട ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ ഒന്നാം സെമസ്റ്റര്‍ ബിരുദ പ്രവേശനത്തിന് സ്‌പോര്‍ട്‌സ് ക്വാട്ട വിഭാഗത്തില്‍ ഒഴിവുകളുണ്ട്. ഇക്കണോമിക്‌സ്, ഇംഗ്ലീഷ്, ഹിസ്റ്ററി, മാത്തമാറ്റിക്‌സ്, ബി.കോം എന്നീ വിഷയങ്ങളില്‍ രണ്ടു വീതവും, ബി.ബി.എ, സൈക്കോളജി എന്നീ വിഷയങ്ങളില്‍ ഓരോ സീറ്റുമാണ് ഒഴിവുള്ളത്. താല്പര്യമുള്ള യോഗ്യരായ വിദ്യാര്‍ത്ഥികള്‍ സര്‍വകലാശാലാ രജിസ്‌ട്രേഷന്‍ പ്രിന്റൗട്ട്, യോഗ്യതാ സര്‍ട്ടിഫിക്കറ്റുകള്‍, സ്‌പോര്‍ട്‌സ് സര്‍ട്ടിഫിക്കറ്റുകള്‍ എന്നിവയുടെ പകര്‍പ്പുകള്‍ സഹിതം ഓഗസ്റ്റ് ഏഴിന് ഉച്ചയ്ക്ക് രണ്ടിനകം കോളേജ് ഓഫീസില്‍ നേരിട്ട് അപേക്ഷിക്കണം. ഫോണ്‍: 04933 202135, 9188900202.

പെരിന്തല്‍മണ്ണ ഗവ. പോളിടെക്‌നിക് കോളേജിലെ തുടര്‍വിദ്യാഭ്യാസ ഉപകേന്ദ്രത്തിന് കീഴില്‍ നടത്തുന്ന റഫ്രിജറേഷന്‍ ആന്‍ഡ് എയര്‍കണ്ടീഷനിങ്, മെക്കാനിക്കല്‍ ആന്‍ഡ് ഓട്ടോമൊബൈല്‍ എഞ്ചിനീയറിങ്, ഷിപ്പിങ് ആന്‍ഡ് ലോജിസ്റ്റിക്‌സ് എന്നീ കോഴ്സുകളിലേക്ക് പ്രവേശനം ആരംഭിച്ചു. അപേക്ഷാഫോമും കൂടുതല്‍ വിവരങ്ങളും ഓഫീസില്‍ നേരിട്ടോ 04933 228045 എന്ന ഫോണ്‍ നമ്പറിലോ ലഭിക്കും.

തെന്നല ഗ്രാമപഞ്ചായത്തിലെ 6, 12 എന്നീ വാര്‍ഡുകളില്‍ ഒഴിവുള്ള ആശാ വര്‍ക്കര്‍ തസ്തികകളിലേക്ക് യോഗ്യരായ സ്ത്രീകളില്‍ നിന്നും അപേക്ഷ ക്ഷണിച്ചു. പത്താം ക്ലാസ് പാസ്സായ, 25-നും 45-നും ഇടയില്‍ പ്രായമുള്ള, അതത് വാര്‍ഡുകളിലെ സ്ഥിരതാമസക്കാരായ വിവാഹിതര്‍ക്ക് (വിവാഹിത, വിവാഹമോചനം നേടിയവര്‍, വിധവകള്‍) അപേക്ഷിക്കാം. മുന്‍ ആശാ പ്രവര്‍ത്തകര്‍ക്കും ആരോഗ്യമേഖലയില്‍ സന്നദ്ധസേവനം നടത്തിയവര്‍ക്കും മുന്‍ഗണന നല്‍കും. താല്പര്യമുള്ളവര്‍ യോഗ്യത, തിരിച്ചറിയല്‍ രേഖകള്‍ എന്നിവ സഹിതം ഓഗസ്റ്റ് 11-ന് രാവിലെ 11 ന് തെന്നല കുടുംബാരോഗ്യ കേന്ദ്രത്തില്‍ നടക്കുന്ന അഭിമുഖത്തില്‍  പങ്കെടുക്കണം. ഫോണ്‍: 0494 2496006, 9037835924.

താനൂര്‍ ജി.ആര്‍.എഫ്.ടി.എച്ച്.എസ് താനൂര്‍ ഹൈസ്‌കൂള്‍ വിഭാഗത്തില്‍ ദിവസവേതന അടിസ്ഥാനത്തില്‍ പി.ഇ.ടി/വാര്‍ഡന്‍ തസ്തികയില്‍ താത്കാലിക നിയമനം നടത്തുന്നു. യോഗ്യരായ ഉദ്യോഗാര്‍ത്ഥികള്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളും പകര്‍പ്പുകളുമായി ഓഗസ്റ്റ് ആറിന്  രാവിലെ 11 ന് സ്‌കൂള്‍ ഓഫീസില്‍ നടക്കുന്ന അഭിമുഖത്തില്‍ പങ്കെടുക്കണം. ഫോണ്‍: 0494 2443721.

പാണ്ടിക്കാട് അസാപ് കമ്മ്യൂണിറ്റി സ്‌കില്‍ പാര്‍ക്കില്‍ ജി.എസ്.ടി. യൂസിങ് ടാലി അക്കൗണ്ടിംഗ് കോഴ്സിലേക്കുള്ള അഡ്മിഷന്‍ ആരംഭിച്ചു. കൊമേഴ്സ് ബിരുദധാരികള്‍ക്കും , അക്കൗണ്ടിംഗ്, ടാലി മേഖലയില്‍ അടിസ്ഥാന പരിജ്ഞാനമുള്ളവര്‍ക്കും അപേക്ഷിക്കാം. ഫോണ്‍- 9495999704.

കുടിശ്ശിക തുകയായ 8,74000/ രൂപ ഈടാക്കുന്നതിനായി പെരിന്തല്‍മണ്ണ താലൂക്കിലെ ആലിപ്പറമ്പ് വില്ലേജില്‍ സര്‍വേ നമ്പര്‍ 84/1147 ല്‍ ഉള്‍പ്പെട്ട 01.62 ആര്‍സ് ഭൂമി ഓഗസ്റ്റ് 11 ന് രാവിലെ 11 ന് ആലിപ്പറമ്പ് വില്ലേജ് ഓഫീസ് കോംപൗണ്ടില്‍ ലേലം ചെയ്യും.

മഞ്ചേരി സര്‍ക്കാര്‍ മെഡിക്കല്‍ കോളേജിലെ വിവിധ വിഭാഗങ്ങളില്‍ ഒഴിഞ്ഞുകിടക്കുന്ന ജൂനിയര്‍ റസിഡന്റ് തസ്തികകളിലേക്ക്  ഒരു വര്‍ഷത്തേക്ക് കരാര്‍ അടിസ്ഥാനത്തില്‍ നിയമനം നടത്തുന്നു. എം.ബി.ബി.എസ് ബിരുദവും ടി.സി.എം.സി രജിസ്‌ട്രേഷനുമാണ് യോഗ്യത. താല്പര്യമുള്ള ഉദ്യോഗാര്‍ത്ഥികള്‍ യോഗ്യത, പ്രവൃത്തിപരിചയം, വയസ്സ് എന്നിവ തെളിയിക്കുന്ന അസല്‍ രേഖകളുമായി ഓഗസ്റ്റ് ഏഴിന് രാവിലെ 10.30-ന് പ്രിന്‍സിപ്പല്‍ ഓഫീസില്‍ നടക്കുന്ന കൂടിക്കാഴ്ചയില്‍ പങ്കെടുക്കണം. ഫോണ്‍: 0483 2764056.

കോട്ടക്കല്‍ മുനിസിപ്പാലിറ്റി, പൊന്മള, കോഡൂര്‍, ഒതുക്കുങ്ങല്‍ പഞ്ചായത്തുകളിലെ അങ്കണവാടികളിലേക്ക് 2026 സെപ്റ്റംബര്‍ മുതല്‍ 2027 മാര്‍ച്ച് 31 വരെ പാല്‍, കോഴിമുട്ട എന്നിവ വിതരണം ചെയ്യുന്നതിന് അംഗീകൃത മില്‍മ ഏജന്റുകള്‍, ക്ഷീര സഹകരണ സംഘങ്ങള്‍, മറ്റ് ഏജന്‍സികള്‍ എന്നിവരില്‍ നിന്നും ടെന്‍ഡറുകള്‍/ക്വട്ടേഷനുകള്‍ ക്ഷണിച്ചു. ഓഗസ്റ്റ് 17 ന് ഉച്ചയ്ക്ക് ഒരു മണിക്കകം ടെന്‍ഡറുകള്‍ ലഭ്യമാക്കണം. (മുട്ട വിതരണ ടെന്‍ഡര്‍ ഫോം വില്‍പ്പന ഓഗസ്റ്റ് 17 ഉച്ചയ്ക്ക് 12 വരെ). ഫോണ്‍: 7025127584, 9847171331, 9961077672, 7034725729, 7592935143.