നിയമസഭ തിരഞ്ഞെടുപ്പുമായി ബന്ധപ്പെട്ട് പ്രശ്‌നബാധിത പോളിങ് സ്റ്റേഷനുകളില്‍ നിയമിക്കപ്പെട്ട മൈക്രോ ഒബ്‌സര്‍വര്‍മാര്‍ക്കുള്ള ഒന്നാംഘട്ട പരിശീലനം സംഘടിപ്പിച്ചു. കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിശീലനത്തില്‍ 202 പേര്‍ പങ്കെടുത്തു. ജനറല്‍ ഒബ്‌സര്‍വര്‍മാരായ അപ്നീത് റിയത്ത്, മുഹമ്മദ് ഐജാസ്, വിക്രം സിങ് മാലിക് എന്നിവര്‍ മൈക്രോ ഒബ്‌സര്‍വര്‍മാര്‍ക്ക് നിര്‍ദേശങ്ങള്‍ നല്‍കി. ജില്ലാ കലക്ടര്‍ സ്നേഹില്‍ കുമാര്‍ സിങ് പരിശീലന പരിപാടി സന്ദര്‍ശിച്ചു. 

 
ചെങ്ങന്നൂര്‍ സെന്‍ട്രല്‍ ഹാച്ചറിയില്‍ ഒരു ദിവസം പ്രായമുള്ള കോഴി, കാട കുഞ്ഞുങ്ങളെ ഏപ്രില്‍ ഏഴ് മുതല്‍ വില്‍ക്കപ്പെടും.   ബുക്കിംഗിന് ഫോണ്‍: 0479 2452277.
 
 

നിയമസഭാ  തിരഞ്ഞെടുപ്പുമായി ബന്ധപ്പെട്ട്  ഇരവിപുരം, ചാത്തന്നൂര്‍ നിയോജക മണ്ഡലങ്ങളിലെ ഇ വി എം കമ്മീഷനിംഗ് സെന്ററുകളുടെ സജ്ജീകരണങ്ങള്‍, പോളിംഗ് സാമഗ്രികളുടെ വിതരണ-സ്വീകരണകേന്ദ്രം, സ്ട്രോങ്ങ് റൂം എന്നിവയുടെ ഇലക്ട്രോണിക്സ്, ഇലക്ട്രിക്കല്‍, സിവില്‍ വര്‍ക്കുകള്‍ക്ക് ജി എസ് ടി രജിസ്ട്രേഷന്‍ ഉള്ള സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു.  മാര്‍ച്ച് 27 വൈകിട്ട് അഞ്ചിനകം ഡെപ്യൂട്ടി കലക്ടര്‍ (എല്‍ ആര്‍) കലക്ടറേറ്റ്, കൊല്ലം, 691013   വിലാസത്തില്‍ ലഭ്യമാക്കണം. ഫോണ്‍: 0474 2793473.
 

ജില്ലാ സപ്ലൈ ഓഫീസിലേക്ക് ഏഴ് സീറ്റ്  വാഹനം (ഡ്രൈവര്‍ ഒഴികെ)   മൂന്ന് മാസത്തേക്ക് മാസ വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു.  ജില്ലാ സപ്ലൈ ഓഫീസ് കലക്ട്രേറ്റ് കൊല്ലം 691013 വിലാസത്തില്‍ മാര്‍ച്ച് 27 ഉച്ചയ്ക്ക് 2.30 നകം ലഭ്യമാക്കണം.  ഫോണ്‍: 0474 2794818.
 

  ചിറ്റുമല ശ്രീദുര്‍ഗ്ഗാദേവി ക്ഷേത്രത്തിലെ   തിരുവുത്സവദിനത്തോടനുബന്ധിച്ച് മാര്‍ച്ച് 31ന്   കിഴക്കേ കല്ലട ഗ്രാമപഞ്ചായത്തിനെ സമ്പൂര്‍ണ്ണ മദ്യനിരോധിത മേഖലയായി   ജില്ലാകലക്ടര്‍ പ്രഖ്യാപിച്ചു. ഗ്രാമപഞ്ചായത്ത് പരിധിയിലെ മദ്യവില്പന ശാലകള്‍ അന്നേ ദിവസം പ്രവര്‍ത്തിക്കാന്‍ പാടില്ലെന്നാണ് ഉത്തരവ്.
 
 

ജില്ലയിലെ വിവിധ കോടതികളിലെ ലേസര്‍ പ്രിന്ററുകളില്‍ ടോണര്‍ നിറക്കുന്നതിനും ഡ്രം, ബ്ലേഡ് എന്നിവ മാറുന്നതിനും പ്രവൃത്തിപരിചയമുള്ള സ്ഥാപനങ്ങളില്‍ നിന്നും   ക്വട്ടേഷന്‍ ക്ഷണിച്ചു.  ജില്ലാ ജഡ്ജി, ജില്ലാകോടതി കൊല്ലം -691013  വിലാസത്തില്‍  ഏപ്രില്‍ ഏഴ് രാവിലെ 11നകം ലഭ്യമാക്കണം. വിവരങ്ങള്‍ക്ക്: https:// kollam.dcourts.gov.in/ ഫോണ്‍: 0474 2794536.
 

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ വിവിധ മണ്ഡലങ്ങളിലേക്കുള്ള വോട്ടിങ് മെഷീനുകളുടെ വിതരണം പൂര്‍ത്തിയായി. ചാത്തമംഗലം വെയര്‍ ഹൗസില്‍ സൂക്ഷിച്ച വി വി പാറ്റ്, ഇലക്ട്രോണിക് വോട്ടിങ് മെഷീന്‍ തുടങ്ങിയവയാണ് മണ്ഡലങ്ങളില്‍ സജ്ജീകരിച്ച വെയര്‍ഹൗസുകളിലേക്ക് മാറ്റിയത്. 

കോഴിക്കോട് ഗവ. റസ്റ്റ് ഹൗസില്‍ നടന്ന ലോകായുക്ത സിറ്റിങ്ങില്‍ 22 പരാതികള്‍ പരിഗണിച്ചു. ഒരു പരാതി തീര്‍പ്പാക്കി. ലോകായുക്ത ജസ്റ്റിസ് എന്‍ അനില്‍കുമാര്‍, ഉപലോകായുക്ത ജസ്റ്റിസ് വി ഷര്‍സി എന്നിവരാണ് പരാതികള്‍ പരിഗണിച്ചത്. അടുത്ത സിറ്റിങ് ജൂലൈ ഒന്നിന് നടക്കും.

ജില്ലയില്‍ ഷിഗെല്ല, പക്ഷിപ്പനി തുടങ്ങിയ പകര്‍ച്ചവ്യാധികള്‍ റിപ്പോര്‍ട്ട് ചെയ്ത പശ്ചാത്തലത്തില്‍ അഡീഷണല്‍ ജില്ലാ മജിസ്‌ട്രേറ്റ് സി മുഹമ്മദ് റഫീഖിന്റെ അധ്യക്ഷയില്‍ വിവിധ വകുപ്പുകളുടെ ഏകോപന യോഗം ചേര്‍ന്നു. ജില്ലാ മെഡിക്കല്‍ ഓഫീസര്‍ ഡോ. കെ കെ രാജാറാം പകര്‍ച്ചവ്യാധി പ്രതിരോധ പ്രവര്‍ത്തനങ്ങള്‍ വിശദീകരിച്ചു. ജില്ലാ സര്‍വൈലന്‍സ് ഓഫീസര്‍ ഡോ. വി ആര്‍ ലതിക പകര്‍ച്ചവ്യാധി സംബന്ധിച്ച വിവരങ്ങള്‍ അവതരിപ്പിച്ചു.