നിയമസഭ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ ആന്റി ഡിഫെയ്സ്മെന്റ് സ്‌ക്വാഡ് നടത്തിയ പരിശോധനയില്‍ 14,277 അനധികൃത പ്രചാരണ സാമഗ്രികള്‍ നീക്കം ചെയ്തു. സര്‍ക്കാര്‍ പരിധിയിലെ ഇടങ്ങളില്‍നിന്ന് 489 ചുവരെഴുത്തുകളും 9,712 പോസ്റ്ററുകളും ബാനറുകളും ഉള്‍പ്പെടെ 13638, സ്വകാര്യ ഇടങ്ങളില്‍നിന്ന് 114 പോസ്റ്ററുകള്‍, 115 ബാനറുകളും ഫ്ളക്സ് ബോര്‍ഡുകളും, 410 കൊടിതോരണങ്ങള്‍ എന്നിവ ഉള്‍പ്പെടെ 639 എന്നിങ്ങനെയാണ് പ്രചാരണ സാമഗ്രികള്‍ നീക്കം ചെയ്തത്. ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്‌നേഹില്‍ കുമാര്‍ സിങ്ങിന്റെ നിര്‍ദേശപ്രകാരമാണ് നടപടി.

ജില്ലയില്‍ നിയമസഭ തിരഞ്ഞെടുപ്പ് പോളിങ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥര്‍ക്ക് മാർച്ച്‌ 29 വരെ പോസ്റ്റല്‍ ബാലറ്റിന് അപേക്ഷിക്കാം. തിരഞ്ഞെടുപ്പ് ഡ്യൂട്ടിയുള്ള ഉദ്യോഗസ്ഥരുടെ പരിശീലനത്തിനായി നിശ്ചയിക്കപ്പെട്ട വിവിധ കേന്ദ്രങ്ങളില്‍ സജ്ജമാക്കിയ കലക്ഷന്‍ സെന്ററുകളില്‍ രാവിലെ 10 മുതല്‍ വൈകീട്ട് അഞ്ച് വരെ ഫോം 12 മുഖേന അപേക്ഷ സമര്‍പ്പിക്കാം. നിലവില്‍ പരിശീലനമില്ലാത്ത രണ്ടാം പോളിങ് ഓഫീസര്‍, മൂന്നാം പോളിങ് ഓഫീസര്‍ എന്നിവര്‍ക്കും പരിശീലന കേന്ദ്രത്തില്‍ ഫോം 12 ല്‍ അപേക്ഷ നല്‍കാം.

#ജില്ലയിലെ വിവിധ ആശുപത്രികളിലെ ഡോക്ടർമാരുടെ യോ​ഗം ചേർന്നു#

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ വിവിധ ആശുപത്രികളിലെ ഡോക്ടർമാരുടെ യോ​ഗം കളക്ടറേറ്റിൽ ചേർന്നു. ജില്ലാ കളക്ടർ അനു കുമാരി അധ്യക്ഷത വഹിച്ചു.

ഇവിഎം മെഷീനുകളുടെ ആദ്യ ഘട്ട കമ്മീഷനിം​ഗ് നടക്കുന്ന ഏപ്രിൽ ഒന്നിനും മെഷീനുകളുടെ സ്വീകരണ വിതരണ ദിവസമായ ഏപ്രിൽ 8നും വിവിധ കേന്ദ്രങ്ങളിൽ ആംബുലൻസ് ഉൾപ്പെടെയുള്ള മെഡിക്കൽ ടീം സജ്ജമാക്കുമെന്ന് കളക്ടർ അറിയിച്ചു. മാർ ഇവാനിയോസ് കോളേജിൽ സജ്ജമാക്കുന്ന 14 വോട്ടെണ്ണൽ കേന്ദ്രങ്ങളിലും എമർജൻസി മെഡിക്കൽ ടീമിനെ ക്രമീകരിക്കും.

നാമനിർദ്ദേശ പത്രിക പിൻവലിക്കുന്നതിനുള്ള സമയം അവസാനിച്ചപ്പോൾ ജില്ലയിൽ തിരഞ്ഞെടുപ്പ് രംഗത്ത് 105 സ്ഥാനാർത്ഥികൾ. വിവിധ മണ്ഡലങ്ങളിൽ നിന്നായി 10  സ്ഥാനാർത്ഥികൾ നാമനിർദ്ദേശ പത്രിക പിൻവലിച്ചു. അഞ്ചുപേർ പത്രിക പിൻവലിച്ച തിരുവനന്തപുരം മണ്ഡലത്തിൽ നിന്നാണ് ജില്ലയിൽ ഏറ്റവും കൂടുതൽ പേർ നാമ നിർദ്ദേശ പത്രിക പിൻവലിച്ചത്.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലാ ആസൂത്രണ സമിതി കോൺഫറൻസ് ഹാളിൽ സംഘടിപ്പിച്ച പോസ്റ്റൽ ബാലറ്റ് മാനേജ്മെൻ്റ് പരിശീലനം ജില്ലാ കളക്ടർ കെ ഇമ്പശേഖർ ഉദ്ഘാടനം ചെയ്തു. റിട്ടേണിംഗ് ഓഫീസർമാർ, പോസ്റ്റൽ ബാലറ്റ് നോഡൽ ഓഫീസറും സംഘവും, പോസ്റ്റൽ ബാലറ്റ് ഡ്യൂട്ടിക്ക് നിയോഗിച്ച ഉദ്യോഗസ്ഥർ എന്നിവർക്കായി സംഘടിപ്പിച്ച പരിശീലന പരിപാടിയിൽ ജില്ലയിലെ 120 ഓളം ഉദ്യോഗസ്ഥർ പങ്കെടുത്തു. സംസ്ഥാനതല മാസ്റ്റർ പരിശീലകൻ പി പി ഉദയസിംഹൻ, ജില്ലാതല മാസ്റ്റർ പരിശീലകൻ എസ് എം ഫമിൻ, ടെക്നിക്കൽ വിഭാഗം ട്രെയിനർമാരായ ദേവുമോൻ, പ്രശാന്ത് തുടങ്ങിയവർ ക്ലാസ് നയിച്ചു.

നിയമസഭ തെരഞ്ഞെടുപ്പുമായി ബന്ധപ്പെട്ട് ജില്ലയിലെ ഒൻപതു നിയോജക മണ്ഡലങ്ങളിലേക്കുള്ള വോട്ടിംഗ് യന്ത്രങ്ങളുടെ വിതരണം ഇന്ന് (മാർച്ച്‌ 27) ആരംഭിക്കും. കളക്ട്രേറ്റ് കോമ്പൗണ്ടിലുള്ള ഇലക്ഷന്‍ വെയര്‍ഹൗസില്‍ നിന്ന് രാവിലെ ഏഴ് മണിക്ക് രാഷ്ട്രീയ പാര്‍ട്ടി പ്രതിനിധികളുടെ സാന്നിദ്ധ്യത്തിൽ വിതരണം നടക്കും. ഓരോ നിയോജക മണ്ഡലത്തിലേക്കും അനുവദിച്ച വോട്ടിംഗ് യന്ത്രങ്ങൾ അതാത് മണ്ഡലത്തിലെ വരണാധികാരികൾക്ക് കൈമാറും. വോട്ടിംഗ് യന്ത്രങ്ങൾ അതത് മണ്ഡലങ്ങളിലെ സ്വീകരണ-വിതരണ കേന്ദ്രങ്ങളിൽ പ്രത്യേകം സജ്ജമാക്കിയ സ്ട്രോങ്ങ് റൂമുകളില്‍ സായുധ പോലിസ് കാവലില്‍ സൂക്ഷിക്കും.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെത്തിയ പൊലീസ് നിരീക്ഷകൻ അവിജിത്ത് ബാനർജി രാവിലെ ഒമ്പത് മണി മുതൽ 10 മണിവരെ ആലപ്പുഴ ഗവ. ഗസ്റ്റ് ഹൗസിൽ നേരിട്ട് കാണുന്നതിന് അവസരമുണ്ട്. ഫോൺ: 8138983613.

ഹരിപ്പാട്, കായംകുളം, മാവേലിക്കര, ചെങ്ങന്നൂർ മണ്ഡലങ്ങളുടെ ചുമതലയുള്ള പൊതു നിരീക്ഷകൻ പദും സിംഗ് അൽമ രാവിലെ ഒമ്പത് മണിമുതൽ 10 മണിവരെ എൻ ടി പി സി ഗസ്റ്റ് ഹൗസിൽ ജനങ്ങളെ കാണും. ഫോൺ : 7511176726.

*ജില്ലയിലെ ഒമ്പത് മണ്ഡലങ്ങളിലായി 48 സ്ഥാനാര്‍ഥികള്‍

ഏപ്രിൽ ഒമ്പതിന് നടക്കുന്ന നിയമസഭാ തിരഞ്ഞെടുപ്പിന്റെ ജില്ലയിലെ അന്തിമ സ്ഥാനാര്‍ഥി പട്ടികയായി. നാമനിര്‍ദേശ പത്രിക പിന്‍വലിക്കാനുള്ള സമയപരിധി വ്യാഴാഴ്ച്ച പകല്‍ മൂന്ന് മണിക്ക് അവസാനിച്ചപ്പോള്‍ ജില്ലയിലെ ഒമ്പത് നിയമസഭാ മണ്ഡലങ്ങളിലായി 48 സ്ഥാനാര്‍ഥികളാണ് മത്സര രംഗത്തുള്ളത്. മണ്ഡലം, സ്ഥാനാര്‍ഥി, പാര്‍ട്ടി, ചിഹ്നം എന്നിവ യഥാക്രമം ചുവടെ,

അരൂർ മണ്ഡലം 
1.ദെലീമ 
കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്)
ചുറ്റിക അരിവാൾ നക്ഷത്രം 

2.അഡ്വ. ഷാനിമോൾ ഉസ്മാൻ 
ഇന്ത്യൻ നാഷണൽ കോൺഗ്രസ് 
കൈ 

ആസന്നമായ നിയമസഭാ തെരഞ്ഞെടുപ്പിന് മുന്നോടിയായി സംസ്ഥാനത്ത് അന്തിമ വോട്ടർ പട്ടിക പ്രസിദ്ധീകരിച്ചതായി സംസ്ഥാന മുഖ്യ തിരഞ്ഞെടുപ്പ് ഓഫീസർ ഡോ. രത്തൻ യു കേൽക്കർ അറിയിച്ചു.

സംസ്ഥാന മുഖ്യ തിരഞ്ഞെടുപ്പ് ഓഫീസറുടെ വെബ്സൈറ്റിൽ (www.ceo.kerala.gov.in) അന്തിമ വോട്ടർ പട്ടിക വിവരങ്ങൾ ലഭ്യമാണ്. കൂടാതെ സൂക്ഷ്മ പരിശോധനകൾക്കായി താലൂക്ക് ഓഫീസുകളിലും ,വില്ലേജ് ഓഫീസുകളിലും, ബൂത്ത് ലെവൽ ഓഫീസറുടെ കൈവശവും അന്തിമ വോട്ടർ പട്ടിക ലഭിക്കും. അംഗീകൃത രാഷ്ട്രീയ പാർട്ടികൾക്ക് താലൂക്ക് ഓഫീസുകളിൽ നിന്ന് വോട്ടർ പട്ടിക കൈപ്പറ്റി സൂക്ഷ്മ പരിശോധന നടത്താം.

സാംസ്കാരിക വകുപ്പിന് കീഴിലുള്ള ആലപ്പുഴ ജില്ലാ ജവഹർ ബാലഭവനിൽ സംഘടിപ്പിക്കുന്ന അവധിക്കാല ക്ലാസുകൾ-ഗ്രീഷ്മോത്സവം ഏപ്രിൽ ഒന്നിന് ആരംഭിക്കും. മെയ് 28 വരെ തിങ്കൾ മുതൽ ശനി വരെ രാവിലെ 10 മണി മുതൽ ഉച്ചക്ക് 12.30 വരെയാണ് ക്ലാസുകൾ. ശാസ്ത്രീയ സംഗീതം, ലളിത സംഗീതം, നൃത്തം, ചിത്രരചന, വയലിൻ, മൃദംഗം, തബല, ഗിത്താർ, കീ ബോർഡ്, ജാസ് ഡ്രംസ്, ക്ലേ മോഡലിങ്, കരാട്ടേ, സ്പോക്കൺ ഇംഗ്ലീഷ് എന്നിവയിൽ കുട്ടികൾക്ക് പരിശീലന സൌകര്യമുണ്ട്. കൂടാതെ മോട്ടിവേഷൻ ക്ലാസുകൾ, സാംസ്കാരിക പ്രതിഭകളുമായുള്ള സംവാദം, മ്യൂസിക് പ്രൊഡക്ഷൻ കോഴ്സ് എന്നിവയും ഉണ്ടാകും.