സ്റ്റേറ്റ് ന്യൂട്രീഷൻ ആൻ്റ് ഡയറ്റ് റിലേറ്റഡ് ഇൻറർവെൻഷൻ പ്രോഗ്രാമിന്റെ ഭാഗമായി ആലപ്പുഴ ജില്ലാ മെഡിക്കൽ ഓഫീസ് കേരള സർവകലാശാല അധ്യാപന കലാലയം കുന്നം, മാവേലിക്കര എൻഎസ്എസ് യൂണിറ്റുമായി സഹകരിച്ച് ഹെൽത്തി ബൈറ്റ്സ് പരിപാടി സംഘടിപ്പിച്ചു. ഇൻറർ കോളേജ് തലത്തിൽ നടന്ന മത്സരങ്ങൾ വൈവിധ്യം കൊണ്ടും വിദ്യാർത്ഥികളുടെ പങ്കാളിത്തം കൊണ്ടും ശ്രദ്ധേയമായി. ആരോഗ്യ ഭക്ഷണ ശീലങ്ങളിൽ റെയിൻബോ ഡയറ്റിന്റെ പ്രാധാന്യം വെളിവാക്കുന്ന ബുള്ളറ്റിൻ ബോർഡ് തയ്യാറാക്കുന്നതായിരുന്നു മത്സര ഇനങ്ങളിലൊന്ന്. 'ഹെൽത്തി ബൈറ്റ്' എന്ന പേരിൽ ഡെപ്യൂട്ടി ജില്ല എജ്യൂക്കേഷൻ മീഡിയ ഓഫീസർ ഡോ സേതുനാഥ് പ്രശ്നോത്തരി നയിച്ചു.

കേരള സർക്കാർ സ്ഥാപനമായ കേരള സ്റ്റേറ്റ് റൂട്രോണിക്‌സ് സർട്ടിഫിക്കറ്റോട് കൂടി തിരുവനന്തപുരം ആറ്റിങ്ങൽ അംഗീകൃത പഠനകേന്ദ്രങ്ങളിലേക്ക് ഒരുവർഷം ദൈർഘ്യമുള്ള പ്രൊഫഷണൽ ഹോസ്‌പിറ്റൽ അഡ്‌മിനിസ്ട്രേഷൻ ഡിപ്ലോമ കോഴ്സിലേക്ക് ഇന്റേൺഷിപ്പോടുകൂടി റഗുലർ, പാർട്ട് ടൈം ബാച്ചുകളിലേക്ക് പ്ലസ് ടു കഴിഞ്ഞവരിൽ നിന്നും അപേക്ഷ ക്ഷണിച്ചു. വിശദവിവരങ്ങൾക്ക് ഫോൺ: 7994926081

2025-26 സാമ്പത്തിക വർഷത്തെ പദ്ധതി നടത്തിപ്പിന്റെ അവസാനഘട്ടമായതിനാലും പൊതുതെരഞ്ഞെടുപ്പ് മാതൃകാ പെരുമാറ്റച്ചട്ടം നിലനിൽക്കുന്നതിനാലും മാർച്ച് മാസം ജില്ലാ വികസന സമിതി യോഗം ചേരില്ലെന്ന് ജില്ലാ കളക്ടർ അറിയിച്ചു.

ചേര്‍ത്തല-മാരാരിക്കുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 42 (തിരുവിഴ ടെംബിൾ  ഗേറ്റ്) മാര്‍ച്ച് 26ന് വൈകിട്ട്  ആറു  മണി മുതല്‍ 31 ന് വൈകിട്ട്  ആറ് മണി വരെ അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 43 (കണിച്ചുകുളങ്ങര  ഗേറ്റ്)  വഴി പോകണം.

•    സ്ത്രീ വോട്ടർമാർ കൂടുതൽ
നിയമസഭാ തിരഞ്ഞെടുപ്പിൽ ആലപ്പുഴ ജില്ലയിലെ ഒമ്പത് മണ്ഡലങ്ങളിലായി ആകെയുള്ളത് 16,82,697 വോട്ടര്‍മാർ. 8,71,041 സ്ത്രീകളും 8,11,641 പുരുഷന്മാരും 15 ട്രാൻസ്ജെൻഡേഴ്‌സുമാണ് ജില്ലയിലുള്ളത്. മാർച്ച് 23 വരെയുള്ള കണക്കാണിത്. 
നിയോജക മണ്ഡലാടിസ്ഥാനത്തിലുള്ള  വിശദവിവരങ്ങള്‍ ചുവടെ: പുരുഷന്‍, സ്ത്രീ, ട്രാൻസ്ജെൻഡർ, ആകെ എന്ന ക്രമത്തില്‍,
അരൂർ 
•    പുരുഷൻ: 93883
•    സ്ത്രീ: 97582
•    ട്രാൻസ്ജെൻഡർ: 0
•    ആകെ: 191465
ചേർത്തല 
•    പുരുഷൻ: 99816
•    സ്ത്രീ: 106198 
•    ട്രാൻസ്ജെൻഡർ: 2
•    ആകെ: 206016

കായംകുളം മണ്ഡലത്തിലെ സ്ഥാനാർഥി യു പ്രതിഭക്കെതിരെ വ്യക്തിഹത്യയും ആക്ഷേപകരവുമായ പരാമർശം നടത്തിയ സംഭവത്തിൽ മാതൃകാപെരുമാറ്റച്ചട്ട ലംഘനം ശ്രദ്ധയിൽപ്പെട്ടതിനെത്തുടർന്ന് കേസെടുക്കാൻ ജില്ലാ തിരഞ്ഞെടുപ്പ് ഉദ്യോഗസ്ഥൻ കൂടിയായ ജില്ലാ കളക്ടർ പൊലീസിന് നിർദേശം നൽകി.

ആലപ്പുഴ ജില്ലയിൽ നിയമസഭാ തിരഞ്ഞെടുപ്പിന്റെ മറവിൽ വ്യാപകമായി നിലം നികത്തുന്നതായി പരാതികൾ ഉയർന്ന സാഹചര്യത്തിൽ, ഇത്തരം അനധികൃത പ്രവൃത്തികൾ തടയുന്നതിന് താലൂക്ക് തലത്തിൽ നടപടികൾ സ്വീകരിക്കാൻ ജില്ലാ കളക്ടർ ഉത്തരവിട്ടു. ഇതിന്റെ ഭാഗമായി ചെങ്ങന്നൂർ, മാവേലിക്കര, കാർത്തികപ്പള്ളി താലൂക്കുകളുടെ നിരീക്ഷണ ചുമതല ഡി.എം ഡെപ്യൂട്ടി കളക്ടർക്കും, അമ്പലപ്പുഴ, ചേർത്തല, കുട്ടനാട് താലൂക്കുകളുടെ ചുമതല എൽ.എ എൻ.എച്ച് ഡെപ്യൂട്ടി കളക്ടർക്കും നൽകി. താലൂക്ക് തലത്തിൽ പൊലീസ് പട്രോളിംഗ് ഊർജ്ജിതപ്പെടുത്താൻ ജില്ലാ പൊലീസ് മേധാവിക്ക് നിർദ്ദേശം നൽകിയിട്ടുണ്ട്.

നിയമസഭ തെരഞ്ഞെടുപ്പുമായി ബന്ധപ്പെട്ട് പോസ്റ്റൽ ബാലറ്റ് മാനേജ്മെന്റിനെക്കുറിച്ചുള്ള പരിശീലനം ഇന്ന് (മാർച്ച്‌ 26) രാവിലെ 10  മണിക്ക് കലക്ടറേറ്റ് കോൺഫറൻസ് ഹാളിൽ സംഘടിപ്പിക്കും. റിട്ടേണിംഗ് ഓഫീസർ,  പോസ്റ്റൽ ബാലറ്റ് നോഡൽ ഓഫീസറും സംഘവും, പോസ്റ്റൽ ബാലറ്റ് ഡ്യൂട്ടിക്ക് നിയോഗിച്ച ഉദ്യോഗസ്ഥർ എന്നിവർ നിർബന്ധമായും പരിശീലനത്തിൽ  പങ്കെടുക്കണമെന്ന് ജില്ലാ കളക്ടർ അറിയിച്ചു.

നിയമസഭാ തെരഞ്ഞെടുപ്പില്‍ പോളിങ് ജോലികള്‍ക്കായി നിയമിതരായ ഉദ്യോഗസ്ഥരില്‍ പ്രിസൈഡിങ് ഓഫീസര്‍, ഫസ്റ്റ് പോളിങ് ഓഫീസര്‍ എന്നിവര്‍ക്കുള്ള ആദ്യഘട്ട പരിശീലനം വിവിധ പരിശീലന കേന്ദ്രങ്ങളില്‍ പുരോഗമിച്ചുവരികയാണ്. ഇവര്‍ പോസ്റ്റല്‍ ബാലറ്റിനുള്ള ഫോം 12 അതത് പരിശീലന കേന്ദ്രങ്ങളില്‍ നല്‍കണം. രണ്ടാംഘട്ട പരിശീലനത്തിനു വരുമ്പോള്‍ ഇവര്‍ക്ക് പോസ്റ്റല്‍ ബാലറ്റില്‍ വോട്ട് രേഖപ്പെടുത്തുന്നതിനുള്ള വോട്ടര്‍ ഫെസിലിറ്റേഷന്‍ സെന്റര്‍ (വി.എഫ്.സി) സൗകര്യം ഒരുക്കും.

പണം വിട്ടു നല്‍കാന്‍ ജില്ലാതല ഗ്രീവന്‍സ് കമ്മിറ്റി രൂപീകരിച്ചു

നിയമസഭാ തെരഞ്ഞെടുപ്പിനോടനുബന്ധിച്ചുള്ള വിവിധ സ്‌ക്വാഡുകളുടെ പരിശോധനയില്‍ മലപ്പുറം ജില്ലയില്‍ ഇതുവരെ പിടികൂടിയത് 3,91,31,190 രൂപയുടെ പണവും മദ്യവും മയക്കുമരുന്നുകളും മൊബൈല്‍ ഫോണുകളും മറ്റും. മാര്‍ച്ച് 15 മുതല്‍ 25 വരെയുള്ള ദിവസങ്ങളില്‍ പൊലിസ്, എക്‌സൈസ്, ഇന്‍കംടാക്‌സ്, ഡി.ആര്‍.ഐ, ഫ്ളയിംഗ് സ്‌ക്വാഡ്, എസ്.എസ്.ടി എന്നിവ നടത്തിയ പരിശോധനയിലാണ് ഇത്രയും മൂല്യമുള്ള വസ്തുക്കള്‍ പിടികൂടിയത്.